اسأل وورط اللي بعدك (خلينا اندردش شوي)

[sakura wakky]

أنا تدرون شنو أحلى حلم حلمته























سما سودة ونجوم بــــــــــــــــــــــــــــــــــــس


لووووووووووووووووووول ( هذي أحلام أبوي بس أنا بقتها منه ) لووووووووووووووووووووول


بس صج أحلى حلم ناسية عن شنو كان بس أغلب أحلامي غبية و عصر تكنولوجيا يعني من هذا الحجي

[هـداف]

بولبن.....اكتبه يله...كلنا اخوان عادي، لا احراج ولا انحراج

[Bu Laban]

انزين .. أمري لله و ما نكسر بخاطرك .. بس خايف أنك بتتحطم لما تقرا فلا تتوقع أن الحلم مثير كثير

جو الحلم: في حمامات البخار ( في خاطري يمكن ذاك اليوم )

الشخصيات: من الجامعة و مدرس درسني أيام ما كنت ماخذ دورة في الغرفة التجارية (المدرس هذا بالذات مادري ليش دخل .. بس وجوده في الحلم ضحكني )

الحلم و ما فيه أني شفت نفسي داخل حمامات البخار مع طلاب الجامعة اللي ما أشوفهم الا نادرا ... و كان في قسم ثاني للحريم و كان مكشوف علينا هناك (لا تسيؤوا الظن ) و هم قاعدين يطلطلون علينا (stare on us) المهم الا بواحد دخل ( و هالواحد تعرفت عليه لما طلب مني أوصله مكان في الجامعة بس!! ?: ) و شكله كان في غاية الغضب و مسك وحدة من ذولي الحريم و كان بيكرهم بسكين كان شايلها .. أن قمت أبغى أهدي الوضع و جيت بكلمه (طبعا الكل خايف يقترب منه بس مادري ليش أنا قمت ) المهم قام يقوللي : أنت ما لك دخل ... يعني تبي تمن علي بتوصيلك لي !! .. أنا هنا فورت :غضب: جيت بمسك السكينة الا ما جفت الا السكينة تغرز في ذراعي (حسيت بألم رهيب ذاك الوقت) و ما أشوف وقتها الا أن المدرس اللي قلتلكم عنه اشوفه مسك فيه و قاعد يقرا في إذنه و يقوله :إركد .. إركد ..(المدرس ما شفته من البداية فما أدري من وين طلع ... هذا اللي ضحكني ) بصوت مخيف .. أنا استغليت الوضع و رفست يده اللي فيها السكينة و مسكت يدينه و حطيتهم ورا ظهره و طبيت بجسمي عليه و طرحتا في الأرض .. من هنا ما شفت الا العالم طبوا علي عشان برضوا يمسكونه ... عاد اختنقت و ما شفت نفسي الا قمت من النوم !!!! ..:"

الحلم هذا أبي أكمله و أشوف التكملة :"

المهم .. في أحلام جديدة

[sakura wakky]

تصدق أول مرة أدري أن مو بس أنا أحلامي مخربطة



يضحك الحلم

و أنت بالحلم يعني البطل ;-)

[Bu Laban]

نسيت أجاوب على سؤال من شفت من الأعضاء .. طبعا غير اللي أعرفهم حلمت ب Space Cowboy ... ما حلمت فيه الا بعد ما قريت أول أجزاء ون بيس

المهم كملوا الأحلام :6

[mirage]

حلوة سالفة الاحلام
احلامي غالبا عبيطة مالها معنى..

بالنسبة للاعضاء :
مرة حلمت ان انا والاوسي تي كنا في مزرعة خيول..كان المنظر حلو .. اللي راكبة حصان واللي قاعدة على السور اتأكل الخيل..واللي اتمشى بين الورود ويا رفيجتها (هاي انا وروري )..وبعدين يات خلود ورحنا وياها السينما..وهناك شفنا رواية وشاهين..وبس بعدين تغير الحلم مااذكر شصار

بالنسبة لحلم كنت انا البطلة:
حلمت اني كنت العب لعبة فاينل فانتسي 8 وفي اللعبة طلع وحش فكنت خايفة على سكول ما كنت ابيه يموت.. قمت ودخلت داخل اللعبة وقعدت اقاتل وبعدين جاه الوحش يبي يقتلني ..فوقف سكول بيني وبينه وانقطع راسه وفي نفس الوقت قتل الوحش..المهم كملت اللعبة وسكول معاي يقاتل بدون راس..وانتقلنا من مرحلة لمرحلة وهو بدون راس لين اخر اللعبة انتصرنا فطلعت من التلفزيون:6

ياللا كملوا احلامكم..

