Super Street Fighter IV

[LordOfShadowloo]

على فكرة...أمس كان في بطولة سوكال في أمريكا وكان فيها دايقو + بطل الفلبين الي يلعب ب دالسيم والصراحة لعبه عجيب...ماعرف شو النتايج الأخيرة لأني نمت بعد ما سطلت -___-

وفيديو ماكوتو شفته...حلو الصراحة...نتمنى نشوف إبتكارات زيادة لهالشخصية بالذات

http://www.eventhubs.com/news/2010/n...s-live-stream/

انا الصراحة ما تابعتها , ما قدرت اصلا الوقت متاخر و كنت تعبان

[Black_Berserker]

^^

إخص عليك كيف ماتتابعها وإنت فان لهاللعبة...عيل أنا المسكين والرقاد يالس يلعب بعيوني وصامد وأستمتع بالمباريات إلى أن غلبني الرقاد وماقدرت أسويله باري!!

وبالنسبة لدايقو ففرصة ممتازة الصراحة والمفروض الفانز لسوبر 4 مايفوتونها....طبعا أنا لأني ضامن فوزي عليه وأعرف إني راح أهزئه في سوبر 4 فقررت إني أحفظ كرامة الرجل طالما إنه قادم ضيف لدولة الكويت إحم إحم...أحس السقف طاح لول لاتصدقون بس....فكروا فيها لو قدرتوا تفوزون عليه تقدروا ساعتها تتفلسفون على الشباب وتقولون لهم لو تبون تلعبوا معانا روحوا إغلبوا دايقو بالأول خخخخخخخخخخخخخخ

بس الحق ينقال....شغل الكويتيين عدل وتصميم التذكرة حلو ^___^ بالتوفيق لهم وأتمنى كذا واحد يفوز عليه من الكويت...أما شباب الإمارات فراح يتضاربون بينهم وكل واحد يتمنى إنه هو الي يغلب دايقو ومايتمنى الخير لربعه خخخخخخخخخخخخ ....لاتزعل يافهد بس في شباب عندكم تفكيرهم جذا -___-

[Alucard.4.ever]

طبعا أنا لأني ضامن فوزي عليه وأعرف إني راح أهزئه في سوبر 4 فقررت إني أحفظ كرامة الرجل طالما إنه قادم ضيف لدولة الكويت إحم إحم.

من وين طلع كل هالتواضع !!!!

انا من قريت ردك فصل النت ، هل هو من سبب الكيبل ولا شي ثاني ؟؟؟! XD


الصراحه فرصة ماتتعوض وأنا متأكد ان شباب الكويت متسعدين له ...

فهد لو ناوي تسير جمع لك قروب من الامارات والله معاك ، انا وبلاك بنسوي لكم تعويذات luck تربطونها على الاجهزة XD ( اللي يسمع رايحين للحرب )

[AL999e3ry]

الله يوفقهم اهل الكويت و انشوفهم يأدبونه... عن نفسي مش مهتم ... مشوار للكويت+الكسل يلعب دوره.... لكن لو بيي الامارات حياه الله... و ما عليك بلاكي( الدلع من بلاك) الشباب اللي عندنا تفكيرهم مش به الطريقه و الكل يبا الخير لاخوه.... و بالاخير لو ماحد فاز على دايجو صدقني ما راح يطلع حي... اكيد بيجاملهم بمباراه لووول!

[LordOfShadowloo]

الصراحة الحمدلله الشباب الي اعرفهم ما عندهم هاي الحركات الي تطريها يا الاخ بلاك و نفس ما قال االاخ الصعيري , كلنا نبغي الخير لاخوه , يمكن ان تطري شباب الاون لاين الي يلعبون بس كذي و بسبت سهولة اللعبة
او يمكن بعدهم ما بلغوا لوول , انا الصراحة ما احب اعرف حد من ربعي على هاي الاشكال الي تتظارب و تشتم على لعبة

انا ساير الكويت عشان ادق دايغو بس مش من دافع الخقة لاني ابغي اشوف مستوى اليابنين و مستواي ضدهم , و حتى ابغي العب ويا الكوييتين و ما تدري بعد يمكن نلعب ويا شباب سعوديين و بحرينيين او من الامارات
وغيرهم

وحتى بغيت اتصور ويا دايغو ^^ حق اقول حق اي واحد انه دايغو صديقي لول (اسوولف

^_____^

[MAYCRY]

السلام عليكم

اخواني انا ارحب فيكم بالكويت وحياكم الله البطوله يوم الجمعه والتذاكر موجوده والمكان انشاء الله راح يكون برج احمد

bo-bader
owner white tower

[Black-Water]

السلام عليكم ..

