تحريك الصور

[Sparta Ghost]

اهلا little-lilly ..

ليش نضحك ..

الرسمه جميله وعجبتني ..خصوصا عندما تصيح والدموع كأنها مطر ..
بس يبغى لكي تتعلمي اختيار الوقت المناسب لكل صوره ..



..راونا المزيد من الأعمال ..

[black wolf]

هلا يالجني......الأسم والسيريال نمبر اللي حاطهم ما صلحوا معي والبرنامج ما فتح معي وشوف تراني رجعت وكتبت حرف حرف وراعيت بعد الأحجام بس.........ما نفتح

أتمنى تكون فهمت علي هالمره وانا أموت وأعرف ليش برامجك دائما فيها أن و أخواتها معاي........يمكن النحس زايد هاليومين...

المهم انا ماراح أوصل سلامك هالمره >>>>شنو شغال مرسال عندك هههههههه .....أنا أحس انك بخير فوصل سلامك بنفسك أحسن منها انك تطمن الناس عليك ومنها انك تتحرك شوي وتشاركنا .....

هذا انا سويت مثل ما تبي ساعدني ........والسلام :icon6:

[Sparta Ghost]

هلا ...
كيفك ؟؟ المعزز والباقي ..

شفت حل لهذه المشكلة ..

أنت شكلك منزل الجيف 4 ...وتسخدم الكراك الخاص 3 ...شوف تأكد ..
نزل 3 من هنا http://www.bluechillies.com/details/397.html
واستخدم نفس الكراك ...
ترى انا متأكد لأن مجربنه
راوني اعمالك ..يالله

[black wolf]

جاري التحميل............وهلا فيك أخوي
وانت تامر راح أمللك باللي عندي...............

[black wolf]

هلا يالجني وانا قايل ما يجيبها الا جنانوها.......البرنامج رجع أشتغل بس للأسف راحت أعمال لأنها محفوظه بالجزء الرابع بس لقيت 2 أنا حافظهم عدلتهم بس ما عرف شلون أضيف مرفقات متحركه بس أعرف أضيف صور......تعرف شلون؟؟؟؟

[Sparta Ghost]

هلا يالجني وانا قايل ما يجيبها الا جنانوها.......البرنامج رجع أشتغل بس للأسف راحت أعمال لأنها محفوظه بالجزء الرابع بس لقيت 2 أنا حافظهم عدلتهم بس ما عرف شلون أضيف مرفقات متحركه بس أعرف أضيف صور......تعرف شلون؟؟؟؟

تقصد المرفقات في المنتدى ..ولا تقصد البرنامج ..

[black wolf]

لا أقصد مرفقات المنتدى ما أعرف أضيف gifيعني شنو أختار؟؟؟؟؟ الظاهر انك للحين تعبان....

[black wolf]

طولت عليك شوي بس بجرب حظي وأشوف.......

هذه أول وحده:أسمها the guy....انشاء الله تعجبكم سويتها بالماوس لأن القلم الضوئي مالي بااتصليح

[g. byte]

أهلا كيف الحال ؟
ماشاء الله عليك يالمعزز , بصراحة حلوة اذا اخذنا في الاعتبار انها بالماوس :shock22: يبغالك تسوي جزء ثاني
***
مستغرب كيف مالي رد في الموضوع ! أكيد رديت فيه أكيد أكيد ! أين ذهب الرد ؟ انحاش !!

على العموم موضوع ممتاز ياجني وكنت أتابعه دائما لانه يمكن الوحيد اللي يتكلم عن الانميشن ولازال صامد الى اللحظة حتى استغربت ان لي شخبوطة صغيرة في الموضوع حطها فلاش ( تو الناس !) :shock22: شكرا شكرا مع ان شخابيطي ماتستاهل تنشر , عندي منها كثير على فكرة , معظمها رسمته ببرنامج رهيب وبسيط اسمه Easy toon ارفقه ريفلكس على مااذكر في الموضوع وحجمه صغير جدا 300 كيلو بايت تقريبا , أحلى مافي البرنامج انه سهل , يعني اذا كنت بتشخبط انميشن سريع راح يفيدك البرنامج بشكل كبير , بالنسبة لي اعتبره دفتر ملاحظات الانميشن , يوليد Gif انميترز برنامج حلو ايضا لكنه معقد وما قدرت اتكييف معاه
ارفقت تحت شخبوطتين عملتهم في البرنامج من زمان , الاولى لواحد يركض واشكر فلاش انمي لانه علمني طريقة التحضير ^^
والثانية ... والله مدري !
وان شاء الله في المستقبل راح اشارك في الموضوع مرة ثانية لاني ناوي اشخبط كثير هوق هوق هوق
واتمنى من بقية الاعضاء انهم يورونا اعمالهم لان الواحد يتحمس لما يشوف اعمال غيره

واخر دعوانا ان الحمد لله

[black wolf]

هلا أخويg.byte ....وزين ان الرسمه عجبتك مع أني أحسها تشفل وم بالمستوى المطلوب مقارنه بفنك وحركاتك الرائعه..وينك يالجني أنضم لك مبدع آخر تعال وشوفه؟؟؟؟؟
بحاول أسوي وحده ثانيه وأرسلها قريب انشاء الله..........

