قهوة WoW .. :P

[Karazhan]

والله مشروع حلو ان ندمج الاستفسارات مع هالموضوع

راح اقولهم يقفلون موضوع الاستفسارات






انا موجود تدري ليش ؟ خلني اقولك قصتي

انا ما العب ووركرافت , ادش بس عشان البوت , اشغل البوت واخليه يجمع صخر و ابيه واكنز من هالجولد , مو تعرف انا فقير بالصج فأطلع حرتي باللعبه

وكل ما اوصل للمليون تجي بليزرد وتصكني باند

عندي اكثر من 3 حسابات باتل نت , كل حساب فيه 7 اكاونتات , كلهم باند , وكل واحد فيه مبلغ وقدره

حتى بالالعاب محروم اني اصير غني

المهم صارت حياتي ماشيه بالطريقه هذي , الحين عندي اكاونت فقير مافيه الا هنتر لفل 55 عشان اسوي ديث نايت , والديث نايت لفل 90 واهو اللي خاشه عشان لفل 100

يعني بالشخصيه هذي بشوف الاكسبانشن الجديد , فمحافظ عليه وماالعب واجد , يعني بالاسبوع مره ادش اشوف الوضع و ارد على المعجبات , مثلك عارف الانسان المشهور ما ياخذ راحته بسبب المعجبات اللي قد شعر راسي

المهم

اقعد مجابل اليوتيوب اشوف الحوادث اللي شفتهم انت و ادش اشوف ثوار العراق وافلامهم , اشوف ثوار سوريا , اشوف علماء يتكلمون عن امور اكون مهتم فيها , اشوف هتلر والافلام اللي ما انعرضت من قبل

يعني كوكتيل

تعرف شنو كوكتيل ؟ عندك بالسعوديه كوكتيل ؟

عصير , يكون شوي مانجا و شوي فراوله و شوي موز و شوي عرناص و شوي ,,, بس خلاص

عرناص يعني اناناس بلغه عيال التجار والمسؤولين

فأنا جذي باليوتيوب شوي من كل شي و ابحر في اليوتيوب مع الافلام

وازهق واجيكم هني اطيح بجبودكم , وانا حياتي سهر بعد وتعرف بالليل والفجر كل ماكو احد قاعد فماكو الا اجابل الكمبيوتر

لو لما الحين ماكو كمبيوتر و عايشين على الاريل القديم اللي قبل الستلايت كان عشت على الكتب مثل قبل

الحين انترنت وكل شي فيه

وايضا قبل كانوا ربعي يسهرون وكنا نقعد بالدوانيه لي الظهر و نروح بيوتنا نتغدى وننام ونقعد المغرب ونقعد بالدوانيه لييي الظهر

الحين تزوجوا ربعي و صاروا خرفان , الساعه 10 اهو لازم بالبيت

حرام والله الشنب اللي عليهم

لا ابشرك كلهم داقين الشنب نص و ربع واللي داقه صفر بعد , من طقه موضه

اول مره اشوف ناس يسوون جذي بشواربهم , المفروض الشنب ما يمسه مقص او مكينه الا تحديد عشان ما ينزل على حلقك

قهر , ابتلش الشنب بالناس هذي , لو بيده كان تركهم وشاف غيرهم من اللي يقدرون الشنب

المهم انا عشان كل هذي الاسباب صرت ادش النت وقت الليل بعد الساعه 12 و الظهر بعد 12 ايضا لين تغيب الشمس

فأنا قاعد لا تخاف علي , واتمنى الحكومه تقدر تواجدي هذا ويعطوني لون اخضر و اوسمه اللي يوزعونها بقسم كمال الاجسام اللي مثل النياشين و النجوم تقول رتب عسكريه عشان يدقون حديد

اغلبهم ماخذ الصور من النت او رايح النادي و متعرف على واحد مجسم وقاله بصورك عشان بحطهم بالمنتدى واقول انا

والواحد فيهم تلقى عيارته بين ربعه الخرتيت من متنه ويدخل هني يحط صوره واحد مجسم ويكتب تحتها ماشاء الله يعني شوفوني ترى هذي صورتي واهو بالبيت ما ينادونه الا البشه

