معلومات المتقدم بالاستفسار :
العمر : 20 , الجنس : ذكر
الطول :175 متر
الوزن : 74 كيلوجرام
نسبة الدهون : 20%
و الاستفسار كالتالي :
السلام عليكم
استفساري كما في العنوان
التدريب صباحاً ام مساءاً افضل !؟
ربنا كرم بشغل الحمدلله وباذن الله ومشيئته هنزل اشتغل من بعد العيد انا بشتغل وبدرس وعموما لو رجعت في يوم من الجامعة او الشغل او لو رحت الاتنين في يوم واحد برجع همدان لان مشاويري كبيره جدا وجامعتي كمان بعيده عن بيتي والمشوار متعب غير التعب في الشغل او الدراسه وغالبا برجع همدان يادوب اكل وانام ومع الايام والشهور بيروح كل اللي عملته في جسمي وطبعا انا عاوز استمر ومش عاوز كده
قعدت ادور في مدينتي كتيييييير على جيم يكون سعره مهاود والاقيه فاتح بالنهار بس ملقتش ولسه من فتره قليله لقيت جيم بيفتح 24 ساعه ومناسب لي انا حاليا بتمرين من قبل رمضان وكنت قبل رمضان بتمرن بعد صلاة العصر ودلوقتي طبعا عشان الصيام بعد صلاة العشاء وعشان مقعش في نفس المشكله اللي كنت بقع فيها حبيت اني اشترك في الجيم الجديد ده ان شاء الله عشان بعد رمضان ان شاء الله اتمرن بالنهار الساعه 5 الفجر مثلا اصحى اصلي الفجر وافطر واتجه للجيم وارجع من هناك اخد الدش والبس هدومي واروح شغلي او دراستي ومش مهم ارجع همدان لاني خلاص هكون اتمرنت ...
بس مؤخرا قابلني موضوع هنا عالمنتدى ولقيت مشاركة من عضو طبيب في المنتدى قال ان الصباح هو اكثر فترة يكون الجسم يفرز فيها هرمون الCortisol وهو هرمون هدام وليس بناء
وتدريبك في وقت زيادته ممكن يخليك تخسر كتلة عضلية وان الافضل بعد العشاء بالضبط لزيادة الجي اتش الطبيعي في هذي الفترة
والموضوع ده طبعا خوفني قولت اعمل دعوة للنقاش كل واحد يقول معاد تدريبه الاساسي امتى وتجربته مع الصباح او المساء
وارجو كل اطباء وصيادلة المنتدى والكباتن الكبار يشاركونا ومشكور مقدما عالرد
