Super Street Fighter IV

[AL999e3ry]

مسألة ان الواحد يخبي اشياء و ما يبا احد غيره يعرفها... هو اصلا لو حصل و واحد قال اي شي اول فكره اتيي في الراس( بلاه هذا قاعد يتفلسف)... دام ان التفكير سلبي من البدايه فماشي فايده

[Alucard.4.ever]

دام ان التفكير سلبي من البدايه فماشي فايده

ولاتنسون : ومنكم نتعلم

[UAE4HAMAD]

RogerM

مرحبا اخويه انا مش قصدي انه الواحد ينسخ حركات الثاني !! وكلامك صح بخصوص انه الواحد يتعلم من واحد ثاني عنده نفس الشخصيه بس انا كان قصدي بتبادل المنفعه انه الواحد اللي يعرف شو نقاط ضعف الشخصيه اللي يتعب منها مثل ريو c.mk والشغلات هذي مثل الميتي هيتس لكل سخصيه كيف ممكن تستغلها ضد الشخصيات الثانيه ... الخ

انا مب قصدي اني اتحامل على شخص معين بس اريد نكون اكثر وضوح واكثر ايجابية من ناحيه تبادل المعلومات ،،،

[Black_Berserker]

هلا روجر ومان

مثل ماقال حمد وألوكارد...القصد لو تعرف تقنية تعطيك أدفانتج مثل الكاراز والفريم تراب وتقليل الهيت بوكس وغيرها

وفي أشياء بسيطة...مثل أنا ألعب في فايبر وأستغل الكروس الي عندها ضد تشن لي...المفروض لاعب تشن لي يعرف إنه يقدر يقلل الهيت بوكس بال D+MK وانتوا أدرى بهالامور بال 4 ....وأنا لاعب فايبر كنت أعرف هالشي واللاعب الثاني مايعرف وراح تفرق وايد معاه لو عرفها لكني أخش هالمعلومه عنه...هذا الغلط...لنكن واقعيين...أخوك الي تغلبه هني باستغلال هالحركة ماراح تقدر تغلب واحد من أمريكي ملم بالماتش أب ويعرف يقلل الهيت بوكس ويشرد منها...ساعتها إنت وأخوك خسرانين...إنت خسران لأنك ماتعرف كيف تتعامل مع لاعب تشن لي ملم بهالأمور وصاحبك خسران لأنك ماخبرته بهالشي وماقدر يستغله لتطوير لعبه

أتمنى فهمتوا وجهة النظر...ألشغلة مالها خص بالمايند جيمز وغيره لكن في الأمور الثانية مثل كيف تشرد من هالحركة بهالشخصية وغيرها مب أقعد أستغل هالشي بشكل أعمى

وعشان مانروح بعيد أضرب لكم مثل من الثيرد

واحد يعمل سبام HK Hurricane kick وإنت تلعب ب كيو....بقولك إختار السوبر الثاني وعلى طول عطه ريفيرسال بعد الحركة وراح تصيده...هذا مثال....أنا ما أقول المايند جيمز وغيرهم لأنه هذا شي خاص بكل واحد لكن إذا إنت عندك علم بالإستراتيجيات ضد شخصيات معينة أو تعرف كيف تكسر حركة فليش ماتشاركها؟ بالأخير الكل بيستفيد

وعلى فكرة ترى أنا عرفت عن الهيت بوكس من فيديو حطاه روجر عن هالشي وإنك تقدر تستخدمها ضد فايبر حتى ^__^ وأتمنى إنه وجهة نظري وضحت ^__^

[Black_Berserker]

تان

خخخخخخخ حلوه هذي...شوف في أشياء مالها خص بالنسخ...فيه حركات وكومبز الكل يسويها لكن الأسلوب هو الي يختلف...قارن بين deshiken , Hirai, Rocco, Daigo الي يلعبون كين في ثيرد سترايك....بتحصل كل واحد له أسلوب أو شي هي يتميز فيه...ساعات ممكن تلخبط بس في أشياء مشتركة وفي الفارق في المايند جيمز والأسلوب لأنها تختلف من شخص لآخر

إنت شوف الفيديوز وهم مصدر مهم جدا للتعلم...لكن لما تجي تلعب خذ الأساسيات من كومبوز وإستراتيجيات وضيفلهم الأهم الي يميزك وهو المايند جيمز والميكس أبز

[RogerM]

