اقول والله محد يستاهل ينحطله موضوع الا انا...لكن على العموم..
راح اكتب قصه صارت معي في احد غابات الامزون في الرابع والعشرين من سمبتمبر القادم...
اغسطس الماضي...
=================
المهم...
كنا طالعين والاهل والربع والفرد والرشاش وكل العيال...
طالعين للبر...ومعنا خيمه كنا بنخييييم....
فخيمنا وعينا خير....
لكن المكان اللي انا فيه غررريب...كنا قاعدين في مكان فيه ربيع وثيل...
لكن يبعد عننا تقريباُ 500 متر صحرا...كلها نفود وتربان...
المهم...
قالي ولد خالتي اصغر مني ثلاث سنوات..قال سعود مشينا نروح في التراب..خلنا نطعس على النفود...
قلت وش ورانا..يلله...
فطلعنا ..ويم وصلنا الصحرا قمنا نطعس في التربان ..فمشينا وااجد والله فيها حتى وصلنا مكان زي الوادي...وكان فوقنا طعس...
وفي اعلى الطعس هذا كان فيه رجال يأذن العصر...
وانا تعرفوني خفيف دم...
قمت أأذن استهبل عليه..وولد خالتي مخفه يضحك مدري على ايش..
فعاد وانا ااذن..ولد خالتي يقولي...
سعود...فوق رجلك ثعبان...طبعاُ ماعطيته وجه...
وقام يزااعق ويقوووول...سعود والله ثعبان...وماطاع يسكت...
والتفت عليه وانا معصب واقووله..وش فيك تراك ازعجتني..
قالي...
والله ثعبان فوق رجلك...انا ناظرت تحت فقط لكي اسكته..
يوووم ناظرت تحت...
الا والقى ثعبااان وش طوووله فوووق رجلي..
انا بس شفت الثعبان...الحقني يااولد...حطيت رجلي وقمت ازاعق وانا انحاااش...
ثعبااااااااااااااااااااااااااااااااااااااان.......وانا اركض ازااعق من الخوف وولد خالتي وراي....
فيوم طبينا في الزرع وقربنا من خيمتنا...انا قلت في نفسي برتاح تعبت وانا اركض اكيد الثعبان مو ورايي...
فوقفت ارتاح...فجا ولد خالتي من وراي يستخف دمه....
وقال...
سعود..الثعبان وراااااااااااااااااااااااااااك...وانا ياولد اشغل التيريبو...وانحاااش وانا ازااعق...
شوي انا وقفت اسمع واحد يضحك...اثره ولد خالتي مستانس قااعد يضحك...ماكان وراي ثعبان...
انا يوم كشفت السالفه....كان في بلكه قدامي...واخذها وارميها عليه بدوون تردد...
عقبها من ذاك اليوم معد شفته..مدري هو مات او في المستشفى...مدري عنه..
المهم انا ماسكت....
رحت للخيمه...رحت استنجد بأبووي وخوالي الابطال....((ابوي اكبر خواف من الثعابين..يخاف منها وهي في التليفزيون... ))
وينط ابوي اول وااحد..ويقول...وينه..وين الثعبان...
انا قلت اخصصص...من متى ابوي شديد مثل كذا...
ويلقط ابوي ذيك الخشبه اللي اكبر منه...ويطلع السناوي..((ابوي يقدر شي اسمه سناوي))
المهم...
ويروح في مقدمة الجيش...ويمشي قدامنا...وانا كلي اعتزاز وفخر بأبوي..
رااسي مرفووووووعه فوووووق...
ويوم طبينا الصحراء...قال ابوي..سعود وين الثعبان,,,
قلت مكانه قريب شوي من عندك..وانا اشوف ابوي بدا يرجع شوي...قلت لا يا ابوي مو ورى...قدام شوي...
قال انا عارف...لكن اتحسس التربه اشوف حاره ولا لا..((مايعرف يصرف ابوي )) المهم...
مازال ابوي في الطليعه...ويوم وصلنا للمكان..قلت..
ابوي ابد عندك هنا الثعبان..يوم قلت هذا الكلام قال ابوي..
وينه وينه..وقام يراكض في محله..((من الخووف والله))
فعاد مدري وين راح الثعبان مالقيناه...فوقف ابوي وصلب ظهره وقال...
والله الثعبان هذا يحبه ربي...ولا كان حظه يوم مالقيته...
فأنا دمي خفيف تعرفون...تلقفت وقلت لأبوي وانا كنت امزح...
ابووووووي..الثعبان تحتك....
الا وابووي يزااعق...ياولد انحااااااش..هههههههههههههههههههههه
وكلنا فطسنا من الضحك عليه.....
عقبها...نمت في المستشفى ثلاث سنوات...مدري وش صار لي...
لكن اللي اذكره...ان يوم درى ابوي اني لعبت عليه....
لمحته وهو نااط علي وراافع الخشبه اللي معه وسبرنت على رااسي ويقووول...
لعنة الله على من جااابك...دوووووووووووووووووف...هذا الي اذكره..س..
وش نسوي نبا نقلد
بس تراني مثقف (اي هين)