دع الخلق للخالق

انا كأني قمت اخورها و الشخصيه الشريره قامت تظهر


يلا باي لا اخبرها مره وحده

[لوعةالفرقا]

طيب وليش ماتلعب يعني تجدد كل شهر للبوت ولو انه خويتك عاد هههههه

جدد حسابي واصير لك بوت حقيقي

وعندي كل حل الحين اذا جمعت قولدات حوشهم عندي لين تنصك بان اذا انصكيت باند ارجع لك نص الذهب والنص الثاني حق رسوم تعريض حسابي لخطر الباند هههههههههه

المهم انت بعد الاكسبانشن تعال kazzak وراح اضبك ماعليك بس انت جهزك قولداتك

[Jeremie]

بلفل 100 بيشغل البوت ..

[7koom]

بسوي بوست شامان وبفتك من الـ DK الي يهيلني بالكثير 50 الف ) ":

[لوعةالفرقا]

طيب الديث نايت اساسا مو هيلر مثل الشامان :\

طبيعي ان الهيل حقه بيكون ضعيف مقارنة بالهيلرات

[Warchif]

السلام عليكم ورحمة الله وبركاته

أخواني المناضلين اخواتي المناضلات
هل هو موعد جديد لكي نجتمع مرة أخرى نسترجع فيه الذكريات ونعود فيه لنلعب واو في عصر جديد
مادري اذا كنت برجع العب الاكسبانشن الجديد ام لا
الهورد لم يعودوا كالسابق رجال محاربين اشداء اقوياء لا يهابون الموت
الحين الهورد مجرد نص مبزره او لعيبه نووب والموت في الحروب والخسارة اصبحت مثل شرب المويه
الالينس اصبحوا اقوى واشد لا أعرف مالسبب ولكن سوف أضل هورديا حتى أخر قطره من دمي

هل سنجتمع في كازاك ام نشد الرحال إلى الاوتلاند
فقد نقلت شخصياتي منذ سحيق الزمان إلى الاوتلاند لكي اقابل رفيق الدرب يوشي راعي الشامان ولكن قسوة الحال وشظف العيش لم يمكنني من الإستمرار وبعدها تدريجيا بدأت أفقد
الحماس واصابني الملل وانا وحيد في مواجهة الصعاب
فتركت واو على سرفراتها الأصلية وشديت الرحال إلى البرايفت سرفر لأذوق من نفس الكأس وأجد الوضع نفسه
خسارة في خسارة سواء في الاصلي او المزيف
أما حان للهورد أن تجتمع كلمتهم مره أخرى
ياليت اقدر العب بالسرفرات الأمريكية او الكوريه فهناك الهورد رجال إبن رجال وليس كالسرفرات الاوروبيه حيث تلعب مع الفرنجه
الذين لا يعرفون روح الفريق ولا يهمهم مايحدث لغيرهم ولاتجد منهم الأشداء الأقوياء إلا قليل

إذا انت يالوعة الفرقا و يا كارا وغيركم من الشباب راح ترجعون تلعبون بكل صدق وعزيمة وإيمان فلربما أعود مغردا معكم في السرب ومحلقا في سماء الحرية
فلنتحد معا يدا واحده
الإتحاد قوة
في الإتحاد قوة
إلى الرجل الحديدي

نشوفكم على خير وسلامتكم

[Karazhan]

ماشاء الله ماشاء الله

الشباب السعودي متجمعين

ماشاءالله

ان شاءالله نشوفكم متجمعين في سوريا او العراق

هناك الهورد اقوى , قاعدين يحتلون مناطق وقواعد و مدن الالاينس وفي طريقهم الى ستورم وند






انا الاكيد بدش اللعبه وبشوف شنو الجديد لكن مااضمن اني العب , انا لو الله يفكني من البوت كان لعبت لكن ابتلشت فيه مو مخليني العب ولا يخلي لي مزاج العب

يعني لحد يتهور و ينقل الى سيرفر ستورم سكال عشان يجيني وبالاخير ما يحصلني , الباتل تاغ مالي fahad#2300