انا ما قلت اني اعارضكم، لكن بلاك ثيرد سترايك وايد تختلف عن سف4، مافي اشياء جيم بلي مخفية او اشياء يمكن صعب تلاحظها ولازم واحد يدلّك عليها. لكن هالجملة مستفزة شوي:

للاسف عندنا الكميونتي اذا عرف شي تلقاه يخلي الشي لنفسه ومايقول لحد عشان يسيطر على اللعب بروحه

صدقني انا ادري ان فايبر شخصية تعتمد على الخدع اكثر شي، وقبل كنت وايد اراسل ناس العب معاهم يلعبون بشخصيات لكن ما يعرفون شي معين يتعّب فايبر مثلاً وانا ادلهم عليه .. لكن وقفت لان في ناس تعتبر اهانة ترسل هالاشياء. وارجع واقول ان نقطتي هي ان نادر ما تحصل ناس تلعب بنفس الشخصية في كوميونتي الامارات فصعب تشوف تبادل خبرات بشكل كبير، شي طبيعي اصلاً. لكن انّك تتهم الكوميونتي انه مغرور، او كل واحد في حاله هذا الشي الغلط لانك ما تقدر تقارن الاشياء في ثيرد سترايك بسف4. واحسن شي علشان تتعلم هو: 1- انك تتابع موقع شوريوكن لو لغتك الانجليزية زينة 2- تتابع مباريات لشخصيتك من ناس محترفة (سواء يابانيين او حتى امريكان، ترا حتى الامريكان مبدعين) وهني اقصد تتعلم بعض الاشياء الي ما كنت حاط بالك عليها قبل، وترا مب عيب تتعلم من اساليب ناس غيرك علشان تطور اسلوبك.

[AL999e3ry]

انا ما قلت اني اعارضكم، لكن بلاك ثيرد سترايك وايد تختلف عن سف4، مافي اشياء جيم بلي مخفية او اشياء يمكن صعب تلاحظها ولازم واحد يدلّك عليها. لكن هالجملة مستفزة شوي:


صدقني انا ادري ان فايبر شخصية تعتمد على الخدع اكثر شي، وقبل كنت وايد اراسل ناس العب معاهم يلعبون بشخصيات لكن ما يعرفون شي معين يتعّب فايبر مثلاً وانا ادلهم عليه .. لكن وقفت لان في ناس تعتبر اهانة ترسل هالاشياء. وارجع واقول ان نقطتي هي ان نادر ما تحصل ناس تلعب بنفس الشخصية في كوميونتي الامارات فصعب تشوف تبادل خبرات بشكل كبير، شي طبيعي اصلاً. لكن انّك تتهم الكوميونتي انه مغرور، او كل واحد في حاله هذا الشي الغلط لانك ما تقدر تقارن الاشياء في ثيرد سترايك بسف4. واحسن شي علشان تتعلم هو: 1- انك تتابع موقع شوريوكن لو لغتك الانجليزية زينة 2- تتابع مباريات لشخصيتك من ناس محترفة (سواء يابانيين او حتى امريكان، ترا حتى الامريكان مبدعين) وهني اقصد تتعلم بعض الاشياء الي ما كنت حاط بالك عليها قبل، وترا مب عيب تتعلم من اساليب ناس غيرك علشان تطور اسلوبك.

صدقت من هالناحيه... بس 1- اللغه الانجليزيه عندي تعبانه
2- اللي اكثر شي اسويه و ما عندي غيره... اساسا اطالع المباريات لأني استمتع يوم اشوف لعب المحترفين و القى عمري اتعلم بدون ما احس...


بلاك... شوف الثيرد ما تقدر تطبقها ابد في الفور... الميتي مش فعاله و الاوتو بلوك عامل عمايله+السيف جمب و مافي باري... الاشياء المؤثره في اللعبه الداش+L.P, L.K... عندك الزونينج و الفيكز موفز و الاوبتشن سيليكت+الماشينج... بعدين الـ buffering time في اللعبه يساعد اللعيبه في سهولة الكومبوز و النوبز في الماشينج لول... يعني الفور= ستريت فايتر 2 بس بجرافيكس احسن و اوبتشنز اكثر.. اذا بتلعب بشخصيه لازم اول شي اتسويه تعرف الماتش ابز الخاص بشخصيتك و تبدا تكتشف شوه اللي ينفع و اللي ما ينفع

باختصار... اسمها Street Fighter يعني No rules in the fight

[AL999e3ry]

مثلا انا كنت اتعب ويا البوكسر وايد بـ كين و توقعت ان مافي حل ابد.. بس كم مباراه شفتها في اليوتيوب قدرت احسن لعبي ويا هالماتش و اقتنعت ان لازم الواحد يستفيد من لعب الغير...

