جميع الأسئلة والاستفسارات المتعلقة بكروت الشاشة [ بطاقات العرض ] هنا فقط !!

[ocelot]

السلام عليكم
لله يبارك فيك ويخليك
شريته 78 دينار كويتي بعد ماكسرت راسه
راعي المحل مصمم يبيعه 83 بس خليته ينزله
بس اخ ونتر شلون اسوي اوفر كلوك ترا انا خرطي بكروت الشاشه بس اعرف انزل اللعبه والعبها
مع السلامه

[Winter_wolf]

لو كان نوع كرتك MSI بتلاقي الاوفركلوك جاهز من خيارات الكرت, لكن لو كان كرت ثاني مااعتقد يمديك تعمله اوفركلوك الا ببرنامج " لكن يمكن يمديك تعمله بدون برنامج لكن ماعندي خبره بالكروت الثانية الاخوان المجربين بيفيدوك اكثر مني " ومبروك عليك الكرت مرة اخرى ^_*

[amajed]

اخوا نت شريت 6600GT وليس 6800GT ^_^ يعني لو كنت شاري 6800GT اعتقد راح يطلع عليك بـ 134 دينار ^_^

مبروك عليك الكرت والتطويرات وكل شيئ ^_^ يتربون في عزك ~_^

[الخيال المتلاعب]

هههههههههههههههه


قوته كامله



أخوي هذا معالج رسومي يعني مع كل تغيير في المعالج أو المذربورد أو الرام بيتغير الأداء ولكن حسب فرق التغيير


وأنا متأكد مليار بالميه أن المعالجات الجديده بتشغله بقوه أكبر ......... ومع كل معالجات جديده بيشتغل بقوه أكبر ........... يعني ما له قوه كامله ولا شيء


ولكن مع معالج ورام قديمين أكيد بتشوفه ضعيف يعني بالعربي هنا بتشوف أدائه أقل من 6600جي تي مع معالج جديد

[Arsenaly]

السلاااااااام عليييييكم
اخواني انا بغييت اشتري كرت شاشه MSI NX7800GTX بس الي ابي اعرفه انه اهو نزل ولا لا؟؟
والسؤال الثاني هل نزل بالكوييت ؟؟
والسؤال الثالث كم سعره بالدينار الكويتي ؟؟ واذا ممكن الدولار ؟؟
وهل في كرت افضل من هالكرت ولا لا؟؟
والسؤال الاخيير هل في مواقع اقدر اشتري منهاا الكرت من الانترنت؟؟ (بس بشرط انها اتكوون مواقع موثوق فيها)
ومشكوريين ويعطيكم العافيه ....

[العراقي17]

طبعاً يظهر بكامل قوته !

الناس بالمنتديات الأجنبية الي عندهم 2800+ و 3200+ مركبين لهم إثنين بدل الواحد (SLI) وأنت عندك 3500+ (نفس الي عندي ) ومتردد؟!

المعالج الي عندك قوي وخاصة إذا ما قارنته بسلسلة المعالجات X2 الجديد (الضعيفة نسبياً من ناحية الأداء في الألعاب) فمعالجك أقوى من AMD Athlon X2 3800+ الي نزل قبل أيام ويباع بـ400$ .


عموماً شخصياً أنصحك بالانتظار قليلاً لأنه خلال الفترة القادمة راح ينزل 7800 GT بسعر أرخص من الـGTX , يعني راح يكون أمامك خيار شراء أثنين منه بدلاً من كرت واحد من نوع GTX , وأيضاً سيتسبب في نزول أسعار كرت الـGTX الى ما دون الـ 500$ .

وأيضاً حط في بالك أنه جيل شركة ATi الجديد (R520) قادم خلال شهر أو شهرين وراح يحطم جميع الكروت الموجودة في السوق


والخيار لك أولاً وآخراً ...

[Winter_wolf]

ايه الكرت نزل من وقت مو ببعيد.

سعره في الولايات بـ480$ لكن مااعرف كيف احسبها بالدينار.
وهذا هو اقوى كرت رسوم على الكوكب " حاليا " .

وهذا اكثر موقع مضمون عالميا تشتري منه اي شي تبغاه : www.amazon.com

[alkobra1394]

اين اجد كرت Geforce 6600GT وتكون محلات مضمونه يعني كروت اصلي وكم سعره وفي مدينتي الرياض وجدة وشاكر لكم مقدماً

[Winter_wolf]

اذا كنت من جده في محل اسمه يونيفيرسال في مركز المدينه, هذا رقمه :
660246 بيرد عليك اسوأ لغة انجليزية/هنديه سمعتها بحياتك, اضغط 101 للتحويله وانصحك ماتسمع صوت الببغاء النيجيري اللي يقلك : Press de 100 do dial da shop.

وكمان محل اسمه ازكى للحاسبات بمركز الباروم, الرقم :
6530153 تحويله 100

وكمان محل اسمه كاليفورنيا :
6610675

الكرت سعره تقريبا 950 ريال, لكن ماانصحك تشتريه من هنا لانه المحلات في ارض الحرمين اكبر نصابين شفتهم بحياتي الفانية, بمناسبة الحديث عن " اكبر نصابين شفتهم بحياتي الفانية ", اقرى هذا الموضوع علشان تشتري كل شيء من بعد الان من بره :
http://www.montada.com/showthread.php?t=391004&page=2

سعر الكرت لو طلبته من امازون حوالي 550 ريال.

Hope that helps.

[أندروس]

ما رأيكم في E VGA GFORCE 7800 GTX وهل هو أفضل من ASUS GEFORCE 6800 ULTRA EXTREME وافضل من MSI GEFORCE 680 ULTRA


لانو كرت ASUS اغلى من الكرت الي انا اشتريته