تحدي المقاتلات (مسابقة رسم)

**عنيد** · 02-01-2002, 07:39 PM

ماشاء الله
زادو البنيات الفنانات

اول مره اشوف عصابت بنات مانجاويات مثلكم وكلكم ربع بعد ،الله يديم صداقتكم
رسوماتكم رائعة
والى الامام
":"

**Tidus** · 02-01-2002, 09:08 PM

كتبت الاخت فطومه :
و تيودوس ....
شسم هاي المرض ؟ والله دوختني ....
لا و قمت أفكر فيه ... هههههههههههه
...........................................................
اسم هذا المرض ZLJTYFVJB و ينتشر في المناطق الساحليه من الشرق الاقصى و ما يصيب الا الي اعمارهم من ....الى ....و .....و ........

و انتي الحين من صجك مصدقه انا قعد اضحك ......

و بعدين تخبرين السوالف هذي لازم يسوينها الناس المشهورين مثلي يعني لازم يتفلسفون عشان يثبتون خبرتهم بهالسوالف ....

و بعدين حبيت انوه انا اسمي تايدوس TIDUS بطل فاينل X مو تيودوس
حالتك حاله و جامعه ما تعرفين تقريت انجليزي >>>>واحد طيح ميانه بسرعه

**بوحمـOWENــد** · 02-01-2002, 09:11 PM

عذر اقبح من ذب( في مراقبين )
انت اخت فطوووووووووومه تبغين ادافين عن اربيعتش
انا ما سويت شيء بس نصحتها وهذا جزاء
ماعليش عشان خاطر عيونكم الحلوة يا بنات انا اسحب كلامي

بس انا انصحكم مرة ثاتية اذا بتردون علي ردوا بأدب فاهمين

الفتى الذهبيOWEN

بوحمـــــــــــــــــــــــــــــــــــــــــــــــــد

عاشق HOR

**Ranze Eto** · 03-01-2002, 12:40 AM

لوووووووووووولي روررري انتو خوات مميزات الصراح

روري رسمتج و لا اروع احب هالنوع من الرسومات ... هذا الفن على اصوله ... و اللي يقول غير هالكلام ما يفهم في فن المانج و الانيمي

اشرايج ؟؟ و مب مهم رأي الناس اللي مالهم وجود بالمنتدى عليج من راي المشرفين شاهين وروايه ... اعتقد عندهم اسلوب حلو في النقد ... تدرين ليش لانهم ناس دارسين و فاهمين في الفن و ما اعتقد انهم راح يحبطونج بالعكس مثل ما شجعوني و شجعو غيري راح يشجعونج

رد خاص للأخ Owen ???????????????????????????????????

لاحظت عليك من دخلت المنتدى و انت متحامل على الرسومات اللي فيه ..... و معتز بالأسلام و العرب
ما اتلاحظ انه كلامك متنناقض ؟؟؟ تتكلم عن الاخلاق ؟؟ و ين اخلاقك و انت تتغزل في البنات ؟؟
و اعتقد انه كل اللي في المنتدى ملاحظين و ساكتين و اولهم المراقبين ......
انت دخلت مكان ما يصلح لك و هو منتدى الرسم لانك للحين ما عرضت رسمه من رسوماتك و اذا كنت ما اتحب رسوم المانجا و الانمي ما فيه شي جابرك انك تكتب تعليقاتك ....
احنا انحب هالفن بكل انواعه .... و اذا انت اتقول نرسم بنات مفصخيين .... المراقب روايه عارض موضوع عن رسم الصدر و الجذع للرجل و على فكره رسم الاشخاص و هم مفصخين مب عيب لانه الفنان ما يطالعها من نظره مب زينه (مثل تفكيرك ) لكن يشوفها من ناحية تشريح الجسم البشري (طبعا انت مب فاهم و لا كلمه من اللي اقولها) على فكره التشريح اساس رسم الاشخاص ...
ثانيا اذا انت معتز بعروبتك ..... ليش حاط اسم لاعب اجنبي ؟؟؟؟؟؟؟؟ هل هذه اهتماماتك ؟؟
اتحب فرق الكفار الاجانب ؟؟ ليش ما اهتميت بأحد الفرق العربية ؟؟؟؟

على العموم هذي اهتماماتنا ...المانجا و الانمي الياباني ..و لين اللحين ما صار المانجا العربي
و مثل ما احنا ما تدخلنا في اهماماتك رجاءً لا تتدخل في اهتماماتنا
و في النهايه لا تزعل من كلامي لانه انا قلت اللي غيري ما اقدرو يقولونه ..

