Super Smash Bros.Melee

[Snake-87]

بسم الله الرحمن الرحيم



أكيد تتساءلون منو Snake_87 ?? من وين طلع ؟؟
طبعا أنا بالمنتدى من فترة مو بالهينة ولكن ظروف الإمتحانات والمدرسة تعوق فكنت أمر بس
والحين الحمد لله كتبت موضوع ان شاء الله يذكركم فيني (شايف نفسه :icon16: )
و إلي يذكرني قبل باسم soper sonic



......
ماني مصدق أخيرا بكتب الموضوع صارلي مدة طوييييييييييييييييييييييييييييييييييييييييييييييييييييييييييييييييييييييييييييييييييلة وانا أكتب فيه وتعبت تعب

طبعا بعض النــاس راح يقولون هذا فاضي وما عنده شغل :damnmate:

والله صراحة هواية وملأ فراغ
-------------

نسيت السالفة الرئيسية ألا وهي
تقريري المفصل عن
Super Smash Bros. Melee
مع العلم انه كللللللللله من كتابتي بالتفصيل
(( اللهم الصور من الانترنت بس ))
-----------------------------------------

بسم الله الرحمن الرحيم

لاحظت انه اللعبة محد يتكلم عنها ولا أكو عنها أي شي مع انها من أحلى الألعاب (قديمة) بس ما تنسي على الكيوب
فقلت أسوي تقرير شامل للعبة لأنها افضل لعبة جماعية على الكيوب المهم نبدأ التقرير المفصل

Super smash bros. melee تحت المجهر
البداية:
---------

التصنيف العمري : 13+
عدد اللاعبين:1-4
الشركة: ننتيندو
تاريخ الصدور : (من زمان )
عمر اللعبة : ما راح توقف عن لعبها إلا لما ينزل جزء جديد
تستاهل تشتري الجهاز علشانها إذا كان عندكم ربع وايد
الشكل: 3D بشكل جديد !


شرح بسيط للعبة:


أول ما تمسك اليدة وتلعب راح تحس انك طفل جد والله ... وراح تمل منها أول شي لأنها بالنسبة لك بايخة
بس لما تلعب فيها ويصير فيه منافسة وتختار شخصية تناسبك وهذا أهم شي وتتعود على الشخصية هني تبدأ اللعبة عدل.
اللعبة كانت موجودة من قبل على الجهاز الكلاسيكي N64

شرح بسيط عن طريقة اللعب


شخصيات ننتندو في لعبة
طريقة مبتكرة للألعاب الجماعية لنينتيندو, عبارة عن مساحة من الشاشة عليها سطح ( طائرة ام كوخ ام شلال
ملعب بوكيمون طائرات والكثير )
نفترض أرض .. عليها الشخصيات لازم تخرج الخصم من الشاشة بأي شكل شلووون؟
إذا سقط من ساحة اللعب يعتبر خارج .. شلون تطلعه؟؟
فيه شي أسمه ( ديمج) وهو عداد مؤوي يكون في بداية اللعب صفر وكل ما يزيد الضرب عليك يزيد العداد
0% 12% 32% وهكذا
وكل ما يزيد العداد إذا احد ضربك تطير أكثر وتبتعد أكثر عن الأرض (طبعا ترجع)
إلى ان يصبح كبير100% تقريبا أو أقل أو أكثر (على حسب المكان والمرحلة) إذا وصل وحصلت على ضربة راح تطير خارج المرحلة (يمين الشاشة-يسار الشاشة فوق ) أي مكان ,,
حرب قتالي مع الكثييييير من الأدوات والأسلحة الصناديق والقنابل والمراوح والعصي البيسبول نجوم بوكيمونات
الفكرة بايخة لما تسمعها بس تعال ألعب وشوف الكم الهائل من الخيارات . وتخيل 4 لاعبين كل واحد يطق الثاني .
شخصيات نينتيندو 15 شخصية رئيسية و 11 شخصية سرية يعني 26 شخصية.

يصير تلعب بضد 1 أو 2ضد 2 أو 3ضد1 أو كل واحد ضد الثاني أو 2 ضد 1ضد1

فنيات :

إذا مثلا عداد طاقتك وصل 70% وانت بطرف المرحلة وطلعت عن أرضية اللعب لازم ترجع وإلا تطيح تحت الشاشة لا تيأس فكل شخصية لها قدرة معينة على أنها تحاول الرجوع فكل الشخصيات لها قفزتان
مثلا ماريو إذا ابتعدت عن نطاق ارضية اللعب وتبي ترجع اقفز القفزة الثانية ثم استخدم خاصية B+Up راح يسوي حركة ترفعه قليلا حتى يقدر يتمسك بحافة الأرضية ولكن لازم يكون عندك تقدير للبعد
وإذا مثلا وصل مستوى الطاقة 80 أو 90% وانت حاولت يمكن ما تقدر ترجع لأنك ابتعد حيل فراح تسقط تحت .

اللعبة تعتمد على سرعة البديهة أكثر شي والتحكم السريع والاستغلال للأدوات وعوامل المرحلة .

ملاحظة : اللعبة يبيلها وقت على ما تتعود عليها ! (لاااازم ممارسة)




يتبع ...
الرجاء عدم الرد إلا بعد إكمال الموضوع ... (عارفين السالفة)

[Snake-87]

التحكم

عصاة التحكم


يمين يروح يمين ويسار يروح يسار تحت ينحني فوق يقفز X و Y يقفز أيضا
وإذا ضغطت فوق مرة ثانية راح يطمر طمرة ثانية (سوبر جمب)
حرك العصاة يمين مريتن بسرعة راح يركض (داش)

- في بعض الأحيان للشخصيات السريعة (بعض الشخصيات كابتن فالكون –فوكس – ماريو- شيك) وغيرهم
إذا كان امامك جدار مثلا على اليسار اركض نحوه وافقز ووجه عصاة التحكم (فوق يسار) اول ماتلمس الجدار اعكس عصاة التحكم بسرعة إلى ( فوق يمين) لازم بسسرررعة راح يدفع الحائط برجله ويققز أعلى زيادة .


A البوكسات (لكمات)


تلتقط الأدوات
تستخدم الأداة

A مع يمين أو يسار الضربة الساحقة (سماش) وتزيد من طاقة الخصم أكثر شي حوالي 13% أو اكثر على حسب الشخصية ((( دور صورة)))
إذا طولت أكثر تصير أقوى
A مع فوق إذا الخصم أتاك من الأعلى (تستطيع مسكها مدة أطول تصير أكبر)
http://www.smashbrosmelee.com/char/m...uperpunch3.jpg


نفس الحالة A مع تحت (ما تهدها)
تقدر تستخدم عصاة الC الصفراء بدل A في ضربات سماش فهي أضبط للمبتدئين


(ملاحظة لازم تضغطهم مع بعض) إذا ما ضغطتهم مع بعض راح تكون لكمة أو ركلة عادية ولكن سريعة

إذا كنت بالهوا تقدر تطق A. مع يمين أو يسار وفوق وتحت يسوي حركة (نفس الشي عصاة C )

اركض واضغط A كل شخصية تسوية حركة مثلا ماريو (سلايت)


B وهي الحركة المميزة للشخصية



كل شخصية لها حركة خاصة وغير B+up B+down B+يمين أو يسار

http://www.smashbrosmelee.com/char/m..._fireball2.jpg


C


بعد التقاط الاداة تقدر ترميها على الخصم بالإتجاه إلى تبيه بس وجه عصاة الـC للخصم و وتروح له الأداة (يمين سيار فوق تحت)


L و R


للحماية اضغط عليه راح تظهر كرة تحميك إذا طولت بالحماية راح تختفي الكرة شوي شوي لما تختفي وبعدين راح تتخدر اضغط عليها بخفة علشان ما تخلص بسرعة
هل تخلص طول اللعب؟ لا بس خلها عطها كم ثانية وترد طبيعية
إذا الواحد مسوي حماية شلون أطقه؟؟
تقدر تمسكه Z
والحماية عبارة عن كرة تقل تتريجيا مرات إذا طول بالحماية فـيبين الرأس من فوق أو الأرجل حاول تضربهم وراح يتأثر أكيد
وتقدر وانت مسوي الحماية تحرك الكرة بعصاة التحكم قليلا

R+Down
تتجنب الأدوات أو تتجنب المسكات (لا تسويها وايد إذا كنت مو محترف) 

R مع يمين أو يسار راح تتدحرج يمين أو يسار (تروح ورا الخص)



إذا الواحد طقك طلقة قوية والدم مالك وايد وطرت وكان فيه جدار أو أي شي إضغط R علشان ما تطير وتلصق بالجدار (لازم سرعة بديهة)
او وإنت نازل بالأرض إضغط R إذا كنت طايح من فوق تتعدل بسرعة.


