شرح لاهم تفاصيل مودم البلايستيشن 2

**hattawi** · 19-02-2003, 03:46 AM

السلام عليكم و رحمة الله و بركاته..

لاحظت كثرة المواضيع اللي تتحدث عن المودم و تسأل عنه فحبيت اقدم اللي عندي....

اول شي لا تخافون من الالعاب الكوبي لانها شغاله تمام و انا كل الالعاب الاونلاين عندي كوبي و العب اون لاين عاااااااااااادي مثل اللعبة الاصليه سواء كانت سي دي او دي في دي.

ثاني شي المودم الامريكي للجهاز الامريكي و المودم البال للجهاز البال.(يرجى مراعاة هذا الشي لاني جربت المودم اللي عندي على جهاز بال و ما اشتغل و على الامريكي اشتغل).

اذا سويت الsetup على جهاز واحد و نقلت الميموري كارد لجهاز آخر و ركبت نفس المودم على الجهاز الآخر ما بيسوي كونكت الا اذا سويت الsetup من اول و يديد لان كل شي مرتبط برقم خاص.

بعض الالعاب تحتاج الى ان تكون اصلية لانها محتاجة السيريال نمبر و هذا موجود بالاصلي فقط مثل ايفر كويست و فاينل فانتسي 11 .

لكي تلعب بالبرودباند لازم يكون عندك جهاز كمبيوتر متوصل بالانترنت و تكون امسوي LAN يعني شبكة.(لان المودم ياخد الانترنت من shared internet connection)

حالياً المتوفر في الاسواق هو المودم الامريكي.(حسب علمي)

بعض الالعاب لا تقبل الا خط البرود باند و لا تقبل الديال اب لذا كل لعبة تكون مختلفه عن الاخرى في متطلباتها.

الفرق بين المودم الامريكي و البال هو ان البال به فتحة البرودباند فقط و الامريكي به فتحتي البرودباند و الديال اب.

**msm** · 19-02-2003, 03:55 AM

متشكرين hattawi على المعلومات المفيدة ..

**hattawi** · 19-02-2003, 04:01 AM

العفو..

**عبدالله911** · 19-02-2003, 08:04 AM

مشكور أخوي على الموضوع
بس بغيت أسألك المودم وين موجود فيه ؟؟
بعدين سرعة الأتصال بالإنترنت هي نفسها سرعة أتصالك العادي؟؟
وكم السرعه المطلوبه ؟؟ وهل تعلق عليك الألعاب ؟؟
وآخر سؤال انا عندي DSl في البيت ومسوي شبكه هل أقدر ألعب في البلاي ستيشن على نفس الشبكه وباقي الأجهزه مشتغله ؟؟
وشكرا لك مره أخرى

**BMA** · 19-02-2003, 08:07 AM

hattawi
ما قصرت ...
أنا الصراحة يعجبوني اللي يسوون التجارب بنفسهم . ويعلمون الاخرين .
واالله كفيت ووفيت .
وألف شـكر

**Yamato** · 19-02-2003, 11:38 AM

اول شي لا تخافون من الالعاب الكوبي لانها شغاله تمام و انا كل الالعاب الاونلاين عندي كوبي و العب اون لاين عاااااااااااادي مثل اللعبة الاصليه سواء كانت سي دي او دي في دي.

:" :" :" :"
بعد شو
بعد ما شريت سوكوم ب 240 درهم :"

لا وما يشتغل عندي لانه الخط دايل اب مب دي اس ال :"

شكرا اخوي :"

**Sparta Ghost** · 19-02-2003, 11:47 AM

كوبي و العب اون لاين عاااااااااااادي مثل اللعبة الاصليه سواء كانت سي دي او دي في دي.........

.........عجيب ....مشكورررر جدا ...على المعلومات المفيدة جدا ....

