قهوة WoW .. :P

[The Slim Shady]

أقـول بس وين مراقبكم الجديد
ابي اشوف خشته :P

[kagoor]

باااك سريع


هلا وغلا فيك حبيب قلبي

شف انا ما راح اغير وجهة نظرك لكن بناقشك بالعقل وبالمنطق اوكي
وانا اعرف ان كل واحد ومايحب

شف المقارنه بالاساس والتحدي كان بين الشخصيتين ( لوفي - ناروتو ) وانا قلت بلساني ساسكي افضل منه بالكاريزما وكل شي وحتى الاكشن من ناروتو
ثانيا
شف الي حاط عليها انا بالخط الاحمر فوق بكلامك

ما بمدح نفسي لكن اسال الي شافوا كامل الانيميين الاثنين ون بيس وناروتو مثلي
واسالهم عن رايهم لوفي ولا ناروتو حتى تلقا الي يفضلون ناروتو بالاساس يحبون ساسكي او ايتاشي

انت ماكملت القصه اولاً صعب تحكم
ثالثا

تبينا نتعمق انا وانت بالقصه ؟؟ واقولك ان القصص تتكررر وكل معلم يعلم ولد الثاني وكل ولد من هذول يعلم ولد الاخير ؟

ومن ضمن الخطوط الي حطيتها انا انت تقول انه لما تدخل بالقصه يكون حلوه ,,, اتفق معاك فيها وانا قلتها معليش ذكرني من حلقة 100 الى حلقة 230 بناروتو وش كانت القصه عنه (:
وكمان كما قلت لك 10 حلقات ممتعه ومن ضمن القصه و 100 برااا وتافهه للأسف وانت اعترفت فيها بلسانك لما قلت لما تبدا القصه

اسال الي تابعو ون بيس كامل ,, بقصته بغير قصته مدهش وحماس

مافي تكرار كثير ,,, مثل ماحصل بناروتو

ناروتو لما يسوي الاكشن الفايت كم يجلس يضارب مثلا ؟ حلقتين ؟؟؟ مثل الكابتن ماجد حلقتين معلق بالجو يفكر بالمستقبل والماضي

ناروتو يجلس يكرر نفس الجمل نفس الكلام ونفس الفيلم الهندي

للأمانه مافي اكشن الا لمن تشوف ( لي - ساسكي - ايتاشي - الهوكاجي بكل الارقام - بين - جيرايا ... ) اخرهم ناروتو حتى تن تن لها اكشن احسن من ناروتو هههههههههههه

لكن تعال شوف الفايتات حقت ون بيس

شوف مثلا لوفي ضد الـ سي بي ناين - لووفي ضد يووسوب <<< اسطوووري هالقتال
لوفي ضد سيد السماء ,,, لووفي ضد موريا ,, شوف لوفي لما راح ينقذ اخوه من الموت بصراحة من اقوى مشاهد الانيمي الي تأثرت بها

انت ذكرت اسماء بمسلسل ناروتو وانا بقولك اسماء كمان بون بيس

اللحية البيضاء
اللحية السوداء
ميهووك عين الصقر
الشيشبوكاي كلهم وخصوصا كروكدايل


ناروتو قصته بعد فيها خيال

اجل استدعاء ويدخل ببطن ضفدع ؟؟؟ ويستدعون ثعابين كبار وحلزوونات وغيرها
وكل الاستدعاءات والحيوانات تتكلم عادي معهم وتسولف (:

قصة ناروتو مكشوفه لحد الان وواضح معالمها رغم ان الاحداث قليلة بالنسبه لون بيس
ولاتجادلني فيها ناروتو الحلقات الفعليه للقصه ماتتعدى 200 حلقة من ضمن جميع حلقات ناروتو
اما ون بيس الفيلررز قليل جداااااا وان جا فلرر ممتع وتلقاه 3 حلقات بس مو 130 حلقة فلر هههههههههههههه

عموما

اشياء كثير مابحب اذكرها او اناقش فيها كثير لكن لعلمك اني شفت ناروتو حلقة حلقة وشفت ون بيس حلقة حلقة
واعرف الفرق والزين والشين فيها

