My Blue Hevean Gallery:3rd strike

[Touya]

هاي آخر شي سويته... مع أني ودي اكملها قريباً بالنسخة الملونة... لكن ماعندي وقت إلا يوم الأربعاء الجاي... والقلم الTablet كسروه اخواني... بس يشتغل وهو معووج ولما ارص والف يلف راسه مادري شلون ويخترب علي خطي...

هذا Nightmare من لعبة Soul Calibur... وصراحة انا ماني الونها إلا لما تصير توب... ولما الونها يكون اسلوب التبوين التوب اللي حاطه في راسي

[-][HaNa Sun][-]

حلوه الرسمتين الاخيرتين تويا تطور رسمك واايد ماشاالله..

يبين إن أسلوب رسمك تغير وايد ..

ننطر الاكثر

[L.B]

تويا انت تغيب شهرين وترجع بمستوى تاني !!!
بالله عليك شو بتفطر وتتغدى وتتعشى ؟؟؟ انت شو تسوي بالضبط اعترف احسن لك
انا غبت شهرين وثلاث عن المنتدى وما صار في رسمي شي و لا تحسن تكة !!

الرسمات الثلاثة الاخيرة يهبلووووووووووون

الرسمة الاولى بالمشحات البيضة تجنن تقنية اول مرة تيجي في بالي عجباني مووووووووووووووت بجد روعة لازم جربها بين هالرسمة والقبلها قفزة متأكد انك حتعتبرها لقدام شوي "تاريخية "

الرسمة الثانية بغض النظر عن الدزاين والخلفية المنتقاة بعناية طالعة الرسمة بجميع تفاصيلها مميزة جدا .. الجسم مضبوط عدل ..اللباس برغم اللون الاسود واضح التفاصيل والمعالم .. تمام التمام

الرسمة الاخيرة انا ما بعرف لعبة Soul Calibur لكني بشوق لاشوف هالرسمة ملونة .. صارلك زمان ما لونت

وبصراحة حبيت اخبرك انه من هلا انفتحلك فايل عندي لتخزين ما هو مميز وجديد لديك فضلك على هالمستوى

و معافى قلمك الضوئي ان شاء الله بس ابقه بعيدا عن يد الاطفال ^_^

بالمناسبة اول امبارح قدمت امتحان ال CCNA وطالعة دعوتك لي بالنجاح بامتياز بتوقيت كانت فيه ابواب السما مفتوحة حصلت مجموع 987 من 1000 يعني غلطة واحدة فقط

[Neo Cid]

يا توياااااا ..

مشاء الله لا إله إلا الله ... سبحانك اني كنت من الظالمين

عيني عليك باردة عزيزي تويا .. من صجك انت ولا تتغشمر ؟ ...

مستواك تطور بشكل مذهل .. و تعديت مراحل كثيرة في الرسم .. و الحمد لله وصلت للأفضل و الأفضل ..

اممممممممم .. والله صارلي فترة مو كاتب بالجاليري .. السموحة .. بس كنت منتظر منك قنابل كيماوية

و كاهي القنابل .. كنت متأكد ..

استخدامك للون الأسود رائع .. الأسود ملك الألوان و الأبيض الملكة .. .. ابدعت فيهم ..

الرسمة الأولى بهذي الصفحة .. ممتازة .. تذكرني بالعزيز هاوك .. الملامح متقنة .. بس لمن أشوفها

أحس أنه فيها شي غلط من ناحية ثلاثية الأبعاد .. يمكن لأن الجسم مايل و الرأس مقابل .. فيني قصر بالرؤية

مو تصدق كلامي ..

الرسمة الثانية .. مرررررررررعبة .. خطييييييرة .. .. جعلك لمساحة الجسم كلها بالأسود

من أفضل ما شاهدته بالرسومات .. الوضعية ولا أروع .. الأرضية .. خطيرة يا خطير .. .. بس

الغيوم أو الضباب .. لو كنت مخلي أطرافها متدرجة إلى الأفتح بيكون أفضل .. و تعطيها Blur .. مثل

الغيوم الخلفية .. لأني شايف ان الامامية مأثرة عالرسمة و تجذب النظر أكثر من الشخصية نفسها ..

ومع ذلك تبقى الرسمة ممتازة .. خطوة رائعة ..

الرسمة الثالثة .. على بساطتها بس تذكرني بسول كاليبر 3 .. .. لاحظت انك كثرت من تفاصيل العين

اللي على السيف اكثر من اي شي ثاني .. كان ممكن أنك تلون العين فقط و تترك باقي اللوحة أبيض و أسود ..

