الله يا لدنــيـــا( قصيده روعه)

[المحتزم]

بعد الفقر حطت شريحه وجوال ** يسعد مسا جوالها والشريحه

كانت تجيني تشتكي قلة المال ** وتصيح لاجا طاري الفقرصيحه

تقول ابويه دايم الدوم رحال ** وامي كبيره سن دايم طريحه

وانت الوحيد اللي لك القب ميال ** دايم يصارحني وانا له صريحه

طفله وانا معشوقها بين الاطفال ** جريح حب وطاح له في جريحه

كنا سوى نرسم على التربه امال** وأحلام تقتلها الحياه الشحيحه

كم دمعةٍ كانت على الخد تنهال ** واذا نزلت ضاقت عليّ الفسيحه

الله كم صرخه..وهمسه.. وموال ** الله كم جادت علينـــــا القريحه

الله كم بيتٍ كتبنــــــاه يختال ** واقول انا (ضيدان) وانتي( مليحه)

نخيل لومافالسما برق وخيال ** وانكذب الايام لوهي صحيحه

تقول لاحطيت لك بشت وعقال ** وسخّرلك الرحمن عيشه مريحه

اخاف تتركني على عثرة الفال ** للفقر ووجيه الحياه القبيحه

وحبيتها بين الخلايق والازوال ** حبٍ يطول الوقت محدٍ يزيحه

وسلمتها قلبٍ تباريه الاهوال ** وطاح الخفوق . وطيحة القب طيحه

راحت وخلتني مع القيل والقال ** شاعر صواريف الدهر تستبيحه

ودار الزمان وغير الحال بالحال ** وجاها الزمان بكل ورده وشيحه

فلة ..وخدامه.. ولكزس.وجوال** وانا عجزت ادفع رسوم الشريحه

":" ":"

[فهدالفهد]

المحترم مايجي منه الا المحترم

االله الله الله يالمحترم ...... ونا عجزت ادفع رسوم الشريحة..!!
سلمت اناملك على ها الاختيار الرائع جدأ...
بس ماقلتلنا منهو شاعرها؟؟ هل ضيدان بن قضعان؟؟؟

ولك خالص شكري ..

// العزيز ابو سراج//

ودار الزمان وغير الحال بالحال ×× وجاها الزمان بكل ورده وشيحه
فله وخدامه ولكزس وجــــوال ×× ونا عجزت ادفع رسوم الشريحه

ماقلتلك سبحان مبدل الحال بالحال!!
وان دوام الحال من المحال..

وصدق من قال/ الدهر يومان ذاأمن وذا خطر ×× والعيش عيشان ذاصفو وذاكدر
فاعتبرو يأولو اللأباب.....

[المحتزم]

الله يخليك

الحقيقه القصيده معبره

ولااعرف راعيها

وصلتني على الايميل

المحتزم....":"

[golden_sky]

السلام عليكم :


جيدة للي عنده جوال مو زي حالاتي


مشكور المحترم



السماء الذهبية

[المحتزم]

المحتزززززززم

يا شباب المحتزم بالزاي زززززز

مش يعني انـا ماني محترم بالعكس

تراني احترم من يحترمني ويحترم نفسه والناس

[sabna]

واو القصيده اتيين مشكور يالامحترم
وناسه جوال مشكور

[المحتزم]

[QUOTE]الرسالة الأصلية كتبت بواسطة sabna
واو القصيده اتيين مشكور يالامحترم
وناسه جوال مشكور

واو المحتزم ياي

مش المحترم

وصلت المسج واو... ياي