اسأل وورط اللي بعدك (خلينا اندردش شوي)

[alucardracula]

أحب A لأنها أول حرف من Alucard يعني أكثر شي آخذها هي..
..
..
..
اذا طلعت مع أصدقائك,كم تقضّي من وقت معاهم؟

[MeMe CHaaN]

والله يعتمد على الأهل و مووودهم...
إذا أوكي عادي من الظهر لين اليل... إذا مش أوكي الموود شوي بس..
لووول..

سؤالي:
أوكي يوم تطلع مع أصدقاءك.. وين تحب تروح؟؟؟

[Touya]

.... همم المشكلة الحسا مافيها محلات كثير للشباب بقعدون.. اللهم شوية مقاهي
ومطعم كودو... دايم اتعشى فيه مع ربعي:6

هممم

وبعد امم نسيت فيه محل لقيته... قلت لعمري هذا خير يتحمع يفه شباب بس نسيت @@

مو مهم

في محلات ثانية بس مو فاتحة في الليل مثل المتنزهات:6

همم وساعات بس فراره في الشوارع:6


اهلك ينسون يقولون لك العشا ولا الغدا ساعات؟ (انا دايم:" )

[هـداف]

اهلك ينسون يقولون لك العشا ولا الغدا ساعات؟ (انا دايم )

أحيانا...وأحيانا يعورن راسي من كثر ماينادون.....يطرشون لي ألف واحد:غضب:

________

اذا حسيت ان صديقك بدأ يحذف عليك صواريخ (يخرّط) شنو تسوي ؟

[Touya]

أمشي...

ماعندي مانع مادام ادري انه يطلق صواريخ..

خله يستانس:6

وش آخر مطعم رحت له؟:0)

[هـداف]

آخر مطعم.........همممم...توني أمس لما طلعت من المدرسه رحنا انا وخالي والعقرب لمطعم توه يديد اسمه ( مطعم البخاري).....ياسلام على أكلهم:6

(تويا شكلك يوعان...اسئلتك عن الأكل )

المهم
________

س: هل حلمت مرة عن أعضاء المنتدى ؟؟؟وشنو الحلم اذا كنت حلمت^^؟

[sakura wakky]

شلونكم شخباركم يا أعضاء المنتدى الطيبين



حبيت أشارك بالموضوع بعد فترة طويلة ( تدرون مواضيع المنتدى وايد ما شاالله )

المهم بالنسبة لسؤالك أخوي شاعر


أنا حلمت بالصدفة بشخص ما أكلمه و لا كلمني بس ما أدري ليش حلمت فيه





العضو تويا ...... و لا تسألني عن الحلم شنو كان

هذي لأسرار شخصية :6


سؤالي هو أنت شنو قاعد تسوي الحين ؟؟؟؟

[Touya]

o_O

انا؟؟:!

عسى ماكان الحلم يخوف؟؟?:

همم

أما انا ماحلمت بشي مؤخراً

بس لاحلمت جبت العيد.... أحلام غريبة عجيبة... ولا افلام الكوميدي المجنونة @@

مو مهم


اللحين أنا قاعد اسوي سي دي لواحد من الأعضاء... وقاعد اشخبط على الفتوش... وشاعر يرسل لي من الليوم بس مجطل خخخخخخ:0)

يالله كل واحد يتكلم عن حلم مرة حلمه.. وبراحته يختاره..

أنا مره حلمت ان نبيل شغيل ومريم الغضبان متزوجين وساكنين في بيتنا @@
وزياده على كذا كانت فيه مخلوقات فضائية في الحلم... هذا غيض من فيض من احلام النفس... عاد شلون الأحلام اللي تبكي (للحين ماقلت لولا شخص واحد عن احلامي اللي تبكي لنها شر.. وماأبغى توقع) :#

[هـداف]

اذا صرنا نتكلم عن الأحلام عيل...بقولكم.....في أحلام تخوف..في أحلام تكون انت البطل فيها...وفي أحلام فيها تكون بطل بس بالموت(تفدى واحد بحياتك)...وفي أحلام عن الجن والشياطين(نياهاهاه) وفي أحلام ميكس

بقولكم حلم عن الكبتن ماجد

مادري مااذكر عدل....لكن مره كنت في نص الجبل....وفجأة لقيت اهناك جيه يلعبون..وليد وماجد ووو.....لالا.......مب شي الحلم,,,مااذكره عدل

حلم آخر....همممم.....بقولكم حلم عن الشيطان بس يضحك لاتخافون..........في مره شفت جني يركض من تحت لين فوق( من الدرج).........وانا لما شفته لحقته وأركض وراه ماهده...واركض واركض....وهو خايف ....لين ماوصلت نهاية الدرج وحصلته متلفف على نفسه بشكل حلزوني ولما شفته جيه قمت من الحلم

كان خاطري أمسكه وأكسرة لين مايقول بس:6

[Bu Laban]

الرسالة الأصلية كتبت بواسطة Touya
.... همم المشكلة الحسا مافيها محلات كثير للشباب بقعدون.. اللهم شوية مقاهي
ومطعم كودو... دايم اتعشى فيه مع ربعي:6

من هالناحية أنت ذالنا ...

