::Riza chan's Gallery::

[riza chan]

السلام عليكم
----
الرسمة الأولى: كنت أخربش^^
الرسمة الثانية: كنت أبغى أرسم Sailor
----
Enjoy

[riza chan]

ياي...رسمة طازة^^
إحد الشخصيات الجانبية للبروجكت"LotB"
----
Enjoy

[riza chan]

السلام عليكم
----

خربوشة....بالمرة مو عاجبتني -_-
شكلها غلط من أولها لآخرها!
ممكن أعيد التصميم و الرسمة بعدين لأنها شخصية جانبية في البروجكت Limit Break
هي عبارة عن روبوت عشان كذا تشوفوا عيونها كأنها سارحة ولا شيء^^
----
Enjoy

[زهرة الكرز]

السلام عليكم ورحمه الله وبركاته

ماشاءالله اسلوبك بالرسم مميز
لكن ما لاحظته في غالب رسوماتك
بانك تهملين جانب الاحتشام ^^

مع ان خطوطك سلسله وموهبه رائعه
من الجميل ان تسييرها بطريقه اخرى

حتى يتم تمييز رسوماتك عن اسلوب رسومات الآخرين

أعجبتني الرسم القبل الآخيره

[riza chan]

..السلام عليكم..
----
مو مشكلة أختي زهرة الكرز^^ و شكرا على الرد
----
رسمة جديدة
----
Enjoy

[Lenalee Lee]

السلام عليكم ورحمة الله وبركاته ^^"

كيف الحال حبوبتي Riza-chan ؟؟

عشان حاسة إني قصرت في الردود على الرسومات بين آخر رد واللي قبله .. فلا تقتليني على طول الرد "^^

(في صفحة 12)
رسمة Heroes of Nothern Rift ..
الرسمة مررررررررررة حلوة ماشاء الله
بس عندي ملاحظة على ذراع البنت اللي في الأمام .. شوية شكلها غريب
المجموعة البقية اللي في الخلف ماشاء الله أشكالهم تمام

رسمة Harry Potter..
ماشاء الله الرسمة جناااااااان xD
نفسي أعرف كل واحد ايش بيعمل <.<"
أدري أدري إنتي قلتي ماتتذكري xD

الرسمتين تبعت البروجكتس إلي مسويتيها (KnO)..
طريقتك للرسمة مررررررة حلوة ماشاء الله .. بس آثار النوم عاملة فرق بين الرسمين "^^
الأولى أحسها كالطفلة أكثر ماشاء الله ^^

رسمة Okita Souji
همممممم .. يذكرني بشخصيات كثيرة تشبه له <.<"
ماشاء الله الرسمة نايس بس في شي ناقصها أو غلط فيها لكن ماني عارفة أحدده!! >.<"

رسمة Cat Boy
مرررررررررررة حلوة الرسمة ماشاء الله!! ! x3
عجبني صائد أسماك كثيرة!! xD
ممكن كم حبة عشان أشويها ؟ < < < دخلت جو xD
بس عارفة لو وضحتي شوية الأرض اللي جالس عليها (الخلفية) تطلع أحلى ماشاء الله

(في صفحة 13)
رسمة التوأم الأخوان (ولد وبنت)...
حلوين ماشاء الله وفي نفس الوقت لهما روح غريبة o.o"
أما الخالة (الشامة) اللي حاطتيها .. احسها كأنها مو داخلة مع الرسمة

رسمة الشخص اللي شكله غريب ...
ماشاء الله شكله كووول .. بس اذا انتي ماعرفتي اللي خلف ظهره أجل أنا كيف اعرف؟ xD

رسمة الوحدة اللي شكلها قوي في الجيش...
واو ماشاء الله ..شكلها يبان ولد أكثر
بس عارفة ملاحظتي.. أحس لبسها من فوق ما يتماشى مع الجزء اللي تحت >.>"
أحس الجزء اللي تحت ينفع كجزء من لباس نينجا او ماشابه! <.<"

رسمة البنت اللي تطير <.<"..
حلوة ماشاء الله ^^
بس لاحظت الجزء السفلي من جسمها مو ماشي مع الجزء العلوي (قصدي اتجاه الجسم >.<")... ماادري دي ملاحظة "^^

رسمة قائد بالجيش..
همممممممممممم... حلو ماشاء الله xD
باين كأنو احد عكر مزاجه .. >.>"
أتمنى ماأكون أنا <.<"
ملاحظتي العينين أحسها غريبة شوية

رسمة توأم ولدين ^^ ...
ماشاء الله يجننوا x3
أما عليكي حركة تحفة ماشاء الله xD
الولد اللي حزين في قبعته وجه مبتسم أما الولد اللي مبتم في قبعته وجه حزين! (والأمر ينطبق على العصابة اللي في العين! x'D)
ملاحظاتي الذراع واليد .. مم. أحس فيها شي

رسمة مصاص الدماء ..
تم الرد عليها

بخصوص سؤالك .. موجودة لكن متحوسة بأمور كثيرة x'D
الحمد لله بخير .. الله يسلمك ^^

الرسمة الدموية ..
ماشاء الله أحس إني عايشة مع الرسم جو من الدماء والرعب والجنون
ماشاء الله أبدعتي!! x3

