الآن بعد ما ضبطنا حجم الصوره الاصليه على الحجم المناسب اللي راح نشفها و ننسخها فيه ..
لاحظ ان حواف الصوره لونها رصاصي بالخط العريض ( شوف الصوره المرفقه تحت)
هاذا معناه ان الصوره دخيله على الفلاش ! ^^ و غير معرفه كعنصر ممكن التحكم فيه و تحريكه او عمل المؤثرات عليه ?:
اكيد بتسئل روحك سؤال ! :! ليش نعرّف الرسم ؟ و شنو راح يتغير :! ؟ و شنو راح نستفيد :! ؟
لكل شي حاجه و سبب ..
و حنا حاجتنا من تعريف الصوره .. هو اننا بعد ما نعرّفها راح نقدر نتحكم بشفافية الصوره :6 على شان ما نتخربط من الوانها القويه و خطوطها ما تطغى على خطوطنا في عملية النسخ و الشف .
راح نحتاج لتعريف الصوره كعنصر Graphic ^^ بعدين نخليها شفافه مثل الطيف .. لكن بتكون كل ملامحها واضحه
لاحظ بالزاويه تحت على اليسار حجم العرض 79% .. ممكن تغيره على حسب ما تحتاج و بالحجم اللي يسهل عليك العمل سواء بالتكبير او التصغير و لا تنسى ان ها الخاصيه هي لتسهيل العمل بس ^^ و لا لها اي تأثير على عرض الفلاش و ابعاده الحقيقيه
نبدأ بتحويل الصوره ميمي لصوره شفافه على شان نحط طبقه فوقها و نرسم بكل راحه و هي تحت مثل الطيف ^^ و لا تتشابك مع خطوطنا اللي راح نخطها و نرسمها فوق الصوره
من قائمة Effect اختار خاصية Alpha الخاصه بشفافية الصور
ممكن تختار اي خاصيه ثانيه غير Alpha و تشوف تأثيرها على الصوره شلون بيكون مثلا اختار Brightness أو Tint او خاصية Advanced اللي تجمع كللل الخواص بمكان واحد ^^ .. و لا تتردد بالعبث و التجربه .. لإن الشي اللي تتعلمه بيدك و بنفسك ..عمرك ما تنساه ..و لا تحاتي الصوره :6 ..الصوره ماراح تخرب المهم تفهم كل شي و لا تتردد
الحين نحط طبقه جديده فوق طبقة الصوره .. ^^
إضغط بالزر الايمن للماوس فوق الطبقه Layer1 (في المنطقه المظلله بالأسود و مكتوب عليها Layer1)
راح تطلع لك قائمه اختار منها امر Insert Layer
ممكن تغير اسم الطبقات على اي اسم تبيه .. و ممكن تسوي ها الشي لما تختار امر Properties و تحط الاسم اللي تبيه
...و ها القائمه تطلع لك كل ما ضغطة بالزر الايمن على اي اسم لأي طبقه
الحين راح نبدي بعمل رسم خطوط الاساس للرسمه الاصليه من جديد ..... اضغط على الطبقه العلويه Layer2
بعدين ابدأ الرسم بالقلم اللي مثل قلم الرصاص .. ( موضح بالصوره تحت
هاذا القلم هو اسرع و اسهل قلم للرسم بالماوس ببرامج الميكروميديا المعروفه كلها ) .
لكن لا تنسا تختار اسلوب الرسم الناعم ....شوفه تحت بآخر الصوره على اليسار فيه خيار على شكل خط ملتوي ...
يطلع لك لما تختار قلم الرصاص الاصفر ابو محايه :6 .. اختار خاصية Smooth
و قرب الرسمه بالعدسه
و ابدأ بالرسم ..
و باقي الادوات معروفه للكل و موجوده في جميع برامج الرسم ^^ .. ما تحتاج تعريف
استخدم اي اداه تساعدك و تسهل عليك الرسم
ملاحظه .. دايم لما ترسم بالفلاش .. حاول ترسم و تسكر حواف كل المناطق .. يعني دوم خل المناطق بالرسمه مسكره بإحكام و لا تخلي نهايات الخطوط مفرقه و مفتوحه ..
لإنها لو كانت مفتوحه ماراح تقدر تصبغها .. لإن اداة الصبغ تصبغ المناطق المغلقه فقططط ...
و هاذا الشي معروف لمستخدمين برامج التلوين ^^ مثل الفوتوشوب و الالوستراتور و البينتر و الديب بينت 2Dو كورل درو .....
