دروس و أفكار شامله عن الفلاش ( بجنون .. ;))

**MZM** · 12-12-2002, 10:44 AM

الحين بعد ما زدنا سماكة الخط للضعف و خليناها تساوي 2
بأداة الـ Ink Bottle ^^ اصبغ خط الرموش و راح تلقاه يصير سميك

انا راح اخلي الرموش مثل ما هي نحيفه ^^ ما اغير سماكتها ... لكن حبيت ابين ها الخطوه .. و كيفية تغير سماكة الخطوط يمكن تحتاجها بشكل اكبر بأجزاء مهمه يا فنان

**MZM** · 12-12-2002, 10:49 AM

الآن بعد ما كملت كل الرسمه و جهزت خطوطها للتلوين

الحين روح لصورة ميمي الاصليه و خلها بألوانها الحقيقيه :6 ..
يعني شيل الشفافيه اللي سويناها لها بأول الشرح ...
و خل الصوره واضحه 100% (Alpha تساوي 100%)

نبدا التلوين و أضن ها المرحله ما تحتاج شرح كثير

..... ما عليك غير انك تختار أداة الصبغ Paint Bucket و راح تطلع لك تحتها رمز لنفس الاداه و فيه جنبه مربع اختيار اللون ..إضغط عليه و راح تطلع لك نافذه بألوان كثيره ..
و يتغير شكل مؤشر الماوس و يصير على شكل شفاطه للألوان
و منه تقدر تختار الالوان من الصوره الاصليه بكل سرعه و سهوله و ابدأ لون بنفس اللون الاماكن اللي بالرسمه حقتنا ...

على شان يسهل عليك التلوين روح للطبقه الاولى اللي تحت ... و اسحب الصوره الأصليه لميمي و خلها جنب رسمتنا
يعني خلهم مقابلات بعض (مثل ما تشوف بالصوره المرفقه) و خذ الالوان من الاصليه بالشفاطه حقة اداة الصبغ و حطهم بالرسمه ^^

**MZM** · 12-12-2002, 10:54 AM

((خزن ملف الفلاش عند هاذي المرحله لو حبيت تطبق عليه و تكمل))

**MZM** · 12-12-2002, 10:58 AM

الحين اختار السهم الاسود Arrow Tool
و اختار خطوط حواف الظلال السودا في الرسمه و امسحهم :6
اختارهم بالماوس و إضغط زر Delete بالكيبورد ^^

شوي شوي لما تنظف الرسمه و تصير بشكل افضل

المهم امسح كل الخطوط اللي تحدد الظلال مثل ما هو مبين بالصوره

**MZM** · 12-12-2002, 11:01 AM

((خزن ملف الفلاش عند هاذي المرحله))

**MZM** · 12-12-2002, 11:08 AM

الحين بعد ما خلصنا من الرسم و التلوين ..

ننظر نظره أخيره على الرسمه :6 ..

راح تلاقي اننا نسينا شي مهم حييييل :!

طالع للوجه زيييييييييييييييين و بقق عيونك :! شووووف شنو ناقص

اللي ناقص هو حمار خدود البنت

ههههههههههههه :6

يمكن تضحك و تشوف الامر بسيط بخيالك

حط نقطتين و امش

لكن تعمدت أخلي ها الخطوه آخر شي

... لإن الحمار الشفاف على الخدين يبيله تلوين من نوع خاص

الحين روح لخد من الخدين و اعمل دائره الحمار عليه ... خل الدائر مكتملة الاستداره بقطر ثابت .. لا ترسمها بيضاويه
خلها مثل اللي بالصوره تماما

بعدين اضغط على حواف الدائره بالماوس و امسحهم :6 .. خل بس اللون الوردي اللي داخل الدائره ^^

**MZM** · 12-12-2002, 11:13 AM

الحين روح و طلع النافذتين الخاصات بخلط الالوان و حواف التحديد و خواص الصبغ ^^
النافذه الأولى اسمها Fill الخاصه بنوع الصبغ و لونه

افتحها من
Fill <<<< Panels <<<< Window
و النافذه الثانيه اسمها Mixer ...
افتح هاذي النافذه من
Mixer <<<< Panels <<<< Window

من الاسم واضحه وضيفتها بخلط الالوان و لاحظ وجود خاصية Alpha بالخلط :6 .. يعني ممكن نحط لون شفاف ;-) و نخلطه بلون ثاني ^^ ... و نسوي منه خلطة لون حمار الخدود اللي بالنص لون وردي و الحواف شفافه بالشكل المطلوب

**MZM** · 12-12-2002, 11:20 AM

الحين نبدا بخلط الالوان ... اول شي نختار نوع و اسلوب التلوين ^^
اختار من نافذة الـ Fill نوع الـ Radial Gradient يعني تدرج شعاعي خاص بتلوين الدوائر ..
ينطلق من مركز الدائره من اللون اللي على اليسار بالتدرج و شوي شوي يتحول للون اللي على اليمين بالمدرج ... المدرج حق الالوان اللي واضح بالصوره و فيه عند كل طرف مؤشر للون !(واضحين تحت كلمة Radial Gradient مباشره و مؤشر عليهم بالاسهم ) .

