قضية الاسبوع ҉ಢ ೋ المولود الجديد ೋ ಢ

[Arashi]

قصص ناس عندنا عينهم حاره

1-لما كان خالي صغير في عمر مايزيد عن ال3 سنوات كان كيوت وخدوده كبار وحبوب ويحب الناس...لما دخل الصاله يلعب مع جدتي كانت عندها ضيفه عينها حاره..فقالت كلام عن خالي انه حلو ويضحك مب مثل عيال الناس...بعدها خالي صادته سخونه وشلل أطفال..حاولت جدتي انها تشربها شي وتاخذ من زودها حق خالي لكن المجرمه ماتخلي ولا قطره في القلاص..تلحسه النصابه
حتى انها حسدت اختها اللي شاطره في الخياطه..تقول اختها ان بسببها صارت يدها فيها تقرحات وجلدها يتشقق وماتقدر تشتغل فيها
خالي الحين ابوعيال لكن لين الحين مسكين مشلول لكن الحمدلله عايش حياته


2-واحد عينه ليزريه زوج عمتي يعرفه...يقول هذا يتحكم بشكل غريبه بقدراته (تذكرون احد حلقات طاش ماطاش؟) يقوم لك هالمرعب ويقول لك "جوف هذا الصرصور اللي عالطوفه؟ انا الحين بذبحه" ويقوم يضربه ليزر بعينه ويموت...حقيقي والله زوج عمتي جافه بعينه @@...هذا حتى فلق شجره نصفين..وسبب مرض غريب في عين وزج عمتي ولا دكتور قدر يعرف يعالجه..لحد ماراح له زوج عمتي وقال له يفك النحس وفكه

3-عيله مع الاسف نسايب لنا بس من بعيد معروفين بعينهم الحاره..وحده من فجرت سماعه في حفلة خطوبة بنت عمي


قصص سحر

1-عمي كانت عنده شغاله مب زينه يعني شغلها مب اوكي...فطرشوها بلادهم..ويوم من الايام قررت مرت عمي انها تنظف البيت..وهي تنظف ولسبب ما هي مب عارفتها حست انها ودها تنظف أسلاك المكيف...نوع المكيف ويندو طبعا...تقول وهي تنظف السل جافت شقوق عالمطاط اللي مغطي السلك..تقول انها لاحظت شي داخل الشق ولما تطلعه تطتشف انها لفافه سوده..وتفتحها وطبعا عرفت انها عمل...خلت وحده من نفس جنسية الشغاله تقرا الكلام المكتوب..تقول كأنه امتحان املأ الفراغ بالكلمة المناسبة:

مقدمه طويله وايات وفي وسط الورقه" اللهم سخر.........ليحبني وان......."

يعني جذي كلام جاهز وهم عليهم يكتبون الاسامي

اللي يسمع يقول هذا Deathnote


2-اهلنا في دولة خليجيه اخرى طرشوا شغاله ايضا لأنها مب زينه ولما يفتشون اغرضها اكتشفوا انها سرقت اشياء عشان تستخدمها للسحر..وهالحاله تكررت مع وايد ناس عندنا فحاسبوا منهم


قصص جنيه

1-جد امي الله يرحمه كان يعالج الناس المسحورين بالجن...فمره من المرات انقذ جني (الظاهر كان محبوس بالغصب) فالجني شكره وقال له "انا راح احي 7 اجيال من احفادك"...طبعا انا ويامي رابع جيل ههههههه بس دايما اقول الله الحافظ...القصه حقيقه طبعا لأن جدتيني خوات من نفس الاب واهلهم بعد سامعينها من اجدادهم ...حتى ان طلع كلام ان جدنا تزوج جنيه ولما جدتي كانت صغيره سألته عشان تتأكد...ضحك وما رد عليها..يمكن عشان ما تخاف
بس جوفوا اي يصير فينا؟ انا ويامي من انولدنا والجن يطاردونا ويضحكون ويصخرون في اذانينا..كنا عايشين رعب
ولما غيرنا بينتا ارتحنا...الحين في هذا البيت الثالث رجعوا يضايقونا فتره طويله حتى انهم يفتحون الادراج والكبتات ويستعبطون علينا...صرنا نضحك عليهم خلاص بعد تعودنا...بس لما صرنا نكثر من القرآن وخففنا اغاني الحمدلله ارتحنا منهم نهائيا...فاللي يسمعون اغاني بكثر انصحهم يخففون قد مايقدرون لأنها تجذب الشياطين

