[ FFXII ] لـديـك سـؤال ضـعـه هـنـا

[yugi motoo]

أوميقا وبنز ^^..
نصيحة بس إذا كنت بتحارب أوميقا..
هو راح يكون صعب.. فاستعد لأنك بتشوف الكلمتين Game Over أكثر من مرة..
المهم الوحش ما له استراتيجية مؤكدة.. كل واحد على حسب مزاجه وتعامله بالقامبيت..

لكن فيه خدعة صدفة عرفتها.. وقرأت عنها في المواقع.. دحين أوميقا يشبه عنكبوت عملاق.. عند بطن أوميجا بين قدميه الأخيرتين.. خلك واقف هناك وما بيصيبك بالليزر ولا بيستهدفك!!

[أوميقا وبنز]

السلام عليكم ورحمة الله وبركاته
اشكر الله ثم اشكر اخوااني يوقي وماكنتوش

ولقول لكم كلكم كلامكم صحيح ؟؟؟؟؟؟

اولا ؛ يازامات اخذت مهمته بعد ما هزمت hell مباشره لكن ليس كما قلت ما كنتوش (( لازم تخلص جميع الاستدعاءات )) لاني واجهته بدون الحصول على الاستدعائين الاخيرين (زودياك وشاوس) .

ثانيا : قبل لا اهزم يازامات رحت حق اوميقا ولقيته نايم ؟؟؟؟؟
لكن كان ناقصني استدعائين (زودياك وشاوس ) ؟؟؟؟؟ (( شنو تفسيرك يوقي))

ثالثا : انا ذهبت للمكان رقم واحد في خريطة الكرستاله كما وضعها ماكنتوش بس ما لقيت شي وانت تقول فيها درع قوي شلون احصله ؟؟؟
وابي طريقه سهله للحصول على رمح زودياك؟؟

[MackintosH]

اوميقا وبنز ..
انتظرني راح ادش وافهمك

[yugi motoo]

بالنسبة لأوميقا...
زي ما ذكرت أنا ما أعرف متى يصير متاح.. لكن أنا قلت اللي صار معي وهو إني حاربته بعد ما قتلت Hell Wyrm وقبل لا أذبح يازمات..
وحسب المواقع فهو يصير متاح بعد ما تقبل مهمة صيد يازمات.. تأكد إنك قبلتها..
بالنسبة لوحوش الاستدعاء..
أنا حاربته قبل لا آخذ زودياك..
لكن لما حاربته كان كيوس معي ^^..

وأنصحك تجيب كيوس.. ممكن يكون مفيد بالمعركة ^^..
بالمناسبة.. الدروع ماهي مهمة أو مفيدة جداً.. لأنه أقوى الأسلحة في اللعبة ما تنفع تركب معها دروع ^^..

[MackintosH]

اوميقا وبنز ..

يمكن أني نسيت اي واحد فيهم لازم تخلص وحوش الأستدعاء عشان تقاتله ... الأهم انك أكتشفت اشياء حلوه باللعبه .

نجي للدرع ..
مثل ماقال أخوي ( yugi motoo ) مو مهمه أكثر من السيوف لأنك راح تستخدم سيف تو هاند وماراح يركب مع الدرع .. فا الأحسن أنك تاخذ سيف " أكس كاليبر " والدرع مو مهم حيل ...

انا راح اكتب لك الشرح شلون تاخذ الدرع او السيف , طريقتهم وحده بخريطة الكرستاله ..

اذا دشيت على المنطقه اللي فيها السيف او الدرع وضغطت على الشيء الموجود بالنص احتمال يطلع لك 1 Gil واحتمال تطلع لك اشياء كثيره مثل الفلوس وأدوات الايتيم , فا بالطريقه هذي لازم ترد للمنطقه اللي مكتوب عليها XVI أو أي منطقه بعيده عن المكان اللي فيه السيف او الدرع وأرجع مره ثانيه وراح تحصل شغله جديده أو تحصل السيف او الدرع .

الخلاصه : راح تطلع لك اشياء كثيره قبل لا يطلع السيف او الدرع يعني لازم تجرب كذا مره .


زوديك سبير او رمح زودك :

الطريقه الأولى :

هذا طبعاً معروف أنه أقوى سيف باللعبه فقوة الأتاك عنده 150 .

في حلين للسيف هذا انا راح أكتب لك الحل الأبسط واللي واثق 100% انك راح تحصله بعد ما تطبق اللي اقوله لأني انا اخذته بالطريقه هذي .