بتكون عامل حركة خطيرة .. مادري .. هذا اللي تخيلته و شفته يمشي .. بس مو تمشي على كلامي كله

خرافات بخرافات ..

بصراحة .. أنا انتظر رسوماتك القادمة بشغف كبير .. و ان شاء الله مستواك يتطور أكثر و أكثر .. و نشوف

لك أبيض و أسود و ملون حتى .. متأكد انك تحب الالوان الفاتحه .. استغلها ..

موفق أخوي .. و إلى الأمام ..

[Maytham]

سلام عليكم .. .. ^^

ماشاء الله .. تويا أبدعت و الله .. رسمتك عجيييييييييييبة .. و الخلفية و التأثيرات الي عليها .. تحفة ماشاء الله .. بس @@ .. ليش شلت التفاصيل الي كانت .. .. حرام عليك .. لو شوية تأثيرات خفيفة على الملابس .. و مخفف اللمعات الي كانو بالشعر .. راح يعطي شي ثاني .. بليز .. راجع حساباتك

الرسمة الثانية ررررررروعة بعد ^^ .. بس كأنه ما يشبه نايت مير ^^، .. بس نظرنه وايد حلوة ..

يالله شد حيلك و ورنا من ابداعاتك

[Rex]

بالفعل , تويا بتطور مستمر وهذا شيء رائع ^^

عجيبه الشخصية اللي كأنها من بليم!!
روعة حركة لمعات الشعر
كان المفروض تحطها بالرسمه اللي معاها خلفية!! (الخلفية أبدعت فيها!!)
حتى لو كملت الاضاءة على الملابس بيطلع مذهل جدا!! , لكن ما كملتهم ليه ... مادري

الرسمه اللي تشبه نايت مير جيده , لكن نايت مير تفاصيله أكثر ...

خلنا نشوف أكتر

[الخطاف]

أنا ظنيت بأني رديت عليك...
سألتك عن رسمة كيلي لما جفتك صح؟ وكنت ظان بأني رديت عليك لما جفتها لأنها جداً عجبتني بتأثيرات الخلفية وحركة الشخصة
الرسمة صارت لوحة فنية تستاهل تنعرض في متحف اللوفر...
...
قوية؟
...
معليش.. لكن رسمتك حلوة

وعن نايت مير.. حلوة وايد لكن ماتستاهل الرسمة تكون بالأبيض والأسود
تحتاج لتلوين والتأثيرات مثل ماسويت لكيلي

نجوف منك المزيد أخوي
وتطورك عاجبني وايد

[Touya]

السلام عليكم ورحمة الله وبركاته!

HaNa Sun, L.B, Neo Cid, Maytham, Rex و الخطاف
كيف حالكم جميعاً؟
متأخر صح؟؟
بس الجميع يعرف سياستي في الجاليري
اشكركم جميعاً على تعليقاتكم!
تشجيع أعضاء المنتدى الدائم يدفع أي رسام مبتديء أنه يقدم أفضل ماعنده ويتطور مستواه.. والدليل أول رسمة حطيتها بمنتدى الرسم كانت في رمضان اللي قبل اللي راح... بعد سنتين بالضبط تطور مستواي بشكل.. انا بنفسياليوم مبهور من التطور اللي صار اليوم من مستوى امس!
و الشكر يرجع إلى الله ومن ثم للحبايب أعضاء منتدى الرسم! وتشجيع الأصدقاء والأهل اللي تفهموا إهتماماتي وحتى منهم من إنخرط في الرسم! اشكر جميع من ساعدني اليوم بتقديم آخر رسمة أنهيتها برضى تام إلا شوية.. وإن شاء الله راح تعجب الجميع..

وطبعاً كالمعتاد.. موضوع الرسمة.. KILLY
السكيتش تم في برنامج Corel Painter 8
تلوين الشخصية و علامة Gate# في Photoshop 7 (بطيء و بهدلني)
الجدار والأرضية في Paint Shop Pro 7
الخلفية من مانجا Blame
المستندات 4 على الأقل

هالرسمة إن شاء الله هي بداية عهد جديد في رسمي.. وسوف أتطور بإذن الله! وتشوفون مني المرات الجاية رسمات جديدة الموضوع والمحتوى.
أتترككم مع ملفين مرفقين.. أول رسمة وضعتها في المنتدى و رسمة اليوم!
وأقول لكل الأعضاء الجداد يتشبتوا و يشدون حيلهم ويتذكرون إن مشوار الألف ميل يبدأ بخطوة!

