الي يبغى اي مساعده في تعديل سيارته يدخل

**راعي الجي تي آر** · 30-07-2003, 06:15 PM

لا شكر على واجب

**ghabo6** · 02-08-2003, 08:45 AM

السلام عليم

انا عندي لومينا LS ابيض 2002 شنو تشور علي

ملاحظة : ترى انا ما اعرف شي بالسيارة :#

يعني ... الوالد ما قصر علمني اشياء خفيفة!!! :-)

**R A M I** · 03-08-2003, 07:32 PM

السلام عليكم

انا عندي سوناتا فل كامل اللون اسود

وش اسوي فيها برايك ؟

ومشكور مقدما

**MR.أستبنه** · 03-08-2003, 10:32 PM

اول شي مشكورين على ردودكم وتواصلكم
ثاني شي الاخ ghabo6 عندي لك فكره
اقلبها دوريه ورح تمشى واستهبل على العالم :6 :6
او انك تركب لها حاجات اس اس مثل الصدامات والجناح والاشياء الي تختلف وتركب عليها لزقات جانبيه سوده وتكون على شكل نار جانبيه من قدام لورى وتكون كبيره بحيت تخلي الي يشوفها كانها محروقه
وانوار زينون وجنوط غريبه تكون سوده او ابيض او فضي
وراح افكر لك باشياء جديده وانشأ الله تكون بالرد الجاي
والاخ AbO GaMaD السوناتا حاوه مره وعاجبتني وانا انصحك انك تغير الاسطبات الخلفيه وتخليها كرستال او تسويها بنفسك بحيث انك تفك الغطى حقها وتقص قطع دائريه حرى وتركبها على الفتحات بس انشأ الله تكون فهمت كيف
وتركب انوار زينون وجنوط مقاس 18 وتلعب بالمكينه وتزودها وتلغمها لان السوناتا الجديده تتحمل التلغيم
والباقي في الرد الجديد لاني مستعجل الحين

**MR.أستبنه** · 05-08-2003, 01:32 AM

هذا هو الرد الثاني
الاخ ghabo6 على اللومينا
هذي حركه حلوه تسويها و هي انك تقلب السياره من لومينا الى هولدن وهي النسخه الاصليه من لومينه والتغييرات راح تالاحضها بالصوره المرفقه بالاخير

اما الاخ AbO GaMaD
فازياده على الي قلته لك تركب فتحه تهويه في الامام في الكبوت
وتركب لحيه وزوايد

**ghabo6** · 05-08-2003, 08:43 AM

يعني اقدر احط لها اضافات اخليها احسن من اس اس ؟؟؟
:واو:

:!

بس وين احصل الاضافات الخارجية لاني انه بالكويت والربع يقولون احسن مكان اهو دبي فيها الي تبي من اضافات لا و رخيص بعد

تبون قبوط ترى انه حاظر بس ترى طباخي مو شي

**MR.أستبنه** · 06-08-2003, 12:36 AM

والله بالنسبه لموضوع دبي فانصحك انك توجه السؤال للاخ راعي الجي تي ار فهو من اهل الامارات
وتقدر تسويها عندك بالكويت عند محلات الفيبر جلاس
وبالنسبه للقبوط فمافي اي مانع ارسل ;-) ;-)

**راعي الجي تي آر** · 06-08-2003, 03:54 PM

انا انصحك يا اخ ghabo6 تجي الإمارات
واحسن الاماكن في التعديل
دبي
الشارقة
أم القيوين
راح تلقى اللي يعجبك
في الشارقة ودبي روح المناطق الصناعية
صوب الكراجات
اما أم القيوين
انت روح الحلبة
واسأل الشباب هناك
وهم بيخبروك

**MR.أستبنه** · 07-08-2003, 03:08 AM

زين انك جيت اخوي راعي الجي تي ار
انقذتني .................................(وين قاعدين)
على العموم مشكور على المساعده

**MR.أستبنه** · 09-08-2003, 12:55 AM

اخوي راعي الجي تي ار
سمعت انو في محلات حق تعديل السيارات جنب فندق الحياه ريجنسي هل هذا صحيح لاني ناوي اجي للامارات واروح لهذي المحلات

**محـ الجهني ــمد** · 10-08-2003, 12:39 AM

هلا بك حبيبي ايش تنصحني اضبط سيارتي من نوع كورولا xli executive2002 واللون ابيض والامكانيات المادية طيبة بايش تنصحني وارجوا منك سرعة الرد وشكرا

**MR.أستبنه** · 10-08-2003, 03:28 AM

هلا و الله اخوي محمد

كورلا يا كورلا ..... عندك :-
تقلبها 2003
وتفصلها صدام مثل سيارات الرالي بحيث تكون فيه فتحه كبيره
وتلعب بالمكينه مثل البواجي والفلاتر والثكمان والاشياء الثانيه علشان يصير لها عزم مب صاحي
ومضخمات
وانوار زينون
مراتب رياضيه ومسجل الي يطلع منه شاشه
وفتحه تهويه في الامام
وجناح مازده 6 والله يطلع عليها خطيييييييير
وزوايد جانبيه
وجنوط مقاس 17 وتكون على شكل 7 او 8 ريش يعني خطوط اذا ما فهمتها
وتركب رفارف وتنزل السياره شوي
وتركب تضليله خفيفه

وانشأ الله ادورلك اشيأ ثانيه

مع التحيه ...............

**The Blue Dream** · 10-08-2003, 01:21 PM

عندي انا دايو ماتيز وش احط فيها
ابغى ازبط شكلها فقط

**MR.أستبنه** · 11-08-2003, 01:35 AM

يا اخوي اول شي هلا بك في موضوعنا

وثاني شي ابيك تعلمني هالدايو حقتك هي الي تجي كأنها فرده جزمه يمين (تشبيييه مدري وش يبي)
لان انا ما اعرف بالدايو شي

واستعجل علي علشان اكتب الرد .........

**محـ الجهني ــمد** · 11-08-2003, 10:30 AM

اقول لك طول الله في عمرك كيف احط صورة السيارة في نفس المشاركة عند الرسالة يعني حاولت احط صور لكن ماعرفت ارجوا منك انك تعلمني الطريقة وشكرا:# :# :# :# :# :#

الموضوع: الي يبغى اي مساعده في تعديل سيارته يدخل

أدوات الموضوع

re

re

مشكور اخوي وارجوا منك سرعة الرد

السلام عليكم حبيبي

ضوابط المشاركة