2-في جن يحبون يغرلونك وانت نايم او اول ماتصحى من النوم (ياثوم او جاثوم) وهذا حتى ساعات مايخليك تقرا قرآن تحس انك مختنق او لسانك مربوط..مره اول ما صحيت من النوم رفعت راسي من عالفراش والا شي يمسك رقبتي بقوه ويضحك مثل مارد المصباح "نياهاهاهاهاهاهاهاهاااااااا" ويرجعني بالقو عالسرير...طيب احاول اقوم مره ثانيه ويرجع يضحك ويرجعني بالقو عالسرير..احاول اقرا قران لكن ثوتي مبحوح ومخنوقه وكل ماتحركت يرجعني مكاني...اخر شي رفعت راسي وقلدت ضحته وهو خاص وتركني اطيح بالقو عالسرير وفلت...غريب امره طبعا اقرا قرآن لكنهم مزعجين ويحبون يلعبون وياك بيت فتره وفتره...في انواع مسالمه ما تأذي بس تحب العبط...حاولوا ماتحافون منهم عشان هم يخافون ويملون

[Arashi]

ها نحن من جديد مع قضية الاسبوع الرابع

موضوع قضيتنا هذه المره سيكون باذن الله ممتعا وشيقا ومضحكا ايضا







الألـــــــعاب







ونقصد بالالعاب هنا ما كنا نلعبه ونحن صغار وما نلعبه ونحن كبار وما كان يلعبه اباءنا وما يلعبه أطفال هذا الجيل...وهكذا

لا توجد قوانين او قيود في هذا الموضوع فهو موضوع حر وخفيف هدفه المتعه والمرح وتلطيف الجو بعد تلك المواضيع الجاده







العناوين المساعده

ألعاب اباءنا واجدادنا - ألعاب السبعينات و الثمانينات والتسعينات والألفيه الجديده والفرق بينهم - الالعاب اليدويه والحركيه والالكترونيه - ألعاب الصغار والكبار - ألعاب البنات و الاولاد - ألعاب جماعيه وفرديه - ألعاب شعبيه - ألعاب خطره - مواقف لعب طريفه - ألعاب مشهوره - ألعاب اندثرت واخرى لم تندثر - الألعاب الالكترونيه القديمه والحديثه - ألعاب المنتديات والاونلاين - صور لألعاب لازلنا نحتفظ بها


ملاحظه: يرجى عدم التحدث عن رسوم الكرتون والبرامج التلفزيونيه حيث سيكون لها موضوع مخصص باذن الله







صور مساعدة





























فليبدأ النقاش

[King36o]

الألعاب الشعبية الي فوق ما لحقنا نلعبها

لكن اذكر ايام الأبتدائي كنت العب ( صييدة ) و ( خشيشة ) مع الربع

و من عقبها بس طول عمري مبحلق عيني على الشاشات ( Video Games ) الي لازلت حتى الآن العبها و ما اضن بوقف

اسئلة من عندي

1. ما هي الألعاب الشعبية التي مارستها ؟
2. ما هي اجهزة الألعاب التي امتلكتها ؟
3. اذكر كم لعبة عزيزة على قلبك ؟

[miss rebecca]

السلام عليكم ورحمة الله وبركاته

يعطيك العافيه اروش على الموضوع الرائع لقضية الأسبوع فكرة الموضوع جديده كليا

سوري ماناقشت المواضيع اللي قبل انشغلت شوي

بس هالموضوع لازم اشارك فيه بتكلم بكل صغيره وكبيره ان شاء الله

نبدأ بسم الله الرحمن الرحيم :

يوم صار عمري 3 سنوات ..اشترينا الPS1 وكانت الرسومات على وقتها واااااااااو الكل انذهل وكلنا كنا نجتمع انا واخواني وعيال خالتي نلعب عليه ....

اول الألعاب لا اله الله كانت ماتذكر بالضبط بس بكتب

1. الكلاب اللي عددهم 102 ومبقعين نسيت اسم هاللعبه

2. ستريت فايتر 2 ..

