مرحبا ,,
زين احييتو الموضوع من ج ـديد !
طبعاً انا عندي موضوع مسويه في م ـنتدى ثاني فـ راح انزله كله في هذا الرد لاني كنت مقسمه هناكـ ,,
بسم الله
/
\
✗ح ـياكم الله اعضاء نادي LX-Club كل واحد بأسمه
,,
,كيف الحال وش اخ ـباركم حالف بالله ان تقلطون !
سموا بالله ي عيال
طبعاً نزولاً لرغبت صديقنا NMG واعضاء النادي < خف علينا يا ابو جود
نزلت هالموضوع وشكرا لكل من حمسني ,,او اعطاني الدافع =3
وتحيه خاصه لقروب ال wattsup
يتبع
☇
بعد الصور اللى شفتها بالمنتدى والتعديلات اللى يسوونها الشباب قلت لنفسي
ليش ماسوي مثلهم ؟ طبعاً انا غير مهتم للسرعه والمقاومات فقط تعديلات خارجيه مثل الأستيركات / الخطوط / الخ الخ
قررت اني ازبط السيارهـ واخليها شكلها نايس ..
طبعاً شريت ستيكرات من موقع Ebay.com عن طريق الأنترنت من امريكا وصلتني خلال 6 ايام ,,
نوعيه 3M
وقلت خلني اركبها في البيت مايحتاج اروح محل ويركبها لي وياخذ فلوس زياده انا اقدر اسويها !
بداية العمل كانت الساعه 5 قبل المغرب
وقبل ما أبدء بتركيب الأستيكر دخلت موقع Youtube وشفت كيف الناس تركبه والطريقه
ع ـِشان اسوي مثلهم حبه حبه بدون اغلاط ,
/
قبل التركيب
المواد المستخدمه للتركيب
تركيب الوجه الأول
تركيب القطعه الثانيه ,
ثلاثه قطع ,
لو تلاحظون بالصور كلها كانت مايله ولا كانت في المكان الصحيح ,
المشكله الثانيه كانت الأستيكر اللى بالوسط موجود already مكان حق موية المساحات
انا ركبتها بالغلط ماركبتها عليها
وخربت شكل ام الأستيكر طلع شكل السياره كأنها سيارة لحوج هههههههههه
عصبت وفكيتها : ((
جاني اخوي قالي انا ابيك تركب لي ستيكر مثلك
قلت له والله ماردها في خاطرك ابشر عاد توه شاري له همر 2012 جديد
هههههههههههههه لاحد يضحك ترا ذا الهامر ينشحن بالكهرب ويدعس لايغركم الشكل
يساعدني في التركيب = d
راح وطعس في الحديقه حقتنا ورجع ههههههههههه تحمس مره شكله ,,
يتبع
☇
/
\
طبعاً بعد تجربتي الأولى الفاشله بالتركيب قلت مالها الا راع ـيها
والشباب ماقصروا دلوني على محل ممتاز طبعاً شريت هالأستيكر بعد من امريكا لانه رخيص بحدود ال 500ريال,
واخذت صورهـ من الأنترنت توضح شكلها .. عشان يعرفون يركبونها نفس الشكل
جالس يركبها واجهزه حراره وحركات .. <<< جالس اتذكر نفسي انا وخرقتي والبخاخ حقي
يوم اركب اول استكير ههههههههههههههه فشيله
تركيبها مع الجهه الثانيه ,
بعد التركيب
~
بعد مضى مايقارب الأسبوعان قررت وقلت لنفسي لماذا لا اظيف قليلا من الشكل الجذاب
لأخرج بشكل رائع ومميز < خف علينا يا يا يا #@^@)**&# ههههههههه
/
\
قلت خلني اجلد الشنطه ع ـِشان يكون الشكل احلى والحمد لله رحت له وركبت <3
+ مع الجناح ,,
والحمد لله رب العالمين على كل حال ^_^
الأستيكرات الجانبيه + الشنطه والجناح تم تركيبها في محل
واوجه جزيل الشكر لأخوي عبدالعزيز صاحب المحل على اخلاقه الطيبه والعاليه
واوجه الشكر لكل الأعضاء والمتابعين خلف الشاشات
او عن طريق الاراديو تردد 988 على 489 < بالله واحد يصفقه XD
لاتنسوني من الشكر والتقييم
في أمان الله
مع السلامه
----------------------------------------------
وبس هذا موضوعي خخخخخخ طبعاً فكيت الأستيكرات ح ـالياً طفشت منها XD
وهذا موضوعي هناك
Click me
ودعتكم الله ,