GM's Gallery

**ديابلوس** · 27-12-2002, 09:38 AM

ماشالله عليك يا جيم ^^

رسماتك عجيبة

الرسمة القبل الاخيرة لما شفت الشعرة اللي ناطة ذكرتني بالبطلة مال مسلسل لوف هينا ^^

مع انها فيها اخطاء بس حلوة ^^

الرسمة الاخيرة انا شايفها في مكان.. وييييييييييييييييين؟؟؟

اها... شكلك كنت حاطها في موضوع مادوكا ^^

جيد يا جيم ....

امطرنا بالمزيد من الرسومات

**Madoka** · 27-12-2002, 09:52 AM

اشلووووووووونك جيم ^_____^

شي حلووو انك حطيت اكثر من رسمه يديده

الرسمه الاولى عاجبيني اظافرها ":" .. و الشرايط اللي بنفنوفها ^______^ و اللي وراها طريقتك في رسم القماش (العباءه) رووووعه ^ ^ ... طالعه حلوه البنت بهاللبس

بس احلى رسمه الاخيره

لان فيها تفاصيل اكثر .. و دقه اكثر في الرسم ... لازم تلونها

اظن اني شايفتها مكان قبل ^_^

**alucardracula** · 29-12-2002, 01:39 AM

السلام عليكم أخوي جيم
في البداية أحب أهنّيك و أشجعك على رسوماتك الي فيها تعبّر عن الطابع العربي قلّما يستخدم أحد هذا الطابع فينا..
بغيت أقول أنا من زمان ما أدخل جالريك (سامحني) بس من الي أشوفه أنّك تطوّرت كثيرا و أشوف أنك لا زلت لا تحبّر رسومك...مو مشكلة بس أتمنى أشوف تظلل بالبنسل..
الرسمة الأخيرة عجبتني كثيرا بس عندي ملاحظة عن خطوطك أجدها غريبة لا أعلم لماذا و لكن الرسمة أعجبتني و رسمة البنت الي فوقها يا سلام اخترت وضعية مناسبة لتتدرب عليها يعجبني هذا في الرسّام

و في عندك البنت المحجبة بريئة:" البراءة مرشوشة فيها يا عيني بس يبي لك تتدرب على ثنيّات الثياب لكي تضبط الحجاب و خلافه و سوف تبدع;-)
رسمة البنت الي فوق أعتقد الثانية هاي عجبتني الرسمة وايد و أشوفها مميزة الوضعية ممتازة و الخطوط حلوة و النظرة أيضا روعة..
المطلوب منك أخويي جيم هو التدريب على بعض الأشيا مثل التظليل و التلوين فهي من مكملات الرسمة والله يوفقك ان شاء الله أنتظر منك المزيد و لا تنسى أبي أشوف تظليل و تلوين كثّر منهم الله يخليك..بالتوفيق

**GM Head** · 29-12-2002, 02:00 AM

شكراً جميعاً ردودهم المهمة و الهادفة

ديابلوس:

راح أزيد من رسومات الملونة قريباً إنشاء الله^^

مادوكا:

كاكاشي هو شخصيتي المفضلة من ناروتو................ ليش ما ألونه؟@@

ألكوردراكولا:

شكراً يا فنان على ملاحظة أخطائي......... لأن نادراً ما ينقدني أحد الرسوم و توضح الأخطاء لي ,و أنا أشكرك من كل سرور^^

**GM Head** · 29-12-2002, 02:05 AM

الرسالة الأصلية كتبت بواسطة GM Head
بالنسبة للرسمة السابقة.........

راح تشوفون له نسخة ملونة في القريب العاجل إنشاء الله

الوعد وعد^^

**orange road** · 29-12-2002, 02:16 AM

حلوة الرسمة جيم ^^
وايد تقدم رسمك عن قبل...