[g. byte]

لا يالمعزز لاتقول تفشل والله انها حلوة واستمتعت فيها رغم انها قصيرة وانا معجب جدا بحماسك وهمتك العالية ( هذا وانت تشتغل بالماوس !!! :shock22: << معلق على هالكلمة ) صدقني تحمست كثير يوم قلت " ان شاء الله بسوي وحدة ثانية " وأنا أشجعك بعنف تسوي ثانية و ثالثة ورابعة ومليون وتعرضهم لأني متحمس أشوف مستواك وكيف راح يتطور
وان شاء الله راح احط مفاجأة صغننة لكن بشرط يعرض المعزز عمله الجاي أول ( استفزاز )

[black wolf]

هلا بg.byte......وانا قبلت شرطك وراح أتجهز لك بكل المدافع والرشاشات اللي عندي وناطرك في الساحه>>>>>>لووووووووووووووول شكلي تحمست شوي ههههههههه

أنا سويت هذه وانشاء الله تكون على قد المقام>>>>>شفيني حاط من قدري (لازم تعجبكم)

لا تطول يا g.byte ناطر شغلك اليديد.........

أين الجني الرسام ؟؟؟؟فأنا لا أراه هذه الأيام >>>>>.وايد عجيبه خخخخخخ



سلام:أخوكم المعزز....................

[g. byte]

ماشاء الله عليك يالمعزز والله اللي يشوف عملك الأول ويشوف الثاني مايصدق انه نفس الشخص سواهم مستواك تطور بسرعة من جد ماتوقعت هالقفزة الكمية في رسمك ( ياعيني على الكمية ) صدقني انا متأكد انك اذا استمريت بنفس العزيمة راح يتغيير مستواك 180 درجة خلال هالأسبوعين , وأبغاك تلاحظ إلى الان ان قلمك الضوئي في التصليح يعني لو كان معاك كان قدرت تاخذ راحتك في التحريك اكثر
أهنيك على حماسك المتفجر واللي بدأ ينتقل لي عدوى :vereymad: من زمان ماحركت لكن بعد ماشفت مشهد الاعب رقم 20 والحركة البطيئة ويده وهي تتعلق بالشبكة بعد مادخلت الكورة كل هذا أشعل فيني عنفوان الرغبة في التحريك من جديد
كمل يالمعزز رحلتك مع التحريك وانا أشد على يدك بانك تتابع مابدأته من انجازات , وأنا شخصيا أتوقع لك مستقبل مشرق باذن الله :icon6: بس أهم شيء تستمتع باللي تسويه وتحاول تحرك دايما وبشكل مستمر وتحاول تعمل تجارب متنوعة مثل اللي تسويها الحين , وحاول مثلا تحرك مواقف قديمة حصلت معاك او قصص سمعتها او حركة شفتها ولا تزال راسخة في ذهنك

ومثل ماوعدتك , مفاجأتي الصغننة جاهزة وهي ..
تذكرة سفر إلى ........... هههههه لا تصدق

..وهي موقع فيه درسين ممتازين جدااا للتحريك وراح تستفيد منهم كثيييير في التحريك , الدرس الأول لكيفية تحريك كرة ( راح ينفعك في كرة السلة بس ترى هذا التمرين يعتبر من اهم تمارين الرسوم المتحركة لانه يعلمك التوقيت والاتجاه ونظرية التمدد والتقلص و كيف تخلي للأجسام حجم وثقل , طبق التمرين وحاول تستفيد منه في مشهد اللاعب رقم 20 لما يرمي الكرة بحيث يكون لجسمه وزن لما يمسك الشبكة وهو يقفز )
والدرس الثاني المفيد للغاية لأي محرك يبغى يحرك انسان هو عن كيف تحرك واحد يمشي على رجله ( أجل على خشمه !! )

وهذا هو الموقع إدعس هنــــــــــــا
وأتمنى من كل قلبي اني اشوف كيف راح تستفيد من معلومات الموقع وكيف راح يتطور مستواك ومستوى الأعضاء بعد التدريب والممارسة العنيفة طبعا
أهنيك يالمعزز مرة ثانية على مثابرتك وإلى الأمام سر , وصحيح كلامك وين الجني الرسام ؟ ودي أشوف أخر أعماله ووين وصل منتظرينك ياجني

وشكرا

[black wolf]

جاري الفتح للموقع................مشكور أخوي ومديحك أنا فعلا أعتز فيه وكن واثق اني ما أبدعت الا لما أنت حمستني بكلامك وعلى فكره اللاعب رقم20 رسمتها على 17 ورقه بعدين سويت لهم سكنر فعلشان كذا صارت أضبط...تعرف الواحد لازم يبتكر أي شيء اذا بغى يبدع......

أشوفك على خير..........المعزز

[user 123445]

مشكور أخوي على الموضوع

وشوف وش سويت