Weta Digital Gallery

[sakura wakky]

وااااااااااااااااااااااااااااااااااااااااو:واو:

ما شالله عليك نيو سيد التصميم الاخير عجبني :0)

حلو ليش تقول ما ضبط معاك انا شايفته حلو^^


و أتمنى إني أشوف منك تصاميم يديدة و رسمات يديدة :6


سي يو ;-)

[orange road]

حلو التصميم الاخير سيد ^^ تقول هاي قديم مسويه من زمان؟

عجبني تصميمك مال شهادة التفوق واللي حق الانتفاضة.. والله خطير ^^

يعطيك العافية

:غضب: ونبي رسوم بعد

[Lillymon]

Hala NeoCid ..
pardon me for being here for the first time ... :": ... hope u accept my apologies ...
i have viewed the last six pages of ur gallery and WOW .. what a designs!! ... i loved almost all of them ... specially the Al-quds and the SARS one ... they looks awesome in my opinion ...
the rest are incredible too ... hope to see more impressive designs soon and till then,
My Best Wishes,
and sorry once again for my laziness :":

[mai_arumashi]

و انا كل مرة على بالي اني رديت من قبل ( يا عيب الشوم عليك يا ماي)
سوغى ما قلت رايي فى الابداع الموجود هنيه....* هو يعنى انا ادرى انه مو مهم*

":" <<< عشان ما تصيبك بعين و هي تتكلم
صراحة من وين ابدا...كل شي حلو..صراحة عشرة على عشرة...كله و لا التصميم مال الجيش...روعة... ...كيف سويته؟

مبين انك متأثر بالفنانين الاجانب...تصاميمك غير عن الي اشوفه عادة فى منتدي الفوتوشوب....

* و انا قاعدة اتجول فى معرضك ذكرت الاخ حسين 911 ...نفس الحس الفني ...طبعا مع بعض الاختلافات*



الرسمة الي حاطنها انا شايفتنها من قبل بس ماذكر وين

[assassin]

اسف اخوي نيو سيد لاني مارديت عليك مع اني متابع لجلريك المميز>_<

تصماميك الفوتوشوبي واييد خطيره كل التصاميم عجبتني خصوصا مال السارس شكله مخيف @@ و القدس و توقيع دياابلوس عجيييب الصراحه ماعليه كلام الدم والحركه والكتابه كل شي جميل...

ورسمتك الاخيره جيده و طريقة التلوين غريبه @@

في انتظار المزيد من ابداعاتك ...

[Majid Ali]

اشوفك قلبتها تصميم

طلعت مصمم وحنا ماندري
اعجبتني تصميماتك صراحه;-)
واتمنالك التقدم ،

على فكره انا معجبني اسم shark master وصراحة ماسكة معي
بالتوفيق اخوي نيو سيد

[Miss_kimino]

السلام اخوي Neo Cid


شخبارك ..؟ إنشالله مستانس في الاجازة:0)


آســــــــــــــــــــــــــــــــــــــــــفة والله .. أدري إنه ردي متأخر وايد وايد.. بس والله ساعات ما أعرف الجاليريات من كثرهم

:6 يبالهم فهرس بروحم...


على العموم .. الجاليري مميز بشكل جميل ,, معضمه تصاميم رائعة جدا .. عندك ذوق رائع بدون مجامله.. ماشالله متمكن من التصميم .. و تصاميمك كلها تستاهل 10على 10 ;-)


هذا كل إلي كنت بقوله..و إنشالله ما اكون ثقلت عليك ..


باي

[Neo Cid]

مشاء الله .. كل هذا بجاليري .. اللهم زيد و بارك ..

الجني :

ياخي هذا يسمونه فن ديناميصوراسي .. محد سامع فيه ؟ ..

الله يسلمك .. اهو نوع من الرسم .. بشرط .. عدم التقيد بقوانين الطبيعة

وقوانين الرسم العادية .. طبعا .. أنا طبقت الشي هذا .. و هذي النتيجة ..




Taja :

و ليش ما فصلتيها .. خايفة ما يطلع فيها شي خاطئ ( :6 ) ..

