[ XFan's Club ] موضوع النقاش العام عن العاب . استفسار . حلول . مشاكل

[FARES360]

على طاري آلن ويك.. عندي كم سؤال.. قبل لا اقرر الشراء

- اللعبة اعداءها متكررين؟ يعني دايما يطلعي ابو فأس؟

- هل فيها مهمات جانبيه ولا مسار واحد فقط ؟

- كم اجمالي عدد الأسلحة باللعبة؟

- اخذت اللعبة تقييم شبه منخفض 7.0 في مجال طول اللعبة .. فهل هي قصيره لهذه الدرجة !؟

- نوعيتها تقطها بالدرج بعد ما تخلصها ولا فيه مجال تستكشف الأحداث؟

- هل هي فعلا مرعبة مثل ما قيل عنها؟

- احد عنده فكره سعر اللمتد اديشن بالكويت؟

[samoory]

1- يس الاعداء شبه بعض ..بس الصراحه مافرقت لانك ماراح تحس فيهم مع عنصر الظلام والرعب والمفاجاه

2-لا مافيها مهمات جانبيه العالم مفتوح تقدر تروح وتجي على راحتك بس المشاويير طويله لاتحسب انك راح تتملل ..جدا ممتعه .

3-تقريبا ماتتعدى 8

4-من ناحية طول اللعبه ولا لا ..هذا ماهمني لانه الحلقه الاولى اخذت مني ساعتين ومامت فيها الا مره واحده والحلقات كل مالها تطول ..

5-نوعيتها من ابو تعيدها 16 مره ..

6- الرعب خطيير فيها من زمان ماخفت زي كذا ..تنسيك رزدنت ايفل وسايلنت هيل ..

7 - اسال اخويانك xD
...............................................................
الصراحه انصحك فيها يابو فروس لاتضيعها ..انا دفعت الــ260 ريال عليها وفي راسي نفس اسالتك واكثر لاكن
يوم شغلتها فعلا ابداع نستني الاسئله اللي كانت في خاطري ..

[rubso]

- اللعبة اعداءها متكررين؟ يعني دايما يطلعي ابو فأس؟

لا. The Taken يطلعون لك باشكال مختلفة.
اما الشكل اللي تشوفه انت بالفيديوات، بو فاس، وهم انواع، شخص ضخم بصعوبة تطيحه، اشخاص عاديين، بسرعة يموتون، اشخاص يحذفون فؤوس او مطارق، واشخاص سريعين حيييييل.
فيه اعداء اللي هم على شكل افخاخ، هم من جنود الظلام بعد، يكونون مندمجين على الارض، كتلة سودا اذا لمستها تؤذيك، لازم تحاربها، و ايضا بعض الافخاخ.
فيه اعداء عبارة عن الظلام يتحكم بالطيور، ويبطون الجبد.
وعندك شخصيات باللعبة تتحول بسبب الظلام، وبصعوبة تطيح فيهم طق.
وآخر شي اللي هو الظلام يتحكم بالاشياء الموجودة حولك، شجرة يخلعها ويطقك فيها، شاحنات يشيلها ويحذفك فيها، اي شي بجانبك، سيارات يتحكم فيها و بلدوزرات إلخ.
وغيرها اشياء الله اعلم فيها لاني انا توني ما خلصتها لكن قربت اعتقد.

- هل فيها مهمات جانبيه ولا مسار واحد فقط ؟

اللعبة linear مو sandbox
think uncharted/gears
لكن
فيه "العاب" جانبية، اللي هي تجميع coffee thermose تجميع manuscript تشغيل تلفزيونات او راديو بالطريق ومن هذي الامور. collecting يعني. وعليها اشيفمنت.

- كم اجمالي عدد الأسلحة باللعبة؟

همممم، شوزن نوعين، بندقية صيد، مسدس ريفولفر، flare gun قنابل فلاش و flares حتى التريكات اللي تستخدمها ثلاث انواع، عادي و heavy duty و لانتن ضخم. ويمكن في شي طاف علي بس هذا اللي اذكره.