Z


زر مفيد جدا جدا جدا جدا يغنيك عن أزرار وايد لما تحترف
(المسك ) تستطيع ان تمسك خصمك اركض باتجاهه واضغط z راح تمسكه بعد ما تمسكه اضغط A مرات عديدة لضربه ثم وجه عصاة التحكم بالإتجاه اللذي تريده لترميه وكلما كان طاقته كبيرة تستطيع مسكه لمدة أطول وضربه اما إذا كانت طاقته قليلة 4% تستطيع مسكه لثانيتان مثلا
تستطيع ايضا رمي الأداة التي على الخصم Z مع اتجاه الخصم
تستطيع أيضا أن تلقي بالأداة للأعلى وانت بالهواء تستطيع ان تمسكها مرة ثانية
تقدر تأكل الأكل (foods) وهو يقلل من الطاقة ومفيد جدا وهو بالهواء اقفز ثم اضغط z لتأكل 
http://smashbrosmelee.com/items/shot4.jpg
تستخدم لترك الأداة (رميها خلفك)
إذا ضغطت Z مدة راح تتحول لحماية وخلك ضاغط على زد ولما تروح يمين أو يسار يتدحرج كأنك ضاغط R وإذا ضغطت تحت نفس الشي كأنك ضاغط R


الأسهم


ماكو منهم فايدة بس السهم إلي فوق حركة استهزاء بالخصم



إذا كنت قافز:
تقدر تستخدم B وال A بروحها أو مع الإتجاهات
إذا ضغطتR راح توقف بالهوا ثانية (مثل الحماية ) لو أحد القى عليك شي راح يمر من خلالك
لكن وانت نازل ما تقدر تدافع عن نفسك إلى لما توصل لأرض
تقدر تضغط R مع الإتجاهات علشان تبتعد عن الأدوات المحذوفة عليك
-------
إذا كنت متعلق بحافة وتبي تصعد:
إذا ضغطت A راح تركل على ما فوق الحافة (إذا الخصم ناطرك)
إذا ضغطت R يتدحرج من تحته
إذا ضغطت تحت راح تنزل فوق راح تقفز
-----------------
إذا انت مضروب ووقعت على الأرض:
إذا تبي تنهض في عدة طرق:
1- تنتظر الخصم يقترب بعدين اضغط A راح تركل او تهجم على الخصم إذا قرب (خدعة)
2- فوق ينهض عادي
3- يمين او يسار يتدحرج


يتبع ,,,,, الرجاء عدم وضع رد حتى انهي التقرير

[Snake-87]

الشخصيات الأساسية

راح نذكر لكل شخصية ميزاتها للزر B

1- ماريو







سريع وخفييف

B كرة نار تتحرك لمدة خفيفة تتدحرج للأمام تزيد الطاقة لـ




مع فوق (اغلب الأحيان كل الشخصيات B مع فوق ترفعه)
ترفعك إلى فوق إذا كان الخصم يمك حيل راح يتأثر او كان فوقك وتطلع من الخصم فلوس ههه
(حدد الإتجاه يمين أو يسار)




مع تحت
إعصار ماريو
يدور على نفسه بعدين يفرق الخصم بلكمة أخيرة على جنب (تنفع بالزحمة)


مع يمين
نسميها (الفوطة أو الخرجة)
مفيدة جدا جدا جدا
إذا واحد ضربك (سماش) تعكسها وتخليه يطق وراه
تقدر تعكس أي شي يسقط عليك مثلا قطو عليك أداة أو قنبلة مثلا تعكس طريقها وترجع لصاحبها
إذا كنت تبي تطيح قبل لا تضغط B مع فوق إضغط B مع يمين أول راح ترفعك شوية بعدين طق B مع فوق
تفع شوية لترفعك قلييييلا



---------------



إذا الخصم يحاول يرجع أرض المرحلة قبل لا يوصل تقدر تطمر عليه (القفزة الأولى)
وتطق A مع يمين (اتجاه الخصم) راح يلكمه لكمة تنزله بالأرض (برة الشاشة) وبعد ما تطقه بسرعة كبيرة لازم تقفز القفزة الثانية وتضغط B+فوق مع اتجاه الحلبة لترجع وما تطيح معاه .

--------------------------

2- يوشي





ثقيل وقفزته عالية جدا (ما يحتاج B مع فوق للرفع)

B
يطلع لسانه ويبلع الخصم ويخليه داخل بيضة (حاول تطقه وهو بالبيضة)

إذا كنت محظوظ حيل
مرات إذا كنت بطرف المرحلة وسويت هذي الحركة بيضة الخصم يطيح بالخارج



مع فوق

يحذف بيض (حاول توجه)


تحت

قفز للأعلى تلقائيا بعدين ينزل عموديا (قوية)




يمين أو يسار

يتحول على بيضة ويدعم كل شي جدامه ( تحكم يمين ويسار)




-----




إذا الخصم يحاول يرجع أرض المرحلة قبل لا يوصل الحلبة تقدر تقفز عليه (القفزة الأولى)
وتطق A مع يمين راح تطقه براسك وتنزله راح يطيح تحت بعد ما يطيح بسرعة اقفز القفزة الثانية (مع اتجاه الحلبة)
يتبع ... الرجاء عدم الرد حتى انتهي,,,

[Snake-87]

3- بيكاتشو






خفيف وسريع

B



تيار كهربائي يمشي (راح تنزعج من صوت بيكاتشو وهو يقوله مرات وايد)




مع فوق



لما تطقها لازم بنفس الوقت تحرك عصاة التحكم لإتجاهين مختلفين
مثلا : B+up ولف عصاة التحكم فوق بعدين يسار راح يروح اتجاه بعدين يغير اتجاهه مرة ثانية





مع تحت

ثاندر الصاعقة

من اسمها إذا أحد فوقك من إسمها تطلع غيمة وتسوي صاعقة عليه ويقول بصوت خشن (بيييكاااا)




يمين أو يسار (اضغطها مدددددة )


راح يشحن نفسه مدة طويلة بعدين ينطلق ويصدم الخصم ويرسله إلى مرافة بعيدة (على ما أعتقد تزيد 22% )




-----




تقدر إذا كنت بعيييد وتحاول ترجع للحلبة تضغط B مع يمين مدة تقرب شوية بعدين تستخدم B مع فوق علشان ترجع.



--------------------------

4-كابتن فالكون







ثقيل بس سريع جدا جدا (لما يركض) ومسكته سريعة






B
فالكون بنش
يشحن نفسه ثانيتين بعدين يعطي الخصم لكمة نارية قوية جدا






فوق

يرتفع للأعلى إذا كان أحد فوقه يمسكه ويتركه محروق






تحت

إذا كنت بالأرض راح يسوي حركة مثل (سلايت) بس نارية
إذا كنت بالهوا وسويتها راح ينزل وريله فيها نار مثل الصورة








يمين ويسار

إذا كنت بالأرض راح ترفع خصمك للأعلى بلكمة نارية
إذا كنت بالهوا وخصمك بالهوا راح تعطيه لكمة تنزله



------------------




إذا الخصم يحاول يرجع أرض المرحلة قبل لا يوصل تقدر تطمر عليه (القفزة الأولى)
وتطق A مع تحت راح يدوسه دوسة تنزله بالأرض (برة الشاشة) وبعد ما تطقه بسرعة كبيرة لازم تقفز القفزة الثانية وتضغط B+فوق مع اتجاه الحلبة لترجع وما تطيح معاه .