لا ان شاء الله تشوفين المزيد و المزيد .. تونا ببداية العطلة الصيفية .. بتشوفون

ما تملون منه ..


sakura :

شكرا اختي ساكورا .. هذا من ذوقج ..

اهو الأسود المفروض ما ياخذ وايد من اللوحة .. و يكون بدالة شوية أحمر

و ظلال حمرة بالشفرة ( 101010 ) .. لكن للأسف الصورة جهزتها و اختفت

من الجهاز .. :":

و بعوضكم بتصميم يديد .. ان شاء الله يحوز على اعجابكم .


orange :

شكرا اختي خلود .. هذا من طيب أصلج ..

اي نعم .. هذا سويتها من فترة شوي طويلة .. و عرضته حتى بموضوع Photoshopian Gallery ..

هههههههههه .. شكرا .. ما فيه رسوم .. :6

drawns r forbidden in this gallery .. :6 .. خخخخخ .. ما يكون خاطرج إلا

طيب .. متى ما طق براسي أرسم برسملكم .. بس نطروا علي شوي ..

المزاج بوضع حساس ما يسمح .. ":"


Lellymon :

يا هلا باختي ليليمون .. لا اشدعوه .. كلنا أخوه .. و عذرج مقبول من قبل ما

تدخلين الجاليري .. المهم أنج طليتي علينا .. و ابديتي رايج ..

مشاء الله.. لج خلق تشوفين 6 صفحات من جاليري .. و أنا نفسي مالي خلق

اشوف صفحتين ورى أخاف اتحبط .. :6

اشوف ان تصميم القدس عجبكم كلكم .. الحمد لله .. ما توقعت أنه بيكون

بهذا المستوى .. مع أني حبيت أخليه بأحلى ما يكون .. للقدس .. و الأقصى ..

ولا تتأسفين مرة ثانية أختي .. كلنا ربع .. و أخوه .. وما فيه كلمة ( آسف )

بيننا .. خاصة أنا .. :6

و شووكرن على طلتج الجميلة ..


mai_arumashi :

يا هلا بالفنانة ماي .. مالج رأي ؟ .. بالعكس أختي .. أنا قاعد أقرى كل رد

و أحاول أدور على الردود اللي تنتقد رسومي .. مع العلم أن آخر من انتقد كان

الاخ ميثم ومن بعده الجني الرسام.. اخذي راحتج أختي .. أنا آذان صاغية ..

شكرا اختي على الاطراء .. الحمد لله ان اعمالي عجبتج .. هذا بفضلكم طبعا ..

و بفضل الله سبحانه أولا و آخرا ..

بالنسبة لخلفية الجيش .. كان تطبيق لأحد الدروس .. اهو بالبداية ما ضبط

أصلا .. بعد أنا عرفت فكرة التصميم .. و جربتة بنفسي و الحمد لله ضبط ..

اهو فكرته أنك لمن تسوي غيوم تخلي الجزء الغامج بلون و الفاتح بلون .. و جذي

التصميم كله يصير لونين .. لون مع الأبيض .. و هني سويها طبقات و كرريها

كذى مرة و تضبط ..

شكرا اختي .. ما توقعت أن تصاميم مشابهه للفنان الكبير حسين .. والله اتمنى

لو أوصل لمستواه و أكثر بعد .. بس يبيلنا مجهود و مشوار طويل .. لكن ان

شاء الله و بفضلة راح أوصل .. يا رب ..

و شكرا على الاطراء .. و ننتظر طلات أخرى منج ..

[Neo Cid]

assassin :

لا عادي اخوي أساسين .. اشدعوه .. انت عزيز و غالي .. يبا جم أساسين

عندنا ( أهم وايد .. واحد هني و 17 بالطريج ) .. :6

مشكور أخوي .. و تعليقك عن الرسمة .. صح كلامك .. اسلوبها غريب .. وهذا

الحلو فيها .. الحمد لله ان اعمالي عجبتك .. و ان شاء الله نحوز على اعجابكم

بالتصاميم و الرسمات المقبلة ..

و ننتظر جاليريك حتى ... يا عمي ما نشوف لك شي إلا مع العصابات .

