الموضوع الرسمي: كلان MGO SNAKES

[The Big_Boss]

سوي إستخارة

لووووووووول
ما تنفع الواحد يستشيرك XD
أفتكر قد سمعت إذا حذفت لاعبك تستمر الملابس وكل شي معاك؟ قد سمعت بهذا الشي لأني ماني متأكد

[coolhell]

واللهي ما عندي خبر عن شغلة تغيير اللاعب .. لكن اعرف انو لازم تشتري واحد جديد , و حتى الإسم ما تقدر تعيده لو مسحته ..

ما راح انطيك إجابة خطأ .. تكفي فشلة البارحة

اقول .. ما حد يعرفله موقع محترم اشتري منه GOW3 نسخة PAL و يوصلها لأي مكان ؟؟

لأنو خبر المنع طلع صحيح .. الجماعة عندنا مانعين :

(heavy rain - dark siders - dante's inferno - god of war 3)

ولو اني متأكد راح يكونون موجودين بالهبل في المحلات , و اصلا ً عادي عندنا كانت GOW 1+2 بمواعيدها تنزل , بس شكلهم الجماعة الحين صحوا على حظ الجزء الثالث

لذلك حبيت اعرف لو في موقع اشتري منه GOW3

و بعدين صحيح المفروض تنمنع اللعبة التافهة Dant'e Inferno بصراحة لأنه فكرتها واطية جداً .. و ماعرف عن Dark Siders , لكن مستغرب من موضوع Heavy Rain !!!!!!!!

على العموم .. لله في خلقه شؤون

[The Big_Boss]

واللهي ما عندي خبر عن شغلة تغيير اللاعب .. لكن اعرف انو لازم تشتري واحد جديد , و حتى الإسم ما تقدر تعيده لو مسحته ..

ما راح انطيك إجابة خطأ .. تكفي فشلة البارحة

صحيح إذا تبغى لاعب ثاني لازم بفلوس لكن تقدر نفس لاعبك تسوي له مسح وأعادة لأنه مثلاً الأسم ما عجبك او الشكل أو الصوت لكن ناسي الطريقة الصحيحة وهذي مو المشكلة أنا خايف أني أسوي له اعادة وأشوف كل الملابس طارت مشكلة
ما عليك أعرف ناس كل شهر يمسح ويرجع يعيد بسألهم أهم شي يكفي فشلات XD

أما انه اللعبة أنمنعت فأنا سمعت انه الأمارات مرة متشددين في الأشرطة الممنوعة الله يعينكم
بالنسبة للشراء من الخارج فما عندي أي تجربة لكن أنت سوي بحث وبتلقى مواقع كثيرة مثل amazon , ebay
فما أقدر أفيدك أخوك ما قد أشترى شي من الخارج
هيفي راين ممنوعة لأنه فيها الكثير من اللقطات الإباحية (يبغو يخلو اللعبة واقعية)
أما Dant'e Inferno فجربت الديمو ومعد كملته من يوم ما شفت فيه أهانة للمسلمين وسمعت أنه اللعبة جداً سيئة من ناحية أستهزائهم بالملائكة
وأما Dark Siders ختمتها وصراحة ما كنت أدري أنه فيها شي لين قريب النهاية بدات توضح القصة وملاك الموت وأشياء ثانية وصراحة ما أدري عن القصة لكن سمعت أنه الشخصية إللي تلعب فيها أنه في المستقبل بيكون المسيح الدجال ومدري أيش فمعلوماتي عنها ضعيفة

[The Big_Boss]

تم تغيير الأسم والشكر للغالي الكونت محمد
الموضوع ذحين خاص بالكلان وأي شي متعلق بالكلان من مناقشات أو إنظمام...آلخ
طبعاً إذا ما عند الغالي coolhell أي مانع؟

[coolhell]

ياخي بعيدا ً عن المزح و اللعب , المفروض ترجعلي يا أخي اذا تريد تغير شي اصلا ً ما يخصك لا من قريب ولا من بعيد ..