ممكن تحط اي لونين يعجبونك ..و راح تشوف اللون يتدرج بنعومه بين اللونين اللي بتختارهم ...

حنا راح نختار لونين .. الاول بقلب الدائره احمر مايل للوردي .. و الثاني نفس اللون لكن شفاف (يعني Alpha للون اللي يمين المدرج تساوي صفر)

**MZM** · 12-12-2002, 11:30 AM

الحين اضغط ضغطه وحده على دائرة حمار الخد و خلها تأشر .. بعدها اضغط على مؤشر اللون اللي على يمين المدرج و خل Alpha تساوي صفر لهذا اللون ... و زيحه شوي يسار على شان تتحقق الشفافيه التامه قبل ما يوصل لطرف الدائره ...
مثل الصوره اللي تحت بالضبط ^^

راح تلاحظ تغير لون الدائره .. صارت بالنص أحمر مايل للوردي و بالأطراف سودا ( اللون الاسود يرمز للشفافيه ) ...
يعني صار كل شي تمام ... اهم شي انك تتأكد من اختيارك لدائرة الحمار قبل ما تغير بالألوان اي شي .. علي شان تشوف ألوان الدائره تتغير مباشره جدامك

...
لكن لو ما اخترتها و غيرت بالوان الخلط على طول ما راح تشوف اي شي يتغير و راح تضطر انك تصبغ الدائره من جديد بأداة الصبغ

**MZM** · 12-12-2002, 11:35 AM

بعد ما تتحول دائرة حمار الخد لنوع Graphic غير حجمها بأدات الـ Scale و اضغط عليها بالزر الايمن للماوس و حط قيمة Alpha تساوي 30 ^^

راح يكون حمار الخد شكل مقبول حيل :6 ...

**MZM** · 12-12-2002, 11:40 AM

و اعمل له كوبي و الصقه على الخد الثاني بكل سهوله

... و تقدر بعد تخلي نقطة الخشم شفافه ^^
من دون ما اتكلم اتوقع تقدر تسويها من نفسك الحين يا فنان

على شان تشغل عرض الفلاش إضغط زرين Ctrl+Enter بنفس الوقت

او روح لـ Test movie <<<< Control

و النتيجه بتكون رسمه نظيف سريعه بالفلاش ...
لشخصية مسلسل Memole Dolce Memole

اخترت ها الشخصيه لسهولة تطبيق و رسم شكلها ^^ .. و تنوع اسلوب تلوينها و جمال شكلها

اتمنى يكون اختياري موفّق

انتهييييييييناااااااااااااااااا

:6

":"

و هاذي النتيجه الاخيره .. رسمه نظيف مرسومه بيدك بالفلاش

**MZM** · 12-12-2002, 11:45 AM

((خزن ملف الفلاش النهائي ))

**MZM** · 12-12-2002, 11:56 AM

إنتهت اول خطوه لشرح اول فكره من افكار الاخراج الفلاشي لرسوم قصص الأنيمي ..

و هاذا هو المنحنى الجديد للموضوع

و الأفكار الجايه مع الشرح كثير ان شاء الله .. أتمنى تكون اول فكره مفيده و سهلت عليكم كثير من الامور

و أتمنا تكون ها الرسمه هي بدايه قويه لكل فنان أو فنانه مهتمين بالفلاش

و أهم خطوه بعروض الفلاش المنجاويه ^^ هي انك تتمرس على رسم الاشكال فيه بسهوله

و انا بالشرح نسخت رسمه جاهزه ... و انت انسخ رسمه من رسومك و شوف النتيجه

... ما بيخيب املك ابدا

لا تنساااا ... الحدود دوم هي حدود خيالك

الحين أقول

سلاااااااااااااااااااااااااااااااااااااااااااااااااااااااااااااااااام و أشوفكم على خير يا فنانين ^^

**لوجــــــين** · 12-12-2002, 07:45 PM

سلالالالالالالالالالالالالالالالالالالالالالالالالالالالالالالالالالالالالالالام ..:0)

الحمدالله على السلامه mzm

مشكور على الشرح الحلو يا فنان أبدعت الصراحه

طبقت خل خطواتك بحذافيرها و عرفت اشلون أنسخ من رسمه لي

مشكوووووووووووووووووووووووووووووووور و ما تقصر و عساك على القوة ;-)

انشالله تحط لنا درس جديد في أقرب مده ممكنه و ياريت لو تشرح اشلون نسوي كليب بسيط حق رسمه متحركه

و هاي محاولتي :#

سلالالالالالالالالالالالالالالالالالالالام ;-)

**MKX** · 15-12-2002, 01:12 AM

مشكوووووور على الدرس اخوي MZM .. الصراحة كفيت ووفيت

اخوك ":" ":" ":"

الموضوع: دروس و أفكار شامله عن الفلاش ( بجنون .. ;))

أدوات الموضوع

ضوابط المشاركة