Super Street Fighter IV

[MaNForUaE]

ممممممممممم موضوع الشاشات مهم الصراحة..ومثل ماقال دوق ترى شغلات ال 2ms وغيره ماتفرق...المهم إنه الشاشة من الأساس مسوينها إنها مايكون فيها لاق...مثل شاشات المطارات والي في الأركيد وتكون HD ...هذيله مافيهم لاق + شاشات ال Asus و ال alienware ...دوق لو تتفصل في هالشي يكون أحسن

خخخخخخخ زين إنكم تبون تغصبون ربعكم على الأركيد...أنا حاولت لكن دون فائدة للأسف...ما أقدر أوصل لمستواي في الأركيد مثل الي وصلته في الجويستيك العادي...-___-

كيف ال 2ms ما تفرق ؟؟؟؟؟؟؟؟؟؟؟؟؟

ال 2ms هي نسبة سرعة الشاشه في ادخال المعلومات او الاستجابه يعني و هذا الشي الوحيد الى يفرق في مسألة الاق.

[Dukefleed]

ألوكارد:
ياخي والله إنك ما تقصر لكن حضوركم كفاية لو سوينا البطولة قريب إن شاء الله. يمكن للمرات الياية نبا بوسترات لكن البطولة الأولى بنمشي على كلام بيرسركر الحكيم

أما عن اللينكات فـ شوف.. أنت تقدر تسوي هالكومبو على اي تلفزيون لو تعرف التوقيت وتسويه بالـmuscle memory. لكن وين المشكلة؟ وايد ناس أعرفهم (وأنا منهم) تقريباً يعتمدون على اللي يشوفونه جدامهم في الشاشة. مثلاً انته يمكن تنتظر ريو لين ما ترجع إيده مكانها بعدين تضغط الـmp الثانية أو الـmk، وهذا هو السبب اللي يخليها ما تطلع لانه تلفزيونك فيه "لاج". لكن لو انته تعرف التوقيت، حتى لو ضغطت "قبل" ما يخلص ريو من الأنميشن، بعد بتطلع الحركة. وأتوقع بما إنك راعي ثيرد سترايك فاهم هالنقطة. صدقني هي مسألة توقيت، جربها أكثر لين تتعود ؟ نفس مثلاً حركة ريو LP LP LP c.HK .. لو حافظ التوقيت بتسويها على اي تلفزيون.

مان:

ترا ما يخصه انه الشاشة يديدة وجي. كل ما في الموضوع انه الشباب مجربين بعض الشاشات ومسوين عليهم اختبار يقارنهم بالـCRT ويحطون الصور وكل شي. وممكن تحصل هالشي في منتدى شوريوكن. على العموم هو مثل ما قلت يمكن تكون نفس الشي بحكم انه نفس المواصفات مثل ما انته تقول. الشي الوحيد اللي انا مب فاهمنه انه مافي ولا شركة (غير Alienware) تروّج شاشاتها للفايتنج جيمز فانز وتتكلم عن الInput lag. الشركة اللي نحن نشتري تلفزيوناتها (Asus) شكلهم بالغلط ضبطوا السالفة على حظنا على العموم خله توصلكم ونعرف رايكم عنها.


بيرسركر:
والله سالم طلع شجاع وغيّر من الجهاز العادي للأركيد (صح إنه ما وصل لمستواه بس بعد!! زيلدا فان شو أقول أكثر!!)
Follow his steps to be the real Sheng Long.


على الأقل العب 4 بالأركيد وخلك على مستواك في الثيرد بالكنترول العادي

وعلى فكرة أنا تقريباً كتبت عن سوالف الشاشات قبل في هالموضوع، لو تجيك بتحصل كم رد لي يتكلم عن هالموضوع.

[Dukefleed]

كيف ال 2ms ما تفرق ؟؟؟؟؟؟؟؟؟؟؟؟؟

ال 2ms هي نسبة سرعة الشاشه في ادخال المعلومات او الاستجابه يعني و هذا الشي الوحيد الى يفرق في مسألة الاق.

الـinput lag ماله علاقة بالـms.