انصحك شوف المسلسل كامل ولاتترك حلقة وراح تقرر

اووف كتبت كثير صح هههههههههههه

عموما انجووي
وترا ما بقولك لا هذا احسن او لا هذاك كلها قناعات لكن !!! لاتحكم الا وانت شايفه كامل يالغلا
بييييييسسس برووو (:

قـيررر سكند
بيستوووووووووللللل

0

لافض فوك
كلام روعه وانا اتفق معك بكل كلمه قلتها
يعني مع احترامي لعشاق ناروتو لكن ما فيه مقارنه ينه وبين ون بيس
ون بيس كل حلقه متعه كل حلقه اثاره تشويق لا نهائي
اما ناروتو كلها اعاده لنفس الفكره ناروتو يتعرف على شخص مكروه زيه اول
ويحاول يقنعه ان الحياة حلوه

[Karazhan]

warchif

انت مجنون او صاحي ؟؟

مالك شغل فيهم هذوله مراقبين بينهم وبين بعض

لاتدخل بينهم

انت مره جبت طاري جيلد وور 2 وجاك انذار توقيف 25 سنه

مالك شغل خلهم يدخلون على قسمنا الانمي والهوايات و الترفيهي واحنا غصب علينا نطالع ونسكت

مانقدر نقول لا تدخل بمواضيع مالها شغل عشان ما نصكك توقيف , ان قلناها امسحوا مشاركتنا وصكونا توقيف

خلك بعيد لا تقعد تجادلهم عشان مايعصبون ويحطون حرتهم فيك

[Yoshi]

استغرب عندما يقول لي فلوتا وغيرهـ من الشباب Fight Pain only

هل نسيتوا إختبار التشونين والفايتات الأليمه اللى صارت مثل روكـ لي + جارا يطلق عليه اسطوووووووووووورهـ !!

نسينا الفايت حق الهوكاجي الثالث مع اوريتشيمارو ؟



نسينأإأ الفايت حق اوريتشيمارو مع إيتاشي ؟



ساسكي + قارا



واطلق فايت بعد شي فوق الخياأإأإل

ساسكي + ديدرا



وغيرها الكثير وتقولون ناروتو مافيه الا Pain بس ؟؟؟ هل هذا يعقل
سحقاأإ لـ ون بيسس

[Cry Me A River]

فهد الله يصلحنا وياك

انا ما اجبرك تحبه انت ناوي تشوفه كامل ( ون بيس ) شوفه كامل واحكم وتعال هنا بنفس الموضوع وعطني رايك بصراحة


انا اتفق معاك الفايتات كلها خطيره ورائعة

لكن كلها على بعض كم حلقة ؟؟؟ من مجموع حلقات ناروتو كلها وش الاكشن كم كميته ؟؟

معليش اوضح اكثر كم مره يكرر ناروتو سالفة انه كان مكروه وصار بطل وكل واحد يقابله نفس مشكلته ؟؟؟

هذي شغله الشغله الثانيه ياجماعة يالي تحبون ناروتو

الحين لو اسوي تصويت وش افضل شخصيه بناروتو بين كل الشخصيات وش بيكون الاكثر ؟؟؟

صدقوني مريت منتديات انيمي كثير مابي اعددها ومريت مواضيع كثير للتصويت واجنبيه

ساسكي اكتسح ناروتو حتى كاكاشي وايتاشي تفوقو عليه بالاصوات في اكثر الترشيحات

عموما لاحد يطالبني بالمصدر لكلامي الي بيطلبني يعابط اناا انسان اقول بمسلسل ناروتو نفسه ,, لو مافي ساسكي وايتاشي واوريتشيمارو وبين وجيريا وقارا وكم اسم كان المسلسل سامج يكرر نفسه مليون مره

عموما

مسلسل ناروتو قوي فعلا وله حلقاته المثيره خصوصا بين وناروتو ,, لكن بوسط الفايت وش كان يقول ناروتو لبين ؟؟ مو نفسه الي قاله لــ قارا ؟؟ مو نفسه الي كل حلقتين يقوله ؟؟ معليش مو نفسه هو هو نفس الفيلم الهندي بحلقات الفلر كمان ؟؟؟

