يووووووووووووووووووه مبطي عن هالمنتدى
أشوف أسماء جديدة و بعض الاسماء المغبرة
ما علينا...
هذي أول صيفية لي بعد دخول الجامعة (جامعة الملك فهد)
البداية كانت جيدة و السيء فيها ان ولد عمي ما قبل في الجامعة معاي لكنه قبل في الملك سعود...
قدرت أعدي eng001 باختبار الترقية ودرست eng002 و math001 (هذا الترم الأول)
للأسف انا من سكان اللاينات او في رواية اخرى الاسطبلات (وسبب تسميتها بالاسطبلات قدام شرحه)
بصراحة صدمني الاختلاف الثقافي بين طلاب المناطق المختلفة
احنا مجبرين على السكن مع roomates يعني لازم في كل غرفة 2 نفر(وربما هذا احد اسباب تسميتها بالاسطبلات)
وحظي ان الي معاي واحد جداوي والاختلاف الفكري بيننا واضح كمغيب شمس في وقت الضحية (اعذروني سهران)
مو لانه جداوي لكن بشكل عام انا منعزل اجتماعيا وهو منفتح ...
طبعا الجيران حاولوا يحتكون لكن دايم احاول أبقي على الرسميات يمكن لاني شكاك في طبعي i dont know ...
اتوقع انهم فقدوا الامل حاليا![]()
لكن الي لاحظته بقوة هو الحرب بين التيارات الفكرية المختلفة (ايوه حرب فكرية) بين ما يسمى بالوهابي و ما يسمى بالاخواني
في ارجاء الاسطبلات ...
وربما يستغرب البعض لعدم وجود اطراف اخرى مثل الشيعة و العلمانية وكونت نظريتي الخاصة عن ذلك (كمراقب محايد)
أن السنة بشكل عام و الشيعة بشكل عام ما يحتكون نهائيا ببعض ، أحيانا تحس انهم يعيشون في عالمين منفصلين !!!
(من الأشياء الي ما فهمتها حتى الآن ان أولاد عمي العايشين في الشرقية وبعض من تعرفت عليهم في الجامعة يستطيعون التعرف
على الشيعة من المظهر الخارجي ، بشكل آخر أنك تمشي معاهم يقولك هذا شيعي وهذاك شيعي و الي راكب السيارة ذيك شيعي !!!
وبصراحة ما فهمت كيف يسوونها ، يمكن لاني من التيار العلماني)
بالنسبة للتيار العلماني أتوقع لانهم ما يبون يدخلون معارك خاسرة ...
المهم فعليا فيه تحزبات و تجمعات بين الاخوان و الوهابية
وصل الامر الى مشادات كلامية و مقاطعات فعلية !!!
خلونا من المشاكل ...
بصراحة الي عجبني في النظام التعليمي انه كله بالانجليزي ومدرسينا الي يدرسونا انجليزي أجانب لغتهم الام الانجليش
فتتعلم الانجليزي صح ، والمدرسين المواطنين و العرب (في المواد الاخرى) يعاقبون اذا علموا بالعربي (طبعا بعضهم يتكلم عربي نادرا لايصال فكرة ما)
لكن للأسف في الترم الأول رسبت بالرياضياتوكانت صدمة بصراحة لانها اول مرة أرسب
فكنت خايف ان الوالد بيصفقني (بالجامعة ورعب ماما و بابا ما راح)
و عديت المواد الاخرى لكن الترم هذا ابشركم عديتهمأكيد لاني فاضي
معظم الوقت اثقل يوم عندي الربوع اربع ساعات لاني قضيت الانجليزي (للي ما يدري الانجليزي عندنا كرف ، أربع ساعات يوميا)
والآن استعد اني آخذ صيفي (طبعا الي يقرون الموضوع منكم بيقولون فتسه) حتى اعوظ تأخري في الماث فادعوا لنا
ولا تدعوا علينا ( أدري سخيفة لا تدف)
وسلامتكم ...