خلاص قررت أعتزل ترجمة الأنايم

[ashli]

يعني هذا قرار نهائي؟ :" :" :"

اذا بتحط الحلقات بالياباني عالاقل حط معاهة النص الانجليزي .. عشان نفهم شوية .. او احنة نترجم لروحنة علمود منصير مثل الاطرش بالزفة (كامو جا ماشا تانو نتوري .. :! :! )

اني افضل تحط الحلقات كل يومين عشان نلحق نشوفهة كلهة .. اوا اذا عندك موقع اخر ننزل منه الحلقات الباقية ..

و اتمنى انمي جيرل تكمل الترجمة .. بس ما تسوي مثل البطل (بطل؟?? و توقفين الترجمة .. هذااذا كنت حتبدين

[ماستر ريو]

طيب يل بطل الامارات ما تقدر تخلي اي واحد بدالك يترجم المسلسل

وينزلها على النت مثلا : ANIME GIRL او اي شخص يعرف يترجم وينزلها

على النت .


على فكره مشكووور على الحلقات المسلسل إنيوشا والله المسلسل حلو

وهذا يدل على ان عندك ذوق حلو في اختيار مسلسلات حلوه :0)

اما عن الترجمه الحلقة الثالثة فهى ممتازه ( رغم اني ما اعرف ياباني كثير

بس لاحظت ان فيها تتطابق الكلمات مع احداث القصة ويدل هذا ان المترجم

يعرف ياباني مضبوط ;-)

ايوه وين الحلقة الثانيه ما لقيته ضمن التنزيل ؟؟؟؟


وشكرا على المجهود الرائع يا بطل الامارات وانشاء الله نشوف في

المستقبل القريب اشياء مميزه منك (^_^)

اقصد مثل بدل تترجم المسلسل تقوم بدبلجة :0) ( صعبتها صح )

و باي

[منقذ]

بعد ما تعلقنا بالمسلسل يا بطل الامارات !

زين شو رايك تكنسل الموقع وتحط الحلقات على سيرفرات مجانية ؟

بالمناسبة ما قدرت انزل الحلقة الثالثة من موقعك .. يقول لي الفايل مب موجود ..

الله يخليك لا تتعتزل .. واصل بس على سيرفرات مجانية

:-(

[بطل الأمارات]

alin
مشكورة أختي على الهدية

yasnaz
شو أسوي ما عندي وقت و الترجمة مثل ما تعرف تاخذ وقت طويل

ashli
أكيد بحط الحلقات مترجمة بالإنجليزي و لا يهمج ;-)

ماستر ريو
إسمحلي الحلقة الثانية حذفتها لقلت المساحة .. أعتقد موجودة في WinMX تقدر تنزلها

المنقذ
المسألة مب في السيرفر .. الموقع أقدر أجدد إشتراكه .. لكن ما أعتقد بحصل وقت أترجم أو أجدد الموقع في الأشهر الياية





على العموم .. الحلقة الرابعة و الخامسة موجودة الحين في الموقع
مترجمة بالإنجليزي
So Have Fun :6

[منقذ]

أخوي البطل دخلت الموقع ما حصلت الحلقة الثالثة المترجمة بالعربية (موجود اللينك في صفحة الحلقات بس ما يشتغل) .. وما حصلت الحلقات الرابعة والخامسة الانجليزية !


شي ثاني أخوي البطل .. لو ما عندك وقت تترجم .. شو رايك تحط دروس في ترجمة الحلقات ولينكات للبرامج المطلوبة ؟ جذي بتحصل اكثر من واحد يترجم الحلقات وبتزيد الملفات العربية على الانترنت ! وتكون قدمت خدمة رائعة لكل الشباب !

[بطل الأمارات]

الرسالة الأصلية كتبت بواسطة منقذ
أخوي البطل دخلت الموقع ما حصلت الحلقة الثالثة المترجمة بالعربية (موجود اللينك في صفحة الحلقات بس ما يشتغل) .. وما حصلت الحلقات الرابعة والخامسة الانجليزية !


شي ثاني أخوي البطل .. لو ما عندك وقت تترجم .. شو رايك تحط دروس في ترجمة الحلقات ولينكات للبرامج المطلوبة ؟ جذي بتحصل اكثر من واحد يترجم الحلقات وبتزيد الملفات العربية على الانترنت ! وتكون قدمت خدمة رائعة لكل الشباب !