مابي ازعل محبين المسلسل لكن والله انا اوقف متابعه لمن يجي فلر ولمن يقولون لي رجعو للقصه ارجع اتفرجه
واحيانا اقدم المشهد حق الكأبه الي كان فيها واتفرج على الننجيتسو والاشياءات الاخرى (:


عموماً

النقاش مفتوح للجميع والرأي مفتوح للجميع انا هذا رأيي مو ضروري يعجب الكل
لكن الكلام الصحيح الي هو ان ناروتو نفسه مو افضل شخصيه من شخصيات المسلسل مثل القائمة الي ذكرتها فوق وما انسى لي كمان لاني معجب جدا بهالشخصيه ابو حواجب


فهد مابجاريك واجيب لك فايتات لون بيس لانها مليانه والضحك راح تدمع عيونك من الضحك
انت شوف المسلسل ولاتحكم الا لمن توصل لحلقة بكرة الاحد وتتفرجها معانا

وسلااام

(:

0

[Karazhan]

حاطيلي مجموعه اطفال وتتكلمون عن الفايت منو اقوى

والله لو يجيهم جوتارو ليصطرهم كلهم

هذا الفايت مو البزران اللي تتكلمون عنهم

[Karazhan]

مع ان dio يقدر يوقف الوقت وفوق هذا صطره جوتارو

وخلوا المطاطي مالكم ينفعك او ابو الشباب الثاني

[لوعةالفرقا]

دامكم خشيتو في ناروتو وون بيس انا شفت الانميين كل ابوهم وبليتش بعد شفته كله خخخخـ

بالنسبه لي الافضل ون بيس دون منازع

لكن افضل ون بيس عشان الضحك والتحشيش ^^

اما الفايتات معليش ناروتو في الفايتات افضل وبمراحل من أول فايت بين (قارا) و (لي) بصراحه الفايتات مليئة بالتكتيكات والذكاء اما ون بيس يعتمد على قوة البوكس بإختصار اما ناروتو يعتمد على الذكاء والقدرات والتكتيك (طبعا لازم قوة )!!

فانا اشوف ان ناروتو في الفايتات افضل بس إللي قتل الانمي الفلر ولكن يضل ون بيس الافضل دون منازع ^^


كرزان والله الفايت إللي حطيته رهييييييييييييييب صح عليك من وين جبته ^^

[Cry Me A River]

حاطيلي مجموعه اطفال وتتكلمون عن الفايت منو اقوى

والله لو يجيهم جوتارو ليصطرهم كلهم

هذا الفايت مو البزران اللي تتكلمون عنهم

100%


اعجبني

وفعلا لايعلى عليها

0

[بلا هوية]

ما شاء الله النقاش حامي، أنا تحمست أدخل معكم الحين

الرد ممكن يكون فيه سبويلرات خفيفة فانتبهوا

أنا بقولك شئ
في ون بيس مافيه هدف للقصه مافيه معنى كل القصه محورها الأساسي شخص واحد فقط هو لوفي وانه يبي يكون قرصان وكل القصه حواليه والبطوله المطلقه له
القصه من اول حلقه لآخرها مالها معنى

ناروتو القصه ماهي متمحوره بشكل أساسي عليه
هو بطل القصه لكن معه ابطال وكل بطل له تأثير في القصه
القصه لها هدف ولها معنى
التعاون
المحبه
الوفاء
الإخاء
الصداقه
حب الوطن
الدفاع عن الوطن والأصدقاء
تتكلم عن العائله ومدى ترابطها وقوة العلاقات
تتكلم عن السلام والحرب بما فيها من معاني التضحيه

تتكلم عن أهمية الصغار وانهم مستقبل أي دوله وكنزها
شوف ناروتو من الصغر وبعدها صار كبير وكيف بالإصرار والهمه وصل إلى ماوصل إليه ومو لوحده لا كل بطل في القصه له إصرار وهمه

