قصتي وتآخري ف اللعبة ؟

[حبي متعب]

معلومات المتقدم بالاستفسار :
العمر : ٢٣ , الجنس : ذكر

الطول :١٧٤ متر
الوزن : ٧٠ كيلوجرام



و الاستفسار كالتالي :
السلام عليكم ورحمة الله وبركاته
ومبارك عليكم ماتبقى من الشهر والله يجلعنا و اياكم من المعتوقين فيه

راح اقولكم قصتي مع اللعبة بالتفصيل الممل و ان شاء الله ماتملون هههه

بدايتي كانت بشهر ١٢ واليوم حنا بشهر ٩ يعني لي باللعبة تقريبا ١٠ شهور
لكن للاسف مافيه اي تطور ابدا رغم اني اصرف مبالغ كبيره ف الاكل والمكملات وجربت انواع كثير لين طفشت وقلت شكلي بمشي ع كلام المدرب و اخد لي كورس هرمون ،
اول شهرين لي باللعبه كانت ضايعه بين عدم التزام ب الاكل والتمارين واخطاء ف التكنيك وما الى ذلك من مشاكل المبتدئين !
بعدها دخلت في كورس ضخامه واستخدمت علبتين الدب الروسي ٥٠٠٠ و كرياتين و امينو ١٠٠٠٠ وملتي فيتامين
وكان شكلي باللبس واضح اني العب كمال اجسام يعني جسمي فرق لكن لما اشيل اللبس و اشوف الدهون وبطني الكبران يضيق صدري ووصلت لقناعة اني اوقف ضخامه بعد شهرين وكنت خلالها اكل اي شي قدامي صحي غير صحي مايرده الا الامعاء !

بعدها قلت لازم انشف الدهون ودخلت بكورس ( كومبات - ملتي فيتامين- ليبو٦بلاك )
استمريت لمدة شهرين ! وشلت كل شي بنيته -اذا كان فيه هههه- بالعربي الليبو خرب جسمي شال الدهن والعضل وكل شي جلست فيه شهر مع نظام غذائي سيئ ( لاني ماكنت اكل ٦ وجبات وكنت اغطي اغلب حاجتي من البروتين عن طريق المكمل )

وبعدها قلت بمشي بالحل الوسط يعني اكل صحي و اقطع المطاعم والغازيات وغيرها وتقريبا ماشي عليه ٧٠٪ الى هاليوم

طبعا خلال هالمدة اللي يعرفني يشوفني ويعرف ان لي ١٠ شهور بالنادي يضحك يقول ماتغير فيك شي ؟ واتحطم شوي لكن بعدها معد اهتم

اشوف ناس معي بالنادي ما شاء الله داخلين بعدي واجسامهم تطورت بشكل كبير عكسي تماما

اشوف معاناتي اكثر بالصدر والباي ! الصدر اكرفه بيومه والعب ٦ او ٧ تمارين وبعد مارجع البيت وانام اصحى الاقيه مشدود وتمام لكن يوم يومين ويرجع يترهل !

الباي اشوفه تكبر بشكل بطيى ومو بشكل دائري مع اني العب تكوير وتركيز ، الباي العبه ٥ او ٦ تمارين في يومه مع التراي وثلاث تمارين مع الظهر ،


انواع المكملات اللي استخدمتها : الملتي فيتامين والبروتين كانوا اساسيين واحيانا اضيف كرياتين مونيهدرات واقطعه لاني انقهر اذا شفت الشيكر بعد ماشربه باقي فيه جزيئات الكرياتين مايذوب ف الماء ابد ! و امينو وباور وريكفري

استخدمت بروتين : السينثا و الواي و كومبات والبروكومبلكس والدب الروسي وحاليا الايزو١٠٠

لعبت بالبدايه ١٠ - ١٠ - ١٠ وبعد شهرين لعبت ٨ - ٨ - ٦ وبعدها لعبت ١٢ - ١٠ - ٨ - ٦
واضح اني ضايع رغم اني اقرا كثير عن اللعبه وفاهم كثير واقدر افيد اللي قدامي بس ماقدرت افيد نفسي ؟