بصراحة ماعرف على اي اساس تتخذ قرارات بحق الناس انت و مشرف الموقع !!

و عالعموم راح اتركلك المنتدى باللي فيه .. اشبع بأسامي المواضيع و الكلام الفاضي هذا ...

غريبة فعلا ً ... الله يهديكم ..

[coolhell]

هههههههههههههههههههههههههههههههههههههههههههههههههههههههه


معاكم الكاميرا الخفية


هذاك اليوم شفتك تقول يا بيج بوس انك متخيل وجهي و آني احاول امسح الموضوع طوول الليل


هههههههههههههههههههههههههههههه

اليوم انا اللي متخيل وجهك و انت قاعد تقرأ كلمتين الزعل اللي فوق

ههههههههههههههههههههههههههههه

1 - 1

It's Not Over ........ NOT YET

ألف شكر لك و للمشرف .. زين ما سويتوا يا شباب

[The Big_Boss]

^
^


أيش المزح هذا الله يسامحك

قسم بالله وأنا أقرى ردك وجهي كان كذا وصار كذا ثم تدريجياً آخر تعبير لما جالس أقول لاحول ولا قوة إلا بالله الواحد يبغى يقدم مساعدة وهذا الجزاء
تبغى تسبب لي سقطة قلبية XD
ما أبغى أقول مردودة لأني ماني قدها لكن بقول لك نتفاهم في الأونلاين وأعتزالك على يدي <<< يا قوي

ألف شكر لك و للمشرف .. زين ما سويتوا يا شباب

أهم شي الأسم عجبك وبالله من جد إذا شايف في عقلك أسم أفضل قوله هنا وأنا أكلم الغالي الكونت محمد وما بيقصر
ممكن يكون في أسم ثاني مناسب أكثر

[coolhell]

لا يا رجال .. الأمور مية مية .. الإسم تمام و لك و للمشرف كل الشكر

اما الامور الثانية , فتعيش و تاكل غيرها .. تعال انت بس على غرفة SNAAKKKEE و العب بنقاطك .. و كلها كم يوم و نسمع إنك بعت سي دي MGS4


على فكرة .. الجماعة اصحاب محلات الـ games طلعلولي من تحت لتحت نسخ GOW3 بس النسخة الآسيوية .. هذي تكون region free , يعني تشتغل على اي جهاز بلاي ستيشن بدون تحديد نظام النسخة .

صحيح انو أصلا ً كل الألعاب تشتغل على كل الأجهزة بغض النظر عن الـ region .. بس هذي النسخة بالذات تكون مكتوبة بالصيني و الإنجليزي , و عادية فيها كل شي انجليزي لكنها تكون تابعة لآسيا .

بالعادة تجي من الصين او هونغ كونغ .. King Kong !!!

هذي للمعلوماتية فقط

بس لازم اشوفلي نسخة PAL .. لأنها المعتمدة عندي من ايام PS2

[The Big_Boss]

^
^
أهم شي أنه الأسم عجبك ^^
أما بالنسبة للعبة فأفضل تاخذ البال لأنه أظن في حالة صدور أضافات أظن لازم تكون بال ومدري أيش ما أفهم في هذي الأشياء
طيب النسخة الآسيوية بكم لقيتها؟
أنا واحد أعرفه قال لي بكرة تعال لي وإن شاء الله تلقاها عندي بسعر مناسب
أول ما أشتريها برسل لك رسالة خاصة <<< يبغى يقهرك مو عارف كيف XD

[coolhell]

الآسيوية بـ 240 درهم .. قال اذا تريد اجيبلك PAL بس بـ 280 درهم , قلتله يعني شايفني لهالدرجة مضطر عاللعبة جاي تضحك علي يا بطة ؟؟؟

(هذا البنغالي اللي بيبع سميته بطة من ايام ps2 لأنه شبه شعار البطريق اللي كان ينحط على الألعاب المنسوخة وقتها) بس آني قلت كلمة بطة اسهل من بطريق .. فإعتمدت الإسم ..