[UAE4HAMAD]

مشكلتنا انفسر الكلام عراحتنا ..... انا اقول شي والتفسير يكون شي ثاني وهذي على فكره مش اول مره تحصل
وانا عن نفسي ادخل الشوريوكن عشان الشخصيه واقرى .... وللعلم انا ابدا ماتكلمت وبينتلك انك انت او اني اقصد فايبر بشكل خاص

عالعموم المنتدى بيتم ميت لانه صدق كل ماتكلمنا بشي التفسير يكون بالعكس وتستوي الحساسيات !

[Black_Berserker]

روجر

على العين والراس إنهم يختلفون...لكن أنا ضربت مثال...طيب شغلة الهيت بوكس مالت تشن لي؟ والأوبشين سيليكت والكاونترز المختلفة....في ناس abuse بعض الحركات ويكررونها والشخص الثاني مسكين يحاول دون جدوى وبعضهم مب لذاك الزود في الإنجليزي فمايقدر يحصل حل...أنا أقدر ألاحظ إنه متوهق في هالشي وأقدر أساعده فشو المانع؟

وكلام حمد ترى قاله من حرقة في نفسه وما ألومه لكنه ماقال " أنا أقصدك إنت يا روجر" وحمد أعرف الريال ومسولف معاه وتيلسنا كذا مرة وأقولك مايقصدك....

خخخخخخ مادري ولاتزعل مني بس أحسك أول ماتقرا رد لحمد يرتفع عندك الضغط خوفي بينك وبينه سوء فهم بس لاتنسون في الأخير نحن إخوان والي يهمنا سواء ثيرد أو 4 المستوى في الإمارات والمستوى مابيتطور من مجهود شخصي فقط لازم تعاون وغيره وشوف بدايات الناس في أي لعبه وأحكم وحتى في اليابان...في البداية تراهم يتعاونون بعدين وقت البطولات كلام ثاني
+
الإعتماد الشخصي حلو وهالشي الي إتبعته لكن أنا إكتسبت خبرة وعندي معلومات تفيد لاعبين جدد وتساعدهم يطورون مستواهم فليش ما اشاركهم فيها؟ عندي معلومات عن الأوبشين سيليكت بحطها عندي فريم تراب بخبر الشباب عندي ستراتيجيات ضد شخصيات معينة وفريم داتا وأقدر أفيد....وصدقني في عدد لا بأس فيه إنجليزيتهم مش ولا بد ويعانون من هالشغلة ولو تقول كسل وتقصير منهم ف روجر إنت ماشاء الله شباب مب شراتنا خلاص الواحد أكثر وقته في الدوام ومايرد البيت إلا الساعه 5 العصر....عن نفسي مابقعد أخترع كومبوهات وأستكشف في لعبة فايت جديدة لأنه ماعندي وقت ....in the past I used to have this luxury but no more

تان

خخخخخ حلو كلامك

بس بكل صراحة مقارنة باليابانيين وين مكاننا نحن؟ أيوه وصلت

لما يكون الكوميونيتي محترف بكل ما للكلمة من معنى وإكتشف كومبو جديد أو حاجه محد إكتشفها من قبل وفيه بطولة قريبة وخاشنها للبطولة على العين والراس......لكن يستغل جهل الشخص الآخر فهذا أسلوب الضعاف....الحلو إنك تلعب مع واحد عنده نفس المعلومات الي عندك وكل الي يفرق اللعب...ساعتها تحس بالفوز

وصدقني روجر...الكلام مش موجه لك...ومانريد نقول فلان الفلاني بالتحديد وتشعلل لأنه الشباب ماشاء الله حق هالسوالف عادي ياخذون إجازات ويتفرغون يردون هني ونتمنى الكوميونيتي يفعل التعاون لأنه الإيد الوحده ماتصفق ...لما التعاون يكثر والكل يشارك فصدقني حتى الي يقعد يخش المعلومات وغيره راح يستحي على دمه إذا عنده دم ويشارك ويفوز أو يخسر على أساس مستواه ومستوىالخصم ^__^