نوعت بالتمارين وبالجدول وحاليا جدولي :
ظهر وباي - صدر تراي - راحة - اكتاف - باي تراي - ارجل - راحة

مدربي كان خش كورس هرمون يعطيك دفعة قوية ( دينابول يوميا - ديكا اسبوعيا - تيسترون اسبوعيا )لمدة ٦ اسابيع !
انا متردد لان اشوف الجسم اللي ابي اوصل له مايحتاج هرمونات لكني طفشت من التاخير وجسمي نسبة التغير فيه ٢٪ في عشر شهور

شوروا علي و انصحوني هل اكمل تنشيف او اضخم بس اخاف اتعبى دهن او وش اسوي !
راح احط لكم صور لي وصور الاجسام اللي ابي جسمي مثلها وقولوا رايكم ..


صوري :











الصدر جدا سيىء بالذات اسفله ؟



الاجسام اللي ابي اوصل لها ان شاء الله :




أو



وآخيرا اسف على التاخير والله يجزى كل من يرد ويفيدني خير ويجزاه الجنة يارب

[Kurapica33]

يعني انت اذا اخذت الهرمون بتسير زي اخر صورة حاطها
ترا ملعوب عليك ومدربك ماعنده سالفه حتى لو اخذت الكورس خذها قاعده الي يجي بسرعه يروح بسرعه (غير الامراض الي راح تسير من وراه)

المشكله فيك الاكل <وهو اساس اللعبه
لازم تنظم وجباتك 5 بروتين وكارب ودهون صحيه
تلعب 5 ايام وتريح يومين
الكارديو تلعب مرتين بالاسبوع عشان تنزل الدهون
البطن 3 مرات بالاسبوع السبت الثلاثاء الخميس
العضلات الكبيره 5 تمارين
العضلات الصغيره 3 تمارين
جدول التمرين تمشي عليه مدة 4 اسابيع بعدين اتغير
تمرينك مياخذ اكثر من 45 دقيقه

وبالنهايه لو تغير ناديك وتشوفلك مدرب ثاني افضل من ابو الهرمونات
خش نادي جديد ولعب سويدي مدة شهر الا شهرين لين ينزل وزنك بعدها ادخل جديد وضخم صح

[eob717]

تابع موضوعي عن التضخيم وبتعرف ليش وصلت لهالنتيجة
عموما, المكملات لا تعطيها فوق حجمها..فهي مجرد مكمل لنظامك الغذائي وهالشي اكيد عارفه
الاساس اكلك, و عشان تفتك من هالمشكلة الي انت فيها
لازم تتعلم شلون تحسب السعرات الحرارية وعند اي نطاق تاكل

فمثلا بالتضخيم..3000 وطالع
بالتنشيف..2000 و تحت

وعدد السعرات يعتمد على وزنك
وتدريبك مثل ماقال ابو الشباب

[حبي متعب]

الله يجزاكم الف خير وشكرا لتعقيبكم ،
الكارديو العبه شبه يومي 20 دقيقة.بعد التمرين والبطن مرتين ب الاسبوع
ياليت تقولون وش اسوي اضخم ثم انشف او العكس ووش اركز عليه بالتمرين ووش نقاط الضعف ، كلي نقاط ضعف ههههه

وجدول تمرين مع عدد العدات وغيرها والاكل كيف يكون ؟



الاخ الثاني ممكن وابط موضوعك ،

[S.alkalbani]

ضخم اول شي ابني لك كتله عضليه محترمه وبعدين فكر بالتنشيف

ممكن تخلي عضلتين مع بعض مثل صدر وباي ظهر وتراي اكتاف ومثلثات ارجل وبطات وتريح يومين وتعيد

او كل يوم عضله لمده ٥ ايام صدر ظهر اكتاف ومثلثات باي وتراي ارجل وبطات

التكرار ياطويل العمر اول تمرين يكون ٤ جلسات ١٢ ١٠ ٨ ٨

وباقي التمارين ٣ جلسات ١٠ ٨ ٨

اللعبه اعتمادها الاول على الاكل حاول تزود كارب وبروتين وقلل الدهون

[حبي متعب]

الله يعافيك ماقصرت
لازلت انتظر رد كامل بالتفصيل ،،

[حبي متعب]