[DeeK MantooF]

ممممممممممممممممم



ما ادري من يوم ما شفت السؤال وانا ابي افتكر حلم


وافتكرت ايام ما كنت صغير

كنت مهووس بالرجل الحديدي وغرندايزر اوكي

وكنت احلم اني كذا أكون في البيت واسمع ضجة واحس بهزات فأروح الشباك اطل والاقي الرجل الحديدي ويا اي وحش ديناصوري قاعدين يتضاربون في الشارع قدام بيتنا ... وانا اجلس اتفرج


الحلم هذا كان يتكرر كثير معاي في تلك الفترة


نفس السؤال

[Ranma Saotome]

هالو
مممممممم حاولت اتذكر احلام عدله لكن ماقدرت.. مع ان احلامي عجيبه بس صاير نسّااااااي

بس اتذكر هالحلمين المرعبين..
لالا نخليهم 3

1- هالحلم تكرر اكثر من مره هههههه... أن اكون في البيت.. مره وحده يبدا زحف جيش ضخم من الزهيوية (الصراصير) شحلاتهم ويترسون البيت كله لدرجة ان مافي مكان نوقف فيه.. ونبدا احنا البشر نتعلق على الطوف وكل مره انا اطيح عليهم وهنيه اقوم من الخرعه :!.

2- مره حلمت ان كنا نلعب كرة في الحوش.. الا نشوف جوراسيك بارك انتقلت فريجنا.. ويبدا يلاحقنا الدينصور الكبير اللي يخرع مادري شسمه ويخلي الجميع ويلحقني أنا.. لين يحشرني في زاوية.. واشوف ويهه يقرب بسرعه و هممممم ياكل راسي وهنيه اقوم من الخوف.. ذاك اليوم صج صج تخرعت..

الحلم الثالث... ان في وحش صجصج يخرع.. هجم على بيتنا وربطنا كلنا وبالدور يبي ياكلنا لكن ماقدر يمسك اخوي الصغير (ذاك الوقت عمره 4 سنوات).. المهم طبعا يلاحق الوحش اخوي الصغير لكن مايقدر يمسكه.. لين اخوي يسوي خطه ويقص على الوحش somehow و.. كعععععع يذبحه..... يذبحه بوحشية تخرع صراحه، لكن ماقمت من النوع متخرع، قمت مستانس

مادري اسأل نفس السؤال ولا لأ....
ممممم..

شنو اكثر حيوان تخاف منه؟ او حشرة؟

[alucardracula]

شارون:! هذا الحيوان شكله يلوّع بالجبد!
حشرة؟!المشكلة أن بوش قرد! بس في الواقع هو حشرة قدّام الحيوان الأكبر شارون!!
..
..
..
شنو أكثر موقف مُضحك صار لك في أيام دراستك في المدرسة؟

[L.B]

ياما مواقف بس مو قادرة اذكر غير هاد
في حرب الخليج الثانية
كانت المعلمة عم تشرح وفجأة دخلت حمامة من الشباك :واو: طبعا انا كنت ورغم اني شبه غفيانه اول من علق لاني الاقرب الى النافذة : يي !! حمامة .. فوجئت واذ بالصف كله يندفع خارجا وعلى راسهم المعلمة .. وبعضهم من رعبتهم زاحوا الدروج معاهم .. وانا الوحيدة يلي بقيت
افتكروها قذيفة محولة علينا بالخطأ .. !!




