واحد على نياته يبغى يشوف(جده غير)تعالوا اعرفوا اش صار له

**MaLkT JeDdaH** · 05-06-2002, 01:06 PM

واحد على نياته يبغى يشوف(جده غير)تعالوا اعرفوا اش صار له
هلا بنوتات هذا قصه شاب فاشل سعودي مهند((سعودي هندي))<--2×1
هذا واحد مسكين على نياته سمع بمهرجان جده غير وراح يجي واول ماجاء من المطار شاف اعلان((الطيارات هنا غير))والاخ بالله راح يشوف الطيارات غير وعجبته وتمتع بالخدمات حق الاكل غير...الخ بعدين اول ماوصل لقى نفسه في مهرجان((الطايف احلى))والقى نفسه راح من جده قبل مايتمشى<---الطرد هنا غير

....ورجع من جديد لجده واول مارجع للمطار شاف اعلان الفنادق هنا غير واختار فندق شيراتون 5 نجوم

واول ماراح هناك بيحجز بس مالقى مكان عشان رجال الحجز شاف توبه اصفر ومقطع ومرقع وماعنده ذوق وشعره كله قشره وقله روح دورلك فندق تاني عشان الفندق مليان((والفندق ماكان فيه الا5شقق محجوزه))وخرج يدور فندق تاني عشان يسكن<---الطرد هنا غير

وبعدها شاف اعلان ((البحر هنا غير))وراح الظهر للكورنيش عشان يشوف البحر بس هم كانوا قاعدين ينظفوا الساحل((النظافه هنا غير))وخلوه يشتغل معاهم وبعد ماانتهى بعد التعب قالوله دحين محد يروح تعال الليل<---التصريفات هنا غير...وبعدين راح للملاهى عشان يلعب<---اربعيني بيرجع ايام شبابه...واول مادخل قالوله لازم عوائل وراح يدور حجات على اساس انهم عائله بس ولا حجه وافقت تدخله<---الحجات هنا غير...وبعدها مالقى مكان يروحه الا البريمان((السجن))عشان يشوف الناس هناك واول ماراح هناك مادخل زي الناس يزورا حب يسوي عنتر واتسلق فوق الشجره ويطالع على المساجين بس واحد سجين خكري شافه وقال"ياااااااااي حرااااامي"<---يحسب نفسه مفتش...ومسكوه الشرطه وبعد التحقيق سجنوه شهرين<---السجن هنا غير...وبعدها خرج ومابقى على نهايه المهرجان الا شهر وراح تاني مره للكورنيش وهو يمشي ويقعد يتفكر في البحر ..بنت صيحت وقالت"اءءءءءه واحد قاعد يغازلني<---البنات هنا غير.."ومسكوه الشرطه وهو يقول"والله انا برئ...والله انا غير"وجلدوه<الفضيحه هنا غير وبعدها الاخ انتهت فلوسه في الغرامات والتشرد

وبعدها انتهت فلوووسه مره واول مارح البحر كان جيعان وماعنده فلوس وقعد يتشحت اكل وكل واحد يقله"ليش..انا خلفتك ونسيتك"<---الكرم هنا غير والاخ كره جده كلها<---جده حلاها غير...وبيرجع بلده ومالقى حل الا يحرق بطاقه الاحوال ويسلم نفسه للترحيل ويتكلم هندي ويقول"انا كلاس في ضيع اقامه...لازم في روح الطايف عشان سوي علاج"<---يحسب الترحيل هنا بلااااش بس خلوه يشتغل عندهم في الترحيل الين مايجيب قيمه التذكره<الترحيل هنا غير..وبعدها شاف السجن القديم مكتوب عليه(الناس الي هنا جايين..جده99))وبعد شهور ولمن جاب قيمه التذكره من الشغل عند الجوازات ومابقى الا ربع ساعه ويترحل مسح كلمه الناس الى هنا جايين وكتب((الناس من هنا رايحين..جده31))..حلو الشعار
صح

ورجع بلده عشان يقول لاهله اعلجايب الي شافها في جده غــــــــيـــــــر
==================================
ThE EnD
==================================
مع تحياتي
ملكه جده
دحين في احد بيشوف جده غير