الرجاء من الجميع.......ما رأيكم في الزواج؟؟!

[Bad boy18]

خلك عزوبــــــــــي على طــــــــــــــول ...
خليك عايش على معلبات التــــــونه...وحياه الحريه ...بدون إرتباطات ما عنده مره تنكد عليه
(وديني السوق ...وديني بيت أختي...إلخ)...
بس ولو الزواج له مميزات حلوه....يعني تقدر تدخل المطاعم والملاهي (اللي فيها قسم عوائل).....................

[MHD]

السلام عليكم,

الى Bad boy18 الله يقطع سوالفك حلوه مره مطاعم وأماكن العوائل بس لا تنسى أن زوجتك بتكون وياك وعلى كل نظره, نجره...

يا أخوي Bad boy18 ترى العزوبية حلوة بس في ناس تقول الحياة الزوجية أحلى بكثير طبعاً يمكن كلامي ما يعجبك بس خلني أقولك شيء....أنا توني متخرج في أدارة الأعمال, يعني لازم أولاً أشوفلي شغلة طبعاً وظيفة شيء جميل لاكن الوظيفة تأخذ منك ما بين 6 الي 9 ساعات صباحاً ما بين ست الى خمس أيام في الأسبوع يعني ترجع البيت تعبان وودك بوجه حسن يردلك الروح عشان تقوم المساء وتروح تباشر أعمالك الخاصة من مؤسسات وشركات....ألين الساعة 8 المساء طبعاً يبغيلك تروح تمر على أحد المجالس والدواوين عشان تسلم على ربعك وأصحابك وتقضي وساعة يدوبك تلحق على أم العيال عشان تمسي عليها ثم تتعشى وتمنام.....وفي الأجازات تمارس هواياتك من رياضة وفيديو جيم و و و .....وتقضي وقت مع أم العيال طبعاً لاحظت أن في الأيام العادية ما في وقت كثير تقضيه معاها عشان كذا تقضي معاها ومع أهلها وأهلك...وهذا حياة حلوة بالنسبة وأتمنى أنها تكون من نصيبي مش أحسن من حالي الآن أول شيء بما أنني أنتظر الوظيفة فأنا عاطي القليل من وقتي مع الوالد في الأعمال الخاصة وباقي الوقت فاضي ومافي على لساني إلا ملل وضيقة حتى من وقتي الزايد هذا صار مالي خلق لشي حتى هواياتي وأصحابي وصدقني ترى هذى ماهي عيشه.

الزواج يخليك يا أخوي تبعد عن الحرام وبما أن الوقت صار يالله يكفي حق واجباتك اليومية ترى صدقني ما راح تمل من الحرمة بالعكس بيكون لك نفس تجابلها وتتشوق للأجازات عشان تقضي معاها وقت حلو.

[flywing]

لا لا لا ياأخوي محمد أنا أعارضك باللي تقول أوكي تزوج جيد يعني عزيمتك رائعه لكن انك تقول أني أقضي من 6-9 ساعات بالدوام أوكي وبعدين تتغدى وتشوف الوجه السمح أوكي وبعدين تروح تنام قلنا أوكي وبعدين تصحي وتشوف أعمالك بعد نقول أوكي لكن المشكله انك تصحي (وهذه هي مشكلة الشعب الخليجي-عامة-)أنك تروح للمجالس ودواوين وخذ سواليف ألين تدوخ ويجيك النوم وبعدين ترجع تعشى وتنام هنا الخطأ (انت ليه تزوجت) في كل هذا الوقت كم اخذت زوجتك من وقت معك مايتعدى ساعتين هل تحتاج لأنسانه تغسل وتطبخ جبلك خدامه وأرتاح الزوجه أنسانه لها أحاسيس ومشاعر يعني انت تطلع هي وش تسوي تقعد مع الجدران اتمنى أنك تراجع حياتك الزجيه مستقبلا ولك الشكر مني ولا تزعل أذا أخطأت في حاجه.

