الي يبغى اي مساعده في تعديل سيارته يدخل

[MR.Tony Montana]

مرحبا ..
مراتب الجلد حقت السيارة تقطعت يا شباب
على كم القى الجديد؟
**********

[راعي الفايبر]

MR.Tony Montana :
الجلد الطبيعي يكون غالي والصناعي ارخص
بس لو كان المشقوق مع الجنب روح لمحل حق التركيب وقليه يخيطه من جديد

[راعي الفايبر]

الرسالة الأصلية كتبت بواسطة يـزن
مرحبا معاي لومينا اس اس 2003 ابغى شي غريب

موديل 2003 معدل من الشركة واذا بغيت تعدله اكثر راحتك

تنزل السيارة اكثر من تنزيلها بس راح يضر بالسيارة بكثرة المطبات
لمباتها تروح تركب عليها نفس التكحيلة بس يكون مفتوح على اشكال
اللمبات الخلفية تركبها كريستاليه تطلعلك تحفـــــــه
تظلل السيارة على الخفيف بس يكون عكس لون السيارة للشكل المميز

[راعي الفايبر]

الرسالة الأصلية كتبت بواسطة ملك التعبيث
ماقلت لي وش يصلح له

يصلح للكابريس موديل 90 اشياء مو كثيرة بس ازين شئ

• تغيير الجنوط وخذ المقاس الي يريحك
• تركب عليها لمبات غازية
• تحط على الكفرات ستووب
• تفتح فتحة بالكبوت ...... اذا عندك امكانية جيدة
• تسويلك تكحيلة على اللمبات الي ورى

وهذا اسهل شئ لتعديل الكابريس ولا راح يكلف عليك ;-)

[MR.أستبنه]

بسم الله الرحمن الرحيم
السلام عليكم ورحمه الله وبركاته .....................
كيف حال الشباب
وشلونكم
انا عدت بعد غيبه طالت مده شهر
والسباب ..................................
صارلي حادث :" :"
بس الحمد لله جت سليمه مع بعض الكسور الخفيفه
كسر في اليد اليسرى ورض في الساق بس الحمد لله
وانا اشكركم على تفاعلكم مع الموضوع في غيابي
وانا كلفت من يوصل لكم رسايلي لكنه الله يهديه ما وصلها
وشكر خاص للأخ راعي الفايبر لانه حل محلي في غيابي
ومره ثانيه اشكر الجميع دون استثناء

[DR:dre]

سلامات



طيب انا عند اخوي كابرس كحلي صابونة وش اسوي عشان اعدلها له



بعدين كنت اباسال عن الهد رولك ممنوع بالسعودية ولا لا
ووش احسن الهواء ولا ابو صوت حق العبيد

[MR.أستبنه]

هلا والله اخوي
الله يسلمك
بالنسبه للكابرس الصابونه
1-تطييح
2-تجنيط
3-الاسطبات الخلفيه تركب حقه اس اس
4-انوار زينون
5-تلبيس جلد داخلي كحلي وابيض
6-الشبك الامامي تركب حق اس اس
7-تركيب وصله شكمان كبيره بحيث تعطي مضهر حلو
8-تضليل خفيف
9-انتل الراديو الامامي تخليه خلفي
10-تركيب طبلون الكتروني



وبالنسبه للهايدروليك فهو ممنوع بالسعوديه ويمكن تحصله بالامارات
والهوى هو نفسه ابو صوت الي يستعملونه العبيد

[DR:dre]

لا فيه واحد كانه كفر منسم (الهد رولك)

وبعدين انا كم مرره شفت هد رولك فيه واحد اكسبديشن مركبه

ومشكور

ممكن اساعدكم ولا لا

[راعي الجي تي آر]

الرسالة الأصلية كتبت بواسطة MR.أستبنه
بسم الله الرحمن الرحيم
السلام عليكم ورحمه الله وبركاته .....................
كيف حال الشباب
وشلونكم
انا عدت بعد غيبه طالت مده شهر
والسباب ..................................
صارلي حادث :" :"
بس الحمد لله جت سليمه مع بعض الكسور الخفيفه
كسر في اليد اليسرى ورض في الساق بس الحمد لله
وانا اشكركم على تفاعلكم مع الموضوع في غيابي
وانا كلفت من يوصل لكم رسايلي لكنه الله يهديه ما وصلها
وشكر خاص للأخ راعي الفايبر لانه حل محلي في غيابي
ومره ثانيه اشكر الجميع دون استثناء

سلامات سلامات
ما تشوف شر
اما الهيدروليك متوافر في الامارات
وتحصله في المناطق الصناعية(أماكن الكراجات)
وتقدر تعدل موترك على كيفك
بس
لازم يكون الفيتامين موجود<<<يعني الفلوس

