مين منكم يساعد قليبي ......

[ريــــــاش]

مبن منكم حب شخص ما... بس حبيبه ماعطاه ويهه...طالع نازل مجعم فيه ...يا جماعة أنا أحب بنت عمتي ...وهي ما تدانيني بعيشة الله بصراحة يعني لما تجيب طاري أسمي .. تقول أعوذ بالله ..يعني بصراحة غلب حماري معاها ... سويت كل شيء هي تحب تسوية تحب الحيوانات ...(عندها من القطاوة والطيور تقدر تفتح فيهم محل ) وأنا بصراحة ما حبهم وخصوصاً القطاوة ...يخرعون مع هاي العيون اللي تلمع بالليل ..مثل السُحْرْ ...
جبت لي ذيج القطوة إللي لا بتكش ولا تنش .. وأقول لها شنو أعطيها ..شاسوي لها ..(أتلكك .. بس أدور لي حجة عشان أكلمها ) .. وهي كلمة ودر غطاها لو عليها ولا ما ردت ....شاسوي ...تحب تتسبح ..حجزت شالية حق الأهل و قلت لقيتها فرصة .... أبداً ما تنصاد عمري في حياتي ماشفت بنت مثلها بطة من أول ما وصلنا وهي ...طش ...في البحر ...عاد قلت ..مادام ماتبي تمشي معاي أسبح أنا معاها .. ومسكت أخوها يوسفوة يعني حجة وقلت أوصل لها ..وعاد بما أني ماعرف أسبح تعلقت في سباحة أخوها الصغير ...ويوم وصلت لها فلت يوسفوه من يدي ..قصدي سباحة يوسفوه .. وياللهول ...النجدة ..أنقذوني ...أنا أغرق ...وهب تنط ..السوبر ومن ..وتنقذني .. وترد مره ثانية تسبح ...عاد أنا ذاك اليوم إنكتمت ولا كلمة مب من الفشيلة من الخرعة وعمايلها ...وعاد هي أختصاص كاراتية ..قلت أنا باوز واحد من الربع يعني ...يتحرش فيها ..وأنا أجي أساعدها ...والله لا يرميكم تحت يدها ...ولا يهودي ..كسرت خشمة ..وضربته على ****** ...أووووووووووووووووووووووووج يعوووووووووووور....وقصمت عموده الفقري ....عاد أنا عجزت معاها عاد ما في منكم دكتور حق قلبي العليل وخلة يتفلسف ...لا تقولون أثقل تراني ثقلت 4 سنين بلا فايدة ....



مع تحياتي _______________________
ريـــــــــــــــــــــــااااااااااااااااااش ــــــــــــــــــــــــــــ

[ماجد]

اناااا بس مو مع بنت .. مع صديقي

احبه و اعزه بس اهو كله يجاملني مادري ليش يكرهني

بس مرتين اللي اهوة ناداني و كلمني و استانس وياي

وااااااااااا :" :" :" :" :" :" :" :" :" :"

[Nastasha]

هههههههههه


شكلك رايح فيها ":" ":"

ما أقول إلا الله يكون بعونك << مجربه ترا

[هــــنــــــد]

اييييييييييييييييييييييييييييحححححححححححححححححححححححح





""قلبي متروووسيييييي""




حاسه فيييييييييييييييييييييييييك والله



عاد انا سالفتي ولا فيلم هندي


لا فضيييت بقعد اكتبها لكم




للي يبي بس