عضوة جديدة للمنتدى

[عبير الورد]

السلام علي كل اعضاء و قراء المنتدى ..
اعرفكم بنفسي .. انا عبير من قطر .. عمري22 ... ( بنت خاله خلود و طرزون)

اتمنى اكون عضوة بهالمنتدى و اني اكون خفيفه عليكم ..
هذي وحده من رسوماتي لو انها مو لين هناك بس انشالله بيكون فيه الاحسن ..

[orange road]

عبوووووووووور

اخيرا دخلتي المنتدى :واو:

ترى ما اوصيكم عليها...

هالبنت رسامة خطيرة خصوصا في رسم الوجوه..
وترسم مانجا بعد ....


يللا حطي رسوم اكثر لج...

كنتي سميتي الموضوع جاليري عبير الورد.. احسن... :غضب:

[Ranma Saotome]

ياهلا ومرحبا بعبير.. نور المنتدى بوجودك..
رسمتك جميله وتلوينك أجمل.. انشالله تملين المنتدى برسومك هذا اللي أتوقعه منك مادام أنك بنت خالة الفنانه خلود..
وخلود ماشالله عليك معارفك الفنانين ماخلصوا.. ماشالله الله يكثرهم.. عندك بعد ولا خلاص..

[orange road]

للحين رانما..

ما جفت شي

[Ranma Saotome]

الرسالة الأصلية كتبت بواسطة orange road
للحين رانما..

ما جفت شي

والله مادري أخاف ولا أفرح من هالكلمه
أعتقد أني راح أفرح :-)

[MZM]

عبير
هذي وحده من رسوماتي لو انها مو لين هناك بس انشالله بيكون فيه الاحسن ..

هلا بالاخت عبير
رسمك بالرصاص متقن حيل .....
و التظليل بالوجه فيه لمسة واقعيه جميله .......
بحكم سوابقي في رسم وجيه الحريم في الماضي
اقول لج انتي مبدعه مبدعه مبدعه و احلا شي العيون شارده
و تقولين الرسمه مو لين هناك هي هي هي ( رحنا فيها :": )
احم احم اقصد حياج الله ( هاذي بنت خالت خلود و اكيد هي مثلها تعرف تقرا اللي بين الاقواس بعد :")

عبير .......انتي حطي رسمك و ما عليج ......... و الباجي علينا
و مره ثانيه اقول لج الرسمه حلوه حيل حيل ( لاني احب الرسم بالرصاص )

Ranma Saotome
.. انشالله تملين المنتدى برسومك هذا اللي أتوقعه منك مادام أنك بنت خالة الفنانه خلود..

لا لا تطمن اخ رانما
انا غاسل ايدي بماي و صابون ( و ديتول و كلوروكس بعد ) خلود مافيه حد مثلها ......رسمه ورا رسمه و كل وحده احلا من الثانيه ...........و اكتفي اني اقول ان اكبر ملف بكمبيوتري و يحتوي على اكثر رسمات اسمه ( fatoom and orange road) هاذا و انا ماجمعت كل رسماتها بعد
مــــــــــــــــــا شــــــــــــــــــــــاء اللـــــــــــــــــه و هاذي مو مجامله ابد ابد

خلود
ما جفت شي

Ranma Saotome
والله مادري أخاف ولا أفرح من هالكلمه

و منين يجي الفرح
احم احم ......قصد منين يجي الخوف ......... ما دام اننا بنشوف ابداع جديد و بأسلوب جديد واقعي و حلو من الاخت الفنانه عبير ( بنت خالت خلود :" )


و الى الامام للجميع ............................

[alucardracula]

السلام عليكم
يا هلا
والله بداية موفقة أثبتي أنك فنانة مبدعة و ياهلا بالفنانة في منتدى الفنانين و أتمنى التوفيق ..

[عبير الورد]

خلود .. شكرا على كلامج الحلو استغربت منه المهم مشكووووورة يا بنت خالتي

[عبير الورد]

رانما .. مشكور على كلامك الحلو .. وانشالله تلاقي الاحسن قريب..

[عبير الورد]

alucardracula
شكرا على التشجيع وانشالله ما تندموون
ما اعرف انت بنت لو ولد لكن مومهم مشكوور/ة

[عبير الورد]

mzm
اول شي مشكووور وايد على كلامك ومو شي غريب منك .. كلك ذوووق
و شهادة اعتز فيها خاصة منك انت .. اتمنى تقولي رايك برسوماتي و بكل صراحه لاني حابة استفيد منك .. ومن كل الموجودين .. ( الا خلودوو بس عشان ما تتشقق علي) يا ويلي منها .. شكرا mzmمرة ثانية ..

[عبير الورد]

هذي رسمات جديدة لي انشالله تعجبكم الاولى من 99 .. و الثانية جديدة رسمتها في المحاضرة و بغى يصيدني الدكتوور ..

[عبير الورد]

هذي الرسمه الثانية اللي بغينا نروح وطي بسبتها

[Dagger]

:! :!
واااااااااااااو..
ما شاء الله عليش ..
رسمش روووووووووووووعة..
خصوصا الثنتين الاخيرتين..
بالتوفيق ان شاء الله ..
وان شاء الله نوصل لمستواش..

[عبير الورد]

dagger
شكرا على ردج و اشوه ان الرسوم عجبتج
انا شفت رسومج بعد و انشالله موفقه ..
احب اسمع رايج على طوول