3. ذا كينغ اوف فايترز

4. تكن

5. كراش بانديكوت

احلى شي كان كراش لأن فيه انواع متعدده منه : سباق سيارات , مغامرات ...

طبعا على وقتي ماكان مسموح لي العب كثير

وبعدها بسنتين اشترينا كولكشن رزدنت ايفل :1,2,3

كان اكثر جزء يخرع Resident Evil 1 خاصة الOpening كان يخوف @@

عاد انا وعيال خوالي كانوا اكبر مني ب8 سنوات لما نشوف العرض نسكر التلفيزيون بسرعه ونصرخ من الرعب @@

وطلعلنا سيناريوهين تتذكرون بطاقة كريس وجيل اللي كأنهم صدق ؟ عاد انا قلت اللللللله نقدر نلعب فيهم على طبيعتهم كأننا داخل فيلم يعني

والكل احتار ...بعضنا يبي كريس والبعض الثاني يبي جيل .... سوينا قرعه وطلعت على كريس اخترناه وانذهلنا من الجرافيكس ....الكل مسوي جذي >>>> @@

ويوم دخلنا وواجهنا اول زومبي ....شفنا واحد ملقينا ظهره بعرض الCG تشوقنا نبي نشوف وجهه ...ويوم التفت وطلع وجهه ....تخيلوا كلنا صارخنا وطلعنا من الغرفه وخلينا اللعبه مثل ماهي

ذكريااااات عاد التحكم كان صعب بالحيل ماكنا متعودين >_>

وبعد ايام الPs1 نزل الPs2 عاد اووووووو كان روووووعه

بيننا وبين الأغماء شعره يوم شفنا الرسومات الصافيه قلنا مستحيل راح يطلع شي احلى من الجهاز <<<<< وطلع الPs3

اول ماشرينا الجهاز جاء معاه مجموعة العاب للPs2 وهي 10 العاب وهي :

1. Resident Evil Code Veronica X
2. Crazy Taxy
3. Tekken Tag Tourment
4. لعبة سيارات
5. Street Fighter EX 3
6. لعبة المحقق كونان

فيه العاب ثانيه بس ماتذكرهم للأسف

لكن كل هالألعاب اللي ذكرتهم ختمناهم اول بأول كنا نسهر لين الفجر واحنا نلعب فيه

بأنتظار باقي الأعضاء

وان شاء الله لي عوده للموضوع ^^

[THE-HELL]

السلام عليكم
اولا شكرا على هذا النقاش الجديد
والعنوان لوحده يعيد الكثير من الذكريات لي......
فعلا الالعاب كانت من الاشياء المهمة في حياتي سواء الالعاب الالكترونية او الالعاب الاخرى
في صغري كان عندي الكثير من الالعاب التي كنت اقضي طول النهار العب فيها وفي المساء كنت انام بعد ان اصفهم كلهم بجانبي
وطبعا هذا دون ذكر الالعاب التي كنا نلعبها مع اقربائي مثل الغماية
المهم كانت هذه الالعاب التي اقضي الوقت العبها حتى دخلت الالعاب الالكترونية في حياتي
ومن منا لا يعرف روعة الالعاب الالكترونية
.....فعلا ذكريات اكثر من رائعة

1. ما هي الألعاب الشعبية التي مارستها ؟

في الحقيقة الكثير منهم الغماية و حاكم جلاد

2. ما هي اجهزة الألعاب التي امتلكتها ؟

pc ps1 ps2 psp gamecube sega genesis
وان شاء الله بعد ان انتهي من الامتحانات النهائية في هذا الفصل واتحرر من سجن الدراسة
xbox ps3 wii
وفي الحقيقة هذه فرصة ان اسئلكم نظرا ان الموضوع عن الالعاب ما هو اول جهاز من الاجهزة الثلاثة السابقة تنصحوني ان اشتريه اولا

3. اذكر كم لعبة عزيزة على قلبك ؟

في الحقيقة اكثر لعبة احبها sonic the hedgehog كانت من اوائل الالعاب التي العبها وكنت اقضي طوال الوقت وانا العبها
و طبعا resident evil كانت اول لعبة ثلاثية الابعاد العبها وتحديدا كان الجزء الثاني
وطبعا هناك الكثير من الالعاب مثل silent hill dino crisis god of war
يعني لو بدي اعدهم لن انتهي ولاكن اول لعبتين مميزتين والسبب انهم من اوائل الالعاب التي لعبتها