وين سؤالك يا شاعر ؟
إذا كذا بجاوب على سؤال الأحلام هذا ( ألحين تويا بيفتح عينه زين )

هذا حلم حلمته و الشخصيات اللي فيها بعضهم ما توقعتهم !!
حلمت مرة أني دخلت لبيت واحد من الشباب (مادري من وين جا!!) و شفت أخته و جلست معنا (طبعا الوضع في الحلم يدل على أن الجو عادي و البنت أول مرة أشوفها) المهم انعجبت في البنت و قلت لنفسي ان البنت صغيرة فبخطبها إذا خلصت من الجامعه ... و صرحت بهالكلام لصديقي ... عموما سمعت خبر أن في واحد خطبها و أهلها وافقوا بس لين ألحين ما شافوا راي البنت ... أنا طبعا زعلت :غضب: و رحت قابلت صديقي و ركبنا شي يشبه المترو بس على غمارتين (غمارة السواق و غمارة الركاب) كانت تابعة لبيت صديقي (مادري من وين جات?: ) و السواق كان صعيدي
المهم تناقشت وياه حول الموضوع و فجأة نشوف السواق قاعد يضحك و يفصل الغمارة اللي كنا فيها و ينحاش (بدأ الأكشن :6 ) المهم نفز أنا و صديقي و قلنا نشوف وين هج هال ...... المهم .. يوم وصلنا بيتهم شفنا شلة صعايدة قاعدين يبوقون بيت صديقي و من هنا قمت أنا ويا صديقي لا شعوريا و باغتناهم فرحت أنا هجمت على صعيدين و زي اللي استلمتهم طق و ترفس و تشوت (في الحلم صاير قوي ، بس فللللة ) المهم ويجي واحد جايب بندقية و كان بيجيبها على راسي و أوخر عن الرصاصة اللي أطلقها (إخص يالماتريكس :0) ) و أنقز و أخذ البندقية و أجيب بكعبها على راسه و بعد اللي صار خويي يزقع ( حتى هو استلم كم واحد ... صاير قوي :0) ) الحق على ذاك الصعيدي خطف أختي :غضب: ... أنا بس سمعت الكلمة الا أشوف الصعيدي و هو ماسك حبيبتي (في الحلم ) و أسوي زووم (صرنا زي ميتل قير ) و أرمي البندقية على راسه و يطيح مغشي عليه .. بعد هذا كله دخلوا أهله و شافوا اللي صار جا صديقي و قاللي : هذي فرصتك أطلب يدها من أهلي ألحين !! المهم جيت كلمت البنت و طلبت منها الزواج فوافقت .. ما شفت نفسي الا أني نقزت نقزة الحصول على شخصية من شخصيات سايكودن 2

[Touya]

?:

ههه تذكرت حلمك بالضبط اللحين؟؟

بس ودي لو أشوف تكمله للحلم ذاك مالك اللي في حمام السونا حهههههههه

ذاك حلم فله... يالله حطه حطه:6

[Bu Laban]

الله يقطع بليسك :0)
أنا ما حبيت أنزل الحلم ذاك ... أنت تعرف ليه
بس اللي يبغى يعرف ذاك الحلم بقوله في الخاص

[y0y0 cHaaN]

ههههه ,, غريب حلمك sha3er و يحليلة الجني هههههههههههو وفي النهاية ما مسكتة ...

طلعت يا بولبن مغرم ...;-) ..

المهم أنــا الحين بقولكم عن حلمي .... هو حلم غريب وااااااايد ..

" ........ "

في البداية كان الوقت في الليل و هانا سان كانت عندي في البيت.. وفجأة يت الشرطة :واو: ... تدروون ليش ؟!! يت عشاان تمسك هانا سان لانها اتاجر بسي دياات الانمي " الحقيقية انها هي المصدر الاساسي للانمي في الجامعة :6 " ... المهم وأنا بعدين شرديتهاا من النافذة الي في الخلف .... وخدعت الشرطة .... وتم المحافظة على حياة هانا سان ...........

حلو غريب صح .....

[هـداف]

بو لبن حلمك كله أكشن:6

واعذرني على عدم كتابة السؤال....قلت نتكلم عن الحلام

وهاي سؤال:

س: ماهو الحلم الذي كنت بطلا فيه؟؟

(ماطلعت من اطار الأحلام )

[Bu Laban]

الرسالة الأصلية كتبت بواسطة y0y0 cHaaN
طلعت يا بولبن مغرم ...;-) ..

و الله هذا الحلم أنا ما في بيدي شي .... بس الحلم اللي قال عنه تويا بعيد عن الغرام ... و جواب سؤالك يا شاعر هو الحلم اللي تويا يبني أقوله :0)