سلام

[سونيكو]

يعني الخلفيه خلتني انتحر من حلاوتهااااااااااااااااااا

ماشالله عليك تسلم يمينك وبانتظار المزيد من ابداعاتك

[g. byte]

أهلااااان حيا الله تويا صباح الليل ! أين كنت ؟
اشتقنا لوجودك في المنتدى واسعدني تواجدك لهذا اليوم :icon6: مبارك عليك الشهر أولا , ولاتقطع مرة ثانية ! @@
اشوف انه اخر رد كان سنة 2003 , شكل الموضوع قديم لكني مستغرب لاني ماشفته من قبل !! والغريب اكثر ان ردك اليوم سنة 2004 .. يعني اتوقع ردك الثاني راح يكون في 2005 ان شاء الله !

الحين وانا اشوف عملك الاخير في الموضوع فاتح فمي على الاخر , لاني اتذكر اعمالك القديمة زين , ودي (من أعماق قلبي) كل عضو يعتقد انه مايقدر يتعلم الرسم يشوف أول عمل عرضته في المنتدى مع أخر عمل , ودي يشوف أعمالك كنموذج , وودي انه يتابع أعمالك بعد فترة ويلاحظ زين كيف راح يتطور مستواك خلال فترة قصيرة الى أضعاف مستواك الحالي , أعتقد مثل هالأعضاء مالهم أي عذر الحين , واذا كانوا شافوا العملين الاول والاخير اللي عرضتهم ياتويا في ردك فمن الأفضل لهم انهم يمسكون قلم الرصاص ويبدأون بالرسم " فورا " , لأنه أمامهم سنتين يمشونها في مشوار الألف ميل عشان يوصلون لمستواك ! مع اني اجزم بانهم يقدرون يختصرون المدة الى اقل من النصف اذا راح يضغطون على نفسهم شوي ويتفرغون للرسم أكثر

أنا اتوقع انك مو بس راح تتطور ياتويا في الفترة القادمة , لكنك راح تطور أسرع من قبل بكثير , لانه في السنتين الماضية مش بس مستواك اللي تطور لكن ذهنك ايضا تطور معاه وصار يتعلم اسرع من قبل , لهذا السبب اعتقد انك راح تورينا انجازات عما قريب ان شاء الله

اما عن الرسمة ففيها تأثر كبير من اسلوب رسام بليم , انا شفت الفصل الاول من هالمانجا والرسم كان حلو واسكتشي بس طول الفصل ماكان في اي حوار تصور ! أول مرة اشوف فصل بدون حوار في قصة مصورة
لكن اشوفك اندمجت وعشت في عالم بليم وهذا واضح من شخصيتك , لاني لما اشوفه .. أحسه هناك !
.. كانه شخصية من عالم بليم

[Touya]

سونيكو
أهلا والله يحيك أختي
سلامات.. لا تنتحرين كذا مره وحده!! (الخلفية حسب ماذكرت مو لي)
بس اللي سويتهم من الخلفية هم الأرضية و الجدار الأيسر والكتابة اللي على الجدار.

أما الخلفية الخلفية هي المانجا الحبيبة blame اللي رسامها أثر فيني بشكل خيالي.. زي ما جيجا بايت مولع بميزاكي

شكراً على الزيارة.. وإن شاء الله نقدم المزيد والشكر لتشجيعكم

g. byte
هه ادري اني قديم.. بس المنتدى أخيراً إستقر وضعه وصرنا نقدر نشارك بدون إزعاجات "المنتدى مغلق" وصدقني أني مراقب المنتدى و ادخله بشكل مستمر بس كنت متقوقع وغير نشط في الفترة الأخيرة.. وإن شاء الله مانا متغيبين وراح يكون لنا وجود اكثر. وهذا ردي في نفس اليوم.. ومعه رسمه من فترة التطور..هذي هي الرسمة اللي علمتني شلون الون الرسمة الأخيرة..منها تعلمت الكثير! ومرة تانية.. راح ازعجكم ب Killy
وش اسوي.. احب المانجا.. احب رسمها.. واحب شخصية Killy.

بالمناسبة.. في المجلد الأول من Blame بالكاد فيه مربعات حوار!! وهذا ميزة من مزايا Blame في رأيي! لما تدخل على المجلد الثاني راح تلقى نفسك مدمن

[yuki-babe]

مشالله الفرق بين الرسمتين ( أول رسمة لك في و المنتدى , و مستوى رسمك الحين !!!! شي رائع فعلا !!! )

أسلوبك جميل جدا و قوي

مشالله ,, استمر و خلنا نشوف رسومك الياية ...

[o*HieMeiGui*o]

wow really professional~!

Perfect!

waitng for more!

[Empress uae]

رسم دقيق جداً ما شاء الله.

ننتظر المزيد من إبداعاتك يا أخي.