المهم .. هو عارفني اكره الإستغفال و الحركات هذي اللي يسويها عشان يضحك عالزباين الجدد , قلتله اشتريها من النت و توصلني بـ 180 درهم بس و نسخة PAL على كيفي ..

قال طيب خلص , عطيني بس اسبوع و تعال خذ الـ PAL بـ 190 درهم

بس طبعا ً لسة في واحد اعرفه شايله للطوارئ .. يمكن اليوم اروحله اشوف شنو الأوضاع عنده .

شوف .. السعر مو مشكلة الحمد لله .. لكن انو الواحد يستغفلني و كأني البارحة دخلت عالم الـ video games هذي ما احبها .. يعني لأني فاهم القصة كلها فبالنسبة لي اقدر آخذ اللي اريده بالسعر اللي اريده لأني فاهم و عارف تسعيرة المحلات زين .. اساسا ً اللعبة كلها على بعضها اقل من 100 درهم كلفتها .

الألعاب اللي كانت تجي ايام ps2 تكلف المحل بس 3 دراهم .. و كانت تنباع بـ 10 دراهم بس كنا نقول يستاهلون لأنها تجي من تحت لتحت .. حقهم عشان المخاطرة و هالكلام و 10 دراهم مو مبلغ يعني ..

عالعموم محسوبك دارس إقتصاد و لأنهم اصحابي فتلقاني عارف حركات كل المحلات و تسعيراتهم الحقيقية ..

مثال بسيط نستعمله كثير في حياتنا : موضوع المخفي , مخفي زجاج السيارات .. هذا نركبه عالسيارة بـ 120 درهم و احنا نضحك (النوع الأمريكي العادي) .. لكن هو بالأصل سعره 7 دراهم و نص

و مشي حالك .. آسف طولت على اخواني القرآء .. بس حبيت اشارككم خبرتي في حركات محلات الألعاب

ســـــلام ..

[coolhell]

الآسيوية بـ 240 درهم .. قال اذا تريد اجيبلك PAL بس بـ 280 درهم , قلتله يعني شايفني لهالدرجة مضطر عاللعبة جاي تضحك علي يا بطة ؟؟؟

(هذا البنغالي اللي بيبع سميته بطة من ايام ps2 لأنه شبه شعار البطريق اللي كان ينحط على الألعاب المنسوخة وقتها) بس آني قلت كلمة بطة اسهل من بطريق .. فإعتمدت الإسم ..

المهم .. هو عارفني اكره الإستغفال و الحركات هذي اللي يسويها عشان يضحك عالزباين الجدد , قلتله اشتريها من النت و توصلني بـ 180 درهم بس و نسخة PAL على كيفي ..

قال طيب خلص , عطيني بس اسبوع و تعال خذ الـ PAL بـ 190 درهم

بس طبعا ً لسة في واحد اعرفه شايله للطوارئ .. يمكن اليوم اروحله اشوف شنو الأوضاع عنده .

شوف .. السعر مو مشكلة الحمد لله .. لكن انو الواحد يستغفلني و كأني البارحة دخلت عالم الـ video games هذي ما احبها .. يعني لأني فاهم القصة كلها فبالنسبة لي اقدر آخذ اللي اريده بالسعر اللي اريده لأني فاهم و عارف تسعيرة المحلات زين .. اساسا ً اللعبة كلها على بعضها اقل من 100 درهم كلفتها .

الألعاب اللي كانت تجي ايام ps2 تكلف المحل بس 3 دراهم .. و كانت تنباع بـ 10 دراهم بس كنا نقول يستاهلون لأنها تجي من تحت لتحت .. حقهم عشان المخاطرة و هالكلام و 10 دراهم مو مبلغ يعني ..