القصه تتكلم عن عائلة كبيره وعن قبايل كلها تحت كلمه وحده واتحاد واحد
والتكرار يعلم الشطار

هل ون بيس كذا ماعتقد

ياخي من اولها قراصنه ولصوص وتشجع على تحدى النظام والقانون

القصه حق وناسه وضحك صح لكن مالها اي معنى ولا لها أي هدف إلا إذا الهدف منها تشجيع تمرد الشباب على النظام

وبعدين تبي تقنعني انه الفايت يستمر حلقتين بس في ون بيس هاه
اجل الفايت حق اللحيه البيضاء حلقتين وخلص ؟
انا شفته
انا شفت الحلقات من اولها إلين 12 او 15 حلقه
وشفت من النص
وشفت من الأخير ولغاية الحين ماني شايف شئ فيه يستاهل هذه الضجه

وبعدين ياخي كيف يطاوعكم تشوفون مهزله لما يقولون لك اللحيه البيضاء وتطلع لك ماهي بلحيه و يطلع شنب تركي طوله وعرضه متر x متر خخخخخخخخ
واللي مو راضي يموت مع كل الضرب اللي جاه واخرتها يموت واقف بكل شموخ ههههههههههههههههههههههههههههه
وإلا الادميرالات ياخي ارحمني من هالسخافه
وإلا الأحجام الغير طبيعيه لهم وقدراتهم اللي ماتخش العقل ماتنهضم صراحه
حتى الفايت ياخي قسم بالله يجيب الغم
استخفاف بالعقول
غير الأشكال اللي تسد النفس وماتخش العقل


عموما كل واحد حر في اللي يعجبه وماودي النقاش يستمر لأنه موضوع مايستاهل النقاش فيه من الأساس وكل واحد راح يستمر بالدفاع والسالفه بتطول
عشان كذا خذ راحتك في الرد لو حبيت لأنه مالي خلق اجلس ابربر واتابع كل رد
يعني خلنا كل واحد يحتفظ برأيه وهو ساكت

وارشيف اسمحلي بس ردك كان غالب عليه التعصب و الدليل إنك ذاكر كثير أشياء خاطئة عن ون بيس و تقول إنك شفته.

أولا قصة ون بيس مب متمحورة كليا عن لوفي، فكل واحد من طاقمه له هدف وحلم.
مثلا زورو يبغى يكون أفضل حامل سيف، نامي تبي ترسم خريطة العالم و سانجي بغي يكتشف بحر all blue الإسطوري و روبن تبغى تكتشف احداث القرن المجهول أو الممحي بما أنها عالمة تاريخية.
وكل واحد من الطاقم عاش طفولة قاسية جدا خصوصا روبن.

وعالم ون بيس مب بس كون قرصان و انهب كنوز و امشي، بل في منظمات كبيرة تتحكم بالعالم مثل حكومة العالم إللي متفرعة لأكثر من قسم، الثوار إللي يقودهم دراجون، المجموعة إللي مصنفين منها شانكس ووايت بيرد ما يحضرني اسمها.

تقول ون بيس ما يتكلم عن الصداقة الإخاء و المحبة؟
هذي أكبر غلطة قلتها. يكفي من ون بيس تعلمت كلمة Nakama إللي تعني صديق أو زميل بالياباني من كثر ما كرروها و مهتمين فيها.
و كل أعضاء الطاقم مستعدين يضحون بحياتهم لأجل الباقيين و بين هذا في أكثر من موقف، العلاقة إللي بين طاقم قبعة القش جميلة و قوية جدا.

الحلقات إللي ظهر فيها وايت بيرد ما كانت "فايت" بسيط بل كانت حرب كاملة دخل فيها أقوى قرصان و حلفاؤه ضد المارينز كاملين.

وبعدين ياخي كيف يطاوعكم تشوفون مهزله لما يقولون لك اللحيه البيضاء وتطلع لك ماهي بلحيه و يطلع شنب تركي طوله وعرضه متر x متر خخخخخخخخ

لعلمك اسمه الأصلي بالياباني مب اللحية البيضاء بل في اليابان عندهم كلمة وحدة للّحية و الشنب يعني لـ"شعر الوجه" كامل مصطلح واحد، فكان صعب للمترجمين إنهم يترجمونها حرفيا فاختاروا هذا اللقب.