وهذا ما عندي في الوقت الحالي
واعتذر على الاطالة
وشكرا على النقاش الذي يعيد الكثير من الذكريات الرائعة

[المقاتل ليون]

السلام عليكم
شكرا لك على هذا الموضوع الجديد
ان الاعاب التي كنا نلعبها كثيره ولاكن كنا نلعب كرة القدم كثيرا فها كانت لعبتي المفضه وكنت العب العاب فيديو كنت العب لعبة كراش كانت افضل لعبه حين كنت صغير
والان لا ازال العب كرة القدم وكرة الطائره والعاب بلايستيشن وريزنت ايفل

[نعومة الأحساس]

السلام عليكم ورحمه الله وبركاته

ماشاء الله موضوع حلو كثير وتنسيق روعه يناسب الموضوع كثير
أشكرج أروش على المجهود

كثير العاب كنا لعبها وأحنا صغار
منها سباق ركض والي يوصل قبل
والعرايس
وأحيانا كنا نلعب بيوت يعني انا عندي ام واب واولاد يعني
أحس هذي العبه منتشره بينا الكل لعبها وهو صغير
وأحيانا نلعب شركه كبيره
ممممم نسوي لنا فلوس بالورق >> هذي الرواتب
ونشتغل في شركه واحد منا المدير >> طبعا ولا مره صرت مديره كااااااك
ونشتغل شغل والله نتعب نآخذ المساند حقين الجلسه
وننقلهم من مكان الي مكان >>ننقلهم على انهم كراتين فيها معدات
أو نلعب مسرح ونمثل أو ننشد أشياء كثيرة لو بعددها مابخلص
أممممممم أول لعبه الكترونية العبها كانت
http://www.youtube.com/watch?v=rw7QHngjM5U

أسمها ماريو كمبيوتر صغير يشتغل على التلفزيون
كنت أحبه كثير وإلى الآن العبه كاااااااك

هذي صوره لها


طبعا في الوقت الحالي في أشكال يديده غير هذا القديم



هذي لعبه ماريو
انا ما العبها بسرعه نفس الي بالرابط
ماشاء الله سريع

وفيها العاب كثيرة
مصارعه ، كره قدم ، طائرات ، دبابات ، بط ، وأشياء كثيرة جداً

سؤالي في أحد لعبه بهذا الكمبيوتر أو بس أنا ؟

وشكراً

[.:Passion:.]

العاب الشعبيه ما احبها نهائياً و في هذه الفترة نادراً الوحد يحصل اطفال يلعبون العاب شعبيه هذا كان زمان حتى انا مالحقت العبها
اول مافتحت عيني في دنيا عرفت بلاي ستيشن 1 وقيم بوي خخخخخخ و بعدها بلاي ستيشن 2 و3

لاكن لما كنت صغيره العب قيم بوي اكثر شي و اتذكر ان لونها وردي هع لان زمان ما ارضى الا بالون الوردي خخخ
لاكن الحين من حلاوة الاجهز تكون لونها اسود

افضل العاب احبها الحين
xbox ps3 psp will

[THE CAST]

متابع .........

[آبو رآشـد]

^^^
على طاري الالعاب القديمة

لا يفوتك شف هواية هالادمي

http://www.montada.com/showthread.php?t=612913

لوول

[المقاتل ليون]

سؤالي في أحد لعبه بهذا الكمبيوتر أو بس أنا ؟
[/B][/COLOR][/CENTER][/QUOTE]

هذه العبه لعبتها كانت ممتعه وفي نهايت كل 4مراحل تواجه تنين وتنقذ الاميره شكرا لك نعومه واحساس

[Look up]

السـلام عليكــم ورحمـة الله وبركاتـــه

ونقصد بالالعاب هنا ما كنا نلعبه ونحن صغار وما نلعبه ونحن كبار وما كان يلعبه اباءنا وما يلعبه أطفال هذا الجيل...وهكذا

على أيـام الوالـد و الوالده ... بصراحـه ما أدري

.............