[MHD]

السلام عليكم,

الى أخوي flywing أنت محشوم عن الغلط أفى عليك..

flywing ترى أنت تقول كذا لاكن صدقني مب كل الناس مثلك....أنا صراحة أبداً ما قللت من قيمة المرأة والزوجة....بس ترى مب كل الناس زي بعض لاكن خلني أقولك شيء, ألحين ساعة من وقتي في المجالس مش من حقي؟, وأنا يوم قلت مجالس مب شرط يكون كل يوم....و مب شرط يكون مجلس خارجاالبيت..أنا أقولك كيف أحنا ساكنين في بيت الوالد لاكن أبوي ما عنده غير أخ واحد أي عمي وهو ساكن في البيت الي جمبنا مثل ما كان جدي وأخوانه ومثل هذا الوقت أبناء عم أبوي ومثل ما راح نكون أنا وأخواني أنشاء الله....معنى الكلام الحرمة ما راح تكون لوحدها حتكون مع حريمنا وأهلنا.....وترى هذه العادة متوارثه.......وهذا الكلام مش كل يوم يوم الى يومين مش أكثر.

أنا من ناحيتي أحب جلسة البيت...صراحة...أحب أكون مع أخواني وأهلي وبكره أن شاءالله أحب أجلس مع زوجتي بعد.

خلني أقولك بعض القصص الي مرت علي.....واحد من الشباب كنت أدرس معه....معاي في نفس الصف (كنت أدرس في كلية أي بالصفوف وليس المحاضرات) وكان دوامنا يبدء من الساعة 3:30 ظهراً الي التاسعة ألا ربع...طبعاً ليس دائماً بعض الأيام نخلص الساعة الثامنة وهكذا...صديقي هذا متزوج وكان لديه ولد وبنت...هو في 25 الآن..صاحبنا يصبح من الساعة 5:30 يصلي ثم يفطر فيذهب الى الدوام لأنه يشتغل في الجيش..الدوام يخلص الساعة 2:30 ظهراً وكان يأتي الى الكلية بلباس الجيش يتغدى في المقصف ثم يحظر الحصص وأذا كان هناك وقت يبدل ملابسه في باركنج الكلية....طبعاً يكمن تعتقد أن هذا الشخص يتلهف للذهاب للبيت... فكر مره ثانية لأن الجواب غلط...صاحبنا هذا كان يحب يجلس سوالف بعد ما ينتهي الدوام وساعات يقترح أن نروح بعد الدوام نشوفلنا فلم في السينما وأذا ما كان...كان يذهب الى مكتبة الكلية كي يجلس على الأنترنت...طبعاً هذا الشاب صاحبي ففي عدة مرات لاحظت أنه كل ما نشوف بنات كان يقعد يتغزل ويقول شوفوا شوفوا هذي محلاها...وهذي مطولها....حتى في الكلية عدنا مدرسات أجانب معظمهم عجايز لاكنه كان يتغزل فيهم...
في مرة قلت له: ياخي تراك ما خليت لنا حد...هذا ونت متزوج شو خليت لنا نحن العزابية
رد علي وقال: محمد تقدر تجلس في البيت مجابل المظرة لمدة ساعة في اليوم بس؟
قلت له: طبعاً لا
رد علي:ليش؟
قلت له: مادري! بس شو أنا فاضي حق هاذي الحاجات...ياخي بمل..
رد علي:هاااااا...شفت بتمل...وهذا طبع الأنسان, يمل ياخي...
قلت له: فيها شيء زوجتك عشان تسوي كذا؟
رد علي: لا...لكن هذا هو المغزى...ما أريد أمل منها...
شفت كيف تفكير بعض الناس يا flywing....مع أنه عنده عيال ودوامه يهلك الواحد بس ما كان يحب يجلس في البيت ألا في الأجازات..
وصدقني...معانا في الصف خلال 3 سنوات الي درستها ما بين 15 الى 25 طالب...ومعظمهم متزوجين ومنهم شياب...بس معظمهم نفس الطينة.