[sadam-hosine]

بسم الله الرحمن الرحيم
انا غضبان كثير لأنه اصبح لي اشتراكين في منتدى تعديل السيارات ولم يأتيني سوى رد واحد فاتمنى ان يسمعني احد في منتدى السيارات
احب اخذ رايكم على سيارتي تشبه الصورة لكن بلون كحلي داكن
ارجو اخذ ريكم واشوف تعديلاتكم ولا تاخذوني إن تاخرت في الرد لأن فترة الامتحنات مباشرة وما اقدر افوت في اي وقت ومشكورين مسبقاً

احلى شباب== احلى سيارات== احلى منتدى== احلى انترنيت
احلى نومة

[راعي الفايبر]

الرسالة الأصلية كتبت بواسطة MR.أستبنه
بسم الله الرحمن الرحيم
السلام عليكم ورحمه الله وبركاته .....................
كيف حال الشباب
وشلونكم
انا عدت بعد غيبه طالت مده شهر
والسباب ..................................
صارلي حادث :" :"
بس الحمد لله جت سليمه مع بعض الكسور الخفيفه
كسر في اليد اليسرى ورض في الساق بس الحمد لله
وانا اشكركم على تفاعلكم مع الموضوع في غيابي
وانا كلفت من يوصل لكم رسايلي لكنه الله يهديه ما وصلها
وشكر خاص للأخ راعي الفايبر لانه حل محلي في غيابي
ومره ثانيه اشكر الجميع دون استثناء

سلامات ما تشوف شر



المهم انا حبيت اركب على السوبر فتحة تهوية بالكبوت
رحت لمحلات سمكرة قال انت جيب الشكل وهم عليهم شغل اليد
وشغل اليد من 350 ريال وفوق
ورحت لمحل يصلح الفيبر جلاس للسيارات
قال الرسمة الوحدة من 150 الى 300 مستعمل و من 300 وفوق جديد بعض الرسمات ( الاشكال ) تصك الـ 2000 ريال :واو:
بس انا قلت اخاف احوس وادوس وادفع اخر شئ مشاكل
وشغل اليد بالورشات : يركب الشكل ويفتح الكبوت للتهوية من الداخل ويرش من جديد لون السيارة
بس انا والله خايف ادفع وألقى مشاكل واذا عندك خبرة بفتحات التهوية لا تبخل علينا





الشغلة الثانية :
كم سعر الهيدروليك بالامارات يا راعي الجي تي ار

[MR.أستبنه]

الله يسلمكم جميع ويخليكم

وبالنسبه للأخ صدام حسين : ما فهمت وش قلت في اول الرد
والسياره يصلحلها:
1-تركب لحيه اماميه وزوايد جانبيه
2-تغير الشبك وتركب حق بي ام (ترا هذي حركه جديده ولا قد سواها احد)
3-تصبغ المساكات والمرايات نفس اللون او تخليها نيكل
4-تضليل خفيف اسود او كاتم نيكل
5-تركب جنوط شكل حلو ولون نيكل
6-انوار زينون
7-جناح خلفي
8-وصله شكمان


والاخ راعي الفايبر ترى فتحه التهويوه ما تضر بالعكس تنفع لانها تدخل على المكينه هوى وتسويلها تبريد
وادفع زياده وخذ الزيييين

[راعي الفايبر]

الرسالة الأصلية كتبت بواسطة MR.أستبنه

والاخ راعي الفايبر ترى فتحه التهويوه ما تضر بالعكس تنفع لانها تدخل على المكينه هوى وتسويلها تبريد
وادفع زياده وخذ الزيييين

زين ما عندك خبرة بهذي الفتحات يعني تعرف محلات او تنصحني بشئ قبل ما اسوي ؟؟؟؟؟؟؟

وان شاء الله اذا سويت راح احط صورة السوبر وفيه الفتحة ;-)

[راعي الجي تي آر]

الرسالة الأصلية كتبت بواسطة راعي (الفايبر)

الشغلة الثانية :
كم سعر الهيدروليك بالامارات يا راعي الجي تي ار

والله الهيدروليك على ما اعتقد يختلف نوعه وتركيبه للسيارات
انا مرة شفت كراج قاعد يركب هيدروليك حق اكورد كوبي وكان سعر التركيب والهيدروليك 4500 درهم
والله اعلم

[MR.أستبنه]

اذا هذا سعره فهو رخيييييييييييييص مرررررررررررررررررررررررررررره

لا انا قد سمعت ان الهيدروليك سعره فوق ال40000 ريال