خخخخخ ياخي المود مال شرشبيل ضرب عندي...روجر...ياخي خلك من شلة ال 4 كله ضرابات ومشاكل وإرجع للثيرد سترايك وأخليك تعيش مع شباب شعارهم "كول على طول" و no hard feelings (أمزح ماريد شباب ال4 يطبون علي) ^___^

[RogerM]

بلاك، لول ماتوقعت ناس تكون ردة فعلها جذي. هو صح نادر ما اسولف مع ناس لكن الي يعرفني يعرف اسلوبي بالكلام شوي، شوي جدي. طبعاً اي نقاش عن اي شي في الحياة مادخّل الامور الشخصية فيها فكيف اذا مع لعبة
. ولا انا مب معصّب ولا شي لكن هذي طريقتي فعلشان جذي تحس اني متحسس لكن لا تخاف، انا بس قاعد اتكلم عن رأي شفته وقريته وحبيت اعلق عليه، ومافي شي بيني وبين حمد او اي واحد ثاني. لكن لو قريت:

للاسف عندنا الكميونتي اذا عرف شي تلقاه يخلي الشي لنفسه ومايقول لحد عشان يسيطر على اللعب بروحه

في اي مكان، اكيد ردك له بيكون قوي، انا للامانة ما كنت افكر انه يستقصدني، لكن هالعبارة خطأ واي واحد بيقراها وما يعرف الكوميونتي بياخذ فكرة غلط شوي، فعلشان جذي رديت عليه و زودتها شوي لان في وايد ناس تفكر نفس التفكير. وماعتقد اصلاً اني زودتها في ردي او خليت الامور شخصية او غيره، لكن لكل شي رد يناسبه
ونقطة ثانية، انا ما قلت لا تتبادلون خبرات. انا بس قلت ان هالشي صعب في كوميونتي صغير وكل واحد بشخصيته، كلامك عن تشن لي ونقطة الهيت بوكس الخ..، انت شكلك تطوف نقطتي يوم قلت انك تحتاج واحد يلعب نفس الشخصية علشان تتبادل الخبرات معاه . في النهاية انا قلت " في طريقتين تتعلم فيهم، شوريوكن ويوتيوب " وما قلت هن الطريقتين الوحيدات في الدنيا

مب لازم اترس الرد سمايلات :d وغيره علشان ابين ان ردي مب شخصي، هو جدّي لكن مب شخصي ..

[Alucard.4.ever]

لووووووول ،،،

بلاك احب اقرى ردودك الصراحه اللي يعيبني فيك انك تاخذ الامور ببساطة وتحاول تحلها ببساطه بدون اي تعقيدات ومطاولات ,,

راح يستحي على دمه إذا عنده دم

ههههههههههههههههه


على العموم انا فهمت اللي اخوية حمد اللي يبى يوصل له وكذلك الاخ روجر ...

بخصوص تخبر ربعك ولا اللاعبين الثانين عن بعض الحركات أو كيفية التغلب على مشكلة معينية هذا ما يضر ، بالعكس هذا راح يزيد من قوة الكوميونيتي + المستوى ...

على بداية ايام ssf4 اتذكر ان الكثير من الاصدقاء اللي اعرفهم بدأو يلعبون الستريت فايتر اول مرة ، وبعد كم مباراة اونلاين معهم قرروا يعملون جلسات وقاموا يتصلون لي حتى احضر معهم ،،

وانا كنت اللاحظ لعبهم واعطيهم افكار او نصايح على الجيم بلاي الخاص فيهم وحل بعض الصعوبات ...حتى البعض يتصل لي ويسألني على السريع + كنت اعطيهم هارديسك مالي فيه بعض الفيديوهات عن اللعبة ..

وانا ايضاً على بداية sf4 كنت ما اعرف عن بعض الحركات ولكن الاخوان big boss و سانادا ماقصروا معاي ، وخاصة الكارا ثرو مالت كين اول ما تعلمتها كانت من عند big boss ...

والصراحه كان الكوميونيتي في العين قوي جداً كان في محل فيه اركيد sf4 وكل يوم خميس يعملوا بطولة والناس كثيره تحظر + المشاهدين ...

لكن أنا إكتسبت خبرة وعندي معلومات تفيد لاعبين جدد وتساعدهم يطورون مستواهم فليش ما اشاركهم فيها؟

100% اوافق

عن نفسي مابقعد أخترع كومبوهات وأستكشف في لعبة فايت جديدة لأنه ماعندي وقت

نفس الشي هنا ، ابعد عن عوار الراس وانتظر حتى الطبخة تجهز ، وبعدين ابدأ الأكل بالعافية ...