الطريقه طبعاً فيها تعب لأنك راح تبدأ اللعبه من البدايه

الحل : بكل بساطته من البدايه لاتاخذ ولا صندوق باللعبه لحد ما تأخذ رمح زودك . يعني من تبدأ اللعبه لاتاخذ اي صندوق تلقاه بالمناطق سواء كان داخل القرى او خارجها . قالو أن الصناديق عادي تاخذهم ماعدا اللي لونهم أصفر أو ذهبي اللي تلقاهم بمنطقة قريب من منطقه " دلان " وتلقاهم بمناطق لكن نادره .
بعد ماتطبق اللي شرحت لك راح تلقاه بالمنطقه اللي بحطها بالخريطه .




راح أحط لك صوره ثانيه توضح لك مكان الغرفه من الداخل .

راح تكون انت اللي باللون الأحمر وراح تكون في صناديق بالشكل هذا طبعاً لا تاخذ ولا صندوق غير اللي باللون الأصفر لأنك لو أخذت صندوق أخر راح يروح عليك زودك سبير . فا اذا دخلت الغرفه اخذ اللي باللون الاصفر وبعدها بيكون مصرح لك تاخذ اي صندوق تشوفه باللعبه .



الطريقه الثانيه:

انا مو متأكد منها لأني ماجربتها .



المكان اللي تحت السهم بالضبط راح يكون فيه صندوق . هذا الصندوق تاخذه تقريباً من 30 إلى 50 مره بعدها يطلع لك زودك سبير , شلون الطريقه طيب !
الطريقه تحفظ اللعبه بأقرب مكان من الصندوق وتروح للصندوق وتاخذه اذا ماطلع زودك سبير تعيد اللعبه وتاخذه مره ثانيه إلى ان يطلع لك السيف .
للأمانه انا ماجربت الطريقه لكن هالطريقه في ناس مجربينها وخذو السيف .


بالأخير اتمنى الفائده للجميع وأي استفسار انا بالأنتظار ...

[yugi motoo]

بس ملاحظة على كلام ماكنتوش..
هو صح إنه فيه صناديق معينة مو مفروض تفتحها..
لكن ترى بتتعب إذا ما فتحت الصناديق.. خصوصاً صندوق Ribbon عند المنطقة قبل الميناء!!
شفت مواقع مختلفة.. الصناديق المحرمة فتحها هي:
1- الصندوق خارج بيت دالان في اللو تاون.. أحسنلك لا تفتح أي صندوق في اللو تاون عند بيت دالان..
2-فيه مهمة في بداية اللعبة بتتسلل لقصر.. قبل لا تتسلسل بتكون في غرفة صغيرة فيها عدد من الصناديق.. اثنين منهم من الصناديق المحرمة.. ريح نفسك ولا تفتح أي وحدة منها..
3- فيه منقطة باللعبة بتنحبس بالحراس.. بعد عدة أحداث لما تستعيد أسلحتك ودروعك ثاني لا تفتح أي صندوق في المنطقة اللي بتاخذ منها أسلحتك..
4- في منقطة ساحل فون Phoan Coast, في جزيرة فيها 16 صندوق بجانب بعض، الصندوق الرابع من الصناديق المحرمة.. هو مو محدد الرابع من اليسار أو اليمين فأحسن تسيب كل الصناديق.. مافيها شي مهم كلها تحوي Gils..

باقي الصناديق عادي تفتحها.. وبعد ما تاخذ زودياك سبير من المكان اللي شرحه ماكنتوش تقدر ترجع وتفتح الصناديق المحرمة..
طبعاً حركة بايخة من سكوير حقت الصناديق المحرمة!!

بالنسبة للطريقة الثانية.. حقت ألغام هن.. أنصحك لا تجربها -_-!!

لأنه فرص الحصول على السلاح من ذاك الصندوق مع الإكسسوار هي 1/1000

10% فرصة إنه يكون الصندوق موجود..
10% فرصة إنه يكون في الصندوق غرض مو Gil
10% فرصة إنه يكون الغرض زودياك سبير مو شي ثاني..

لما كنت أبغى أجيب زودياك سبير الثاني لعبت 7 ساعات وأنا أفتح الصندوق وأرجع ثاني.. وبالآخر ما حصلته -_-!!
زودياك واحد يكفي.. إذا فتحت واحد من الصناديق المحرمة.. ما أقول غير الله يخلي Sunflower يكفينا T^T!