**rodwan2100** · 19-02-2003, 02:12 PM

MAMNOON 3LA AL-MA3LOMAT ALZINA

**hattawi** · 19-02-2003, 03:00 PM

الرسالة الأصلية كتبت بواسطة عبدالله911
مشكور أخوي على الموضوع
بس بغيت أسألك المودم وين موجود فيه ؟؟
بعدين سرعة الأتصال بالإنترنت هي نفسها سرعة أتصالك العادي؟؟
وكم السرعه المطلوبه ؟؟ وهل تعلق عليك الألعاب ؟؟
وآخر سؤال انا عندي DSl في البيت ومسوي شبكه هل أقدر ألعب في البلاي ستيشن على نفس الشبكه وباقي الأجهزه مشتغله ؟؟
وشكرا لك مره أخرى

المودم الامريكي حالياً متوفر في اسواق الامارات.
و طبعاً سرعة اتصالك يوم يكون عندك dsl اكيد اسرع.
و بعض الالعاب ما تعلق موووووووووووول مثل مادن 2003 (تجربة الديمو).
شوف اذا باقي الكمبيوترات تاخذ خط النت من كمبيوترك ..عيل ما عليك الا تشتري المودم و تسوي الsetup و هو سهل واااااااااااااايد و اليوم بحطه و تسوي كونكت.

**hattawi** · 19-02-2003, 03:03 PM

الرسالة الأصلية كتبت بواسطة BMA
hattawi
ما قصرت ...
أنا الصراحة يعجبوني اللي يسوون التجارب بنفسهم . ويعلمون الاخرين .
واالله كفيت ووفيت .
وألف شـكر

انت لو تعرف المدة اللي كنت اسوي التجارب قبل ما تظبط وياي.
انا عندي خط dsl و كنت اوصل وايد النت من الفيشة(خط الdsl يكون واير صغير مثل مال التلفون العادي) و كنت اوصله و ما يستوي شي.

مع ان كنت ماخذ المودم بمخاطرة مني يوم قاللي الريال لو ما اشتغل ما يستوي ترده

**hattawi** · 19-02-2003, 03:05 PM

الرسالة الأصلية كتبت بواسطة RPG fan

:" :" :" :"
بعد شو
بعد ما شريت سوكوم ب 240 درهم :"

لا وما يشتغل عندي لانه الخط دايل اب مب دي اس ال :"

شكرا اخوي :"

غرييييييييييييييييييييييييبة هذا السعر ما ينحصل الا في مكان واحد في دبي و باقي المحلات تبيعها ب 300.
انا كنت ابا اشتريها عشان السماعات بس ما استوى و اشتريت السكان مال البي اس 2 اللي ب 400 درهم.. و عشان جي انا مفلس الحينه.;-)

**سي دي2** · 19-02-2003, 03:58 PM

ماهو البرود باند وكيف شبكه ابغى شرح بالتفصيل

**Yamato** · 19-02-2003, 05:44 PM

الرسالة الأصلية كتبت بواسطة hattawi

غرييييييييييييييييييييييييبة هذا السعر ما ينحصل الا في مكان واحد في دبي و باقي المحلات تبيعها ب 300.
انا كنت ابا اشتريها عشان السماعات بس ما استوى و اشتريت السكان مال البي اس 2 اللي ب 400 درهم.. و عشان جي انا مفلس الحينه.;-)

انا شريته من العين من محل كابول (شباب العين يعرفونه)

ومع اللعبة كان معاها السماعات علشان القاء الاوامر

اللعبة حلوة بس انا كنت ابي العبها اونلاين :"

**hattawi** · 19-02-2003, 10:24 PM

RPG fan
في طريقة تخليك تلعب بالبرود باند انت عندك ديال اب.

هي انك تسوي شبكة(network) و تخلي كمبيوترك connected و بعدين تسوي كونكت بالبي اس 2 على انه برود باند.بس ما انصحك لان هذا بيكون بطيييييييييييييييييييييييء .

و السالفه يبالها نتوورك كارد و غيرها من الخرابيط.

سي دي2

و البرود باند هو ان يكون عندك خط من الخطوط السريعه مثل:

ADSL,Cable,T1,T3 و غيرها.

و المودم مال البي اس 2 يشبك عن طريق البرودباند من كمبيوتر ثاني(الكمبيوتر لازم يكون شابك بعد).بس..

**HArb200** · 20-02-2003, 12:24 AM

اخوي hattawi ,,

مشكور على الموضوع الجميل .. لكن انا رحت وسألت عن المودم

قالوا لي .. انه مافيه الا مودم واحد .. للبال والانتيسي (أذكر مكتوب عليه شي عن تويستد ميتال بلاك ) .. حاولت اتاكد .. قاللي فيه مودم قبل نزل رخيص .. بس الحين مافيه الا هذا .

وبعدين اللي لقيته فيه فتحتين فعلا .. بس أحدها .. عليه ملصق .. مفاده انه لاتفتحه حاليا .. لان البرنامج حقه او الاستفاده منه .. بتجي بعدين .