عدد المشاهدات والردود شي يحطم!
صعب نلوم مدربي الاندية انهم مايتجاوبون معنا لان هذا حال اغلب المتقدمين ف اللعبة

[StronGest]

وعليكم السلام ورحمه الله وبركاته
حبيبي لا تتوقع احد بالمنتدى بيعطيك جدول اكل محسوب وتمرين مخصص ،،،هاذا شغله مدرب خاص،،حنا نعطيك خطوط عريضه وتوجيهات عامه والباقي انت وشطارتك ،،غير ان كثير يردون عليك يمكن انت قبلهم باللعبه ومعلوماتك اكثر منهم ،،عموما جسمك فيه تحسن واضح خصوصا انك معترف انك كنت تخبص ولا تلتزم ،،،الصدر 7او6تمارين ليه تأخذ هرمون انت ؟؟ الباي 5 تمارين غير 3 يوم الظهر وتبيها تتكور ؟؟؟
هاذا اول خطا انت تلعب طبيعي وتعتبر مبتدا ،،،الصدر ٤ تمارين الباي ٢او ٣ بالكثير ونفس الكلام على باقي العضلات لا تمشي على جداول المدربين هم يأخذون أشياء ماتاخذها،،، العب 4 ايام وريح ٣ ،،عشان تعطي وقت للعضلة تكبر ،،الكارديو مشي سريع ،،٣ ايام بالأسبوع اذا حسيت الدهون زادت وتخربط بالاكل خليها 5 ايام كارديو،،لازم يوم راحه من كل شي ..
أنا حاولت أساعدك باللي اقدر عليه،، باقي عليك النوووم ماجبت طاريه وهو مهم مره ،،والأكل لعبتك،،، ولا تنسى اللعبه لعبه صبر ،،بالتوفيق يابطل

[StronGest]

وعليكم السلام ورحمه الله وبركاته
حبيبي لا تتوقع احد بالمنتدى بيعطيك جدول اكل محسوب وتمرين مخصص ،،،هاذا شغله مدرب خاص،،حنا نعطيك خطوط عريضه وتوجيهات عامه والباقي انت وشطارتك ،،غير ان كثير يردون عليك يمكن انت قبلهم باللعبه ومعلوماتك اكثر منهم ،،عموما جسمك فيه تحسن واضح خصوصا انك معترف انك كنت تخبص ولا تلتزم ،،،الصدر 7او6تمارين ليه تأخذ هرمون انت ؟؟ الباي 5 تمارين غير 3 يوم الظهر وتبيها تتكور ؟؟؟
هاذا اول خطا انت تلعب طبيعي وتعتبر مبتدا ،،،الصدر 4 تمارين الباي 2او 3 بالكثير ونفس الكلام على باقي العضلات لا تمشي على جداول المدربين هم يأخذون أشياء ماتاخذها،،، العب 4 ايام وريح 3 ،،عشان تعطي وقت للعضلة تكبر ،،الكارديو مشي سريع ،،3 ايام بالأسبوع اذا حسيت الدهون زادت وتخربط بالاكل خليها 5 ايام كارديو،،لازم يوم راحه من كل شي ..
أنا حاولت أساعدك باللي اقدر عليه،، باقي عليك النوووم ماجبت طاريه وهو مهم مره ،،والأكل لعبتك،،، ولا تنسى اللعبه لعبه صبر ،،بالتوفيق يابطل

[Big Al]

وعليكم السلام ورحمة الله وبركاته

الشباب ما شاء الله ما قصرو معاك

انا عندي نصيحة بسيطة

انت لحد الان ما عرفت الاكل الي ينسابك جسمك ولا تمرين ولا حتى مدربك عنده فكرة , وفي هذي المرحلة حتى لو اخذت هرمون ما راح تلاقي منه النتيجة المطلوبة ,, نعم راح تتحسن تحسن ملحوظ بشكل بسيط لكن ما راح تلاقي النتيجة الي تتوقعها وراح ينصحك الكابتن تاخذ مواد اقوى وبجرعات اكبر وفترات اطول وراح تمسك خط ماله نهاية

