التحدي الكبير (الجزء الثاني)

[ديابلوس]

واه ؟؟

[-][HaNa Sun][-]

و أنا أأيد فكره إستمرار الموضوع طبعا" هذي أول مشاركه لي لانه موضوع جديم لكن لايمكن تسكرون الموضوع بفوز الاولاد :" لا يعني لا..

لازم الموضوع يستمر عشان نثبت وجودنا و فوزنا اللي ياي إنشاالله صح بنــــــات

و فكره فتحه في الصيف يمكن يكون صعب حق بعض الاعضاء..يمكن حد يسافر أو ينشغل ..أنا أشوف أحسن لو نكمله من ألحين

لا تحاولون تهربون من المسابقه يا أولاد المنتدى أنا تراني تفاعلت شوي إسمحولي

[sakura wakky]

وناسة كل هذي الردود على الموضوع شكلكم يا جماعة متحمسين حق الفكرة


عيل يالله رانما حط اعلان عن الموضوع

بسرعة بسرعة بسرعة بسرعة بسرعاااااااااااااااااااة



<<<<<<<حدها متحمسة الأخت تبي تشجع البنات لووووووووول


يالله وين باجي الأعضاء نبي آراءكم


سي يو سوووووون;-)

[Miss_kimino]

أتمنى يستمر الموضوع!!

[DeeK MantooF]

ممكن اسأل سؤال..... الى الآن فين وصل التحدي وأي المواضيع اللي بقيت للتحدي وماهي النتيجة النهائية ؟؟؟؟؟؟؟

[amish_chan]

هلا

س : هذا الموضوع مستمر ولا غبر?


بس الموضع حلو

[y0y0 cHaaN]

هذا الموضوع مستمر ولا غبر

هههههههههههه ... حلوة

[Ranma Saotome]

السلام عليكم..

ترى السالفة مو بسيطه.. يبغي لها تنظيم..
مادري لو قرأتوا الموضوع من اوله لين آخره..

للحين ماشوف في حماس.. اتوقع اكثر..
يعني وين الاعضاء اللي كانوا مشاركين قبل..
ماقصد شي عن باقي الاعضاء أو اللي يبون الموضوع يرجع..
لكن نحتاج موافقة اعضاء اكثر..
عشان لما نرجع للموضوع يكون في عدد معقول من المشاركات عشان نقدر نسميها مسابقة و منافسة..

على العموم انا راح اذكركم بالنتايج وبعض الامور..

التحدي الكبير الجزء الاول انتهى بفوز البنات 3-1..
التحدي الكبير الجزء الثاني جرى على النحو التالي:

الجولة الاولى: رسم بنت وحيوان مدلل مفترس. وفاز فيها الاولاد.
الجولة الثانية: رسم كيوت لولد وبنت. فاز فيها البنات.
الجولة الثالثة: البطل الوسيم القوي. فاز فيها الاولاد.
و وقف الموضوع هنيه.. يعني 2-1 للأولاد.. وباقي 3 جولات مادخلنا فيهم..
و هم:
الجولة الرابعة: قصة مخيفة. (مانعرف كم صفحة وهذي احدى المشاكل)
الجولة الخامسة: رسم مركبة خيالية.
الجولة السادسة والاخيرة: فتاة نصف حيوان.

المقرر لكل جولة اسبوعين يعني 14 يوم بعدها لن تقبل أي مشاركة وراح يتم اعلان النتيجة واليوم التالي لأعلان النتيجه تبدا الجولة اللي بعدها..
وبهالطريقة المفروض ان تسير المسابقة..

بخصوص القصة المخيفة مادري كم صفحة لازم.. يعني انا مو خبير فأحتاج اقتراحات..
ووو الشي الثاني.. الجزء الاول فازوا فيه البنات.. الجزء الثاني لو فاز الاولاد بمجموع الجولات راح تكون النتيجة النهائية 1-1 وبتكون في جولة ثالثة لو في اهتمام .. لكن لو فاز البنات راح يكون 2-0.

اتمنى ان ماكون طولت عليكم.. و للحين اقول ابي اشوف أراء باقي الاعضاء.. نكمل ولا لأ؟ بتشاركون ولا لأ؟

احم.. صج طولت.. اوكي شباب وصبايا.. سلااااااااااام

[Rex]

أنا أرشح يكون هالموضوع بالذات أول مواضيع المسابقات اللي راح تنطرح بالصيف!!
والكل لازم يشارك !!

أنا برأيي لو نفتح موضوع خاص حق ترتيبات مواضيع الصيف :6

[Touya]

أنا أتفق مع ريفليكس..:0)

هالموضوع لازم الصيفية هاذي يقوم عزه

وصح لازم نفتح موضوع لترتيب الجدول... بالمناسبة... شرايكم... ولا أقول خلوها في موضوع الجدول مال الصيف (الموضوع يخص "التعاون")

[Ranma Saotome]

انا بعد اقول لو نخلي الموضوع للصيف يكون احسن...
لأن مثل ماقلت مدة كل جولة اسبوعين يعني حتى اول جولة بتنتهي مع بداية الاختبارات وباقي الجولات راح تتعارض مع الاختبارات..

ووو.. يعني نلغي نتايج الجزء الثاني من التحدي ونبدا تحدي جديد كليا.. ولا ننتظر لين الصيف ونكمل على الموضوع؟؟؟

[sakura wakky]

أنا ما راح أبدي رايي والله نبدي من الصيف ولا لأ هذا شي راجع للأعضاء اللي راح يشاركون بالموضوع لازم نشوفهم متى فاضيين بعدين نتخذ قرارنا

أنا شخصيا ما راح أدخل المنتدى بالصيف يعني مالكم شغل فيني شوفوا باجي الأعضاء شنو رايهم :0)

[stupid montada]

بصراحه بتمنى اشارك معكم لان الموضوع مثير كتير

قصه مخيفه امممم انا افضل نبدي من هلا لان الصيف بعيد بس بخاف الاعضاء ما يشاركو لان عندهم امتحانات
شو تقترحوا ؟

[-][HaNa Sun][-]

والله إن يوم الامتحانات جربت ..على راحتكم لاني فاضيه لين الصيف..بس ما أقدر أأكد إني بشارك في الصيف لظروف عائليه وخططها اللانهائيه و ..و عن المانجا أنا أشوف تخلون الاعضاء لهم الحريه في إختيار الصفحات و إذا بديتوا في جوله يديده بيكون صفر لصالح الطرفين يعني ممكن نكسبها بعد:6








هانا سان

[stupid montada]

الرسالة الأصلية كتبت بواسطة -][HaNa Sun][-
..و عن المانجا أنا أشوف تخلون الاعضاء لهم الحريه في إختيار الصفحات و إذا بديتوا في جوله يديده بيكون صفر لصالح الطرفين يعني ممكن نكسبها بعد:6

انا بقول كمان ان الاعضاء هم اللي بحددوا عدد الصفحات تبع قصتهم

لكن لاني حشارك مش حيكون في امل للبنات بالفوز