معنى كلمة :resident evil

**هيجي هاتوري** · 19-03-2001, 12:31 PM

سلام ..

قرات في موضوعيين في المنتدى ان معنى كلمة ريزدنت ايفل هو الشر المقيم ...

و لكن المعنى الصحيح هو الشيطان المقيم و ليس الشر ...

هذا ما اردت ان انبه اليه ...

**abdulsaheeb85** · 19-03-2001, 01:35 PM

أرجو المسامحة يا الكونكورد1556 فأنا قرأت و سمعت اكثر من مرة أن معناها هو الشر المستميت.

**E:man** · 19-03-2001, 02:03 PM

لا يا كونكورد ترى كلمة evil ممكن تجي شيطان او شر على حسب الجمله وهي في هذي الجمله معناها شر اما يا abdulsaheeb85 فالشر المقيم هو نفس معنى الشر المستميت وكلهم يعنون ان موجود على طول ههههههههه يمه

**Tamaki_q8** · 19-03-2001, 03:37 PM

والله انا افضل اسميه البيت المسكون ههههههههه

لا لا لا الشيطان المقيم

و شكرااا

**هيجي هاتوري** · 19-03-2001, 06:03 PM

لا يا شباب ..

طلعوها من القاموس و راح تشوفون ... و اذا طلعت غير هذا المعنى
عطوني اسم القاموس ..

مع احترامي لارائكم

**Tamaki_q8** · 20-03-2001, 01:40 AM

والله انا قريت في القامووس طلع

معنى رزدنت ايفل هو ( الشيطان المقيم ) و شكراااااااا

**هيجي هاتوري** · 20-03-2001, 11:27 AM

احسنت resident evil q8
هاذا الي ابي اقوله

**][ZX][** · 21-03-2001, 04:58 AM

انا طلع عندي في قاموس الوافي معناتها الشر المقيم وهذا من احسن القواميس وبحثت عن المعاني الثانية ما طلع له معنا ثاني مثل طريقة كتابتها هاذي

**هيجي هاتوري** · 21-03-2001, 11:57 AM

اقول يا ][ZX][ ...
شوف انا طلعتها من الوافي و طلع معناها الشيطان المقيم
احنا الحين متوافقين على كلمة ريزدنت بس باقي معني كلمة ايفل
انت بس طلع هذي الكلمة راح تلقاها الشيطان

**Lord of PS** · 21-03-2001, 05:41 PM

ياإخوان عندي آلاف القواميس وأهمها المورد، وأهلي عاشوا في بريطانيا خمس سنين، وعدا هذا فـEvil معناها الشيطان والشر ولكن الشر المقصودة هنا ولاتحتاج إلى خبرة.

**هيجي هاتوري** · 21-03-2001, 06:28 PM

اقول يا لورد
اذا الكلمة لها معنيين كيف عرفت انهم يقصدون معنا الشر

**عماد 18** · 22-03-2001, 07:06 AM

طيب وش رايكم بالشر المستوطن ؟؟؟
يا كونكورد انت فكر فيها شوي ايهم احسن الشر و الا الشيطان يعني لو كنت تحارب عفاريت كان قلنا الشيطان بس انت تحارب زومبيات و هنتر و نيمسس و ما ادري ايش و سبب هالمشكلة كلها شركة امبريلا يعني راح تلقى الشر احسن و الا وش رايك؟؟؟

**link.p** · 22-03-2001, 04:26 PM

يا شباب معناها واضح وانا متأكد منه....معناها الشر المقيم ....

وماأدري من شلخ عليكم وقالكم ان معنى evil شيطان... معناها شر فقط..

devil :شيطان

evil: شر

**هيجي هاتوري** · 23-03-2001, 03:36 PM

لعلمك يا لنك بي :
الكلمتين تؤديان نفس المعنى ... ديفل و ايفل و معناهما شيطان

**E:man** · 24-03-2001, 03:24 AM

يا كونكور اللغه الانجليزيه ما تمشي على قاعده وحده والكلمات ما تقدر تجيب معانيها الصحيحه الا اذا شفت الجمله الي هي فيها وبعدين تجيب المعنى حقها في هذي الجمله وEVIL تجي على معنى شر وشيطان وشرير بعد بس بجملة RESIDENT EVIL معناها الشر المقيم بس من ناحية الجمله انت معاك حق ممكن تجي الشر المقيم وممكن تجي الشيطان المقيم لكن المنطق يقول ان اللعبه ما فيها لا شياطين ولا لها علاقه بالاشباح بل سالفتها اساسها علمي بحت فاذا الجمله معناها الشر المقيم هذا من ناحية المنطق طبعا

الموضوع: معنى كلمة :resident evil

أدوات الموضوع

تصحيح إن امكن

ضوابط المشاركة