[أوميقا وبنز]

مشكورين يوقي وماكنتوش ........ الموضوع Tournesol

ممكن تساعدوني في الحصول على Sunflower من البازار انا دورت في youtube بس ما فهمت الطريقه عدل .....؟؟
ممكن تعطوني اسماء الووت وما هي طريقة الحصول عليها ...؟؟

انا اقوى سلاح عندي Excalibur بس للاسف ما ينفع مع زودياك و يازامات ......
انا حصلت على Ultima Blade من صندوق في الرادونا عن طريق الصدفه في الدور الثاني الارضي في الباب الشمالي الغربي فيه ممر سري يوديك لغرفه صغيره فيها وحش كبير تذبحه وتلقى الصندوق وراه
((((( بس الكلام هذا بعد ما اخذت الاستدعاء التيما ))))

بعدين رمح زودياك صعب الحصول عليه ....لأن هوايتي فتح الصناديق.. تقريبا ما فيه صندوق في اللعبه ما فتحته .....
اخوي يوقي يقول انه قعد 7 ساعات ما حصل شي ...... من باب اولى اني ما اجرب ....

وشكورين

[أوميقا وبنز]

السلام عليم وحمة الله وبراكاتة ....
اتمنى اني ما اكون ثقلت عليكم
وانكم تستقبلون استفساراتي بصدر رحب
واتمنى من جميع الاعضاء الافاده بخصوص موضوع النقاش
ومشكورين على الردود مسبقااا
ودمتم بحفظ الله ................................

[سعود العمري]

مشكورين يوقي وماكنتوش ........ الموضوع Tournesol

ممكن تساعدوني في الحصول على Sunflower من البازار انا دورت في youtube بس ما فهمت الطريقه عدل .....؟؟

ممكن تعطوني اسماء الووت وما هي طريقة الحصول عليها ...؟؟

انا اقوى سلاح عندي Excalibur بس للاسف ما ينفع مع زودياك و يازامات ......
انا حصلت على Ultima Blade من صندوق في الرادونا عن طريق الصدفه في الدور الثاني الارضي في الباب الشمالي الغربي فيه ممر سري يوديك لغرفه صغيره فيها وحش كبير تذبحه وتلقى الصندوق وراه
((((( بس الكلام هذا بعد ما اخذت الاستدعاء التيما ))))

بعدين رمح زودياك صعب الحصول عليه ....لأن هوايتي فتح الصناديق.. تقريبا ما فيه صندوق في اللعبه ما فتحته .....
اخوي يوقي يقول انه قعد 7 ساعات ما حصل شي ...... من باب اولى اني ما اجرب ....

وشكورين

السلام عليكم ..

اخوي انا اقول لك الطريقه ..

فيه 3 ايتمات اذا بعتها يجيك السلاح وهي :

Gemsteel
Empyreal Soul
Serpentarius

المهم تجيب من كل ايتم 3

ويمكن يكون عندك من اول اثنين واحد .. لانك تاخذهم كجائزة من montblanc >> اللي يعطيك مهمة صيد يازمات

وعشان تجيب الايتم Gemsteel:

Scarletite x 1
Damascus Steel x 2
Hell-Gate's Flame x 2

طبعا هذا للايتم الواحد وانت تحتاج 3 يعني

Scarletite x3
Damascus Steel x 6
Hell-Gate's Flame x 6

عشان تجيب الScarletite x3

في وحش في nabreus deadlands والحش على شكل سلحفاة ضخمة لونها ازرق ..

وطبعا نادرا ما تنزل .. وراح تلاقيها على شكل drop

اما عشان تجيب الDamascus Steel x 6

تسرقها من الوحش النادر اللي في منطقة بارمانا رفت << المنطقة الثلجية ..

تلافيه في المنطقة karydine glacier

اقتل كل الوحوش الموجودة بعدها اطلع وارجع مرة ثانية وبتلاقيه ..

طبعا لا تقتله الا لمن تجيب الDamascus Steel x 6

وانصحك انك تلبس القفاز اللي يكثر فرصتك بالسرقة ..

اما عن الHell-Gate's Flame x 6

في ال feywood فيه منطقة بتلاقي فيها كلاب وفيهم قرون حمرا وكلاب فيهم قرون زرقا ..

انت اقتلهم ولا تخرب الchain .!!!

يعني لا تخزن او تقتل اي وحش من نوع غير ذولي ولا تطلع من الغابة ..

طبعا ما راح تاخذ الايتم الا من الكلاب اللي عليهم قرون حمرا اما الثانين عشان تزيد الchain بس ..

وانا لمن حاولت اجيبة وصلت عندي الchain ا 300 وعليها ..!!