----------------------------------
يتبع ... الرجاء عدم الرد حتى انتهي,,,

[Snake-87]

5- فوكس




ثقيل شوي بس سريع جدا جدا





B
مسدس الليزر





مع فوق
يطلع منه نار ويهاجم
(حدد الإتجاه)





مع تحت
مفيدة جدا
(لا تهدها),,, يعكس الأدوات المحذوفة عليك وإذا كنت ملتصق بالخصم وضغطت عليها راح تبعده عنك شوي






مع يمين
ينطلق كالسهم ويطلع الصوب لثاني


---------------------



كومبو : إذا مسكت الخصم إلقيه لأسفل بعد ما يحطه بالأرض إضغط على طول B+Down راح تبعده عنك.

حركة إذا كنت محظوظ : إذا كنت بالحافة حيييييل ومسكت الخصم وقذفته لأسفل يمكن يطلع بالغلط مرات


----------------------------------



6-دونكي كونج



بطيييييييئ بس قوي




B
يشحن نفسه بعدين راح يطلع دخان من خشمه متى ما تبي إضغط B مرة ثانية راح يعطي الخصم لكمة محترمة




فوق

يدور على نفسه ويعطي طراقات






تحت
يضرب الأرض ويهز الشاشة
أي شي قريب منه راح يتعور



يمين او يسار
تدعس الخصم بالتراب





------------------




إذا مسكت الخصم ارسل عصاة التحكم نحو اتجاهه راح يشيله ويحطه على ظهره  ويمشي فيه 
روح وقطه بره وإذا صرت نذل طب انت معاه .
((حركة الإستهزاء حلوة حيل ))


---------------------------
يتبع الرجاء عدم الرد ....
-------------------

[Snake-87]

7- باوسر



ثفيييييل جدا وبطيييئ بس ضرباته قوية
أول ظهور له كان عام 1985






B
نار عادية




فوق
يدخل راسه ويفر على نفسه



تحت
يطمر بعدين يقعد على الخصم



يمين أو يسار
يشمخ (يخدش)
إذا كنت قريب من الخصم راح يمسكه ويعضه عض
إذا كنت بالهوا والخصم بالهوا وقريب منك تقدر تسوي هذي الحركة تمسكه وهو بالهوا



--------------------------------------


8-بيج







B
تطلع تود علشان تمتص الصدمة إذا ألقوا عليك شي تصده وإذا كان الخصم قريب راح يتأثر





فوق
ترتفع وتطلع مظلة




تحت
تطلع فجل من تحت الأرض وتلقيه على الخصم يزيد 10% (لا نهائي)




يمين ويسار

تهاجم الخصم وتطقه على جنب وتفجر نار

يتبع...
الرجاء عدم الرد ......
أنا بكمله ان شاء الله باجر
لأني بناااااام باجر عندي مدرسة

[رافي]

موضوعك جميل جدا

وترى اللعبة أفضل لعبة جماعية لأنها ممتعة ومافي طفش منها إن شاء الله الجزء الجديد عالجيل الجديد
أتحداكم أونلاين عليها

ونشوفك

[THE_MATRIX]

WooooooooooooW

ابدعت اخوي ما شاء الله عليك ^^
انا اعرف اول سوبر سونك ^^

هلا و غلا فيك بالمنتدى و ان شاء الله نجوفك 24 ساعة ^^

و سوبر سماش انا اقول بالنسبة لي افضل لعبة جماعية في العالم ^^
والف الف شكر لك الغالي على الموضوع الأكثر من متميز و المعلومات الغنية و بالتفصيل

[(falco)]

شالتقرير المذهل فعلا تقرير قمة في الروعة والتميز مع اني اعرف اللعبة عدل لكن استمتعت بقرائة تقريرك الممتاز واللعبة اعتبرها افضل لعبة جماعية على الكيوب وممكن في العالم العاب ماريو بارتي وكارت والبقية من العاب ماريو ماتتعطيني ربع متعة سماش صارلي 3 سنين من شريتها من عالكيوب وكل مرة اتعلق فيها اكثر واللي يميزها عن غيرها وهذا مو جرد رائيي انا فقط لا اكثر انا لعبت وايد العاب قتالية بس ماصارلي 5 شهور او اقل الا زهقت منهم بعكس سماش والحلو فيها انها تجمع افضل شخصيات ننتندو وكل واحد له صفات منهم السريع والقوي واحلى شي لما 4 يتقاتلون وكلهم محترفين تصير هوشة ساحقة فعلا وتصير متعة لا حدود لها واتمنى نسخة الرفلوشن تكون امتع وامتع وشكرا اخوي وبانتظار التكملة واسف اني رديت بس كان لازم ارد على موضوع الابداعي

[Snake Fang]

شنو هالتقرير هذا؟؟ ,, لو ما كتبته كان احسن !
تقرير سخيف صراحة , يعني مدري ايش المقصود منه !!





داخل غلط صح؟
اهلين سوبر سونك كيفك؟ , شو اخبارك؟ من زمااااااان عنك و عن اخبارك , ان شاء الله تكون حليت كويس في الامتحان مو مثل كل مرة (على اساس اني اعرفك )

بصراحة تقرير رااااااائع بمعنى الكلمة , عن لعبة اروع و اروع , تقرير متميز متعوب عليه , تكلمت عن كل جوانب اللعبة ما شاء الله عليك ابدعت ..

و بما ان التقرير مميز فمعناها ..





و ننتظر منك المزيد و المزيد ^______^


و شكرآ

[Snake-87]

السلام عليكم

أبي أكمل لأني جدا مشغووول
بعدين أرد عليكم آسف

9- نيس

خفيف وعنده قفزة عالية





B
تشحنه وتقدر تطلقه فوقك تقدر تتحكم فيه قليلا


فوق
تطلع شعاع تتحكم فيه توصله لي الخصم
تقدر تضرب نفسك فيه وإذا كان الخصم جنبك راح يتعور حييل
إذا كنت بتطيح وتحاول ترجع استخدمه وطق نفسك فيه من ورا علشان ترجع






تحت

تطلع كرة إذا احد رماك مسدس ليزر مثلا أو مسدس فوكس أو أي طلقات يأكلهم وينقص من الديمج مالك






يمين ويسار
تطلع نار تشل الخصم فيها بالوقت هذا روح طقه


------


إذا الخصم يحاول يرجع أرض المرحلة قبل لا يوصل تقدر تطمر عليه (القفزة الأولى)
وتطق A مع تحت راح يدوسه دوسة تنزله بالأرض (برة الشاشة)




---------------------------


الرجاء عدم الرد رجاااااااءااااااا
ومشكوروين على ردودكم مقدما

[Snake-87]

تكملة

10- كيربي







أول ظهور له كان 1992 على الجيم بوي
خفيييييف وعنده 5 قفزات خفيفة




B
هذي الشخصية فيها ميزة انها تقدر تقلد كل حركات الشخصيات بزر الB إذا كان الخصم جدامك وضغطتB
راح تبلعه


وبعد ما تبلعه راح تقطه بعد ما تقطه راح تصبير مثله تشبهه شوي وتقدر تمشي فيه وهو بفمك



ويقلد حركت الخصم الخاصة (B) مثلا فوكس يطلع مسدس ليزر يسوي مثله ماريو يطلع كور نار نفسه
وبيكاشو يطلع كهرباء






فوق
يطلع سيف ويطلع مثل الموجة





تحت
ينزل على الخصم ويتحول على صخرة أو شنطة أو معدن إضغط بي يرد طبيعي







يمين أو يسار
يطلع مطرقة



كان ودي أكمل زيادة برد واحد ولكن يحطون رسالة انه الأكواد كثيرة

الرجاء عدم الررررررد لما أنتهي

[THE_MATRIX]

ما شاء الله ^^
والله استفدت وايد واصل و إلى الأمام ^^

[keno da]

موضوعك روعة صراحة

بستاهل المميزة ^__^

مشكور

[Snake-87]

