RH gallery

[shaheen]

رسومات روعة.. انتي اسلوبج عاجبني من زمان ^^ رهيب.. خاصة صورة شخصيتك.. ملامحها كووووووووووول نبي نشوف لج مانجا قصيرة الى الامام اختي وبالتوفيق

[الملاك الأبيض]

مثل ما قال أخوي شاهين . . . رسمات روعة

[LINK_FOX]

السلام عليكم ورحمه الله وبركاته
صج رسمات مشاءالله عليه حلوه من قلب
بس حاولي اتسوين مثل ما قلج شاهين قصه صغيره اشوي انا من ناحيتي ابي اشوف رسمك
الكول على القصص هاي رايي اما البقيه فلهم اراء غير المهم نبي نشوفك على خير ومتعينى بالرسمات
الحلوه لان كل رسماتك كشخه ( يعني كل ما اتحطين رسمه كل ما اتكونين كشخه ... )
اتغشمر
المهم اتكونين بخير وركزي بالرسمات نبيها تطلع بورفشنل من قلب
اوكيه يعطيك الف الف الف عافيه وانشوفك على خير
بااااااااااااااي

المزيد المزيد
هههههه

[talal07]

صراحة رينوا آخر رسمتين روعة وتاريك مبدعة الألوان
خشبية إن شاء الله تسوين زي كذا بالفوتوشوب .
دعوني اتحدث عن الرسمة الأولى انتي ولؤي الرسمة حلوة
الوقوف ، وملامح شخصيتك ممتازة روعة ، بل وحتى اني اخذت
فكرة من وضعية لؤي قد استخدمها برسمي
ولكن الرسمة الثانية وهي شخصيتك في لباس أخضر فأنا
أقول أنها أفضل رسمة حتى الان ظهرت منك وعلشان أتاكد
تأكدت من مجموعة رسوماتك اللي حافظها بالكمبيوتر وبالفعل
هذا أفضلها !
بالنسبة لأنتقادي فهي
- أسفل قميص لؤي جانب لؤي اليمين يبدو هناك خلل بوضعية
اليد بالأضافة إلى ان اسفل القميص يبدو مشدود من ناحية
اليمين
- تنورتك من ناحية الجيبين يبدو احدهما كبير والآخر صغير
والمفروض العكس لكي يتناسق مع الوضعية كما يبدو هناك
تعرج بالخط .
- رجلك اليسرى بالرسمة يبدو هناك عدم تناسق دائري وخلل
بالموقع في الركبة .
- الرسمة الثانية تبدو كاملة ولكن أكتشفت خط بالذراع
اليسرى فآخرة الذراع تبدو منتفخة بينما أوله يبدو العكس
أو ربما الخطأ يكمن في عدم تدلي الخطوط جيداً بدءاً من
الكوع .
أرجو أن أكون شامل بردي هذا .

[Renoa Heartilly]

شاهين سينسي:
""رسومات روعة.. انتي اسلوبج عاجبني من زمان ^^ رهيب.. خاصة صورة شخصيتك.. ملامحها كووووووووووول نبي نشوف لج مانجا قصيرة الى الامام اختي وبالتوفيق""
إن شاء الله باحاول أرسم شيء بس أني ما أعرف أرسم فقاعات كلام :\

الملاك الأبيض
العفو أخوي, مرور فنان زيك مشجع جداً كل مره

لنك فوكس شكلك بتطقني لو ما رسمت هههه لا تخاف, إن شاء الله أرسم شيء جديد قريباً *الأمتحانات على الأبواب و أنت تعرف أن الموهبه ما تطلع إلا ذيك الحزه X_x"
طلال أحم *تفرقع أصابعها*

لا ما يصير كذا تاخذ وضعياتي, هذي سرقه أدبيه! بس أنا باسمح لك هذي المره بس ههه <== جوعانه و ما تدري شتقول

" أسفل قميص لؤي جانب لؤي اليمين يبدو هناك خلل بوضعية
اليد بالأضافة إلى ان اسفل القميص يبدو مشدود من ناحية
اليمين

أدري, أصلاً لؤي ما كنت ناويه أرسمه, بس أخواتي غثوني منسدحين يمي و بقولون, رنوا ألون هذا؟ رنوا ألون شعرها؟ رسمت لهم لؤي و قلت هاكم, فكوني بس!


- تنورتك من ناحية الجيبين يبدو احدهما كبير والآخر صغير
والمفروض العكس لكي يتناسق مع الوضعية كما يبدو هناك
تعرج بالخط .

التنوره و لا البنطلون؟ لأني ما لبست تنوره قصيره من قبل (الحمد لله) ما أعرف وين يكونون الجيوب :\

- رجلك اليسرى بالرسمة يبدو هناك عدم تناسق دائري وخلل
بالموقع في الركبة .