شوف هالموضوع وشوف شو يقولون. الـinput lag عمره ما يكون في المواصفات اللي تقراها في الموقع أو المحلات.

[MaNForUaE]

الـinput lag ماله علاقة بالـms.

شوف هالموضوع وشوف شو يقولون. الـinput lag عمره ما يكون في المواصفات اللي تقراها في الموقع أو المحلات.

هيه والله

طيب و الحل كيف نعرف عندك فكره ؟؟؟؟؟؟؟؟؟؟؟؟

المهم اننا خذنا موديل مقارب للي عندكم و انشاءالله نكون توفقنا في الاختيار و الالين وار تراها شركه يديده بس كل امورها مختصه في الالعاب.

[Alucard.4.ever]

اهلا دوك ،،

اوكيه مافيه مشكله ،، ان شاء الله اذا مافيه ضغوطات من الجامعه راح اشاركم وتولوني صح ...

بخصوص الانبوت اوكيه قلنا يمكن التيامنج ما اضبطه 100% ، لكن بعد في سالفة وهي يوم العب بكودي : البيسك لينك لكودي معروف : c.Lp+ c.Lp + c.Lp +c.Lp +c.mp وبعدها الاعصار ..

لكن في حالات بعد البنتش الثاني او الثالث يجمد اللاعب ،

يعني كما قلت المشكله من شاشتي ، بس غريبة الحين صارت مع ثلاثة اعضاء ، الله يستر يعني الحين لازم نعمل دراسة قبل مانشتري اي شاشة ...


شكراً على التوضيح

[AL999e3ry]

دوك.. اول ما قريت بداية ردك المعنويات داون يوم كملت ارتحت... جهاز البي اس 3 نفسه هو المشكله... بس اخوي عنده السليم و اشوفه في المواصفات احسن... عنده الموشن فلو في شاشته ما كان يشتغل قبل على البي اس 3 فات و الحين يوم ياب السليم تلاحظ الفرق و ان الموشن اشتغل... يظل الانبوت لاق بس صدقني فرق الشاشه 2 ms عن شاشه توصل للـ 5ms فرق السما عن الارض فتخيل اتكون عندك شاشه 40 انش و يمكن توصل لـ 10 ms كارثه!!!


الوكارد... لينك ريو c.mpx2 سهل حتى لو تبا اتسوي c.mp+c.mk بتلاحظ ان اللينك الثاني اصعب عن الاول( عن خبره طبعا) بس شرات ما قال دوك لازم اتكون حافظ توقيت اللينك على شاشتك مب على ملاحظة الشخصيه متى ما تخلص الضربه... او السوني مخرف شوي... على العموم ريح بالك و خذلك الشاشه اللي عند الشباب و جرب...


على العموم اللي قصدته من ان الحركه ما تظهر انه يوم العب versus او practice versus اما بروحي ما تطلع هالمشكله خير شر ( اتكلم عن البي اس 3 الفات ) ... راح اجرب السليم و ارد لكم خبر

[LordOfShadowloo]

شييك اليين وايير مونيتر

سيث كيلين يا ما قال انهم يستخدمون شاشة هاي --http://accessories.us.dell.com/sna/products
\/Displays/productdetail.aspx?c=us&l=en&s=dhs&cs=19&sku=320-8218

شكلي بشتريها
شو رايكم ؟

[Dukefleed]

قلتلك في الردود اللي قبل، هالشاشة تعتبر وحدة من أفضل الشاشات، واستعملوها في الإيفو 2010. ما إييبونها عندنا الإمارات يعني لازم تطلبها من برع + هي غالية والشحن بيكون غالي بعد. يعني بصراحة ما يسوى عليك إنك تطلبها من برع (في رايي يعني)

لكن هي من أفضل الشاشات ودعاياتها لو تلاحظ كله للستريت فايتر 4. شباب شوريوكن مجربينها وقالوا أنه اللاج فيها شبه معدوم بعد مثل الـAsus.

مادري ليش يا فهد انته يالس تمر بهالمرحلة. الصراحة أنا ذبحت عمري وأنا أدور شاشة مافيها لاج في الإمارات وقريت لين تعبت من منتدى الشوريوكن لكل المنتديات الثانية، وأخيراً حصلت الـAsus. حرام تطلب من برع يوم عندك هذه في البلاد بدال ما تدفع شحن 300 أو أكثر يوم الشاشة نفسها غالية أصلاً.