(في صفحة 14)
رسمة خربوشة "^^..
همممممم.. الرسمة كيوت ماشاء الله .. بس حاسة الملابس من كبرها معطيتها شكل .. ماني عارفة اوصفه "^^
بس حلوة ماشاء الله x3

رسمة البنت اللي تشبه ويندي إلي في Psychic Force..
أولاًُ... خليتيني أروح أعمل بحث عشان أعرف ويندي x'D
ماشاء الله تبارك الله ... الرسمة دي مرررررة عجبتني !! طريقة الرسم.. الوضعية .. نظرتها .. ملابسها.. كلها بسم الله ماشاء الله روووووووووووووعة
نفسي ألونها بعد اذنك ان شاء الله <.<"

رسمتين تبعت الموديلات..
هممممممممم ماشاء الله عندك موهبة رسم الموديلات!! ^__^
أتوقع رح تفيدينا إن شاء الله في مشروعنا القادم.. ^^

رسمة الخربشة .. x3
قال خربشة قال .. بسم الله ماشاء الله عليكي ^^
روووعة الرسمة .. ((لاحظت انو الذراع اليسار أطول من اليمين .. ماأدري هل هذا صحيح؟ ))

رسمة السيلور .. ^^
حلوة ماشاء الله .. عجبتني .. بس شكلها كأنها ولد "^^

رسمة إحدى الشخصيات الجانبية للبروجكت"LotB"
قرصان .. ماشاء الله شكله نايس!! x3

رسمة الروبوت...
هممممممممم حلوة الرسمة ماشاء الله بس يبغالها تعديل وانا متأكدة ان شاء الله إنو بعد التعديل رح تطلع أروع

الرسمة الأخيرة .. وأخيراً والحمد لله وصلت @_@"
الرسمة ماشاء الله اللي كمان معطيها حلاوة التلوين.. ^^
حلوة طريقة الرسم ماشاء الله بس أحس الرأس مرة كبير <.<"


الحمد لله ^^"
أتمنى إني ماأكون ضايقتك بردي الممل الطويل "^^
وأرجو إنو يكون عمل تعويض عن تقصيري "^^

نتمنى رؤية المزيد من الرسومات بإذن الله ^^

(ملاحظة: تقريباً أخذت أكثر من نصف اليوم لكتابة هذا الرد )

مع تحياتي..
Lenalee Lee
(Ms.Rose)

[riza chan]

وعليكم السلام
----
أنا بخير و الحمدلله
تسلمييييين على الرد والله هذا إلي أسميه رد ولا بلاش
صراحة خليتيني أضحك كم مرة صراحة أسعدتيني كثييير
كنت أفكر في أمور الحياة و متاعبها قبل لا أدخل هنا
لكن بعد الرد هذا ما أعتقد إني بوقف الإبتسامة طول الأسبوع الجاي
كم لي يوم و أنا أنتظر رد مشجع
لأن ما عندي حد بالبيت يقول إن رسمي زين...و المديح من الأهل عادة يكون مجاملة
لكن زي ما قلتي...في أخطاء واضحة في رسومي لكن أنا من النوع إلي ما يصلحها
لأني أحس بالملل من التزبيط وما عندي اليوم كله
----
على طاري التلوين.....والله خذي كل الجاليري و لونيه إذا تبغي
ما يحتاج تسألين المجال مفتوح^^
----
رسمة الموديلات....ذكرتي حاجة عن مشروع قادم....ما هو موضوعه؟
----
تسلمين على الرد مره أخرى
أنصحك تمري على دكتور عشان يتأكد إن أصابعك ما تكسرت تماما
----
ByeBye

[Lenalee Lee]

تسلمييييين على الرد والله هذا إلي أسميه رد ولا بلاش

الله يسلمك حبيبتي .. بس طبعاً مارح أقدر أكتبه كل مرة x'D

صراحة خليتيني أضحك كم مرة صراحة أسعدتيني كثييير

طلعت ماشاء الله أنفع في المجال الكوميدي ماشاء الله

كنت أفكر في أمور الحياة و متاعبها قبل لا أدخل هنا

وي! ليش دا كله؟
إيش أبقيتي لنا منه؟

لكن بعد الرد هذا ما أعتقد إني بوقف الإبتسامة طول الأسبوع الجاي
كم لي يوم و أنا أنتظر رد مشجع

أوه! الحمد لله اني اعدت لك الابتسامة بفضل الله

لأن ما عندي حد بالبيت يقول إن رسمي زين...و المديح من الأهل عادة يكون مجاملة

عاد من جد الواحد يحس بالاحباط لما مايجد من اهله التشجيع.. لكن الحمد لله انك تقدري تكوني بيننا وتسمعي نقدنا ومدحنا .. واتمنى يكون ان شاء الله ساعدك في رفع معنوياتك ^^

لكن زي ما قلتي...في أخطاء واضحة في رسومي لكن أنا من النوع إلي ما يصلحها
لأني أحس بالملل من التزبيط وما عندي اليوم كله