لاحظت بعد, ما تشوفني أصرف باتلوين ههه

- الرسمة الثانية تبدو كاملة ولكن أكتشفت خط بالذراع
اليسرى فآخرة الذراع تبدو منتفخة بينما أوله يبدو العكس
أو ربما الخطأ يكمن في عدم تدلي الخطوط جيداً بدءاً من
الكوع .

أدري, بس شاسوي, رسمتها و رحت و جيت و لقيت أختي الصغيره تلون, رحت ألون معاها بدون لا أعدل شيء.. أنتوا ما تعرفون حجم المأساه اللي أنا فيها, أخواتي ما شاء الله عليهم يحبوني, و يلزقون فيني زي صمغ المسدس... >_< لازم ألون معاهم شاسوي :P ,== ما تبغى تعترف أنها بزره
باحاول أرسم اليدين عدله المره الجايه, بس ملاحظه, ما أحب أرسم ي نهاية الصفحه >_< مزعج...

أرجو أن أكون شامل بردي هذا ."

كفيت و وفيت يعطيك العافيه تعبت معاي!! يا ريت كل ردودك كذا *طمعت المره هههه*
مشكورين جميعاً, إن شاء الله أحاول أرسم مانغا قصيره لو قدرت
سلام

[Lillymon]

×_×
i didnt know u were soo good in pencil coloring too Renoa
^^8
excellent job there .. loved the second one most .. u in the green dress ..
its cute


u do have a gift .. wish i was a quick sketcher like u ..
-_-

keep ur hand busy
^^

[Renoa Heartilly]

×_×
i didnt know u were soo good in pencil coloring too Renoa
^^8
excellent job there .. loved the second one most .. u in the green dress ..
its cute


u do have a gift .. wish i was a quick sketcher like u ..
-_-

keep ur hand busy
^^

thank you honey i figured it would be the best one, i precicely like the eyes O_o!!
you could bcome better than me with practace :>
nice seeing you sweetheart

[LINK_FOX]

السلام عليكم ورحمه الله وبركاته
سوووووووووووووري اختي ما كنت ادري عليج امتحانات
اسف

انشاءالله بالتوفيق والشتهاد والنجاح باذن الله وترفعين راس والديك وتفرحين قلبهم بج
انشاءالله من كل قلبي لج النجاح والكل واحد بعد
بالتوفيق عاد الله الله في الدراسه
يااااااااااااااارب اتنجحا واتنجحنا معاها
وناطرين نتايج الامتحنات وانشاءالله كلها فل
بااااااااااي

[Renoa Heartilly]

أمم, أنت غلطت في الموضوع؟ ما أذكر أني قلت عندي امتحانات.... مع أنه عندي الشهر الجاي

[orange road]

رسومج حلوة رينوا ^^
يعطيج العافية عليها.. ونبي نجوف رسوم اكثر..

بس الرسمة اللي بتلونها ماي وين بتحطها؟؟ هني والا في جاليرها؟؟؟

[yuki-babe]

hi

الله عجبتني آخر رسمة حطيتيها

تونس نعومة ^^

و عموما رسماتج كلها كول

و لج ستايلج الخاص

استمري ..

[Renoa Heartilly]

أهلاً يوكي وينك من زمتن ما مريتي! وحشتيني! ^_~
أرونج رود, ما أدري... >_> ما سألتها تصدقين >_< أتوقع هنا... أو يمكن هناك <== شقالت الحين ذي؟
ما أدري, أشوفها لين تخلص منها! النت ما تنشاف هاليومي،و مزمبزه شكلها هههه!

[mai_arumashi]

لا انا مزمبره على الاخر....يادوب احصل وقت انام و اكل...بس بلونها الحين ان شاء الله...
و بحطها هنيه اكيد ^_________^

الرسمه الي فيها لؤي رهييييييب...حبيت ثيابها ^_^


تادا...خلصت...بس حبيبتي رينوا سوري على التغيرات...ما قدرت اقاوم..

[safa7t_uae]

مرحباااااااااااااااااااااااااا ا

رسمج وااايد حلو و كيووووووووووت ... و بسيييط و هذا أحلى ما فيه ....
انا جفت آخر ثنتيين و واايد عيبني

تسلمين على هالرسومات الجميلة ....

و دخيلج كملي منهن زيادة ولا توقفين


تحياتي
سفااااحة

[Renoa Heartilly]

إن شاء الله سفاحه الإمارات, أرسم زياده عشان ما تقتليني! هههه
ماااااااااااااااااااااااااااي مااااااااااااااااااااااي!! أخيراً! تصدقين تهبل الرسمه!! الله يعطيج العافيه !!! جعل دكتور الماده اللي ما تحبينها ينجحك!!!
بس سؤال, كأنك غيرتي عيونه؟ >_> هم حلوين يعني, بس كذا صاروا زي عيون سكوال! هههه لا لا حلوين, يهبلون *الحين أنا أقول كذا و أنتي بس ملونه, شلون لو راسمتها كلها أنتي؟* >_> المهم, لا تزمبزين علينا, تراني لالي في موضوع الكسيكاي