11- زيلدا - شيك


تتحول إلى شيك (شخصيتان في واحد)

سرعتها معقولة



B
تدور حول نفسها وتطلع شي يحميها <------ مثل نيجي حركته (كايتين)
تحمي نفسها من الأدوات وتعكس الأدوات وإذا الخصم قريب يتأثر





فوق
تدور على نفسها وتختفي وترتفع مسافة عااااااالية مفيدة إذا بترجع من الخارج
وإذا أحد كان قريب يتأثر قليييييلا



تحت

تتحول إلى شيك




يمين ويسار

تطلع كرة نارية انت تتحكم فيها وهي سريعة إذا وصلت للخصم تنفجر فيه







-----------------------------

12- شيك


(زلدا إذا تحولت)


سريع جدا(بالركض والضربات) بس ثقيل قليلا



B
يحذف ابر صغيرة تقدر تمسك الزر مدة علشان تشحن إلى ان تشوفه يلمع بعدين إضغط L أو R للإستعداد
ومتى ما تبي تلقيهم إضغط B راح يلقي كمية كبييرة وتقدر تستخدمه وانت قافز




فوق
يخفي ويطلع مكان ثاني (يمين أو يسار أو فوق أو تحت حسب الإتجاه إلي انت مختاره) وإذا الخصم يمك راح ينحرق




تحت
يتحول مرة ثانية إلى زيلدا




يمين ويسار
تطلع سلسلة تتحكم فيها بعصاة التحكم وإذا حركتها على شكل دائري وبسرعة أحسن

تقدر تستخدم السلسلة إذا مثلا احد ألقى عليك أداة توقفها أو قنبلة تفجرها بس ما تعكسها

---------

- تقدر وإنت تحاول انت ترجع إلى الحلبة وكنت بعييييد تتحول بسرعة إلى زيلدا بعدين تضغط B+Up علشان توديك مسافة أعلى.

- تقدر اول ما تختار المرحلة لما يطلع لودنج إَضغط A ببداية اللعب راح تكون متحولة من البداية على شيك.

الرجاء عدم الرد
يتبع ,,,

[Snake-87]

13- ساموس


اول ظهور له 1986 على جهاز NES



B
أقوى حركة لديه يشحن مسدس الليزر مدة وبعد ما يشحن يطلق كرة ليزر كبيرة وقوية جدا تزيد 25%




فوق

يرتفع على شكل كرة كهربائية وإذا الخصم بجانبه أخذه معاه إلى الأعلى



تحت

يتحول إلى كرة صغيرة يخرج منها قنبلة تنفجر


يمين ويسار

يطلع صاروخ صغير تتحكم فيه وتقدر تخليه أسرع إذا ضغط بالبداية B مع يمين مع بعض بسرعة


--------------

إذا كنت تبي ترجع إضغط Z إذا قربت من الحافة راح يطلع سلك ازرق ويلصق بالحافة (لازم تنيشن) تصوب عدل واقفز راح ترجع فوق

-----------------------

14- ليــــــنك






B
يطلع قوس وسهم كل ما مسكت الزر اكثر ابتعد السهم أكثر





فوق
يرتفع ويدور على نفسه بالسيف




تحت
يطلع قنبلة صغيرة لازم تلقيها بسرعة لأنها إذا طولت تنفجر فيك ( تأثيرها مو مثل القنبلة الأصلية)




يمين أو يسار
Boomerang
تروح وترجع لك طبعا


---------


- إذا كنت تبي ترجع إضغط Z إذا قربت من الحافة راح يطلع سلسلة راح تلصق بالحافة (لازم تنيشن) تصوب عدل بعدين اقفز راح ترجع فوق


يتبع الرجااااااااااااااااااااااااااااااااااااااااااااااااااااء عدم الرد

[Snake-87]

15- آيس كلايمبرز





اول ظهور كان 1985 على NES
عبارة عن ثنائي تتحكم بالشخصية الثانية تسوي نفس الحركة
يسوون حركاتهم مع بعض
إذا طلع الثاني (الوردي) انت ما تموت وإذا اخحد طقه أنت ما تتأثر ما يزيد الدمج كلكم بديمج واحد
بس إذا طلع تكون انت أضعف وحركاتك مو كاملة

B
يطلعون ثلج من مطارقهم




فوق

كل واحد يرفع الثاني بحبل





تحت
ينفخون ثلج ويخلون الخصم يتجمد قليلا




يمين أو يسار يدورون على بعض بالمطرقة



إذا انت خذيت مثلا مسدس اليزر ورحت ولقيت مسدس ثاني أو أي سلاح ثاني صاحبتك تقدر تشيله ومن تستخدم السلاح نفس الوقت اهي تستخدم السلاح الثاني معاك



امسك الخصم نص ثانية بعدين إضغط A+ جدام ولا تهدها راح يشحن صاحبك ضربة قوية
وإذا مسكت ايضا إضغط B زميلك راح يطلع ثلج






هذه كل الشخصيات الرئيسة ... يتبع ....

[Snake-87]

15- آيس كلايمبرز





اول ظهور كان 1985 على NES
عبارة عن ثنائي تتحكم بالشخصية الثانية تسوي نفس الحركة
يسوون حركاتهم مع بعض
إذا طلع الثاني (الوردي) انت ما تموت وإذا اخحد طقه أنت ما تتأثر ما يزيد الدمج كلكم بديمج واحد
بس إذا طلع تكون انت أضعف وحركاتك مو كاملة

B
يطلعون ثلج من مطارقهم




فوق

كل واحد يرفع الثاني بحبل





تحت
ينفخون ثلج ويخلون الخصم يتجمد قليلا




يمين أو يسار يدورون على بعض بالمطرقة



إذا انت خذيت مثلا مسدس اليزر ورحت ولقيت مسدس ثاني أو أي سلاح ثاني صاحبتك تقدر تشيله ومن تستخدم السلاح نفس الوقت اهي تستخدم السلاح الثاني معاك



امسك الخصم نص ثانية بعدين إضغط A+ جدام ولا تهدها راح يشحن صاحبك ضربة قوية
وإذا مسكت ايضا إضغط B زميلك راح يطلع ثلج






هذه كل الشخصيات الرئيسة ... يتبع ....

[Snake-87]

الشخصيات السرية

سأستعرض الفروقات إذا كان فيه تشابه بسيط
والحركات الخاصة B


بسم الله




16- لويجي


خفيييييييف جدا جدا جدا ولكنه بالركض بطيئ قليلا


B
كرة نار نفس ماريو بس خضراء وتمشي بخط مستقيم أما ماريو تتدحرج





فوق
ترتفع إلى الأعلى نفس ماريو لكن تزيد فقط 1 % ومو عالية مثل ماريو
ولكن الجانب الإيجابي انها إذا كان الخصم بالأرض (لازم) ولصقت فيه وسويتها راح يزيد دمه 25% وإذا كررتها مرة ثانية وكان دمه مثلا 50 راح يطلع برة .