هذي تقريبا مواصفاته .. والسعر ياشباب السعوديه .. 200-250 ريال .. للي تكلمت عنه .

وشي ثاني .. سمعت انه ممكن بعدين ينزل الهارد دسك ومعه المودم ..
الاثنين مع بعض .. يعني كلهن مع بعض .. فهل هذا صحيح ؟

وعلى فكره اذا كنت تعرف عن الهارد دسك أي معلومه .. موعد صدوره او اي شي .. ياليت تخبرنا .

وشكرا.

**سي دي2** · 20-02-2003, 02:40 AM

لوسمحت هل في العاب اقدر العبها عن طريق الدايل اب من السعوديه

**hattawi** · 20-02-2003, 05:16 AM

اخوي HArb200 هذا هو المودم الامريكي و الفتحة اللي ملزق عليها هي فتحه البرود باند (لزقوها عشان محد يحط واير التلفون "الديال اب" لانهم يقولون لو حطيتها بنسويلك مشاكل و يمكن اتسوي ماس كهربائي),و لو كان المودم الامريكي و البال نفس الشي ما كانوا سووا مودم خاص للاوروبيين بفتحة البرود باند بس.

لاحظ الفتحة الكبيرة في الصورة المرفقه في اول الموضوع.

و سي دي2 :
بكتب جميع الالعاب الاونلاين سواء برودباند او ديال اب للعموم و الشمول.

All Star Baseball 2004 غير محدد لانها لم تنزل بعد
Amplitude اربعة لاعبين (ديال اب و برود باند)
ATV Offroad Fury™ 2 اربعة لاعبين (ديال اب و برود باند)
AutoModellista غير محدد لانها لم تنزل بعد
EverQuest Online Adventures ثلاثة آلاف (ديال اب و برودباند)
Madden NFL 2003 لاعبين(ديال اب و برودباند)
Midnight Club 2 غير محدد لانها لم تنزل بعد
My Street™ اربعة لاعبين (ديال اب و برود باند)
NBA 2K3 لاعبان و حتى 10 لاعبين(ديال اب و برودباند)
NBA Live 2003 لاعبين(ديال اب و برودباند)
NCAA™ Basketball 2K3 لاعبان و حتى 10 لاعبين(ديال اب و برودباند)
NFL GameDayTM 2003 لاعبان و حتى 8 لاعبين(ديال اب و برودباند)
SOCOM: U.S. Navy SEALs ستة عشر(برودباند فقط)
Tony Hawk's Pro Skater 4 ثمانية لاعبين (برود باند و ديال اب)
Tribes: Aerial Assault لاعب حتى 16 لاعب(برود باند و ديال اب)
Twisted Metal:Black™ ONLINE لاعبان(ديال اب) حتى 8 لاعبين(برودباند فقط)

**hattawi** · 20-02-2003, 05:26 AM

اما عن الهارد ديسك يا اخ HArb200 فالمودم فيه فتحتين (مثل هارد ديسك الكمبيوتر) و اكيد بيكون هناك هارد ديسك مباع بروحه بدون المودم لان الناس اشترت المودم وخلاص.
اما عن اللينوكس هذا يستخدم لبرمجة العاب للبي اس 2 و يسوي البي اس 2 مثل الكمبيوتر الشخصي.(تحتوي علبة ليونكس على مودم برودباند فقط و هارديسك و ماوس و كيبورد USB و واير لتوصيل الجهاز بشاشة الكمبيوتر.
ملاحظة:
اكدت سوني ان العابها لا تتوافق مع هارد ديسك ليونكس و انها ستصدر هارد ديسك خاص للالعاب.

اليك مجموعة من اللينكات عسى ان تكون مفيده:
http://www.us.playstation.com/suppor...or/D008697.asp

http://www.us.playstation.com/suppor.../415013905.asp

http://www.us.playstation.com/hardwa...CPH-97047.asp#

**Jin Kazama** · 20-02-2003, 05:30 AM

انزين كيف تلعب سوكوم ؟؟

من وين جبت المايك؟

وشكرا على المعلومات

**hattawi** · 20-02-2003, 05:34 AM

بسيطه......تقدر تلعب بدون المايك.

ما تصدقني جرب.

الموضوع: شرح لاهم تفاصيل مودم البلايستيشن 2

أدوات الموضوع

شرح لاهم تفاصيل مودم البلايستيشن 2

ضوابط المشاركة