الموضوع الرسمي لZelda Wind Waker

[أريـــام]

AOKS

سقراط ..

شكرا جزيلا وسامحني تعبتكم معاي ^.^

[أبو بدر]

هلا بو بدر

انت يا عزيزي معاك الأولي الي على شكل حبل

الهوك شوت موجود في جزيرة الرياح لازم تد خلها مع مخلوق صغير على شكل ورقة شجر وتبدون المغا مره والبحث والهوك شوت موجود بغرفه تحت أخر شي في الأسفل جنب المروحه الي تصعد الهوى الى اعلى
واي استفسا ر انا حا ضر.

مشكور أخوي سقراط على الرد السريع ... بس بغيت أسئلك المخلوق الصغير من وين أجيبه ؟؟؟؟
و اسمح لنا إذا كثرنا عليك بالأسئله ...

[سقراط]

هلا ابو بدر وتحت امرك في اي استفسار

تجيبه يا طويل العمر من جزيرة الشجره هناك فيه شلال بخارج الجزيره لو رحت له بتشوف نوت موسيقيه تخرج من الشلال استخدم الحبل الي معك على العصا وادخل في الشلال وقف مقابل الشلال من تحت لا تطلع فوق واستخدم الحبل وادخل بتحصل شخص اعزف له اللحن الموجود على جدار في جزيرة الرياح بعد ما تعزفه وتخلص روح جزيرة الرياح وبتحصل الورقه الصغيره هناك

اعزف معها اللحن امام المكان المرسوم فيه اللحن وبينفجر الباب وبتدخل معها .

[سقراط]

أختي اريام العفو ...واي استفسار انا حاضر.

[SkaveN]

عندي سؤال غبي شوي

اخذت الهوك شوت او شي زي كذا من الويند تيمبل
بس ما عرفت اطلع من الغرفة!
ما قدرت اضغط الزر الي يفتح الباب...احاول اركض عليه بس ما يصير شي مادري ليش
ماهو راضي يتسلقه

[سقراط]

شوف على الحائط شي يشبه الكرستاله أضربه بلهوك شوت وبيفتح الباب.

[nakazaky2000]

يا جماعة يعطيكم ألف عافية على الجهود المبذولة والله يعينكم

عندي سؤال واحد:
1- خلصت الدجن إلي يطور السيف التطوير الثاني والأخير وبعدين
وين أروح وياريت تقولولي مطول على الختم ولا قريب ودي أبط راس جاندورف
مشتهي أشق وجهه شق..؟

ياريت ومشكورين مقدما

[سقراط]

ههههههههههه
تو الناس بعد يبيلك شوي

على العموم تبدا مرحلة تجميع الخرائط الي بدلك على اماكن اجزاء قطع المثلث الذهبي الثمانيه
وعند اكتمال المثلث بتفتح لك المرحله الأخيره . وبتوفيق

[nakazaky2000]

مشكور أخوي سقراط وما قصرت

ولكن ما عليه أرجوا بعض التفصيل

وشكرا

[nakazaky2000]

وانا قاعد فاضي قلت خلني أفتح هذا الموضوع من الأول يمكن أستفيد

وقعدت وقريته كامل واستفدت كثير وأتراجع الحين عن سؤالي لك يا أخ سقراط

أتوقع لازم يمشيلك معاش على هالجهد وسعة الصدر عيني عليك بارده

وعسالله يوفقك ويجعلك في كل خطوة سلامة <<<<دعوة الوالده

المفروض يتغير كاتب الموضوع من دارك لينك إلى >>>> سقراط <<صراحة

عندي خريطة حمرة شمالته هذي أفيدوني وشكرا

[سقراط]

تفضل

اماكن الخرائط وبتفصيل الممل.

A 7 تحتاج الى هوك شوت الثاني الي اخذته من جزيرة الرياح . .

ُجزيرة ستيل
ُُُُُُE 2
بعد ما تدخل تعزف لحن الرياح الي يغير اتجاه الريح توقف على اللون الأزرق وتعزف.

ُ
E 1
الخريطه هنا في احد السفن الثلاثه فجرهم واسحب من الدائره الي بتطلع لك من تحت السفينه الذهبيه.

E 3

ُُE 7
هنا فيه جزيره صغيره وباب حديد اسود
ومقابلك جبل عليه كذا كرستاله المطلوب تضربهم
وتخلي لونهم اصفر
واحسن طريقه انك تصعد على سطح الغرفه
وتضرب عش النسور بسهم نار
تقتل الي تقدر
بعد ذلك تتحول الى نورس وتروح بس تضربهم بمنقار النورس
واحذر النسور الطائرة على اعلى قمه
اذا ما تعرف كيف تتحول الى نورس
تشتري الفاكهه الصفراء من المركب البائع المتجول
وبس طلعها علشان تستخدمها وبعدين بتتوحول نورس.
بعد ما تكون ضربت كل الكرستالات
راح يفتح لك الباب.