تحت
يدور على نفسه بس أسرع من ماريو ويقدر يتحرك يمين ويسار




يمين أو يسار
يشحن نفسه ويطلق نفسه مثل الصاروخ (تنفع إذا كنت بترجع من برة لأنه B+up مو عالية) وتقدر بعد ما تسويها إذا بترجع تضغط على طول B+up
أحيانا ينفجر لويجي من غير ما تشحنه ويروح أقوى من لما تشحنه كليا ويزيد 25%
واحتمال الإنفجار 1 من8



---

للحصول على luigi

العب Adventure Mode بماريو انهي المرحله الاولى برقم 2 .... (03: 12 : 43 افتراض) ((( يجب ان يكون رقم 2 بالعداد))

ملاحظة : حركة الإستهزاء لما يشوت إذا قربت جنب الخصم راح يتأثر 1%

[hussien-11]

موضوع إبداعي بكل معنى الكلمة ، ما شاء الله عليك أخوي أبدعت

سوف يتم تثبيت الموضوع لمدة 3 أيام

بالنسبة للعبة ، أنا جربتها مرة واحدة فقط و كانت رهيييييبة ، لكن للأسف ما امتلكتها

[Snake-87]

اعتذر عن اكمال الموضوع حاليا
فيه خلل بجهازي

و آسف على عدم الرد

hussien-11
مشكور على ردك واللعبة ما تتطوف
وباالنسبة للتثبيت
ارجوا انهك تطول مدة التثبيت إلى ان اكمل الموضووع وشكرا

[Snake-87]

17- جيقلي باف



خفيييييف عنده 5 قفزات
B
تدور بمكانها وتقحص كأنها تاير إذا هديتها راح تنطلق وتصدم الخصم (قوية)



فوق
راح تغني وتنوم الخصم تقدر بعدين تهاجمه




تحت
أقوى حركة بس صعبة شوي
لازم تقفز على الخصم وتكون بمنتصفه تقريبا(نص جسمه) بعدين تضغطها راح تنام وتعطيه ضربه قوية جدا
23% تقريبا أو 25% وإذا كان دمه صفر% وسويتها له مريتن راح يطلع برة على طول




يمين أو يسار
لكمة تزيد 11%


--------


للحصول على Jigglypuff

أنهي طور Adventure or Classic و بأي مستوى
أو
العب بطور الـ V.s 50 مرة

-------------------------



18- مارث





B
ضربة قوية ما أعرف أشرحها



فوق
تصعد إلى فوق بالسيف وإلي فوقك تشلعه




تحت

لازم يكون عندك توقيت جيد للحركة هذي
إذا الخصم ضربك وسويتها راح تمتص قوة ضربته وترجعها له ? لاااازم توقيت جيد



يمين أو يسار
تمشي بالهوا مع ضربات السيف

-----


للحصول على مارث
أنهي الClassic mode بالشخصيات العادين 14( ليس الذين حصلت عليهم)
أو
العب v.s مود أكثر من 400 مرة !

يتبع,,,,,

[Snake-87]

19- ميو تو




قفزته عالية جدا



B
تشحن طاقتك وتطلقها على كرة تتحرك 25%




فوق
تختفي وتطلع مكان ثاني (نختفي بسرعة يعني ثانية ونص بس) تنفع للرجوع من الخارج طبعا




تحت
تطلع شعاع من عيونك يخدر الخصم




يمين او يسار
نقنرب من الخصم لما تسويها راح ترفعه تزيد حوالي 10 او 11% بعد ما ترفعه تقدر تكمل ضربك 





-------


للحصول على mewtwo

العب 20 ساعة
أو
العب 700 مباراة V.S



-------------------



20- فالكو





لايوجد فرق بينه وبين فوكس الفروقات هم:
- القفزة أعلى (اعلى قفزة باللعبة)
-الليزر ابطأ من فوكس ولكن الطلقة تزيد 2 %


- النار أقصر من فوكس لكن أقوى قليلا


- B+DOWN نفسها لكن الفرق انه لما يعكس الأدوات يزيد القوة مرة ونص 1.5


يتبع ,,,,,,,,,

[Snake-87]

21- دكتور ماريو


شخصيتي الرئيسية
:6147:


اثقل من ماريو قلييييييلا

الفروقات :

B
بدل النار في ماريو يطلع كبسولات تتحرك لأعلى ولأسفل وأقوى من النار قليلا



فوق
أقصر من مايو قليلا ولكن ماريو أقوى



تحت
مثل ماريو



يمين أو يسار
نفس ماريو ولكن ماريو أسرع




الضربات (A+يمين أو يسار) للدكتور أقوى بوايد ولكن الدكتور يطلع كهرباء خفيفة ماتوصل أما ماريو فأنه يطلع نار أطول ولكن مو أقوى


A+DOWN العادية لماريو ترفع الخصم أما الدكتور ترجعه للخلف
(تفنع إذا كان الخصم دمه 50 او 60 وتسويها بالحافة تلقيه برة)

إذا كنت بالهواء ماريو لما يسوي A+ يمين ينزل الخصم للأسفل اما الدكتور ضربته أقوى ويصعد الخصم إلى أعلى


--------


للحصول على Dr.mario


انهي اللعبه بطور Classic Mode بالشخصيه mario و بأي مستوى \ دون الاستمرار (continuing)

[Snake-87]

22- بيشو



الفرق بينه وبين بيكاتشو :


B كهرباء مثل بيكاتشو بس اطول



فوق
نفس بيكاتشو ولكن ابطئ قليلا




تحت
الصاعقة نفس بيكاتشو بس انه البرق يرفع الخصم لأعلى ويحوشه زيادة يعني أقوى




يمين أو يسار
نفس بيكاتشو بس انه يطول أكثر في الشحن ولكن الضربة أقوى بكثييييير


ملاحظة عن بيتشو وعيب كبير :
مع أي حركة يستخدمها فيها كهرباء الدمج ماله (دمه) يزيد مع كل حركة حتى لو ما حاش احد يزيد 2 او 3%

-------------------------




23- قانوندورف



ثقييييييييل جدا وبطييييئ

نفس كابتن فاكون


B يشحن بعدين لكمة قوية بنفسجية ابطأ من فالكون بس اقوى



فوق نفس فالكون بس يكهرب وأقوى وابطأ



تحت نفس فالكون بس ابطأ وأقوى وإذا كان قافز بالهوا وحاش احد تحته راح ينزله تحت



يمين ويسار نفس فالكون بس ابطأ واقوى


مع اخلاف بالحركات العادية (Smashs)
---
للحصول على Ganondorf
أنهي Event 29 بعدها أقضي عليه
أو
العب طور V.s فوق ال600 مرة

[Snake-87]

24- روي


نفس مارث بس أبطأ وأثقل



B
تشحن وتفجر مثل مارث بس تزيد دمك من أثر الانفجار10% ولكن اقوى بوااااااايد من مارث




فوق
نفس مارث بس يطلع نار بالسبف واعلى


تحت
نفس مارث بالضبط تعكس الحركة او الضربة



يمين ويسار
نفس مارث بس اقوى وفيها لهب



-----------

للحصول على Roy

أنهي طور Adventure Mode بالشخصيه Marth و بأي مستوى



--------------------

25- يونج لينك



نفس لينك بس اسرع وأخف



B
نفس لينك يطلق يهم بس سهم ناري ويزيد بقوته 3% عن لينك



فوق
نفسه بس أقوى



تحت



قنابل اصغر من قنابل لينك بس أنفجارهم اقوى

يمين أو يسار
مداها أقل من لينك بس تبقى اطول في أقى حد لديها بعدين ترجع



--------


للحصول على Young Link
أنهي طور Classic mode بعشرة شخصيات و بأي صعوبه ( يجب ان يكون من العشرة شخصيات link و Zelda)
أو
ههههههههه لازم تلعب فوق 500 مرة في V.s مود

يتبع,,,,,,,

[Snake-87]

26- مستر جيم أند واتش



شخصية عبيطة مؤخوذة من الأجهزة المحمولة القدييييمة إلي كلها بس يمين ويسار
مثل الطباخ إلي يلحق البيض إلي يطيح من فوق قبل ما ينكسر (يمين ويسار بس)
مثل الصور :






B

يحذف قطع صغيرة (يمكن حديد) بسرعات مختلفة




فوق (اعلى B+Up بالشريط تقريبا)
يطلعون 2 من عمال المطافي وماسكين مال الإنقاذ (المهم يصعدونك فوق يخلونك تطمر وتأثر على الخصم)






تحت


خاصية اذا استخدمتها عدل تصير قوية جدا

الطلقات والمسدسات وما شابه مثل مسدس فوكس وطلقات سامس إذا طلق عليك ويويتها راح تشوف الي بيده انترس زيت شوي إذا سويتها 3 مرات راح ينترس الدلو وإذا ضغطت بي وتحت الحين راح يكت (يسكب) إلي بالدلو على الخصم وتكون قوته حسب قوة الطلقة وأقوى مثلا طلقات ساموس توصل إلى 117%
وفوكس إلى 17 %