عـن أيام طفولتـــي
كنــت ألعــب "صيده ما صيده"


أدري الصوره تضحـك بس عشـان توصـل الفكـره ..

و كنــت ألعـب "باربـي"


و كنـــت ألعـــب "سبـاق"


كنـــت ألعـب "نطاطيـــه الحبـل "


و نلعــب "جنجفـه أو أونـو "+"دومنـا"+"دامـه"


و كنت ألعـب"مدرسـة "


و شنـو بعـد
كنــت ألعـب


و "قواري"


ما شاء و ايـد شغلات كنــت ألعبهـا مع الأهـــل و الصديقــات

بس الحيـــــــــن

كـل واحـد لـه جهـاز ... و كلـه قاعديـن
و كل واحـد بروح

و الله يهدينــا يا رب

و تخيلـوا...
على كثـر الألعـاب إلـي ذكرتهـا بس ما أسوي ولا وحده فيهـم
بهالأيـام
إلا بعضهـم


هالأيـام ..
ألعـــب" بلايستيشـن"
+
"أونـو"
+
"كمبيوتـــر أو لابت توب "

شفتـو الفرق
!!؟


و الله يستـر علينـا و يهدينـا

[المقاتل ليون]

صح كلاكم Look up
هذا الزمان هو زمان الانترنت والاكترونيات وليس زمن الاعاب الشعبيه كانت ايام الطفوله حلوه بدي ترجع تلك الايام

[dely10]

ااااه الألعاب في مرحلة الطفوله لها عالم آخر

ودي العب العاب قبل

صيده ما صيده - قميضه - عنبر - خروف مسلسل -حي الميد

ودي اسوق غاري
ودي
البس روول

والله احلى ايام

اشفق على هالجيل ماعندهم العاب

ودي العب العاب قبل بس >>> شكلي يضحك هههههههه تخيلو ريال شطوله وصيده ماصيده

[yami vergil]

اياباااااااااااا على العاب اول كل شي جربنا وكسرنا روحنا لي قلنا بس
شرط الركبه مبقعه بالبنفسجي XD

مثلكم تقريبا كنا نلعب صياد حرامي

كنا نلعب سباق

كنا نلعب جيز .. كان لها شعبيه لما كنت في الابتدائيه وكنا نرسم المربعات مالت الجيز بالطباشير في ملعب كورة اليد وفي
البريك نلعب

في العاب شعبيه ثانيه كنا نلعبها في المدرسه مثل طاق طاق طاقيه والتيله ونسيت شنو بعد

كنا نقلد على شخصيات انيمي Voltron خخخ نشتري سيوف بلاستيك وكل واحد يتقمص شخصيه
ونطرطن بالفصحه .. كنا نبدع هههههههه والحين >_> انجليزي يا انجليزي XD

كنا نلعب بالمساند (الدواشك) نسوي منها جبل ونركب فوقهم وهوووووووبا نطيح من فوق
الي يتكسر مشكلته XD

كنا نلعب كل خميس كوره مع عيال خالي بس كنت اقعد حارس ماعرف العب عدل خخخخخخخخ

كنا نلعب بالسياكل

كنا نلعب بتّه واونو وهذي اللعبه الي كل مره نختار حرف ونكتب بسرعه
اسم وجماد وحيوان وبلاد ...الخ

كنا نقصص الاوراق مستطيلات ونسوي منهم سلاسل ونلزقهم بالصمغ ليش مادري !!

باربي وعرايس كلش ما كان عندي >_>

بالنسبه حق الاجهزه الالكترونيه القديمه

بديت من الصخر لين بلايستيشن 3 XD

الصخر كنا نلعب لعبه انا واروش اسمها




يا جماعه الدمعه بتنزل T-T ... كان عمري 5 سنين يالله يالله امشي حالي
وكله اقول حق اروش سويلي الجرس ابيض XD فديتنيييييييييييي هههههههههههههه

تعديل <<< تذكرت شي

بصراحه اول جهاز ما كان الصخر في اقدم منه بعد اسمه اتاري



ما كان عندنا له اشرطه بس اللعبه الي داخل الجهاز نفسه مثل التنس ثبعين
وكوره نطقها بالصبع خخخخخخخخخ

ولي عوده ان شاء الله للتعقيب على ردودكم الجميله ^^