نصيحة من شخص جرب الهرمونات ومن الناس الي يدعم استخدامها بالمعقول طبعا, لسا بدري والله , مو موضوع فترة في اللعبة قد ماهو موضوع انك في وضعك الحالي ما راح تستفيد منه بالشكل المطلوب , ما زلت اتذكر اول كورس اخذته واتذكر اني زدت اقل من كيلو بسبب اني ما كنت اعرف كيف اتحسن بشكل طبيعي قبل ما افكر بالكورس, والمدرب الي ما عرف يخلك تتحسن طبيعي ما راح يفهم اي كورس انت تحتاجه عشان توصل هدفك

وبالنسبة للتحطيم والناس الي تقولك ما كانك تتمرن, هذول الناس يحسبون كل من شال حديدتين صار مثل سيلفستر في شهر ونص, اتذكر مريت بنفس المرحلة وجاني واحد ما عنده سالفة يقولي انا لو اتمرن ستة اشهر اصير اكبر منك واكون مقسم اكثر بعد , قهرني لكني تجاهلته وكملت , والان ولله الحمد لو تشوف الفرق جسمي وجسمه بعد 7 سنوات من كلمته والله تضحك عليه (اللهم لا شماتة)

استمر استمر ولا تقارن نفسك بغيرك وباذن الله توصل لمرحلة احسن من الي في الصور ,,,, واولها غير مدربك او ناديك

واسف على الاطالة

[حبي متعب]

بيض الله وجيهكم الله يرزقكم الجنة ، كلام جميل و ان شاء الله بعد العيد ببدا ارتب اكلي " خمس وجبات. "

مكملاتي بتكون: تروماس ، فيش اويل ، ملتي فيتامين،cla,كارننين ، سوبر شارج ، ارجنين ، ام ستاك،كازيين،زاما ، كرياتين سيل ماس ؟ كنها كثير هههههه

تمام والا انقص او اغير

[حبي متعب]

بيض الله وجيهكم الله يرزقكم الجنة ، كلام جميل و ان شاء الله بعد العيد ببدا ارتب اكلي " خمس وجبات. "

مكملاتي بتكون: تروماس ، فيش اويل ، ملتي فيتامين،cla,كارننين ، سوبر شارج ، ارجنين ، ام ستاك،كازيين،زاما ، كرياتين سيل ماس ؟ كنها كثير هههههه

تمام والا انقص او اغير

[S.alkalbani]

شو تبا تسوي بالضبط يالغالي لو تاخذ افضل المكملات واكبر قدر ممكن وانت ماتاكل وتتمرن وتنام صح فلوسك بتروح عالفاضي

ترو ماس ، ملتي فيتامين، فيش اويل، حق باور ارشح لك سي ٤ او اسوليت، كازين

كفايه انته مدخل سوبر وكيرياتين وسيل ماس!!!! كلهم كيرياتين

سي ال ايه ماينفع للتضخيم،، ارجنين ماله داعي،زاما حلو بيخليك ترقد اذا بترتب اكلك خذه

ام ستاك ماله داعي الحين ولا كارنتنين بعد ماله داعي

موفق اي استفسار لاتتررد

[Kurapica33]

ان شاء الله بعد العيد ببدا ارتب اكلي " خمس وجبات. "

مكملاتي بتكون: تروماس ، فيش اويل ، ملتي فيتامين،cla,كارننين ، سوبر شارج ، ارجنين ، ام ستاك،كازيين،زاما ، كرياتين سيل ماس ؟ كنها كثير هههههه

مشاء الله كل ذولي بتاخذهن شرايك تجيب لي بور على حسابك
شوف الافضل لك اول خطوه غير ناديك ادخل سويدي مع حديد نزل وزنك عشان تنزل الدهون
بعدها ارجع ضخم وخل المكملات وقت التضخيم ماتفيدك بوقتك الحالي

[حبي متعب]

بيض الله وجوهكم الله يكتبكم من المعتوقين والمغفورين لهم بهذا الشهر الفضيل ،

ودي استخدم الكارنتين و سي ال ايه علشان امنع تراكم الدهون ف مرحلة التضخيم ؟ ينفع والا خطا