يمين ويسار

هذي الحركة مثل القمار فالرقم هو الي يحكم

وكل ما يطلع رقم يسوي حركة وأقواهم 9 يطلعك برة على طول

1 يطق نفسه (خفيفة جدا)
2 إلى 4 ضربة خفيفة
5 كهربائية
6 نارية (كل ما يزيد الرقم تصير أقوى)
7 راح يطلع اكل
8 ثلج
9 ضربة جقلي باف (بي وتحت) أقوى ضربة

--------

للحصول على Mr. Game & Watch


أنهي طور Classic and Adventure بكل الشخصيات 24 شخصيه

هذي جميييييييع الشخصيات بسماش
........ هههه تعبت

يتـــــــبع ,,,,

[Snake-87]

الأدوات
Items



أجمل ما في اللعبة
استخدام الأداة عن طريق الزر A
تقدر تضغط A + يمين أو يسار مدة تستخدم السلاح بشكل غير



الأكل :

فيه انواع وايد من الأكل مثل هامبرغر وآيس كريم ودجاج (اشياء صغار) وفائدتهم انهم ينقصون الدمج من 1 إلى 10% على حسب النوع





الطماطة :


تنقص من الدميج 50%


قلب الحب:


ينقص من الدمج 100%

ملاحظة : (الديمج ماله نهاية يوصل لي 999% إذا ما أنهيت عليه في مراحل كبيرة تطول انك تطلع الخصم مع الحماس توصل 400% تقريبا )




الوردة السامة :

لما تطق الواحد تطلع وردة على راسه ويزيد الدمج تدريجيا وتلقائيا وإذا طقيته طقه ثانية تكبر الوردة ويوصل حجمها مرات أكبر من الشخصية نفسها



النجمة اللفافية :


لما تستخدمها تطير فيك وتلف كم لفة بعدين تطيح على الخصم (قوية حيل) لازم انت توجه يمين أو يسار (دير بالك بأطراف المرحلة لا تطيح برة )



الرشاش :




إذا ضغطت A مدة راح يشحن ويطلق رصاصة كبيرة ويزيد الخصم 23% إذا كان دامج ماله 60 تقريبا وحاشته طلقة كبيرة راح يطلع على طول لأنها قوية
تقدر تطلق لشحنة 3 مرات وبعدين يخلص الرشاش
أو
تقدر تشكل على الزر A وتحكر الخصم وما يقدر يتحرك (25% تقريبا) ويخلص بعدين



وردة النار:


لا تهد A يطلع نار


عصاة النجمة :
قوية جدا إذا ألقيتها على الخصم تبعده مسافات بعيدة حتى لو كان الديمج ماله قليل


مميزاتها : ( بعض الخصوم يقدرون يعكسون الأسلحة على اصحابها هذا السلاح إذا ألقيته على الخصم ما يقدر يرده عليك )




يتبع ,,,

[Snake-87]

السيف:




قوي وسريع



مسدس الليزر :


إذا شكلت على الخصم وهو بزاوية المرحلة تقدر تطلعه برة
فيه 16 طلقة.




المهفة


من أحلى الأسلحة عندي
شكل على A وانت بجانب الخصم ما يدري شيسوي شكله يضحك
والأحلى لما تلقيها عليه يتعور ويفز لي فوق مو لي ورا
مميزاتها :
( بعض الخصوم يقدرون يعكسون الأسلحة على اصحابها هذا السلاح إذا ألقيته على الخصم ما يقدر يرده عليك )



المطرقة:
من أقوى الأسلحة


الحق واركض ورا خصمك إذا كان دمه كم طقة إلا هو برة يزيد 22% تقريبا
مرات يفلت الثقل مال المطرقة عن العصاة فالخصم يستقل هذا الشيئ ويأخذ المطرقة ويضربك فيها
ضربتان فيها تكفي انها تطلعك برة على طوووووول


السلحفاة الخضراء:


تزيد 36% تقريبا قوية جدا ارميها تشيل كل الخصوم جدامك وتكمل طريقها بشكل مستقييييم



السلحفاة الحمراء:

مزعجة تطق الكل وتلحق الكل



Flipper :

شي تقطه يعلق بالهوا أي أحد يحوشه يزيده 1% شي مليق (يؤثر على إلي قاطه أيضا)

عصاة البيسبول Home-Run Bat


سلاح من أقووووووى الأسلحة أيضا
لما تلقيه على الخصم يزيد 22% وتقدر بعد تلقيه على حامل المطرقة
وأقوى شي فيه لما تطق A + يمين أو يسار بسرعة لو كان الديمج 0% يطلعك برة على طووووول


يـــــــــــتبع ,,,,,,

[Snake-87]

الثلجة:


تجمد الواحد تقدر تطقه وهو متجمد والضربات إلي فيها نار راح تفتحه على طول لأنه النار يذوب الثلج.



القنبلة :



أيضا من أخطر وأقوى الأسلحة
لما تلقاها بالأرض دير بالك (احذر) إذا صار لها 5 ثواني محد خذاها راح تشتغل وتمشي وتنفجر بعد 7 ثواني تقريبا
قبل ما تنفجر راح توقف ثانيتين
تقدر تشيلها وترميها بسررررعة قبل لا تنفجر بإيدك
(تؤثر على صاحبها)




اللغم:

شي اخضر تزرعة أي أحد يدوس عليه يطيره ويزيده 23%
(حطه بأماكن حساسة) مثلا طرف المرحلة علشان إلي يبي يرجع يسقط عليه
(ملاحظة صاحب اللغم يتأثر ايضا)



المشروم :


نوعان:
سوبر مشروم :
وهو يكبر الشخصية ويخلها ضرباتها أقوى


المشروم السام :
يصغر الشخصية أي ضربة محترما يطلع برة المرحلة على طووول


شلون تفرق؟؟
السام غامق قليلا والسوبر فاتح



مستر ساترن:


شي عبيط يزيد 10% ويطلع صوت يضحك
بس فيه فائدة
- إذا الواحد مستعمل الحماية وانت قطيت عليه مستر ساترن الحماية راح تقل بشكل كبيييير

على فكرة هذا الرد رقم 2500 وباقي 11 يوم على يوم ميلادي الرابع بالمنتدى

.... يتبع :scratchch ....

[Snake-87]

المظلة :

الحلو فيها اركض وطق A
واقفز راح تنزل شوي شوي ببططئ



Screw Attack

نفس حركة سامس لما يضغط B+Up
يخليه قفزك عالي شكل على الخصم بالقفز (الصق فيه) وطامر
لما تمل (قطه) القيه عليه



Metal Box:


إذا خذيته يخليك ثقييييييييييييييييييييييل وإذا خذاه خصمك حاول تستدرجه لزاوية المرحلة وامسكه وارميه برة راح يواجه صعوبة بالعودة بسبب الوزن الزائد)

Bunny Hood :


تخليك سريييييييييييييييييييييييييييييع حيييييييل وقفزتك عالية حييييييييييل




نجمة نينتيندو الشهيرة :


إذا خذيتها راح تسمع لحن ما راح تتأثر بأي شيئ قدامك لما يخلص اللحن :ridinghor

[Snake-87]

جهاز الإختفاء :

من اسمه يخليك تختفي والميزة الجديدة فيه انه لما تنضرب ما يزيد الدمج بس تتعور بدون لا يزيد الدمج



البرميل الفاضي :


إذا كانت شخصيتك قوية شيل البرميل وارميه على الخصم (راح يقطها بسرعة إذا كان قوي)
راح يدخل الخصم في البرميل وفيه سهم إذا ضغط A راح ينقذف بقوة باتجاه السهم (حاول تخليه برة)


البرميل العادي :

تقدر تدزه على الخصم وفيه أدوات داخلة وأحيانا ينفجر فيك



كرة الأحتفالات الصفراء:

شيلها وإحذفها راح تنفتح راح تعطيك كل مرة شي عشوائي
يمكن أكل وااااااايد
يمكن قنااااابل
يمكن قلب حب ومطرقة
أشياء وايد


الكبسولة :

خفيفة جدا وفيها أداة واحدة



الصندوق :