اما الحين عشان تجيب ال3 Empyreal Soul

تحتاج 3 ايتمات عشان تطلعها .. :

Soul Powder x 1
Wargod's Band x 2
High Arcana x 1

مدام انك تحتاج 3 يعني بتسير :

Soul Powder x 3
Wargod's Band x 6
High Arcana x 3

عشان تجيب ال

Soul Powder x 3

تسرقها من الوحش النادر vorres

بتلاقيه في نابوديس << مكان وحش الاستدعاء chaos

والله ما ادري وين بالظبط بس في مكان نادر ما يطلع فيه وحش من نوع الظلام اللي شكله زي الفقاعات واسمه Dark element (or) elemental

المهم ولا تقتله بس خله هو يعصب عليك ويحط عليك سحر الظلام ..

يعني اذا كان دمه اخضر خله احمر وبيسير يطاردك انت وصله لمحل والله انني ناسي وينه بالظبط

وبيطلعلك ذا الوحش .. اسرق منه الايتم واطلع من المكان وارجع وراح تلاقيه واذا ما لقيته سو نفس الحركه ..

وطبعا لا تقتله لانه ما يطلع الا مرة واحده في اللعبه ..

اما عن الايتمWargod's Band x 6

فراح تلاقي وحش في nabreus deadlands

على شكل حصان انت اقتله وخو بيطلعلك الايتم Drop طبعا ما راح يطلعه لك بسرعه ..

والايتم High Arcana x 3

اذا كان عندك الجرة اللي تشتريها من البازار راح يكون عندك منه كثير طبعا الوحوش النادرة هي اللي بتعطيك اياه كـ Drop

والحين عن الايتم
Serpentarius:

Snake Skin x 4
Serpent Eye x 2
High Arcana x 1

وبما انك تحتاج 3 بيسيرو :

Snake Skin x 12
Serpent Eye x 6
High Arcana x 3

Snake Skin x 12 هذا الايتم هو اهل ايتم بتلاقيه ..

تسرقه من ثعبان تلاقيها في Giza Plains Dry

في المنطقة Toam Hills

ويمديك تسرق الايتم منه او تقتله وبينزل لك Drop

واذا قتلت واحد روح لمكانين وارجع وبيطلع لك الثعبان ..

Serpent Eye x 6

روح لنفس المكان اللي قاتلت فيه Behemoth King في ال feywood

واقتل الثعابين وراح ينزل لك Drop

High Arcana x 3

نفس اللي فوق ..

بعدها بيع Scarletite x 1
Damascus Steel x 2
Hell-Gate's Flame x 2

وروح البازار واشتري اللي بيطلع لك ..

وكرر العمليه ...

وبعدها بيع Soul Powder x 1
Wargod's Band x 2
Snake Skin x 4
Serpent Eye x 2
High Arcana x 1

<< طبعا ما يحتاج انك تبيع 2 هاي اركانا ..

واحد بيكفي للاثنين ..

اذا بعت اللي فوق بيطلع لك شيين في البازار اشتريهم وكرر العملية ..

بعدها بيسير عندك Gemsteel x3
Empyreal Soul x3
Serpentarius x3

بيعهم مع بعض وراح يطلعلك في البازار ال Sunflower

بس عشان تشتريه يحتاج لك 600000 الف جل ..!!

روح رنفس المكان اللي قاتلت في وحش الاستدعاء زيروموس << حق عنصر الجاذبية ..

وراح تلاقي هياكل عظمية قاتلهم وسوي chain وراح ينزلون لك drop اسمه
blood Darkned bone

اذا جمعت منه 99 بيجيب لك يمكن 130000 الف ..

ومبروك عليك التورنسول ^_______^

واذا ما فهمت حاجه قول لي ^_^ اخوك سعود العمري ..

تكسرت ايدي من الكتابة "*_*

بس حاظرين للطيبين

[sackboy]

شباب انا عندي كم سوال ..

ياريت القا الاجوبه..

انا واصل حاليا عند كهف Henne Mines ..وفان لفله 23 واللفلات بين ال14 الى 21 طبعا من غير فان

فهل اللفلات جيده والا لا؟

ثانيا ايش فايدة loot ابيعهم كلهم والا استفيد فيهم بشي؟

وايش فايدة البازار؟


تكفون شباب حد يفهمني وش السالفه تراني ضايع نوعا ما بالطوشه

وبالمناسبه ايش حل الكهف دخلت لقيت مفتاح حركته فتح لي باب بعدين مشيت لي دينصور كبير ذبحت الاول والثاني ذبحني لاني كنت متلته من الاول ؟

وش اسوي؟

[sackboy]