عندي سؤال و اتمنى تجابوني على سؤالي يا شباب الامارات .. انا من الكويت و اليوم وصلت الامارات و حاليا ساكن في دبي .. و اتمنى اعرف مكان او محل أقدر اروحله و اشوف هوات الستريت فايتر 4 و السوبر و اقدر العب بالاركيد او ماكن في مكاين للأركيد للعبه و اشوف اللعب عندكم بالامارات و الاقي منافسين .. فياريت تفيدوني بعنوان المكان بالامارات بأي منطقه كانت و يكون تفصيلي شوي لول لاني ماادل اقول حق التاكسي و خالصين ^^ .. مشكورين ياريتكم ماتطولون علي

[Alucard.4.ever]

^^

حيا الله فيك في الامارات ...ماشاء الله ناوي على تحدي قوي ...

بخصوص دبي فـ علمي علمك انا ما ادل فيها اي شي ، من ادخل ما اطلع الا بصعوبة وحتى مع ماجلان ...نادراً ما اروحلها ( مرة في السنة ) ...

ان شاء الله الاخوة يامازاكي و حمد و دوق فليد و bbsilver ماراح يقصرون معاك في دبي ..

وبالتوفيق لك ،

[AL999e3ry]

هلا بك بلاك ووتر... حياك عندنا فبوظبي... راح اطرشلك رقمي عالخاص ... و الله خاطري من زمان اجرب ويا شباب الكويت ... بالنسبه لدبي الشباب اللي ذكرهم الوكارد يقدرون يتواصلون وياك ... المهم اتريا اتصالك اخوي!!!

[LordOfShadowloo]

hello Black water , i send u a PM message about my number and other info ^^ that u seek

[AL999e3ry]

بلاك ووتر... و الله اليلسه وياك كانت طيبه و تشرفت بمعرفتك... و عسى اليايات اكثر ان شا لله و اترد للكويت بالسلامه

[Black-Water]

مشكور ياخوي طلال على استضافتك لي عندكم في أبوظبي .. و ماشاءلله راعين اصول و كرم و قعدتكم كانت كثير طيبه حقيقة اني استمتعت فيها كثير و انشاءلله لنا لقاء ثاني .. انا الحمدلله رجعت الكويت بالسلامه و سلملي على الاخوان كلهم

[AL999e3ry]

عزيز و غالي مبارك و انت ريال تستاهل... بالعكس نحن قصرنا وياك... و الحمدلله على السلامه... طمنا شوه صار ويا دايجو؟ عساكم سنعتوه لول ...

[AL999e3ry]

هذا رابط فيديو فريق الامارات و هم في الكويت ضد دايجو...


http://www.youtube.com/watch?v=EnmSxH06ljc


فكرو انكم قبل لا ادشون بنكات مخفيه في البلاي ستيشن و كل واحد خايف على عمره ان الشباب يرفعون عنه فيديو في اليوتيوب انه يشوف مستواه الحقيقي... هذا و يبيين من لعب دايجو انه متساهل جدا و لا كان يفكر و هو يلعب بس معتمد على ادفانتج الشخصيه... عرف اسلوب لعبكم من اول جوله

[MAYCRY]

انشاء الله الكل يستفيد من لعب دايجو واحنا محتاجين المزيد من التدريب وانشاء الله السنه القادمه شي اقوى وخلوكم متواصلين معانا والسيدي راح يحتاج 10 ايام واسلم اخواني في الامارات اللعب كامل مع المعرض وسامحونا على القصور.
BO-BADER