C 3
ُTingle Island
هنا في اعلى البرج بتحصل رجال مهرج لابس اخضر هذا مهم تشتري منه خرائط وهو راح يبيع لك سبع خرائط يمكن اكثر بس مش ورا بعض لازم تكون معاك خرائط اخرى من قبل يعني تردد عليه بين فتره واخرى
سعر الخريطه 398.



E 5
جزيره بشاليه جميل وبركة سباحه سوف يصبح ملك لك بعد اخذ صك الملكيه من المدرسه الي ببلدة تورا

هذه الجزيره
فيها خريطين وحده خارج البيت فوق تطلع عند النخله فيه صندوق>


وخريطه جوا البيت تتعلق في العصا بلخطاف داخل البيت وتنطفي نار الموقد تدخل من الفتحه متاهه

صندوق فيه فلوس ومكان فيه تعزف لحن الرياح وتطلع لك الخريطه.



نرجع حق المدرسه وكيف تاخذ منها الصك .

انت لازم تكون مجمع اكبر عدد ممكن من القلاده الي على شكل فراشه
تروح تكلمها وتبيع لها القلاده
بعد كذا تطلع تكلم الأولاد وتلعب معاهم استغمايه

بعد ما تصيدهم بيقولون لك فيه عقد مخبى في شجره قرب دكان القنابل روح اصدم الشجره واخذ العقد وده حق المدرسه
وبيع عليها كل القلائد هي في كل مره تعطيك شي واهم شي الصك حق الملكيه وقناع .
اذا ما عرفت وين انخشوا الأولاد قولي .



G 2

البلده حيث بداية اللعبه

اطلع فوق عند الغابه
فيه رجل يناظر بلمكبر المنظار
لو شفت نفس الآتجاة
راح تشوف صخره كبيره على شكل وجه
شوف اعلى صخره نفس المكان الي انت واقف فيه واصعد عليها ووجه الريح حتى تساعدك على الطيران بورقة الشجرDeku Leaf
طبعآ لازم تكون ما خذ السوار سوار القوه علشان تقدر تشيل الصخره الضخمه
هذا المكان يدوخ لازم يكون معك حياه كثيروقراش بها جنيات .

تنزل من حفره الى حفره حتى توصل اخر شي وتعزف اللحن ويطلع لك صندوق الخريطه هذا المكان به مقاتلين واعداء وحشرات كثير
وكمان فلوس كثير.

فيه طريقه أسهل اذا معك الهوك شوت روح خلف بيت الجده واطلع للمكان عبر الشجره واستعمال الهوك شوت.



اخيرآخريطة سفينة الشبح
هذه السفينه تتجول في كذا مكان وموقع على الخارطه اليك اماكن تواجدها

A 5,B 3,C 7, D 2,E 6 ,F 1 ,G 7

ضروري يكون معك خريطه لسفينه قبل ما تروح ادورها
الخريطه تاخذها منDiamond Island

وهي تقع في مربع F 1

واذا كان معك لحن الشمس طبعآ احسن واسرع لك .
اجلس بنفس هذه الجزيره وكرر العزف لين ما تشوف السفينه
وابحر متجهآ اليها بسفينتك وتدخل فيها وتقاتل وتحصل الخريطه.
السفينه تبين لك مثل الخيال شفافه وحولها اطياف زرقاء

[nakazaky2000]

يعطيك العافية وما قصرت بس ترى آنا قتلك تراجعت عن السؤال

وسجلت الحل عندي وحفظت الخريطة عندي وأي مشكلة تواجهني راح أرجعلك

وما قصرت أخوي سقراط وعساك على القوة

[سقراط]

هلا بك عزيزي nakazaky2000 - حياك الله

الظاهر يا اخي انا كتبنا الرد في نفس الوقت علشان كذا انا ما انتبهت لسحبك السؤال.

على العموم احسن ما سويت الي يقرا والله يستفيد لكن بعض الأخوه يكسلون او يكون وقتهم ضيق

على العموم انا تحت امرك في اي استفسار حاضرين.

الخرائط الحمراء افحصها هم يا ثلاث يا اربع لما تفتحها وتشوفها راح تعرف كل خريطه تخص ماذا

الي اذكره وحده كانت تخص القطع الذهبيه تبين مكانهم عند اخذ الخرائط وترجمتها

والثانيه توضح مكان الباعه المتجولين في المراكب ومن بينهم واحد يختلف وجهه وهو يبيع اشياء مختلفه ايضآ.

اشكرك على شعورك الطيب ودعواتك الطيبه .... وكله واحد اخوي المهم نساعد بعض وكلنا اخوان

وشاكر لك مره اخرى وتحت امرك في اي استفسار.

[سقراط]

:mad: :bigeyes: :33: :06:



يه ليش توقيعي مختفي وما يظهر في مشاركاتي ... غريبة ؟؟؟ !!!

[nakazaky2000]

أخوي سقراط سؤال خايف أسألك اياه

طاقة الديكو عندي لحد القلب الخامس زينة ولا ألعب تخزينة جديدة

شرايك تكفة إذا مو كافية أبي أي حل لأني ما لي خلق ألعب مرة ثانية

وأبي منك البشرى عساك على القوة