[LordOfShadowloo]

انا الصراحة عايبتني شكلها و بعد بغيت اشتريها حق اجرب عليها اس اف 4 و العاب الفايتينج الثانيه ^^ , صح انها غالية والشحن بيكلف و ما تتلقى في الامارات , بس شو تسوي ما دام ما فيها لاق و هي من شركة متخصصه في هاي السوالف , انا ما عندي مشكلة ادفع حق الشحن الصراحة ^_^ , هممم في شيء واحد ابغي اعرف عن هاي الشاشة هي كم وصلة حقها غير الاتش دي ام اي و الفي جي ايه؟

[Dukefleed]

Video Connectivity : DVI x 1, HDMI x 2
Audio Connectivity : Yes; Audio In and Out (2.1)

هذا من موقعهم

[UAE4HAMAD]

السلام عليكم ورحمه الله

اوووف هالردود كلها فاتتني لووووول

طبها احب اشكرك يابيرسيركر على الجهود والافكار الجهنميه الصراحه
وبخصوص البطوله انا اشوف لو انسويها في شهر 12 بتكون ممتازه وعن فكره ترتيب الشاشات، انا اقترح انه الشاشات اتكون متعاكسه نفس نظام الاركيد في اليابان يعني محد يشوف الثاني او يأثر عليه وقت اللعب وكل واحد مركز في شاشته نفس الحركه اللي سويناها بيت الدوق .... طبعا بما اني انا والدوق عندنا نفس الشاشات وماقصر الدوق يابلي وياه شاشه ... وماشاء الله عليه قرا في المواقع عن افضل الشاشات واللي مافيهن لاق ويابلنا شاشه ممتازه وطبعا في نهاية شهر 11 لازم نعمل دعايه ونخبر الشباب اللي راح يدخلون البطوله + مكان البطوله لازم يكون في بوظبي ....

اذا فيه عندكم اضافات ساعدونا

وطبعا كل الشكر للي حاب يشارك وطبعا اكيد كل واحد بنكلفه بمهمه هههههههههههههههه

[AL999e3ry]

قريت عن شاشات aleinware ... احسن وحده فيهم 3 ms و الـ Asus 2 ms .. يمكن لأن الين وير مسويه دعايات على شاشاتها فعسب جيه تلقى شعبيتها اكثر عن Asus

[MaNForUaE]

what the fuc........

وصلت الشاشات و الوحده شحنها 455 تقريباً !!!!!!!!!!!!!!!!

انشاءالله تكون تستاهل هالبهذله بس.

[Black_Berserker]

هذا السعر يعتبر جيد على فكرة....لو أخذتوها من دبي الوحدة تطلع 1000 درهم...إنتوا طلعت عليكم تقريبا 1100 أو يمكن 1200 درهم مع الشحن

+ لاتنسى الموديل الي عندكم جديد...وشوفوا إختبروها إذا فيها لاق أو لا

حمد ماعليك إن شاء الله كل شي يترتب...إنتوا حددوا الحين موضوع الشاشات الي بتلعبون عليها إذا بتلتزمون بالشاشات الي مافيها لاق أو راح تلعبون بالعادية الي الكل متعود عليها؟

وبعدها دبروا 32 لاعب وخلوها فردي البطولة خل نشوف الحماس فيها....إذا ضبطت هالشغلتين الباقي لاتحاتونه....ولو تأكدون التاريخ يكون وايد أحسن خصوصا إنه أكثر اللعيبة عندكم في الجامعات فشوفوا متى يخلصون الميد تيرم عشان البطولة تكون بعد هالفترة على طول

[AL999e3ry]

الشاشات ما عليها كلام... ما احس بالتأخير ابد و كل شي في وقته... بس مرات السوني يخربها و يعلق في كم لحظه... يعني مشكلة الشاشات انتهت بس مادري شوه سالفة السوني ... ما يعزك الا الاركيد الاصلي... اتريا عالم الفرح اييبه