اعتقد هذا اهو , وانا الحين مو شابك و ماادري متى اشبك بس اللي ناوي يضيف خل يضيف

تبون تويتر ؟ قولوا بعد نبي استغرام خربوها مره وحده

واذا كان في نشاط راح يكون من سيرفر الى سيرفر , يعني دز انفايت و نجتمع مع بعض , مو خبركم الحين تقدر ترسل دعوات لأي شخص بأي سيرفر

ادري قديم لكن انتوا قطعتوا ولا تدرون شالطبخه

عموما الوعد قدام

[لوعةالفرقا]

صققة حاره مع الوقوف إحتراما لهذا المقال العظيم من البطل المناظل الهوردي الاصيل

فهذه حادثة تاريخيه من قائد سابق عانا إضطهاد العدو وكافحه من اجل المجد والشرف

عندي تعليق واحد فقط على المقال وهو
FOR THE HORDE


من ناحية العودة انا راجع راجع الله لايعوقب شر
بعد ما أوصل شخصيتين على الاقل للهاي لفل يعني قول بعد شهر من الاكسبانشن راح يبدأ البحث والتحري عن قيلد
والارجح عربي عشان يقدرون اعذاري إللي ماتخلص هههههههههه
بس بصراحه مدري وش اقولك هل بستمر او لا ما اقدر احدد في الوقت الراهن انت عارف وقت الاكسبانشن ممكن تطلع اشياء تمنعني من الاستمرار ويمكن العكس

ولا ودي اقولك ارجع كازاك وبتلاقيني في وجهك على طول على كل حال حتى لو رجع كم واحد يالله بيكتمل 4 إلى 5 اشخاص اذا بتتكلم عن ريد لازم يكون لنا قائد متفرغ يدور لنااعضاء ويضبط القيلد لنا
ويتابع أول بأول

فأفضل حل هو ان إللي يدخل في قيلد يتوسط للبقيه هذا إذا قررتوا تجتمعون

على كل حال انا في كازاك واكيد هوردي ^^


ولد بطنها انت روح واحنا بنشجعك توكل على الله انت بس

[7koom]

الهورد اشداء.. والله انا نقلت من الالاينس بسبب المجازر الي يسوونها الهورد واسححب على الالاينس .. انا موجود في ستورم سكل . بس نووب في الـPvE
عندي سؤال شو احسن في الـPvE شامان او وارلك ؟

[Karazhan]

ماكو كلاس احسن من كلاس

يقول رفيجي ولد بطنها اللي عروقه بالماي

الشخصيه عباره عن ماكينه للقتل , كل من احترف قيادتها كل ما رأى انها افضل شخصيه

يعني كل فنان ومحترف يلعب بالكلاس المفضل عنده يشوف ان اهو اقوى كلاس ويقدر يذبح اي كلاس ثاني مهما كانت قوته

[Karazhan]

الشامان انا اشوف انه اقوى هيلر السعادي

جربته ايام كان عندي شامان قبل ينصك باند , قوي حده بالهيل خصوصا الجماعي

[7koom]

تم ايقاف مشروع تايتن @@@ شت

[Karazhan]

بليزرد يمكن تبي تطول اللعبه "ووركرافت" الى ابعد مدى ، يمكن تبي تخلي اللعبه لغايه ٢٠١٦ او اكثر فقررت انها توقف مشروع تيتان

[لوعةالفرقا]

مثل ماقال كرازان مافي كلاس احس من كلاس
وانت واحترافيتك في اللعب بالكلاس

بس بالPVE كل ما احترفت بالتانك او الهيلر كان افضل لانهم مطلوبين اكثر مو مثل الدي بي اس على قفى من يشيل ×.×

كرازان انا معك المين كاركتر حقي شامان ريستو ^_______^
متعه صراحه والحين حتى بالون تارق كويس مره
بس تبقى مشكلة المانا عند كل الهيلريه بإستثناء إللي قيرهم قوي مره

[لوعةالفرقا]

دام حطيت ان الاستفسارات في القهوة كان حطيت رابط الموضوع عشان تسهل على الاعضاء الانتقال