Odin's gallery !

[ODIN]

السلام ..

طبعا ما توقعت بيوم من الايام اني افتح جالري لي لكن تكريم لاقتراح الاخت اروانج رود ..


احب انبه على عدة اشياء ...

اولا اغلب الصور شافوها الاعضاء من قبل اكرر اغلبها شافوها الاعضاء من قبل

ثانيا ... اعذروني يا شباب.. قد يكون اغلب الرسمات ذات طابع واحد وفكرة واحده .. انا احب كذا والي يحب الشيئ يقدر يسويه

ثالثا .. انا ما اعرف ارسم ..! ما اعرف ارسم بيدي ابد كل رسمي بالفتوشوب وبأدواته .. طبعا ما احب الفلاتر .. لذلك ما استعملها بالرسم ..والرسم بالفتوشوب عيبه ياخذ وقت طويل .. وياخذ عيونك ايضا معاه ههههه عشان كذا انا ابو اربع عيون ..

رابعا .. اتمنى تقرون ملاحظات كل رسمة ..

------------------------

ابدى بهذه الرسمه .. للتو منتهي منها .. الساعه الحين 4 الفجر جيد جيد ..

الرسمه مستوحاة من اسطورة المماليك الثلاث ... رومانس اوف ثري كينج دوم !

كانت هناك حروب بالصين .. بين جيش ليو بي وجيش كاو كاو ..

انتهت هذه الحروب بانتصار ليو بي مما ادى الى توحيد الصين وبناء السور الصين العظيم ..

الاسطورة تقول ان بنهاية احد الملكين سوف يظهر شهاب يدل على ذلك .. كما هو واضح بالرسمه ;-)

حسنا ..

اتمنى لو تقفون وقفه تأمل بها وترون جميع معالمها .. لان بعضها غير واضح كما قال لي الاخ جيجا بايت ..

تقريبا كل الشغل كان على رسم الفارس والقلعه والنيران ..

كلفتني حوالي 8 ساعات مجزأة على ثلاث ايام ..

أأسف للتأخير ...

[fire of cold]

إلا والله
مرعبة الرسمه أنت فنان فوتوشوب
بس أبي بريدك حتى أسئلة عن الرسمة دي لو تسمح إذا ما تسمح خلاص
لأن الرسنه دي كأنها ثري دي مو فوتوشوب

[ODIN]

مافي مشكله ياخوي ..

لكن اتمنى منك انك تسأل هنا حتى تعم الفائده للجميع ..

هذا بريدي odin222@msn.com

[ODIN]

وهذه ايضا رسمت العين .. الكل شافها

[ODIN]

وهذا ايضا عرضته من مده بموضوع رسومات اسلاميه ..

لكن هذه المرة سوف اشرح معنى الشعار الموجود بالصورة ..


كلنا يعرف شعار امريكا وهو الصقر .. والاتحاد السوفيتي وهو المنجل والمطرقه والنجمه .. والاسلام وهو السيف ..

حسنا هنا تتمثل الصراع بين الانظمة الثلاث .. بالوقت الحالي .

وهو الظام الشيوعي السوفيتي .. والنظام الاسلامي . والنظام الديمقراطي اللبرالي ..

النظام الشيوعي سقط بسقوط دوله الاتحاد السوفيتي ..بسبب حربها مع افغانستان ودعم امريكا افغانستان ..( طبعا هذا قديما .. لان امريكا خبيثه تريد التخلص من القوة العظمى الاتحاد السوفيتي )

لذلك نجد ان شعار السوفيت تكسر بسبب ضربه السيف وضربه الصقر ..

وان شاء الله بالمستقبل القريب .. سوف نرى السيف وهو يحطم الصقر واقعا ..

اعذروني الظاهر اني مصختها بالشرح لكن للفائده

[java_sun]

اودين ماشاء الله رسمك وايد حلو يعجبني اسلوبك .. انشاء الله نشوف نتك رسمات زياده ^_^

[mai_arumashi]

ماشاء الله كلهم حلوات، بس الاولى احلى وحده ^_^ يعنى التفاصيل الى فيها تهبل

بس 3 نبي أكثر ( طماعين ^_^)

[kirby64]

o_O ما اصدق انه هذه الرسمات بالفوتوشوب من جد روعه ....خاصه الرسمه الثانيه^_^يا ليت تعرض اكثر من رسماتك ..

[هـداف]

أودين

مشالله عليك الرسمه الأولى عجبتني كثير كثير

وبالذات طريقة النار فظييييييعه

والرسمات الثانيه علقت عليهم من قبل

أكثر من رووووووووعه










مشكور ياأودين

[ابلةعطيات]

CoOoOoOol ODin":" ":" ":"
فظيعة رسماتك ... ودقيقة جدا ... اكيد ماخذ عليها 8 ساعات ...
ماشالله عليك ... فنان بالفوتوشوب ... والله انا ماعرف اسوي خط فيه:":
ماشالله عليك ... الله يحفظك ... والى الامام

[Ralph Jones]

رسمك حلو و مستواه ممتاز جدا ...
و أتمنى لك التوفيق ...

تحياتي
رالـــــــــــــف":"

[ODIN]

الله يسلمكم وشكرا على التشجيع ..

[orange road]

توني جايفة الجاليري
مبروك اودين على اول جاليري

الرسمة الاولى وايد عجبتني
دقيقة وحلوة
السما والنار وايد شدو انتباهي
والشهاب اللي يلمع في السما
روعة
مجهود كبير
شكلها كانها ثري دي

الرسوم الباقي حلوين ومجهودهم كبير
علقت على العيون من قبل
وارجع اقول مرة ثانية انها وايد عجبتني

ترى خلاص
صرنا طماعين
اعرض لنا بعد

[wyna62]

ما شاء الله ما شاء الله ما شاء الله ما شاء الله

[ODIN]

شكرا لتفاعلكم .. مع اني تمنيت نقد يكسر الظهر


طيب تقريبا كل الي شفتوه رسمات جديده ..

عندي اشياء قديمه صارلها حوالي سنه .. بس تراها تفشل عادي تقدرون تستحملون وتطيقون تشوفونها ؟