الملامح حلوة.. ومضبوطة لكن لو كنت مخلي ظل فوق العين بتضبط اكثر.. جذي شكل عينها طالع يخرع :": جوف رسوم المحترفين شلون يلونون العين وحاول تقلدهم

حلو انك رسمت لها اظافر في يدها ^^ هاي شي ما اسويه لاني ما اضبطه كلش.. (هبابي ارسم اليد.. بعد اظافر)

بس لو تجوف الصدر غلط شوي... يعني حاول انك تبتعد عن الخطوط في رسم البنات وخلك دايما مع الخطوط المنحنية الناعمة...
ابد لا تستعمل الخط المستقيم في رسم جسم البنت (هالكلام يايبته من كتاب تعليم الرسم)

يعني يبي لك تتدرب على رسم الجسم اكثر ^^

**Neo Cid** · 29-12-2002, 03:44 AM

بالنسبة للرسمة الأخيرة .. أنسحك يا جيم أنك تعرضها بالرصاص لأنها أحلى من الملونة ..

( غير مقصود به التحبيط ) ..

**GM Head** · 30-12-2002, 03:39 AM

شكراً يا خلود على التعليق

بصراحة لقيت أساليب كثيرة و بعضها يمكن يحتاج مني و قت طويل حتى أتقها على الفوتوشوب مع الممارسة لرسم العين على طريقة المحترفين:

مثال الأول:

المثال الثاني:

المثال الثالث:

المثال الرابع:

و آخر مثال:

و يا ريت يا خلود بأنج تكملين الدرس الشيق الي كنتي أتعلم منج^^

بلييييييييييييييز@@

نيو سيد:
أنا دايماً أفضل أي عمل بالرصاص لأنه وايييييييييييييييييد أسهل من أن ألونه

**xero** · 30-12-2002, 04:05 AM

واااااااااااااااااو جيم

هاي تلوينك؟؟؟

مو معقول ما شاء الله عليك عيني عليك باردة رسمك تطور وصار احسن

تابع اخوي وللأمام

**Madoka** · 31-12-2002, 01:36 AM

سلام

بدايه رائعه في التلوين بالفوتوشوب ^^

الوانك مريحه ( مو فاقعه او حاده ) .. لون لبسها عاجبني

و الشعر بعد ساير حلوووو .. بس احلى شي اللبس و تلوينك للبشره

بس ياريت تتدرب اكثر على تلوين العين ^________^

و بالتوفيق اخوي جيم

**GM Head** · 18-01-2003, 05:41 AM

شكراً يا جماعة^^

-------------

خلود:

تتذكرين الرسم في موضوع الجنك؟

و الله عطتيني بعض الأمل في تلونه

وراح أعيد رسمه بس على الفوتوشوب:#

**fatoom** · 24-01-2003, 02:28 AM

هااااااااااااااي جيم ^ ^

مشاااااااااااااااء الله الوضعيات عندك اوكي

و التلوين حلو

بالرصاص

تدري جرب بالفوتوشوب جيم

بيطلع رووووعه

لأن ممتاز تلوينك فيه ^ ^

حسب ماشفت

و بالتوفيق

**shaheen** · 25-01-2003, 07:52 AM

ياسلام على تلوينك

حلو تلوينك بالخشبي

والرسمة روعة على الآخر.. باعتقادي هذا احلى وجه رسمته

المزيد اخوي جيم

رسوماتك كلمالها وتصير احلى;-)

**Madoka** · 25-01-2003, 08:39 AM

الرسمه الأخيره عجييييييبه اخوي جيم

البس وااايد عاجبني

و تسريحه شعره هم حلوه .... يعجبني الشعر الاسود وايد ^____^ و اللمعه اللي فيه كوووول ":"

احلى شي انك لونتها بالخشبي ... واااااااااااااااااااااااااااااااااااو ^_______________________________^

ممتاز جيم .. و مثل ما قال شاهين ... هذي من احلى الرسوم بالجاليري

نبي بعد ;-)

**GM Head** · 27-01-2003, 11:23 AM

شكراً جميعاً على ردودكم الي ريح صدري بعد عناء مع المرض

أشوف إقبال شديد على إعادة تلوين Desert Fox

إنشاء الله تشوفون Desert Fox Ver. 1.5 الوسيم

بعد ما أحط رسمتي اليديدة

SOL-BAD-GUY من Guilty Gear X

الموضوع: GM's Gallery

أدوات الموضوع

مياو

السلام عليكم

ضوابط المشاركة