صندوق يشيل أدوات من 1 إلى 3 ادوات

يـــتبع ,,,,,,

[Snake-87]

كرات البوكي



مفيدة جدا إذا كان حظك حلو بالبوكيمون إلي يطلع لك

(بوكيمونات مميزة)


Electorde
إلي يشبه كرة بوكي بس عنده عيون
أول مايطلع راح يتعصر وينفجر انفجار كبير
يطلعك برة (صاحب البوكي يتأثر بعد من هذا البوكي)
حركة : أول ما يطلع بعد 3 ثواني لما يصير أسود إضغط ِِِA بسررعة وإلقيه على الخصم قبل لا ينفجر فيك




Chansey
تطلع بيض البيض ينقص طاقتك بس مرات البيض داخله أدوات





Moltres
الطير الأحمر بس تكفي يلمسه الخصم يطلع برة على طوووول




Mew
ماكو فايدة بس يزيد نقاطك بعد اللعبة

Togepi
البيضة :
حركات عشوائية
- يدخل الخصم بالأرض (حركة دونكي كونج)
- يثلج الخصم
- يحط فوق الخصم ورد سام
- يخلي المرحلة ظلمة محد يشوف شي لمدة ثواني

Porygon2
يطلع ثانيتين ويصدم الخصم بمنقاره إذا كان الخصم قريب حيل يمكن يطلعه فورا


طبعا فيه بوكيمونات وايد بس ذكرت القليل لأنه ما راح أخلص فذكرت الغريب

يـــــــتبع ,,,,,,,,,,,

[Snake-87]

الأطوار
Modes
أطوار اللعبة المتعددة جدا


1-P Mode

يعني ون بلاير

- Regular match :

1كلا سيك:
2 مغامرات
3 all star تباري كل الشخصيات



-Event match :

تلعب أشياء مخلفة وصعبة وسهلة لما 51 وتطلع منها شخصيات وأشياء أخرى مثل التروفيز والمراحل


-Stadium :

1 Target test تصويب الأهداف للتدريب
2 Home Run Contest
أكثر واحد يوصل الكييس إلى اليسار مثل البيسبول


3ملتي مان ميلي تباري من10 إلى ربع ساعة


-Training Mode

من اسمه تدريب تتدرب على الأسلحة والحركات والمراحل وتقدر تخلي أكثر من خصم ضدك

V.s Mode

- Melee

وهذا هو الطور الرئيسي للعبة



- Tournament Mode
نظام دوري

تختار الشخصيات وتسوون دوري


- Special mode
فيه اشياء واااااايد منها
تلعب وانت كبييير وصغيييير
لعب سرييييييييع
لعب بطييييييئ
ستاميناه (ذكرناه فوق)
كاميرا تقدر تصور
وأشياء أخرى

- custom rules

قواعد اللعبة وأشكالها والأوبشن

-name entry
تحط اسم فوق رأس الشخصية انت تكتبه وفيه اسماء جاهزة .

يتــــبع ,,,

[Snake-87]

أشكال اللعبة

Time

الطور الرئيسي
تلعب لما يخلص الوقت ( انت تحدده)
إذا انت طلعت الخصم يحسبلك +1 إذا أهو طلعك يحسبله +1 ومنو أكثر
وإذا طحت بالغلط يحسب عليك -1
يعني تبلشون 0 انت طيحته تصير 1 اهو طيحك يصير أهو 1 انت طحت بالغلط ترد تصير صفر وهكذا ...
يعني مثلا انتا طيحته مرتين وأهو مرة لازم يطيحك ويبي يخلص الوقت انت تنحاش علشان ما يطلعك وتتعادلون .

التعادل : إذا تعادلتوا بالنقاط يحطونكم مرة ثانية بس.... كل واحد الدمج ماله 300% يعني أي لكمة أي شي بسيط برة على طووووووووووووووووول يعني مباراة موت.


Stock
الطور الثاني (احنا نلعب فيه)

يكون انت تحدد عدد الستوكات (الموتات) (الطيحات) (الــlives) مثلا اخترتو 4 كل واحد عنده 4 ستوكات وتلعبون لما تخلص الستوكات لازم يعني تطيح الخصم 4 مرات علشان تفوز.
(اعتقد مفهومة)

Stamina

تكون الدم لكل واحد 300% بس بالعكس كل ما تنضرب تنقص وإلي يوصل دمه 0% يموت .

Coin Mode

كل ما تضرب الخصم يطلع منه فلوووووس وكل ما كانت الضربة أقوى يطلع أكثر ولازم تاخذ منه ونفس الشي هو ويقدر يأخذ الفلوس إلي طلعت منه أكيد والفائز إلي يجمع أكثر فلوس.







Bonus
أكثر واحد يحصل نقاط من الضرب . كل ضربة لها نقاط معينة والفائز أكثر واحد عنده نقاط .

[Snake-87]

Trophies
المجسمات (الفيجرز)

تجميع للمجسمات وهو واااااايد وااااااااااااااايد عددهم 286

- Gallery كل شي لديك بالتفصيل.
- Lottery كل ما تلعب يعطونك فلوس تقدر تحطهم بالمكينة ويعطونك مجسمات على الحظ .
- كوليكشن كل المجسمات إلي عندك على طاولة وتتغير الطاولة وتكبر كل ما زادو المجسمات.

اسماء جميييييع المجسمات (Trophies)