واحد يلعب نفس الشخصية علشان تتبادل الخبرات معاه . في النهاية انا قلت " في طريقتين تتعلم فيهم، شوريوكن ويوتيوب " وما قلت هن الطريقتين الوحيدات في الدنيا

كلام سليم ،،

بخصوص طريقة التعليم اعتقد ان الكل يحب يشوف الحركه قدامه تستوي حتى ياخذ الفكره صح ، بدل ما يضيع في القراية ...

ولكن البعض يحب يقرى ، وهذا بعد شي زين ، لكن الناس اجناس ...


لكن صدقني يوم ترسل روابط الفيديوز للاعضاء الثانيين ويتعلمون منها راح ينشرونها هنا وهناك لتعم المنفعه ...

واخوي فهد - روجر - السويدي - وبقية مناقشين ssf4 ماقصروا بوضع فيديوهات تعليمية واخرى فيها كومبوهات جديدة ..

هذا فقط للمصلحه العامه ...


----------------------

اللغه الانجليزيه عندي تعبانه

هههه انا اشك الصراحه ، خوفي تطلع معلم انجليزي من ورانا

باختصار... اسمها Street Fighter يعني No rules in the fight

خير الكلام ماقل ودل ،

ذكرتني بايام الابتدائية ضرابات في الشوارع لووول .


اتمنى ان يكون النقاش مشتعل وفي حركه في الموضوع ...ولكن مع مراعاه الحدود

[Black_Berserker]

طيب حصل خير ودام إنه الموضوع جذا خلاص خلونا نركز على الأهم
حمد لاحياة مع اليأس ولا يأس مع الحياة...عشان جذا لازم تقاتل من أجل المستقبل وتحول لثيرد سترايك !!! وينه السويدي الله يذكره بالخير سبحان الله كل بين فترة وفترة طلع بوكيمون جديد ونازل فيه نصايح وتدريب وتشجيع من خاطر وبعد فترة تحصله جونقر خخخخخخخ

طيب كخلاصة ياشباب...حصلتوا شي interesting في اليوتيوب أو من بحثكم في شوريوكين حطوه وشاركوا الشباب بالمعلومه ولاتقصرون ولما نوصل كوميونيتي محترف وعلى كيف كيفك ساعتها لكل مجتهد نصيب ووقت البطولات يطلع التنافس صح وكل واحد ومفاجآته

ألوكارد

بعد ماتعقدت في المعهد وشغل أتم مناوب هناك أخلص البلاوي الي كانت علي والفلسلفه الي شفتها من أناس الله لايبليك فيهم طبعا الحل دايما يكون simple and clear خخخخخخخخ
و أتمنى الشباب مثل مهوج يرجعون للموضوع ويفيدونا بنقاشاتهم وإضافاتهم

تان

إنت صدقني بتتعلم إنجليزي لكن شوف حل لمرض النوم الي إنت مصاب فيه....سمعت إنك في الشتاء عندك بيات شتوي فمستغرب إني أشوفك ترد هالأيام هني!!

[Black_Berserker]

شباب سؤال عالطاير....فرضا مباراة بين تشن لي وريو...والمكان مب في الزاوية في منتصف الشاشة تقريبا أو أي مكان بعيد عن الزاوية...وكالعاده jump hk من ريو وأنا أصد وبعدها كمل d+mp , D+mp, باستخدام ال plinking وطبعا يقدر يكمل بكذا شغله وراها...لنفترض إنه عندي ألترا 2 ومتوقع يسوي هالشي....لو بعد ال mp الأولى أو الثانية سويت فوكس+ باك داش ووراها الألترا على طول....بتصيده ولا؟ لاتقولولي أجرب ترى السوني 3 الله أعلم وين مختفي هالفترة!!

[RogerM]

^ تنفع (لو سويت فوكس للـ cr.mp الاولى طبعاً )، لكن ماتوقع احسن حل صراحة، غير المخاطرة الكبيرة اغلب الي يعرفون يلعبون بريو يضبطونها بحيث انه يشوف اذا الاولى ضديتها او ضربتك او سويت لها باك داش فيتوقعها او يكون جاهز لها. احسن حل فوكس باك داش بعدين cr.hk