و يعطيك ألف عافية .. و المزيد قادم ..


majid :

اووووشششششششششش .. محد حاس اني قالبه تصميم .. :6

خلك ساكت يا ولد عمي .. مشكور يا ماجد .. هذا من فضل ربي .. ياخي

ذكرتني بأيام قبل .. والله لمن شفت أحد رسماتك بعد عودتك . والله انحبطت

انحباط لا بدي .. قلت شلون هذا ماجد الرسام البسيط يرسم كل هذا .. ياخي

انت حطمت المقاييس .. و من وقتها شديت حيلي. . و الحمد لله هذا مستواي

لا باس فيه ..

و شذكرك بشاركس ماستير ؟ .. هذا من خبر كان و بنات عماتها ... انساه .. :6

منهو أصلا ما نعرفه .. :6


Miss_kimino :

يا هلا و غلا بالأخت كيمينو .. أنا الحمد لله بخير و بأحسن صحة ..

لكن هالصيف ممل لأعلى حدودة .. أذكر قبل 3 سنوات بالضبط كنت بمدينة

بوسطن الامريكية احتفل جدام النهر بعيد امريكا الوطني .. وينها ذيج الأيام .. :":

عالعموم .. الصيف هذا كارثة بكبرة .. لكن نحاول نقضي وقت فراغنا بأشياء

مفيدة .. مثل السهر على الكمبيوتر و الانترنت ..و الفيديو جيمز .. :6

مشكورة على اطراءاتج .. والله اخلتيني بكلامج .. ما توقعت تصاميمي بهذا

المستوى .. :":

شووكرن .. و القادم مزيد ..

[Neo Cid]

السلام عليكم و رحمة الله و بركاته ..

هذا التصميم .. طلع من the middle of no where من الكتلة اللزجة موجودة

براسي ..

مع العلم أنه خلفية لسطح المكتب .. اتمنى انه يحوز على اعجابكم .. وننتظر

الانتقادات البنائة ..



1024*768

800*600

[sakura wakky]

وااااااااااااااااااااااااااااااااااااااااااااااااااااااو:!

نيو سيد :واو:


التصميم اليديد عجيييييييب


ما شالله عليك إنت أثبت إنك فنان في مجال التصميم ....

ما شالله عليك

حيل عجبني هذا التصميم ...


استمر أخوي ....

سي يو ;-)

[Neo Cid]

شكرا اختي ساكورا ..

اخجلتني بكلامج الطيب .. الدائم .. المساند .. :#

ان شاء الله تعجبكم أعمالي القادمة ..

ادعوا لي بالتوفيج ..

[BUBLE]

:" :" :"

ما يصير جذي..

ليش ما يطلع عندي التصميم

ابي اشوفه

[Taja]

:" :" :" نيييييييييييييييييييييييييييييييييييوووووووووووووووووووووووووووو
وين تصاميمك
:" اشتقت لهم وااااااااااااااااااااااااايد
الي مصبرني توقيعك اهيء اهيء

[Neo Cid]

BUBLE :

والله غريبة .. التصميم باين عندي ..

اممممممم . .اختياري على اي من الحجمين بالماوس اليمين و اختياري Open in new window ..

المفروض يطلع التصميم .. مع اني حصلت على انتقادات شديدة من الخبرا ..

تصميم ينقصة وايد أمور .. و اضافات المفروض ما اضيفها .. :":

عالعموم .. ننتظر رأيج أختي أمل ..


Taja :

غرقنااااااااااااااااااااااااا .. :6

اشتاقت لج العافية اختي تاجا ..

اممممممم .. صارلي فترة أحاول اطبق افكار لكن مو قادر ..

يبيلي زيادة تعلم بالفوتو .. :":

كاني برفق تصميم قديم شوي ..

==========================================

هذي الخلفية صممتها بعد ما شفت فيلم الماتريكس 2 قبل مدة ..

حجبتني فكرة الحروف الديجيتال اللي استخدموها ببعض الخلفيات ..

كانوا يدمجون الحروف اليابانية بالأنجليزية و العبرية و أرقام ..

كان شغل تمام .. حاولت أقلدة بس ما قدرت ..

لكن ما يأست . .و صممت خلفية بعنوان Won Zone .. اسم عبيط شوي .. :6

قلت يمكن أحد يستفيد منها برسماته ..