**الكواري** · 03-01-2002, 12:45 AM

انا معاج قلباً وقالباً

كفيتي ووفيتي

**Ranma Saotome** · 03-01-2002, 12:51 AM

كلامك كله صح زكلام مثقفين وفنانين 100%
اللي مايعرف عن شنو هالمنتدى بالضبط لا يدخله ويقعد ينتقد هاذا وذاك
عندكم كلام مفيد قوله وإذا ماعندك حياك الله أخوي
وانت ماقلت أن عندك امتحانات...ياخي روح ادرس وعدل نسبتك اللي موعاجبتك-------> ( 97 % )
ومثل ماقالت الاخت أورانج رود أن في مشرفين على هالمنتدى ومب أي مشرفين
مشرفيييين كبار الله يخليهم لنا انشالله وإذا في اي شي هم موجودين ويقدرون يردون ويعدلون على كيفهم
ومن ناحية الدين والاخلاق أعتقد أن انت المفروض آخر واحد يتكلم عن هالموضوع
إيه والله... تتكلم عن الدين وبعدين تقعد تتغزل في البنات..بأي حق
انت من أول مادخل المنتدى والله العظيم ماقر يت لك ولا شي مفيد أو ينفع
يا أخوي العزيز ترى النمره غلط وروح حق منتدى ثاني يكون أحسن لأنك لو تفهم في هالفن ولو نطفه كنت ماقلت هالكلام...صج ليقالوا...اللي مايعرف الصقر...
روح تعلم قواعد المانجا وبعدين تعال...إيه صح...انت ماتعرف يعني \شنو مانجا بعد
المهم هذا اللي بغيت أقوله... واسمح لنا عالازعاج
وأسمحوا لي ياروري ولولي من الحره اللي في قلبي مالقيت وقت أرحب فيكم
صراحه رسمكم قمه في الروعه وهذا مو شي غريب على أصدقاء فطوم وخلود ورانزي
مرحبا بكم في منتداكم

**orange road** · 03-01-2002, 12:53 AM

وانا مع رانزي في اللي قالته..

الاخ من دخل المنتدى وهو شايل على الكل... وبصراحة ذابحنا ردو علي بأدب وهو اللي ما يرد بأدب..
يا جماعة بذمتكم قلت انا شي غلط؟؟؟
اول مرة علق فيها قلت اللي مب عاجبه الموضوع لا يدخل.. وهو قعد يقول اليهال الصغار وهالكلام.. وبعدين يقول قليلة ادب..
يعني ما يحترم اني اكبر منه ولا يحترم اني بنت.. يا اخ يا اللي تنادي بالعروبة والاسلام.. هالاسلام ما قالك قل ادبك على الناس...
واعتقد ان عندك خوات وما ترضى واحد غريب يقول لهم هالكلام..

وبعد ما تلاحظ انك طايح تغزل في البنات؟؟ من اول ما دخل كاتب لنا: رسم البنات حلو.. انشاءالله يكونون حلوين اهم بعد...
وعلشان خاطر عيون البنات..
احنا صار لنا فترة.. ان ولا واحد تناشب ويانا او قط علينا كلمة.. بالعكس الكل محترم الكل...
ولو كان عندك تعليق او نصيحة مثل ما تقول.. وان موضوع رسم الجسم مب عاجبك كنت كتبت في البريد الخاص
وبكلام محترم.. يقنع الواحد.. مب ينفره..

ومثل ما قالت رانزي.. احنا نرسم الجسم من ناحية فنية.. وبالنسبة لي احب رسم الجسم وايد.. ونص الوقت في الرسمه يروح وانا ارسم الجسم.. واي رسام علشان يضبط الوضعية اللي يبيها يرسم اول الجسم naked وبعدين يلبسه ثياب...

واحنا نقرا في كتب العلوم والتشريح ونجوف الاجسان naked لكن هل قلنا عيب؟؟ لا.. لان هذي علم...

واكيد الكل يجوف التلفزيون.. يعني الحين هالاغاني والبنات اللي طالعين في كل شي.. حتى البرامج العربية والاغاني العربية .. شيكونون لابسين..؟؟؟؟
والا اللي في التلفزيون عادي واللي نرسمه لا...
ومن الاول قلت اللي مب عاجبه الموضوع لا يدخله.. لانه مب اجبار..
وبعد هالمنتدى لمحبي فن المانجا والانيمي.. هل في واحد منكم ما جاف رانما؟؟؟ ما اعتقد.. والا الكارتون عادي واللي نرسمه عيب...

انا مب زعلانة اذا المشرفين ردوا علينا باي شي.. لان اسلوبهم في الكلام معانا اسلوب الناصح المرشد ، وبكلام يقنع الواحد ويشجعه.. لكن الرد بهالاسلوب احنا ما نقبله..

وشكرا...

انا ما كنت ابي ارد.. لكن خلاص.. صراحة الواحد ما عاد يتحمل اكثر..

