استفساراتكم واسألتكم هنا 2

[وار كرافت1]

ياجماعه انا حاط مشاركتي قبل هموم محد رد علي ؟

ممكن احد يفيدني الله يرحملي والديكم

[هموم أنثى]

Azooz مشكور على الاهتمام ..

أنا عبيت الفروم هذا بالمعلومات اللي يريدونها .. أتمنى يردون علي .. جدامي 10 أيام بس .. إذا ما ردوا بسوي Unsbscribe و بطلق اللعبة لأني وايد مضايقة من ها الحركة

إن شاء الله بتواصل وياك يسلموو على المرور

Samo

شو رايك أغني .. آه يا ليل ..

سامووو بلييز اقرا موضوعي ترا واضح .. و أنا أسجل أول مرة قبلوا معلومات البطاقة أوكي ..و بعدين إنهم طرشولي بأن معلومات البطاقة غلط بعد ما خلص أول شهر من التسجيل المجاني و رديت عطيتهم معلومات البطاقة و قبلوها .. لما شيكت COngratualations و جددولي حق ثلاث شهور .. بعدها بأسبوع ردوا طرشولي ايميل بأن المعلومات غلط .. و جمدوا الأكاونت ..



الحين أطرش لهم و كأني ما أكلمهم .. اف منهم ..

شو اسوي عشان أرد ألعب .. يعني
for them to remove the freez and give me a chance to change me payment method

لأني اكتشفت بأن credit card ما تنفع و أحسن Prepaid Game card

اف لو كنت أدري

Samo إن شاء الله فهمتني

ساعدوني بليز ..

شو بعد ممكن اسوي أرييييييييييييييييييد كل الحلول بلييييييييييييييييز شاركوني خبراتكم يا خبرااااااااااااااء اللعبة .. تراني بتخبل .. وصلت لفل 50 و فجأة صار اللي صار أنتو متصورين القهر اللي أنا فيه

هموم أنثى (زعلانة)

[elemua]

اكو حل جدا بسيط وياحليله وارخص من طريقة الدفع اللي تسوينها بالفيزا ،،
ادخلي على www.offgamers.com
سويلك حساب عندهم مثل ما تسوين حساب في اي موقع its for FREE !
اشتري من عندهم Game Card 60 days EU
واشحني حسابك في Blizzard ،،،

جدا جدا جدا اسهل واريح ،، واستخدم هالطريقة شخصيا ،، لا وفيها فرق بالسعر بعد

[AzOOz`]

شوفي اختي ....

من كلامك فهمت انه انتي شاكه بانهم قفلو الاكاونت عشان اعطيتيهم المعلومات غلط وانتي اصلا عطيتها لهم صح

بسالك يوم رسلتي المعلومات كنتي متأكده ان البطاقه فيها المبلغ المطلوب لان احتمال يكون ما فيها شي او المبلغ مو كامل

غير كذا هم ما رسلولك اي شي على الايميل يقولون ايش المشكله لان المفروض من بعد ما يتقفل الاكاونت يرسلولك اشعار بسبب الاقفال

وبعدين انا بنصحك اذا رجع الاكاونت لا عاد تستخدمي الكريدت بسبب مشاكلها مع شركة بليزارد ... اسأليني انا كمجرب خخخخ

تقبلي تحياتي

[LavaGFX90]

سلام عليكم
شباب أنا عندي ميج أركاني لفل 70 !
شنو الأحسن لتلفيل ؟
أركاني أور فروست ؟

[سيفيروث]

سلام عليكم
شباب أنا عندي ميج أركاني لفل 70 !
شنو الأحسن لتلفيل ؟
أركاني أور فروست ؟

شوف الأركاين بتقتل واحد ولا ثنين وبتخلص المانا وبتضطر تجلس تشرب, الفروست يمشيك مسافة أكثر

بعدين الفروست افضل للإليت سولو

[ابو ران]

والله انكم مساكين مصدقين ان هموم بنت رجل مسكين متخلف بعدين فشلتونا إلى متى التخلف

[ميكافلي]

ياخوي ابو ران الله يهديك

حتى لو كان رجل ،،، الأخوان ماطلعوا عن الآداب ،،، وجلسوا يساعدون الشخص بغض النظر عن جنسه

[.SaMo.]

والله انكم مساكين مصدقين ان هموم بنت رجل مسكين متخلف بعدين فشلتونا إلى متى التخلف

هههههههههههههه .. كلن يناظر الناس بعين طبعه ..
أول شيء احنا نساعد الشخص بدون مانشوف جنسه ..
ثاني شيء .. طيب ولد مسوي بنت .. فيه شيء ؟

بعدين وش مساكين ؟

والله ياخي فيه ناس مادري مع وين تفكر !!! ...

الله يهديك .. والمره الثانية فكر قبل لا ترد .. وآوزن كلامك ..

[.SaMo.]

هموم

نفس الكلام هذا .. آو تشترينهآ من جرير ..