- اخذت اللعبة تقييم شبه منخفض 7.0 في مجال طول اللعبة .. فهل هي قصيره لهذه الدرجة !؟

اشوف انه مدتها عادية، حالها حال باقي الالعاب. اللعبة مقسمة على 6 ابسودات، كل ابسود يتفاوت من ساعة الى ساعتين حسب لعبك واندماجك مع اللعبة او "حرفنتك" فيها. اذا ما اندمجت معاها، يمكن تطول معاك اكثر.

- نوعيتها تقطها بالدرج بعد ما تخلصها ولا فيه مجال تستكشف الأحداث؟

اللعبة مبنية على فكرة الـ DLCs حالياً Alan Wake is season 1 وراح تشوف انه اخراجها على طريقة المسلسلات previously on alan wake راح تشوفها بكثرة. و الـ DLCs مالوتها راح يكونون مستوى وشي رهيب. وينصح انك تاخذ النسخة الامريكية (حتى لو كانت ستندرد) لانه يكون معاها token مجاني على شان تنزل الـ DLC الاول The Signal اللي راح ينزل 27 يوليو. وراح يكون فيه DLCs ثانيين بعد. يعني اللعبة will stay alive for sometime.

[quote]- هل هي فعلا مرعبة مثل ما قيل عنها؟ [quote]
بالبيئة المناسبة، اقدر اقول انه اللعبة راح تأثر عليك وراح تنرفزك وتلعب باعصابك.

- احد عنده فكره سعر اللمتد اديشن بالكويت؟

بجيم سنتر، 30 دينار، امريكي. ممكن تحصله بـ 28 بعد المكاسر.

[Tetra]

- اللعبة اعداءها متكررين؟ يعني دايما يطلعي ابو فأس؟

of curs
فيه فرق يوم تشوف شينساو ماااااان زي اللي في رزدنت ايفل ابو المنشار
موجود ايضا في الان ويك وماسك كمان منشار
*************************************************************************************
فارس
ادا كثرت الاسئله راح تخرب عليك متعتها لانه الاجوبه تجيك سبوالر نوعا ما

[FARES360]

شكرا ^^" عالأجوبه فريندز

تيترا انا السبويلرات ما تأثر فيني لول.. xD

[Tetra]

هههههههههههههههههه
زي have fun ^^
**************************
شباب
بما انه اساسنز كريد 3 راح ينزل له بيتا قريبا
فمن الممكن البيتا ينزل عن طريق uplay
ok
يعني انا كسرت الشريط منين احصل البيتا

[Dante 4 Ever]

شباب

لعبة سبلنتر سيل نزلت في السعوديه كوبي؟ ولا لسى



ولعبة الان وايك نزلت في السعوديه ولا لسى



وشكرا مقدما

[AL- M a T a D o r]

كلها نزلت..

[theb0ss]

و اخيراً

[NiN RevO]

^^^^
مبروك اللعبه ^^

[Dante 4 Ever]

و اخيراً

الفففففففففففففففففففففففففففففففففففففف الف مبروووك ع اللعبه

انشاء الله قريبا بشتريها

[rubso]

و اخيراً

من وين حصلتها اخوي؟ المركز الكويتي دورتها عنده خالصه.

[rubso]

هههههههههههههههههه
زي have fun ^^
**************************
شباب
بما انه اساسنز كريد 3 راح ينزل له بيتا قريبا
فمن الممكن البيتا ينزل عن طريق uplay
ok
يعني انا كسرت الشريط منين احصل البيتا

اللعبة Brotherhood مو الجزء الثالث للتوضيح فقط.

[PremaFrost]

من وين حصلتها اخوي؟ المركز الكويتي دورتها عنده خالصه.

اي شي خالصه انا قايل حق احمد يخشلي وحده
وينك ياعبد الباسط والله راحت ايامك الحلوه

[Tetra]

اللعبة Brotherhood مو الجزء الثالث للتوضيح فقط.

i know i know ^^