هلا والله اخوي سرمد
شوف الحارس الي ذكرته شفت له كذا مباراة وما شاء الله قوي خصوصا في نهائي كأس السوبر وغيره اذا ماني غلطان شال ضربة جزاء واذا عندك فيديو جيد له اتمنى توريني ^^
اما عن باستوري انا معاك ايضا رئيس ناديهم عليه عناد ما ادري شنو سببه وبسبته ضاعوا لاعبين واجد مثل كايير او كاجير كان مبدع حيل بالدوري وما رضى يبيعه للأنديه الايطاليه الا بأسعار خياليه وراح للدوري الالماني
وايضا بارزغلي نفس السالفه ولوكا توني ما رضى يبيع للأنديه الايطاليه واللاعبين كثر
لكن والله اتمنى ينتقل الميلان خصوصا ان عقده ممكن ينتهي قريب وهذا في صالح الميلان واتمنى ما يغلطون نفس الغلط مع دزيكو ينطرونه يجدد وبعدين يرتفع سعر اللاعب
وهرنانيز اعرفه اللاعب لكن غانزو احسن منه بمراحل وغانزو اساسي بالمنتخب ويحمل الرقم 10على عكس هرنانيز اللي جاب العيد مع فرنسا
اما عن زاراتي اللاعب قوي بس اعتقد انه من نوعية بالوتيلي يعني عاند ومشاكل واناني وشايف نفسه يعني في لاتسيو يعاقب وما يلعب لأنه اناني !!
ولافيتزي لاعب ممتاز بس ما يصلح راس حربة وحنها بحاجة لرأس حربة على الأطراف بالهجوم عندنا باتو وروبينهو وكاسانو وابرا كلهم يلعبون على الاطراف
يعني مافي فايدة من قدومه الا بخروج واحد من اللاعبين اللي فوق
وسانشيز وجيرمي مينيز نفس السالفه
اما عن قلب الدفاع والله ارسنال من زمان عنهم ما شفت لهم هالموسم الا مبارتين كلهم مع تشلسي وحده فاز تشلسي ووحده فاز ارسنال
فما عندي علم عن المدافع والله وانا افضل ان المدافع يكون ايطالي او لاتيني ما ابي يكون من الدول الاسكندافيه مثل السويد والنرويج والشلة هذه تصلح للدوري الانجليزي مو بالدوري الايطالي
المشاركة الأصلية كتبت بواسطة IL C a p i t a n o