و انت ترسم .. ممكن تلاحظ ان الخطوط تفلت من ايدك ?: .. و بسرعه تلزق ببعض :! مثل المغناطيس بشكل مزعج يمكن يخرب شغلك :": :غضب: و كل شوي راح تمسح الخطوط و تعيد الرسم بسبت ها الخاصيه المغناطيسيه اللي اسمها Snap to Objects..
هاذي الخاصيه ما تناسب الاعمال الدقيقه ^^ تقدر تعطلها لو حبيت .. و ترسم بحريتك التامه و تسكر انت الخطوط بالماوس بدال ما تطير الخطوط على بعض و تلزق ببعض من نفسها :6
على شان تعطل خاصية المغناطيس او تنشطها .....ما عليك غير انك تختار السهم الاسود فوق بالادوات
بعدين راح يطلع لك شكل المغناطيش تحت .. تقدر تضغط عليه لو تبيه او تفكه و تعطله حسب اللي يريحك
و انا اشوف انك لو تعطله احسن لك .. و ارسم براحتك بالقلم و سوي تفاصيلك الدقيقه من دون إزعاج ^^
و لاحظ ان كل مناطق الرسم مسكره بإحكام و نهايات الخطوط ملحومه مع بعض تمام بالرسمه .. و إذا صورت ميمي الأصليه مو واضحه او احتجت تزيد وضوحها اكثر و تقوي ظهورها ما عليك غير انك تضغط عليها بزر الماوس الايمن و تروح لخاصية Alpha مثل ما شرحنا قبل و تقلل الشفافيه ..يعني تزيد من وضوح الصوره على شان تشوفها بشكل افضل ..
لإن كل ما كثرت خطوط الرسم كل ما صارت الرؤيه أصعب بالنسبه للصوره الأصليه اللي تحت بالطبقه الاولى
و انت ترسم تأكد ان طول الوقت الطبقه Layer2 العلويه لونها اسود .. يعني كل خطوط الرسم اللي سويناها داخل هاذي الطبقه مو بغيرها
ممكن بنص الرسم ترسم الخط بعدين تلقاه يختفي ! :! .. و كل ما ترسمه مره ثانيه يختفي ! :! .. لما يرتفع ضغطك :" و انت ما تدري شنو السبب :": مع انك قبل شوي كان كل شي تمام الخطوط تنرسم صحيحه و ما تتلاشا و تختفي ...
هاذا معناته انك ترسم بالطبقه الخطأ ?: .. يعني قاعد ترسم بالطبقه الأولى اللي تحت بدون ما تحس :6
برنامج الفلاش دائما يحط الصور فوق الخطوط في الطبقه الوحده المستقله .. هاذا معناه انك لما ترسم خط بالطبقه الاولى راح ينتقل بشكل تلقائي و يصير ورا الصوره و راح تحسه و تشوفه يختفي من جدامك لإنه راح ورا الصوره بسرعه ^^
على شان تتلافى ها المشكله .. تأكد انك ترسم بالطبقه اللي فوق اللي اسمها Layer2 و خل عينك عليها دوم و تأكد إن لونها اسود طول فترة الرسم .. و لو اختفا خطك ^^ .. معناها انك قاعد ترسم بالطبقه السفلى بالغلط
ارسم كل خطوط الرسمه و ملامحها حتى الظلال ارسمه بالخطوط و سكرها بإحكام و حدد مكانه( بعد التلوين راح نمسح خطوط الظل و يبقى معانا الظل بروحه بدون حدود :6 )
انا رسمت كل شي بسرعه لإن الموضوع شرح بس ^^.. اما انت خلك دقيق شوي لإنك بتقوم بعمل فني :غضب:
أثناء الرسم راح تحتاج العدسه كثير .. كبر و صغر على راحتك خلك دقيق بالشكل المقبول من دون مبالغه و تضييع وقت
من الصوره اللي فاتت اكيد لاحظت ان جمييييع خطوط الرسم لها نفس السماكه و العرض
لو حبيت تختار سماكات مختلفه للخطوط ..
مثلا لو كنت تبي سماكه خطوط الرموش اكبر من الخطوط العاديه
ما عليك غير انك تختار اداة الـ Ink Bottle اللي تلون الخطوط و تغير سماكاتهم
بعد ما تختار الاداه .. اضبط اعداداتها و سماكة الخط و لونه من نافذة Stroke
على شان تطلع لك ها النافذه اتبع الصوره اللي تحت ...
ٍٍStroke <<<< Panels <<<< Window
و اختار شكل الخط اللي تبي و اللون و السماكه اللي تحتاجها ..