بعد صح ايش هو اول استدعاء اقدر اخذه؟انا ماعندي الا Belias خذته بطور القصه وبس ماعرف غيره؟؟

متى احصل باقي الاستدعاءات؟

[yugi motoo]

اللفلات جيدة.. تقدر تمشي في المنطقة باللفلات إذا عندك قامبت جيد وأسلحة ودروع.. لكن ياخذ وقت..
أهم شي لا تهرب من الخفافيش لأنهم بيلحقوك ولو تجمعوا عليك بتموت!
لكن إذا ما تحب أو ما تعرف تتعامل مع القامبت فحاول تلفل أكثر عالأقل لفل 30 حتى تعديها بدون مشاكل..

بالنسبة للــLoots .. بيعهم عدا اثنين.. Teleport Stones هاذي تفيدك عند كريستالات التنقل والحفظ الحمرا..
ووحدة ثانية Green وبعدها كلمة ناسيها.. المهم هي ماهي مهمة مرة لكن تفيدك لو لقيت تشوكوبو طليق تعطيها له وتركبه..

البازار فايدته إنه يعطيك أسلحة ودروع وأدوات نادرة في وقت مبكر في اللعبة.. لكن طبعاً له سعره فهو أغلى من المحلات العادية.. وبعض الأسلحة ما تقدر تجيبها إلا من البازار زي سيف سن فلاور (ثاني أقوي سلاح في اللعبة) ما تجيبه إلا من البازار..
والبازار يجيك بعد ما تبيع أشياء معينة من اللوت.. كل بازار له مجموعة لووت منفصلة عن الثانية..

بالنسبة للكهف.. ممكن تفصل أكثر ^^؟
اسم المنقطة اللي عالق فيها اكتبه واسم الدينصور إذا تقدر

بالنسبة للاستدعاءات.. امشي مع القصة بتحصل استدعاءات جديدة..
إذا تبغى في استدعاء في كهف أسهل دخول له من منطقة إيسترساند من ربناستر..

لكن لفلك منخفض.. حاول تاخذه لما توصل للفل 34..

[sackboy]

yugi motoo

تسلم يالغالي ..اما القامبت هذا ياخي قريت عنه كثير بس لين الحين موب فاهمله عدل بس يعني امشي الحال..

ابشرك وصلت لفل فان 27 وقدرت اذبح الخفافيش وكل شي بسهوله..كنت محتاج اشتري اسلحه وشريت اسلحه ودروع وصارت اموري طيبه الحمدلله تخيل ماكنت مهتم بالاسلحه من بداية اللعبه ماعمري بدلتها لي هنا...المهم خلصت هالمرحله قبل شوي وقلت ابريح لي بكره اكمل..

وتسلم على المعلومات ..راح اطور لفلي اكثر ان شاء الله..احلى شي اذا ذبحت الوحوش ورحت ابيع الاغراض ياني استانس خخخخخخخخخخخخخخ..

اخر مره بعت جابتلي الاغراض 20الف جيل خذت اسلحه والمره الجايه باخذ دروع ان شاء الله؟..؟


راح امر على الموضوع اتمنى انه ينشط ونشارك بعض المعلومات ونشوف من اول واحد فينا راح يخلصه
[/quote]

[سكوال الصنديد]

أنا محتاج مساعدتك يا yugi motoo

وصلت إلى مدينة أوميسكا omiseca

وواجهت زعيم أسمه gudge BeIga

وغلبته بصعوبة ثم حسب كتاب الحل الذي لدي أكتشفت أنه يجب على التوجه إلى مدينة

Archadia التي تقع شمال المدخل الغربي لنالبنا

وقررت أستعمال حجارة التنقل المعروفة بأسم TeIeport للوصول إلى هناك لكن لم أتمكن من

الوصول إلى Archadia أو لنالبنا مع العلم أنه لدي الكثير من حجارة التنقل فكيف اصل

لنالبنا أو أركاديا ؟؟؟؟

صراحة أنا تعبت تكفى المساعدة ؟؟؟؟؟؟؟؟

[VAAAN]

السلام عليكم ورحمة الله وبركاته

كيف الحال يا شباب الفانتسي ؟؟؟ انشاء الله بخير

انا ابغى استفسر عن الاسلحة والسحور

انا لحد الان ماحصلت كل السحور والاسلحة هل يمكن الحصول على

الاسلحة والسحور القوية من خلال مهمات الصيد ولا في بائعين في اماكن

سرية لازم تروح تبحث عنهم واتمنى ان القى حد يجاوبني

والسموحة