عالعموم محسوبك دارس إقتصاد و لأنهم اصحابي فتلقاني عارف حركات كل المحلات و تسعيراتهم الحقيقية ..

مثال بسيط نستعمله كثير في حياتنا : موضوع المخفي , مخفي زجاج السيارات .. هذا نركبه عالسيارة بـ 120 درهم و احنا نضحك (النوع الأمريكي العادي) .. لكن هو بالأصل سعره 7 دراهم و نص

و مشي حالك .. آسف طولت على اخواني القرآء .. بس حبيت اشارككم خبرتي في حركات محلات الألعاب

ســـــلام ..

[الكونت محمد17]

تم تغيير أسم الموضوع يا شباب ليصبح الموضوع الرسمي
:
Enjoy
:
و لا شكر على واجب
:
تحياتي : الكونت محمد17

[The Big_Boss]

بالمناسبة أخوي coolhell كم عدد أعضاء الكلان حالياً؟

الآسيوية بـ 240 درهم .. قال اذا تريد اجيبلك PAL بس بـ 280 درهم , قلتله يعني شايفني لهالدرجة مضطر عاللعبة جاي تضحك علي يا بطة ؟؟؟

بطة !! هههه
أنتم على الأقل شوي أسعاركم غالية, ما أقصد أنها رخيصة لكن النصب عندكم متوسط
أما أحنا على كيف كيفك
أرخص محل أعرفه قال لي بـ350 وهو قبل ما يقول لي السعر يقول أفضل ما أقول لك لانه عارفني
دائماً يقول لي أصبر من أسبوع لأسبوعين وتلقاها ترخص وكلامه صحيح
أو أني ألقى مستعمل مثل هيفي راين أخذتها بـ170 أوربية والجديدة بـ240
والله أني بعض الأحيان أخذ لفه على المحلات أو مواقع الأنترنت وأشوف آخر الأسعار ياشيخ نصب وطمع على كيف كيفك
قود أوف وار ناس أشترته بـ450 المشكلة ياخي أنه هذولا لقو ناس مستعدين يدفعو ^^
وعلى فكرة تراني مثلك ما يهمني السعر أهم شي لا تخليني أحس أنك جالس تستغفلني
ألعن شي عندي لما يقول لي راس مالي هو 260 وأنا ببيعها عشانك بس بـ270 يا سلام ^^

قال طيب خلص , عطيني بس اسبوع و تعال خذ الـ PAL بـ 190 درهم

هذا طيب ^^
انا أي واحد أقول له بره سعرها كذا وأرخص يقول لي طيب روح أشتري من بره هههه

الألعاب اللي كانت تجي ايام ps2 تكلف المحل بس 3 دراهم .. و كانت تنباع بـ 10 دراهم بس كنا نقول يستاهلون لأنها تجي من تحت لتحت .. حقهم عشان المخاطرة و هالكلام و 10 دراهم مو مبلغ يعني ..

صحيح كلامك

مثال بسيط نستعمله كثير في حياتنا : موضوع المخفي , مخفي زجاج السيارات .. هذا نركبه عالسيارة بـ 120 درهم و احنا نضحك (النوع الأمريكي العادي) .. لكن هو بالأصل سعره 7 دراهم و نص

صحيح
لكن المشكلة ترى إذا أنت خبرة في تسعيرة شي تراك في نفس الوقت في أشياء أخرى ما تدري عنها إلا لما تتعرف على شخص وتعرف الأسعار الحقيقة تقول وأنا من زمان ما أدري
والمشكلة الثانية المنتجات ذات السمعة هذي لو تعرف أنه سعرها الأصلي بـ5 وعندنا بـ100 أيش بتسوي؟ تدور كل مكان مافي, كلهم بنفس السعر مثل موضوع السيارات

و مشي حالك .. آسف طولت على اخواني القرآء .. بس حبيت اشارككم خبرتي في حركات محلات الألعاب

تسلم على الفائدة والله يزيدك وأحنا ما بيدنا إلا ننتظر ترخص الأسعار ^^ أو نخليها تصدي خخخخ <<<

[coolhell]

واللهي عدد شباب الكلان حلو .. بس عاد جيبلي واحد منهم يجيك وقت الدوريات ولا السيرفايفل .. هههههههههههههه .. اصلا ً جيبلي واحد منهم يدخل عاللعبة !!!

