صباحك عسل
Moon Walker
هلابك كثر مامر الغـلا ومريـت فـي بالـي
أنا دوبي حبيبي كنت أجيب بسيرتـك دوبـي
أنا توي أسولـف للقصايـد عنـك يالغالـي
وفاحت ريحتك بين الحروف وقلت محبوبـي
تلفت ولقيتك فـي عـروق القلـب تختالـي
ألا حيالله اللـي يـزرع البسمـات بدروبـي
تخيّل كل ماإسمك يظهـر بشاشـات جوالـي
يفوح العود الأزرق كل رنـه تبعـث طيوبـي
تعال وإتـرك الدنيـا دقيقـه حبنـي لحالـي
حياتي يابعد عمر الشعـور الحـب مكتوبـي
أحبك غصب أحبك غصب عن وقفات عذالـي
أشوف الحب بك ميزه ولو خلـوه عذروبـي
ياروحي ماأشعر إلا بإرتسامك فـوق فالعالـي
كذا طبع الكبار الحب فيهـم شـي مهيوبـي
لهم هيبـة مشاعـر ياعسـا ماللغـلا والـي
إذا مالامس إحساس الكبير وجـاب مطلوبـي
تعال وخذ عيوني بس لحظه شوفـك بدالـي
وحس شلون أحبك كيف عنّك مقـدر آتوبـي
يامال العافيه يازين طعم العمـر بـك حالـي
طلبتك لاتحد من الشعـور القلـب مشبوبـي
على كيفي بحبك بأي شكـل بكـل الأحوالـي
أبسرف في غلاك وبستمر أعشقك بإسلوبـي
بلملم لك شعوري وأنثـره فالقـاف ويلالـي
وأبل أوراق شعري بالفلا ويطيـب مشروبـي
أحس بخطوتك تعزف لحـن فيـروز موالـي
من ألحان الغلا لاهوب لا نجـوى ولا روبـي
وأحس بوقفتك لو أنت واقف فالخـلا الخالـي
كأن المسك الأبيض من تحت خطوتك مسكوبي
وكأن الورد يتفتح هنـا لاجيـت فـي بالـي
وأنا دوبي بـأول خطوتيـن الحـب يادوبـي
.
المشاركة الأصلية كتبت بواسطة لك عيوني.