اكو حل جدا بسيط وياحليله وارخص من طريقة الدفع اللي تسوينها بالفيزا ،،
ادخلي على www.offgamers.com
سويلك حساب عندهم مثل ما تسوين حساب في اي موقع its for FREE !
اشتري من عندهم Game Card 60 days EU
واشحني حسابك في Blizzard ،،،

جدا جدا جدا اسهل واريح ،، واستخدم هالطريقة شخصيا ،، لا وفيها فرق بالسعر بعد

واذا الآكآونت مجمد .. كلميهم .. آو آرسلي لهم رسآلة .. وينفتح آن شآء الله ..

[هموم أنثى]

السلام عليكم من جديد

أولا أولا أولا : أبو ران ..

شو رايك أطرش لك صورتي و إلا صوتي عشان تتأكد بأني بنت .. و الله حالة .. بتخبرك إذا عندك مشكلة سر عالج عمرك أوكي .. و ما برد أكثر .. يقول المثل ( ما على البعير من ....... الحبارى ) .. هيه صدق و التخلف اللي تتكلم عنه موجود في مخك .. ثمكن كلامك و مثل ما قالوا لك الأخوان كلن يرى الناس يعين طبعه ..

اللي يبغي يساعدني يا هلا و اللي ما يبغي طاااااااااااااااف .. ما هميتني لا أنت و لا أي واحد من أشكالك .. و أفكارك ..

ميكافيلي .. سامووو ثانكس .. ما عليكم زود يا أخواني


الأهم :

elemua

ثانكس على المعلومة .. و إن شاء الله خلهم يفتحون الحساب و بتبع ها الشي بإذن الله .. المشكلة إنهم ما يردووون وايد بطيئين في الرد .. ما يندرى شو بيصير .. بس مشكور على النصيحة جد ..


Samo

ثانكس بروذر و أكيد بتبع نصيحتكم .. بس يفتحوون الأكاونت معناته ما لي غير أترياهم و بس أمري لله

Azooz

مرحبا بك مرة ثانية خيوو ..

بصراحة أنا فكرت مثلك .. و قلت يمكن البطاقة ما فيها كردت .. و أدري إن فيها و سرت و حطيت فيها زيادة .. بس لا حس و لا خير من صوبهم .. و نصيحتك على راسي و الله .. متى يفتحون الأكاونت بس ..

زين أنت لما قلت اسألي مجرب يا أخوي هل صادفتك نفس المشكلة بالضبط .. طيب شو هي المدة اللي انحلت فيها مشكلتك ؟؟؟ أريد أقدر الوقت بس إذا ماعندك مشكلة تخبرني .. صار لي كم من يوم أتريا و ما شي خبر من صوبهم


ربي يحفظكم

هموم أنثى

[ميكافلي]

سؤال يا هموم أنثى

هل الأكاونت Frozen ??

اذا Frozen يعني غير مشحون فقط يعني بطاقة شحن من offgamers ويرجع الاكاونت ينفتح

اما اذا blocked أو suspended لازم الاتصال على بليزارد ويفكونه مباشره أو مخاطبتهم بالايميل عن طريق اللنك حقهم وما يتأخرون عاده من يوم الى اسبوع بالكثير

[AzOOz`]

Azooz

مرحبا بك مرة ثانية خيوو ..

بصراحة أنا فكرت مثلك .. و قلت يمكن البطاقة ما فيها كردت .. و أدري إن فيها و سرت و حطيت فيها زيادة .. بس لا حس و لا خير من صوبهم .. و نصيحتك على راسي و الله .. متى يفتحون الأكاونت بس ..

زين أنت لما قلت اسألي مجرب يا أخوي هل صادفتك نفس المشكلة بالضبط .. طيب شو هي المدة اللي انحلت فيها مشكلتك ؟؟؟ أريد أقدر الوقت بس إذا ماعندك مشكلة تخبرني .. صار لي كم من يوم أتريا و ما شي خبر من صوبهم

هلا فيك مره ثانيه اختي

بخصوص المده الي كنت اراسلهم فيها كانت شهر ونص تقريبا على ما اذكر

طبعا انا صادفتني مشاكل كثير في الاكاونت غير هذي المشكله لكن في كل الاحوال كنت ارد الاكاونت والعب ولا كانه صار شي .... الكلام هذا من حوالي سنه تقريبا , لكن الحين ناوي ابيع الاكاونت وافتك من اللعبه كلها

عموما الحين ما اتوقع انك مضطره انك تنتظري اكثر من اسبوعين بس انتي راسليهم وشيكي على ايميلك اول باول وان شاء الله يرجعلك الاكاونت وتردي للعب ^^

[wow4ever]

السلام عليكم

من وين اقدر احصل المونت او الدراجة Mechano-Hog (H) اللي اقدر اركب واحد معاي ؟؟؟؟؟

[سيفيروث]

السلام عليكم

من وين اقدر احصل المونت او الدراجة Mechano-Hog (H) اللي اقدر اركب واحد معاي ؟؟؟؟؟

الانجنييرز يقدروا يصنعوها وبامكانك تشتريها منهم بس سعرها مكلف 16 الف وطالع أعتقد