بس ياخي لازم نجتمع شوي شوي .. يعني فعلا ً اتمنى الشباب يشاركونا بغرف عادية و بعدين شوي شوي نصير ندخل على اشياء أكبر .. المهم يجتمعون

ههههههههههههههههه .. متابعة محبوبة منك يا Big Boss ..

من شوي رحت اشوف GOW3 على حسب اتفاقي ويا واحد المحلات اللي كنت اشتري منهم و انا في الإعدادية , لقيته جايبلي نسختين NTSC US !!

قلتله لأ , اريدها PAL .. قال نفس الشي و الأونلاين هو هو .. قلتله ياخي انا مريض نفسي , شتسويلي ؟ اريد PAL .. فعطاني نسخة رهيييييييبة limited edition بصراحة غلافها تحححححححفة رررووووعععة .. و شفتها مكتوب انو فيها شوية زيادات ..

بس بكم ؟؟ بـ 300 درهم .. قلتله ادفع 100 زيادة عشان الغلاف ؟؟ قلي لأ هذي فيها كروت و بوستر و ماعرف شنو .. قلتله مانا ياخي اريد بس السي دي

المهم .. قال ارجعلي بالليل , و بيني بينك شكلي يأما آخذها بالسعر اللي اريده , يأما انتظرلي اسبوع

[The Big_Boss]

واللهي عدد شباب الكلان حلو .. بس عاد جيبلي واحد منهم يجيك وقت الدوريات ولا السيرفايفل .. هههههههههههههه .. اصلا ً جيبلي واحد منهم يدخل عاللعبة !!!

بس ياخي لازم نجتمع شوي شوي .. يعني فعلا ً اتمنى الشباب يشاركونا بغرف عادية و بعدين شوي شوي نصير ندخل على اشياء أكبر .. المهم يجتمعون

خخخ الصبر مفتاح الفرج
إن شاء الله تدريجياً تتيسر الأمور وتشوف الشباب عندهم الأضافات ويجو
مع أنه السيرفايفل رايح يكون مفتاح فشل الكلان وتفرقته لول
أنا عندي خطة بسيطة تتعلق بحذف لاعبي إذا الأمور تيسرت بقول لك الخطة ^^
وعلى قولتك خلي الشباب يتجمو في التجمعات العادية بعدين نفكر بالدوريات والسيرفايفل
أنت تبغى الكلان خاص بالعرب أو حتى أجانب؟
عشان لما تسوي غرفة تقول لأي شخص يدخل لك رغبة تدخل كلاني ^^

من شوي رحت اشوف GOW3 على حسب اتفاقي ويا واحد المحلات اللي كنت اشتري منهم و انا في الإعدادية , لقيته جايبلي نسختين NTSC US !!

هههههه الله برج أبليسك
أعتقد الأمريكية مافيها مشكلة إذا سعرها مناسب لكن من جد لك عقدة مع الأوربي
أنا دوبي سالت خويي قال لي صار سعرها بـ280 قلت يعني نصبر كمان أسبوع أو إن شاء الله نلقى مستعمل بسعر كويس
أما اللميتد أديشن أظن يجي معاها صندوق ودسك أغاني وأشياء ثانية مالها أي داعي مرة وحده تشوفها وما تستفيد وأصلاً تقدر تشوفها في الأنترنت ^^
فهو كأنه بس أخذ الدسك حق اللعبة ومعطيك هي بسعر عالي شوي