يمكن كلام صاحبنا صحيح....ويمكن كلامك صحيح...لكن الكل بيمر بظروف هي الي تحكم عليه.....هذا الشخص يمكن يكون عارف أنه أحسله وأحسن لزوجته أنهم ما يتشاوفون يومياً....لأنه هو عارف حياته وعارف زوجته فهو أدرى بحياته...عن نفسي هذا هو مغزى كلامي يمكن تكون زوجتك من أحسن ما يكون فتغير حياتك فوق تحت (في أزواج يعبدون زوجاتهم) فما يحب يفارقها لحظة....ويمكن تكون أنسانة تفكيرها غير عن تفكيرك وأسلوبها ما يعجبك ويمكن هي كمان ما تحب أسلوبك...فهذا هو أساس الموضوع الي الى ألحين محد شافلي فيه حل.....يا ناس كيف الواحد يختار شريكت حياته والأهل هم من يقررون في مجتمهنا!!!؟

يا ريت لو تشوفون لنا حل يا شباب

محمد

[fayez-2000]

يا MHD
التوش يصير لي من أسمع
ولد عم خال أخو جد أبوي من أبوا أمي مافم ........
أرجوا أن تكون فهمت

[MHD]

السلام عليكم,

حلوة يا فايز بس تراني ما فهمت?:

يا شباب مالكم تعليق على الموضوع؟

[MHD]

ردوا يا شباب

[Bad boy18]

في حديث بس أنا مو حافظه نصاً علشان كذا بقوله بالمعنى...
تنكح المرأه لأربع لمالها و لجمالها ولنسبها ولدينها فاضفر بذات الدين تربت يداك
==========================================
بس نصيحه مني ...مو تاخذ وحده قويه تنفخ عليك وتعلقك فوق المروحه...
خذ وحده على قد حالها علشان إذا قامت تزعط (تتكبر) تثبتها

[MHD]

السلام عليكم....

مشكور يا أخوي Bad boy18 على التذكير بالحديث...

أفا عليك بس يا Bad boy18 صح أنا قلبي طيب كثير بس ما في أي حرمة تزعط علي......أذا أنا كنت غلطان أعتذر لكن أذا تكبرت بدون سبب والله ما تشوف الأ الويل......والله ل )^)@_$ *$_(@_$&%@_+ وكسر راسها من ثم أطلقها..... أكيد أمزح

لا تنسى أن الرجال قوامون على النساء.....وتراهم مغلوبين على أمرهم....بس في منهم الي الله يساعدك لو حطتك في راسها....

مع السلامة
أخوكم محمد

[fayez-2000]

MHD
البيب بالإشارة يفهم.

[Bad boy18]

قال الرسول صلى الله عليه وسلم(يا معشر الشباب من استطاع منكم الباءه فليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء))
كما ان الزواج:-
1.الوسيله الصحيحه للتناسل.
2.أنه سبيل للتكاثر في النسل...وهو مطلب شرعي.
3.الزواج يلبيحاجه الإنسان الغريزيه (الجنسيه).
4.الزواج هو الطريق الأمثل لغض النظر وحصانه الفرج .
5.الزواج هو الوسيله الصحيحه لتكوين الأسره المترابطه المتناصره.
6.الزواج سبب لإستقرار النفس وطمأنينتها.
==========================================
وش قصدك ب (البيب بالإشاره يفهم) ومين تقصد ؟؟؟

[MHD]

السلام عليكم.....

عزيزي Bad boy18 مشكور وما قصرت أنت الوحيد الي متفاعل معاي في الموضوع

بس عاد يالله شد حيلك وانوي على الزواج أنت بعد وغير النك نيم الي good boy

[Bad boy18]

يووووووووووووه ....قال اتزوج قال..............
تو الناس ...لسه انا صغير على الزواج.....
تدري كم عمري الحين ....18
=========================================
على فكره ترى انا good boy deep inside of me
بس Bad boy هو الشكل الظاهري..... and

[Pepsi Kun]

مدري ?:

[tidusxxx]

اعتقد ان الواحد اول ما يلاقي الظروف مناسبة لازم يتزوج على طول
لو اني اكبر شوي ومتخرج كان تزوجت