نفس السؤال السابق

[Ranma Saotome]

اخباااااااارك الوكااااارد :" long time no shismah

مممم موقف مضحك.. ماقدر اتذكر عدل الحين..
بس..
اذكر مرة لما كنت في صف ثالث اعدادي (متوسط) كنا محرومين من حصة التربية الرياضية، عاد اقترحنا ان نروح نكلم المدير عشان يسامحنا هالمرة (كنا مشاغبييين).. المهم انا ورفيجي طلعنا من الكلاس الا المدير من الطابق الثاني يشوفنا ويقول (استنوا ماتتحركوش) لوووووووووووووووول ااااااااخ على أيامك يا طه النمر ويييينك عيسوز تذكر النمر.. المهم لما يانا.. قالنا ليش طالعين.. قلنا لأن.. ماخلانا نكمل كلامنا قالنا افتحوا يدكم.. شط-شط خيزرانتين عاليمين وثنتين عاليسار.. دخلنا الكلاس الكلللللللل ميت علينا من الضحك.. كلما اتذكر الموقف اضحك على أيام زمان

و موقف ثاني ايام اخر سنة في الثانوي.. كان عيسوز يبي الفوتوشوب من مدرس الحاسوب.. قاله: استاذ عندك برنامج الفوتوشوب، لوووول عاد عيسوز قالها بتضخيم غريب.. الاستاذ قال له: "فوتوشوب" بنفس درجة التضخيم.. انا هنييييه متتتتتتتتتت سكرررررت صحححححت من الضحك بغى يغمى عليه.. طلعها المدرس بطريقة صج قطّع فيها عيسوز لووووووووووول والله اذكر قمت ادعم الطوف يمين ويسار وانا اضحك..

نفس السؤال..

[هـداف]

الله يرجكم على هذي المواقف ...هاهاهاهاه....بنفجر من الدحك

هممممممممممممم...خلوني أتذكر شي

ايه..تذكرت


يمكن مايكون أضحك موقف لكن هاي الي ذكرته....قبل أقل من شهر تقريبا.....كنا طالعين من المدرسه وواقفين ننتظر السواق....واحنا قاعديم مرت سيارة هاهاهاه....وقفت قدامنا (السيارة مخفية)إلا واحد فتح الدريشه اشوي وطلع يده بس ويسلم علي أو على أخوي العقرب....أنا كنت أسئل أخوي العقرب مين هاي ؟؟؟ بس كان اخوي يضحك وجنه شايفه...لما سئلت اخوي ليش تضحك يقول وهو يضحك...: إنت اضحك بس .......يابها بطريقه تموت من الضحك

نفس السؤآل

[Bu Laban]

من المواقف اللي تضحك الموقف هذا (تويا كان ويياي وقتها)
مرة كنت ماسك الخط أنا و تويا مع واحد من الشباب ... وفي أمان الله صار قدامنا تفتيش .. كنت داعس شوي و يوم حيت أخفف الا بجيب ليكزس حذف يسار و كان بيشيلني أنا و الشباب .. طبعا ما كان في حل الا أني أدخل على التراب و ريحة الكفرات طالعة .. لا و كنت بدخل على فورد كان قدامي :غضب:
المهم .. و جيت أنا كنت معصب حدي لدرجة أن اللي وياي كانوا ساكتين ما يقدرون يقولون شي...
ألحين تقولون وش اللي يضحك في الموضوع .. اللي يضحك بعد ما كنت معصب فجأة ضحكت على أشكال الشباب بشكل هستيري حتى أنهم استغربوا من الضحك هذا و لاقدروا يقاومون الضحك هذا فضحكوا :0)

هذي الموقف صار من قريب فعشان كذا ذكرته

نفس السؤال :6

[Touya]

لاتنسى انك قابلت الجيب مرة ثانية بعد ثلاث ايام ^^

[Zelly-San]

السلااااااااام


موقف مضحك؟؟؟

امس وأنا في المدرسة... وقت الصلاة كنت قاعد مع حالي... ظهري على العمود... أنتظر الصلاة تقام...
ويوم اقيمت الصلاة كنت توني أقوم إلا وأكتشف أن فيه واحد كان رابط شماغي حول العمود:! :! وأنا حتى ما أعرفه:غضب:

عصبت كثير وبغيت أسب كل الموجودين :غضب: بس الحمد لله مسكت لساني ولا قلت شي... كان إحراج ما بعده إحراج على طول السنوات اللي مرت عليها المدرسة هذي:"
و أنا لسة قاعد أدور على هذا ال**** اللي ربك شماغي:غضب:

نفس السؤال