Alpha
Andross(N64)
Andross(SNES)
Annie
Articuno
Arwing
Ayuml Tachlbana
Baby Bowser
Baby Mario
Ball Kirby
Balloon Fighter
Barrel
Barrel Cannon
Battlefield
Bayonette
Beam Sword
Bellossom
Birdo
Blastoise
Bob-omb
Boo
Bowser(Classic)
Bowser(Adventure)
Bowser(All-Star)
Bubbles
Bucket
Bulbasaur
Bullet Bill
Bunny Hood
Capsule
Captain Olimar
Capt. Falcon(Classic)
Capt. Falcon(Adventure)
Capt. Falcon(All-Star)
Chansey
Charizard
Chikorita
Chozo Statue
Clafairy
Cleffa
Cloaking Device
Coin
Crate
Crobat
Cyndaquill
Daisy
Ditto
Dixie Kong
Donbe & Hikari
Donkey Kong(Classic)
Donkey Kong(Adventure)
Donkey Kong(All-Star)
Donkey Kong Junior
Dr. Mario(Classic)
Dr. Mario(Adventure)
Dr. Mario(All-Star)
Dr. Steward
Dr. Wright
Ducks
Eevee
Egg
Eggplant Man
Electrode
Entei
Excitebike
Falco Lombardi(Classic)
Falco Lombardi(Adventure)
Falco Lombardi(All-Star)
Falcon Flyer
Fan
Female Wire Frame
Fighter Kirby
Fighting Wire Frames
Final Destination
Fire Flower
Fire Kirby
Flipper
Food
Fountain of Dreams
Four Giants
Fox McCloud(Classic)
Fox McCloud(Adventure)
Fox McCloud(All-Star)
Freezie
F-Zero Racers
Game & Watch
Ganondorf(Classic)
Ganondorf(Adventure)
Ganondorf(All-Star)
GCN
Giga Bowser
Goldeen
Gooey
Goomba
Goron
Great Fox
Green Shell
Hammer
Hate Giant
Heart Container
Heracross
Heririn
Home-Run Bat
Ho-oh
Ice Climbers(Classic)
Ice Climbers(Adventure)
Ice Climbers(All-Star)
Igglybuff
Jeff
Jigglepuff(Classic)
Jigglepuff(Adventure)
Jigglepuff(All-Star)
Jody Summer
Kensuke Kimachi
King Dedede
King K. Rool
Kirby(Classic)
Kirby(Adventure)
Kirby(All-Star)
Kirby Hat 1
Kirby Hat 2
Kirby Hat 3
Kirby Hat 4
Kirby Hat 5
Klap Trap
Koopa Clown Car
Koopa Paratroopa
Koopa Troopa
Kraid
Lakitu
Landmaster Tank
Like Like
Link(Classic)
Link(Adventure)
Link(All-Star)
Lip's Stick
Lon Lon Milk
Love Giant
Lugia
Luigi(Classic)
Luigi(Adventure)
Luigi(All-Star)
Mach Rider
Majora's Mask
Male Wire Frame
Marill
Marin
Mario(Classic)
Mario(Adventure)
Mario(All-Star)
Marth(Classic)
Marth(Adventure)
Marth(All-Star)
Maruo Maruhige
Master Hand
Master Sword
Maxim Tomato
Megavitamins
Meowth
Meta-Knight
Metal Box
Metal Mario
Metroid
Mewtwo(Classic)
Mewtwo(Adventure)
Mewtwo(All-Star)
Misty
Moltres
Monster
Moon
Motion-Sensor Bomb
Mr. Game & Watch(Classic)
Mr. Game & Watch(Adventure)
Mr. Game & Watch(All-Star)
Mr. Resetti
Mr. Saturn
Mute City
Ness(Classic)
Ness(Adventure)
Ness(All-Star)
Ocarina of Time
Octorok
Pak E. Derm
Paper Mario
Parasol
Party Ball
Paula
Peach(Classic)
Peach(Adventure)
Peach(All-Star)
Peppy Hare
Pichu(Classic)
Pichu(Adventure)
Pichu(All-Star)
Pidgit
Pikachu(Classic)
Pikachu(Adventure)
Pikachu(All-Star)
Pikmin
Pit
Plum
Poison Mushroom
Poké Ball
Pokémon Stadium
Polar Bear
Poliwhirl
Poo
Porygon2
Princess Preach's Castle
Professor Oak
Raccoon Mario
Racing Kart
Raikou
Raphael Raven
Ray Gun
Ray Mk II
ReDead
Red Shell
Rick
Ridley
Roy(Clasic)
Roy(Adventure)
Roy(All-Star)
Ryota Mayami
Samurai Goroh
Samus Aran(Classic)
Samus Aran(Adventure)
Samus Aran(All-Star)
Samus's Starship
Sandbag
Scizor
Screw Attack
Sheik(Classic)
Sheik(Adventure)
Sheik(All-Star)
Sheriff
Shy Guys
Slippy Toad
Smash Coins
Snorlax
Squirtle
Stanley
Starman(Mario)
Starman(Earthbound)
Star Rod
Staryu
Steelix
Sudowoodo
Suicune
Super Mushroom
Super Scope
Target
Thwomp
Tignle
Toad
Togepi
Tom Nook
Topi
Totakeke
Totodile
Turtle
UFO
Unown
Vacum Luigi
Vegetable
Venusaur
Viruses
Waddle Dee
Waluigi
Wario
Warp Star
Weezing
Whispy Woods
Wobbuffet
Wolfen
Yoshi(Classic)
Yoshi(Adventure)
Yoshi(All-Star)
Young Link(Classic)
Young Link(Adventure)
Young Link(All-Star)
Zapdos
Zelda(Classic)
Zelda(Adventure)
Zelda(All-Star)
ZERO-ONE



يـــــتــــــــبع

[Snake-87]

المراحل
Stages

المراحل في اللعبة كثيرة ومتعددة منها إلي لازم تتحرك معاه ومنها الثابت ومنها الكبيييييير ومنها الصغييير


هذيلة المراحل العادية بدون السرية





أنا راح اذكر المراحل العادية + السرية مع بعض والتعليق إذا احتاج الأمر

بسم الله


Princess Peach's Castle

راح تظهر ازرار إذا ضغطت عليها تظهر بعض المنصات المؤقتة
وايضا بعض الاسلحة والأدوات
بلامرحلة راح تأتي طلقة مدفع باوسر العملاقة لازم تتفاداها وغلا راح تطلع برة وتفجرك



Kongo Jungle




Great Bay



Yoshi's Story



Fountain of Dreams


Corneria


مرحلة فوكس من افضل المراحل لأنها ثابتة ووسيعة


Icicle Mountain


من بداية المرحلة لازم تقفز للأعلى وإلا مت


Rainbow Cruise

مرحلة متحركة


Jungle Japes

يتبع ,,,,,,

[Snake-87]

Temple


أكبر وأوسع مرحلة وهي ثابتة
من ميزاتها إنك إذا رحت تحت يسار (بالسرداب ) وكان الديمج مالك كبييييييير جدا يعني 190% مثلا ما تطلع بسهولة لأنك راح تصطدم بالجدران






Yoshi's Island





Green Greens

مرحلة مزعجة الشجرة تنفخ عليك وضيقة وبسهولة تطيح وفيه تفاح سقط على راسك تقدر تستخدمه كسلاح



Venom

مرحلة أخرى لفوكس
جميلة جدا مؤثرات حلوة تدخل كهوف تسمع صدى مرات إذا بتطلع أحيانا تصطدم بجدار الكهف وترجع



Flat Zone


أصغر مرحلة بالشريط
ضيقة جدا جدا الصق بالطرف وإذا جاك خصمك امسكه وقله بره

راح يأتي مستر جيم آند واتش أحيانا ويحذف زيت بالأرض

وراح تنزل عليكم مطارق وأدوات صحية على الراااس
تقدر تضرب الأدوات هذي علشان تروح باتجاه خصمك





Brinstar



البركان يرتفع أحيانا ويحرق الموجود




Onett


مرحلة هادية
احيانا المظلات تنزل إذا كنت واقف عليها ويطلع انذار يقو لك إنه سيارة راح تعبر لازم تقفز :drive:




Mute City


متحركة




Pokémon Stadium

استاد البوكيمون
حلو ولكن قد ينقلب أي لحظة إلى كوخ محروووق ؟؟؟
الشاشة إلي ورا تبين أحداث الشوط





Mushroom Kingdom


صناديق الـــ (؟) موجودة بكل مكان فيها أدواااات وااااايد
المرحلة كلاسيكية

[Snake-87]

Brinstar Depths


مرحلة صعبة شوي
المرحلة تتقلب 360درجة فيه وحش ورا يقلب المرحلة على كيفه




Fourside

مرحلة جميلة وأحيانا يأتي طبق طائر تقدر تتقاتل على سطحه ومرات رافعة بناء



Big Blue

مرحلة كابتن فالكون
إذا طحت برة المركبات ........... الله يرحمك برة على طووول



Poké Floats


مرحلة أخرى للبوكيمونات
مرحلة تتحرك حلوة


Mushroom Kingdom 2

مرحلة عادية تأتي فيها مرات إلي تشبه يوشي وصوتها خايس (الوردية) تحذف بيض وتمشي
وبساط الريح يتمشى شوي


Battlefield

مرحلة تصلح لــ 1ضد 1



Final Destination


حلوة حيل
أشبه بالصحن مسطحة ووسيعة شوي



Dreamland





Yoshi's Island


ضيقة
مرحلة تصلح لــ 1ضد 1



Kongo Jungle


مرحلة حلوة لدونكي كونج إذا بتطيح أحيانا فيه برميل يلقطك بس طير بالك على السهم لأنه يقذفك باتجاهه



-----------
هذيلة المراحل كلها بعد ما تطلعهم



يتبع,,,,,,,,,,,,,

[Snake-87]

الأسرار

أولا


المراحل:


Planet Zebes: Brinstar Depths
العب 50 مرة V.s


Eagleland: Fourside
100 مرة V.s

F-Zero Grand Prix: Big Blue
150 V.s

Kanto Skies: Poké Floats
200

Mushroom: Kingdom II
احصل على تروفي الــ Birdo
أو شوف عرض البداية


Superflat World: Flat Zone
انهي الكلاسيك مود بــ مستر جيم أند واتش


Special Stages: Battlefield
انهي أول ستار مود بأي شخصية



Special Stages: Final Destination
انهي جميع ال51 Events


Past Stages: Dream Land
انهي الـ Target Test مود بجميع الشخصيات


Past Stages: Yoshi's Island
اكسر رقم ال 1323 قدم بطور Home Run Contest بشخصية يوشي


Past Stages: Kongo Jungle
فوز بطور 15 Minute Melee بأي شخصية


يتبع.......