**عنيد** · 03-01-2002, 12:56 AM

صح لسانك يارنزي
للأخ Owen
عيل انتا لو تدش محاضرة الرسم شتقول عنها
او تطالع كتب التشريح ما الرسم شنو تقول عنهم

خلنا من الرسم وروح الى الطب معناتها انه لازم مايكون في طبيب او بالاحراء كلية طب

حبيبي الي ينظر الى الرسم بمنظور خارج عن انه يكون شيئ جمالي وفن بحد ذاته
هذا معناتها نفسيته ضعيفه وغير سوي ومعناته انه (غرايزته هي الي معيشتنه )=؟؟؟؟؟؟

وخلنا انشوف اسلوبك في الرسم وطريقة رسمك

":"

**بوحمـOWENــد** · 03-01-2002, 08:30 AM

مشكووووووووووووووووووووووووووووووووووووووووووور
على هذه الردود الحلوة
والرد الحلو ما ييجي الا من الحلوين
تراني احب هذه الردود لأن صاحبها يكون امعصب وانا احب الي يعصبون
تبغون اتشوفون رسمي انا جاهز بس بعد الأمتحاناتان شاء الله
عشان انا ابغي اعدل الكمبيوتر وغير الويندز واشويت تعديلات
وانتظروني
بشوفون رسم عمركم ما شفتوه
والي يقول ان هذا المنتدى ممب مكانك
اقول لك ترى هذا المنتدى ممب منتدى ابوك هذا منتدى الجميع فاهممممممممممممممممممممممممممممم
( اعذرني على هذا الرد )
وانا ما اقصد اغازل البنات بس انا متعود اني اتكلم بهذا الأسلوب مع البنات فأعذرون

الفتى الذهبيOWEN
بوحمـــــــــــــــــــــــــــــــــــــــــــــــــــــــــــــــــــــــد
عاشق HOR

**بوحمـOWENــد** · 03-01-2002, 08:34 AM

هذا الرد حق الي يقول عن البنات في الأغاني و البرامج و...و....
انا الصراح اطالع اربع قنوات:
ديزني و اسبيس تون و ابوظبي الرياضية و ARTالرياضية

**بوحمـOWENــد** · 03-01-2002, 08:44 AM

والي اتقول لي:
الي ما يعرف الصقر يشويه
سمعيني انا افهم بالفن احسن منش(بكل تواضع)
لو تبغين اتشوفين الفن تعالي خورفكان و بعلمش اصول الفن
وحترمي عمش عمت عينش
واشوفكم كلكم اتردون علي واني ضيف غير مقبول فيه بالمنتدى ( اقول ربنا على الظالم )
والي يقول حقي اني اشجع فريق لفربول ( انت اصلا ماتفهم بالكورة فلا تتدخل )
انا اشجع الهلالالزعيـــــــــــــــــــــــــــــــــــــــــــــــــــــــم و المنتخب السعودي
وطبعا الأبيض
فاهم اما لفربول بالنسبة للفرق العالمية وانا ما اشجع اوين بل انا معجب بلعبه
والي مايبغين بالمنتدى يقول ولا يستحي فأنا مستعد اني اطلع ( حكم القوي على الضعيف )
بس بصيب المنتدى لعنه بعد ما انا بطلع

(اتغشمر شو اسوي دمي خفيف مثل الشرباااااااااااااااااااااااااااااااااااااااااااااات)

**بوحمـOWENــد** · 03-01-2002, 08:46 AM

صح السانك اخ بوحمـــــــــــــــــــــــــــــــــــــــــــــد

?:

**بوحمـOWENــد** · 03-01-2002, 08:57 AM

هذه صورة لأفضل مهاجم في العالم

( الي ماعجبه .................مالازم يعجبه)

**Ranze Eto** · 03-01-2002, 09:03 AM

اقول لك ترى هذا المنتدى ممب منتدى ابوك هذا منتدى الجميع فاهممممممممممممممممممممممممممممم

لو تبغين اتشوفين الفن تعالي خورفكان و بعلمش اصول الفن

ما اعتقد انه هذا اسلوب واحد عاقل في التخاطب مع من هم اكبر منه .... ممم

ما ينشره عليك سفيه و ليس على السفيه حرج ( اعذرني على هالكلام)

و اتصدق عاد انت غير مرغوب فيك تدري ليش ...لانك لو فنان بالفعل ... بيكون عندك ذوق و فن في اسلوب التعامل و الكلام .... و ما اعتقد انه هذا أسلوب فنان

وحترمي عمش عمت عينش

ممممم

اعتقد انه اسلوب سوقي ....

و ياريت لو انت تحترم نفسك يكون احسن لانك لو تماديت شوي بس ... راح تندم على اللي بيصير
و الحمد الله احنا للحين ما غلطنا عليك و لا سبيناك بألفاظ سوقيه لانه و الحمدلله مستوانا ارفع من هالالفاظ

وحترمي عمش عمت عينش

ههههههههههههههههههه

**Ranze Eto** · 03-01-2002, 09:11 AM

المهم شباب خرجنا عن نطاق موضوعنا

خلوناانعيش حياتنا الطبيعيه و لا كأنه حد موجود

و لا تضايقون نفسكم

و حطو فبالكم (( اللي ما يطول العنب ..... يقول عنه حامض ) هههههههههه

من هي المقاتلة القادمة ؟؟

الموضوع: تحدي المقاتلات (مسابقة رسم)

أدوات الموضوع

!!!

!!

!!!

!!!!!!!!!!!!!!

!!!!!!!!!

!!!

ضوابط المشاركة