و باين إن تصميم الشخصيات مب عاجبك و هذا ذوقك و ما اعاتبك عليه.

و أنا ما بتكلم عن ناروتو مع إني تابعت أكثر من 100 حلقة منه و من شيبودن و ما قدرت أكمله.

و أرجوا من إللي تابعوا 10- 15 أو حتى 100 حلقة من ون بيس ما يحكمون عليه

[Karazhan]

هذا الله يسلمكم مسلسل من كم جزء

مو نفس اللي تتابعونهم عشر ملايين حلقه وبعدين تدخلون وتتهاوشون هني منو اقوى

وانا ماعندي خبره بالانمي بصراحه لكن كنت اتابعهم من اكثر من 10 سنين و ماادري اذا من مانجا هذا

اسمه JoJo Bizarre Adventures ولهم مسوين لعبه بلي ستيشن نفس نظام ستريت فايتر

كل بطل بالفلم له جني يساعده ويطلعه وقت مايبي اذا احتاجه , و ممتع بصراحه يعني لو تتابعه يمكن ما تطفي التلفزيون الا لما تخلص الاجزاء كلها , والهوشه اللي حاطها في مصر

ويتنقلون بكذا دوله , بصراحه ممتع ولهم قصه مو 16 مليار حلقه وبالنهايه انت تسأل نفسك شنو الهدف من الحلقات

وانا بصراحه بصراحه امس او قبل امس سألت عن ون بيس وشفته اول مره وشفت الثاني اللي تتهاوشون عشانه , بصراحه ما استسغت الثاني اللي بدايته يكون راكب طير وبعدين يطيح منه وماادري شنو

ما حبيته كلش وطفيت الفلم , اما ون بيس بصراحه عادي من ناحيه القصه و المعارك ولكن اللي يحببك فيه انه يعطيك اللمسه اليابانيه الا وهي لما يتعجبون من شي تشوفهم يفتحون حلوقهم للآخر او اشكالهم تتغير اذا انطقوا او سمعوا كلمه مو شي

يعني الفكاهه اللي محليته بصراحه

بس انتوا مشكلتكم قعدتوا تتابعون الحلقات كلها وتركتوا ملايين الافلام اللي احسن منهم , مثل fist of the north star والبطل اللي فيه kenshiro

الفلم هذا صار سنه 1986 وشوفوا الحين اطلعوا افلام جديده ونفس مستواه




ترى سنه 86 مسوينه ها

[Karazhan]

على فكره ترى الفايت اللي حاطه بيت جوتارو و ديو ناقص , يعني اللي رفع المقطع عاليوتيوب حذف منه شغلات حلوه

وانا انصحكم اذا تحبون النوع هذا من الافلام تشوفونه للي ماسمعوا فيه من قبل , تابعوه وصدقوني راح تستمتعون

وماادري اذا اللي مسوينه نزلوا اجزاء جديده او لأ , لأن خبري فيه يمكن 8 اجزاء كان او اكثر شوي , وتوني قاعد ابحر في اليوتيوب شفت




هذا اول مره اشوفه , الظاهر مسوين شي جديد

ملاحظه ترى الفايت 4 من 4 واللي حاطه 2 من 4 يعني اذا بتكمل المقطع شوف 3 بعده

[Karazhan]

ياجماعه يمكن تصير هوشه

انا دخلت على شباب ميتل جير وشخطت بسنيك وقلت عنه فاشل , يمكن يجوني ينتقمون

[بلا هوية]

^^^

أنا ما بدافع عنك بكون وياهم لول،
إلا سنيك XD

[Karazhan]

منو معاي ياجماعه؟؟

لاتقطوني بروحي وتنحاشون , وين الثوار

لاتصيرون مع سنيك اللي من بدايه اللعبه لي نهايتها بنطلونه عاض

خلكم معاي