حاول إتسوي Refresh للصفحة .. بتحصل الحلقة الرابعة و الخامسة

بالنسبة للدروس إن شاء الله إذا حصلت وقت ;-)

[yasnaz]

اقوا اقدر اخلص ترجمة الحلقة الرابعة انا مستعد خلال يوم كامل اخلص الترجمة

[منقذ]

بطل الامارات ما حصلت لا 3 ولا 4 ولا 5

سويت رفرش جربت كل شي !

شو رايك تحط لنا اللينكات هني للحلقات الثلاثة؟ ولا اقول لك .. للحلقات الخمسة كلها عشان تسهل للشباب الوصول اليها ..

وتراني باخذ كلمتك عن الدروس على انها وعد وبانتظر منك الدروس بشكل مفصل وواضح وبالصور

[aldanger]

بالنسبة للدروس هناك درسين للترجمة ببرنامجين في منتدى تعريب الالعاب

[BOY_THING]

بتوقف ... و الله الترجمه كانت حلوه ... بس دام عندك ظروف .. فمصلحتك اهم .. على العموم ماتفرق متى تحطها ..


اهم شي راحتك

[Touya]

أكبر تحيه لأخوي بطل الأمارات

صراحه والله أنك بطل أسم على مسمى حيث أن ناس قليله من شبابنا عمرها أنتجت شي (صح ولا لأ:غضب: )
>أحم<
المهم أنت سويت أول خطوه في أتجاه الترجمه وزي مايقولون مشوار الألف ميل بيبدا بخطوه;-) وأنا أعتقد أن عملك كان كان بقمة الأمتياز بالنسبه لبدايه وأنت أن شاء الله تكون مثال على العزيمه وتحدي الحاجز الأجتماعي >خش في السياسه الولد< أأأأ... ولا أقول أنت سويت اللي عليك وان شاء الله نشوف شباب في زي همتك أن شاء الله!

المهم صح أن بتنشغل بس لاتقطع عن منتداك (شوفو من يتكلم له ثلاث أسابيع ماسوى ألا بوستين)

يحزني أنك بتنقطع عن الترجمه بس قبل كذا أترك خبرتك ونصائحك لنا... أنا صراحه أخطط أترجم شي للعربي...ودي أسوي أنمي Ayashi no Ceres أو مانجا Marmalade Boy (هاذي المانجا هي اللي أبشتغل عليها أن شاء الله وهي تقريباً أنسب مانجا لقيتها للترجمه)

بس حتى الحين أدور برنامج تعديل صور غير فوتوشوب يكتب عربي لأنه ثقيييييييل على الذاكره وبين شوب برو مايكتب عربي ?: :"


عملك صراحه جريء ولو منك أثنين بس كان صارت الدنيا بخير

[Jemimaru]

لم اكن اعتقد ان هناك يوم سيأتي و نرى وفاة موقع بطل الامارات و ها هو الموقع بقي له شهران و كأنه في سكرات الموت

ولكن كما هو المعروف دائما
A legend lives forever

[ماستر ريو]

يا بطل الامارات ليش الحلقة الخامسة مترجم بالانجليزي ؟؟؟

انا اعرف انجليزي بس برضه يكون احلى لما يكون الترجمه بالعربي

وعلى فكره يا ريت تحط كل اسبوع حلقة من انيوشا لان احيانا نواجه

صعوبه تنزيل الحلقة عندنا في السعودية


وشكرا


AND

THANK A LOT

[Auron]

ياليت اخوي انك تحط الحلقات القديمه (المترجمه بالعربي):# لاني اول مره اشوف موقعك because انا جديد في منتدى الانمي


وايش البرنامج الي يشتغل عليه
الريل بلاير ولا الكويك تام ولا الميديا بلاير

وهل يحتاج برنامج مساعد

وانشالله ما اكون تعبتك:":

[Touya]

الحلقات تشتغل على الميدا بلاير بس تحتاج مرمز DivX
وهو مرمز ضغط فيديو مشهور للأنمي

الرسالة الأصلية كتبت بواسطة Auron
ياليت اخوي انك تحط الحلقات القديمه (المترجمه بالعربي):# لاني اول مره اشوف موقعك because انا جديد في منتدى الانمي


وايش البرنامج الي يشتغل عليه
الريل بلاير ولا الكويك تام ولا الميديا بلاير

وهل يحتاج برنامج مساعد

وانشالله ما اكون تعبتك:":