مشي حالك .. دي حالة مستفحلة!!! x'D

على طاري التلوين.....والله خذي كل الجاليري و لونيه إذا تبغي
ما يحتاج تسألين المجال مفتوح^^

أوه من جد ؟ شكراً

رسمة الموديلات....ذكرتي حاجة عن مشروع قادم....ما هو موضوعه؟

يبغالي أقولك هي في الخاص أو نشوف كيف.. لأنو دا مشروع بنعمله في مجموعتنا (فريق رسامي المستقبل) إني حسيتي انو الموضوع مو ثقيل عليكي بأرسلك دعوة للانضمام ^^

تسلمين على الرد مره أخرى
أنصحك تمري على دكتور عشان يتأكد إن أصابعك ما تكسرت تماما

الله يسلمك قلبو ^^
والله من جد أصابعي تعبت وخصوصاً مع المنتدى مع كتابتي الشبيه بالعزف على البيانو
لأنو في حروف ماتنضغط بسرعة <__<"
دي المشكلة صادفتني بس هنا "^^

((شكلي بأنام مرة مرهقة @@"))

مع تحياتي..
Lenalee Lee
(Ms.Rose)

[riza chan]

السلام عليكم
-----

الحمدلله خلصت رسمة مسابقة السيناريو بموقع (شاهين أرتس)
و موضوعها يتضمن مشهد لازم نتخيله و نرسمه بأسلوبنا الشخصي و هذا إلي طلعلي^^
أتوقع بتفهموا الموضوع من الرسمة^^
----
معلومات:
-صراحة ما قدرت أتخيل موضوع السيناريو في زمننا هذا....لأن أغلب الأولاد بيستخدموا بخاخات عشان يخربشوا على الجدران ذي الأيام
-الولد إلي بالقصة قاعد يرسم بقطعة فحم
-حبيت أحط اللون بني عشان يناسب الجو^^
-ممكن تشوفوا إن شكل المانجا غريب لكن حاولوا تبلعوها
-أنا أعرف..خطي مو حلو و أتحداكم تقرأوه.....هذا هو الكلام:
يا له من فتى موهوب - انه رسام مبدع - انظروا كيف يرسم
انه افضل رسام رأيته! - ان له مستقبل باهر
ماذا تفعل ايها الولد؟
الرجل:من سمح لك بالرسم على حائط منزلي؟؟ - الولد: لقد كان الجميع سعيدا بما ارسم.
----
Enjoy

[riza chan]

السلام عليكم
----
رسمة جديدة^^
----
Enjoy

[Lenalee Lee]

السلام عليكم ورحمة الله وبركاته ^^

كيف الحال حبيبتي Riza-chan ؟؟

ماشاء الله المانجا مرة حلوة وعجبني شكل الولد اللي يرسم وانفعالاته ^_______^

مرة خطييييييييرة ماشاء الله ^_^

وبخصوص الرسمة التانية .. ماشاء الله البنوتة حلوة بس حاسة الجزء العلوي من ناحية الصدر غريب شوية
ملاحظة تانية وهي الأزرار وطريقة قفلها في البلوزة "^^ (رحت فتحت الدولاب ودورت على بلوزة بأزارير عشان اتأكد xD)

أتمنى رؤية المزيد من رسوماتك بإذن الله .. ولك مستقبل في المانجا كمان ماشاء الله فأتمنى أشوف دا الشي كمان ^^

مع تحياتي..
Lenalee Lee
(Ms.Rose)

[riza chan]

السلام عليكم
----
شكرا لينالي-تان على الرد و الملاحظه
----
ذي رسمة قدييييييييييييييييييييييييييييييييييييييييييييييييييييييييمة
لها تقريبا 4-5 سنوات ، كانت أول رسمة لي على الكمبيوتر
كل ما أشوفها أحس إني بأبكي
صحيح إن فيها أغلاط لكن مع ذلك إلى الآن و الأجنحة عاجبتني
----
Enjoy

[Nissan]

السلام عليكم ورحمة الله وبركاته

رسومات جدا رائعة ماشاء الله !!
أهنئك على هذا العمل الرائع
ممكن تعملي حاجات حلوة للاسلام والمسلمين ان شاء الله
ولو بدك تشتركي في واحدة انا عندي خبر بس نستنى رايك ^^
وانتبهي لدراستك

وبالتوفيق ان شاء الله

[Nissan]

هههههههههههههههههههههههههههههههههههههههههههههههههههه
خطأ طباعي
الرسومات ماشاء الله روعة .............. واستمر نحو التقدم
تسلم ايدك

[riza chan]

السلام عليكم
----
شكرا هولاكو على الرد^^
----
رسمتين جديدة^^

الرسمة الأولى
أعتقد إن الكل بيعرف Hatsune Miku من Vocaloid2
البرنامج عندي لكن قاعدة أدور Tutoiral مناسب يعلمني كيف أستخدمه (لأن البرنامج بالياباني^^

الرسمة الثانية
ذي Yowane Haku شخصية Fan-made لـVocaloid
هذا فان-أرت للجزء البائس من شخصية Hatsune Miku

باقي أبغى أرسم بقية الشخصيات^^
----
Enjoy