موضوع للنقاش One Piece أنمي (3)

[Snake-87]

مشكورين كلكم ..
نزلت البرنامج إلي فوقي بتتورنت
التنزيل 4 ><"
والنت سريع جدا عندي >.>

[(animation)]

مشكورين كلكم ..
نزلت البرنامج إلي فوقي بتتورنت
التنزيل 4 ><"
والنت سريع جدا عندي >.>

سنيق^^
اترك عنك
انت نفس حالتي بالتورنت و كنت كارهه وما زلت بس اقل من قبل بوايد
bitspirit
برنامج لا يعلى عليه توب ما يحتاج تضبط الستنق الا امكان التخزين يعني وين تبي تخزن الملف هذا اذا تبي تغيره

[The Missing Legend]

السلام عليكم،
كيفكم شباب طيبين.... تصدقون عاد أني موصل بس للحلقة 68 بس أدري أني قديم ومغبر...
المهم هذا مهو الي أبغى أقوله ... من خلال قرائتي لرد في صفحة رقم 19 عن حجم الحلقة 300 وعليها... أنا أعرف موقع حجم الحلقات 75 MB لكل الأنيمي وجميع الحلقات.... أنشاء بكره أروح البيت وأكتب أسم الموقع هنا... مع العلم أنه مجاني....

[bri39ey]

[/QUOTE]

اشوف الكل مطيح على بيت كوميت هــــا !

بالنسبة لي BitComit الأصدار 0.70 وبدون اي مشاكل تذكر
واعتقد انه سبب المشاكل هو البرنامج الي عندك لأنه قديمي لأنه صادفتني نفس المشاكل
ولكن ما ان حدثة البرنامج It's All Good
ونصيحة من أخ الى أخيه المسلم استخدم bittirrent
لأنه سريع وعملي جداً وسهل ولكن عيبه انه لا يمكنك تنزيل اكثر من ملف او اثنين
في نفس الوقت والبرنامج صغير جداً ولا يستهلك شيء من الرام
تقدر تنزله من الموقع الرسمي

http://www.bittorrent.com/

البيت كوميت فيه ميزة ما لقيتها في كثير برامج غيره ومنها إنه تقدر تنزل أكثر من ملف مره وحده وثانيا إذا كنت بنزل باتش ( أكثر من حلقة برابط واحد ) ممكن أختار الحلقات اللي أبيها واللي ما أبيها ما تنزل عكس بعض البرامج اللي تنزل الباتش كامل وإنت ممكن تبي حلقة وحده بس

مشكورين كلكم ..
نزلت البرنامج إلي فوقي بتتورنت
التنزيل 4 ><"
والنت سريع جدا عندي >.>

إنت تستخدم التنزيل عن طريق الستالايت ولا عادي ؟؟
لأن صاحبي عنده الشوتايم فما يقدر ينزل تورينت لأن الشوتايم عن طريق الستالايت

[Snake-87]

إنت تستخدم التنزيل عن طريق الستالايت ولا عادي ؟؟
لأن صاحبي عنده الشوتايم فما يقدر ينزل تورينت لأن الشوتايم عن طريق الستالايت

انا E-go
HSDPA
مثل الموبايل
بس سريع

[Homeless]

السلام عليكم و رحمة الله و بركاته ..

___

matelboy

و عليكم السـلام .. حـياك الله معانا ..

أكيد الموقـع راح يفيـد أصحاب الـ Dial-up ..

شكراً لك مقدماً ..

___

راح يتم إعادة بث الحلقة 302 في Thursday, 3/29 ..

و كل الوصـلات المتوفرة الحين هي لـحلقات غير كاملـة .. ><

___

سـؤال للنقاش .. إذا حابـيـن يعني ..

و تـكفـون ما نبي سبويلـرات <-- يعرفـون نفسهم ..

بعد أحداث Enies Lobby .. تتوقعون ايش راح يـكون وضـع الـ Bounty للـ Straw hats .. !

أكيـد أحـداث مثـل هذي مـاراح تـمر مـرور الـكرام ..

عن نفسي أتوقـع زيادة الـ Bounty لـكل من Luffy / Zoro / Robin ..

ممم و من الباقـي أتـوقـع الـكل .. إلا Chopper ..

و الله يمكن بـعـد .. بس مـاقـدر أتـخيلـه محطوط على بوستـر Wanted ..




~

[The Fridge]

وسوجي كينج؟ وين راح؟

تراه هو اللي حرق علم حكومة العالم effectively معلنا ((الحرب)) على الجميع!

روبن بالطبع سيكون لها حصة من الباونتي ولكنها بالقطع لن تكون الاعلى.. ولا حتى في المراكز الثلاث الاولى!

بالطبع لست على دراية بماهية الباونتي على رؤوسهم (دعك طبعا من معرفتي بتغييرها من الاساس!.. فمن الممكن جدا ان يدمروا حكومة العالم في طريقهم نحو الخلاص for all I know )

ولكن ترتيبي والذي اراه (عادلا) وفقا لما مر به كل عضو على حده هو كالتالي:

لوفي

سانجي

سوجي كينج

فرانكي

تشوبر

زورو

نامي (على فكرة.. عندنا بالصف وحدة تشبه نامي الخالق الناطق.. اقسم بالله الشبه بينهم فظييييع!! بحاول احط صورة انشالله

تشيمني

[Homeless]

وسوجي كينج؟ وين راح؟

مـوجود ..

يـوم قلت "ممم و من الباقـي أتـوقـع الـكل .. إلا Chopper .. "

قصـدت بالـ باقـي ( Sanji - Nami - Chopper - Sogeking ) ..

تراه هو اللي حرق علم حكومة العالم effectively معلنا ((الحرب)) على الجميع!

و من ينسى هاللقطة الخطيرة .. ^^

روبن بالطبع سيكون لها حصة من الباونتي ولكنها بالقطع لن تكون الاعلى.. ولا حتى في المراكز الثلاث الاولى!

ماراح تـكون الأولـى بـكل تأكيـد .. بس أتـوقـع راح تـكون من الـثلاث الأوائل .. و بالتحديد الثالث ..

ولكن ترتيبي والذي اراه (عادلا) وفقا لما مر به كل عضو على حده هو كالتالي:
لوفي
سانجي
سوجي كينج
فرانكي
تشوبر
زورو
نامي (على فكرة.. عندنا بالصف وحدة تشبه نامي الخالق الناطق.. اقسم بالله الشبه بينهم فظييييع!! بحاول احط صورة انشالله
تشيمني

هههههه تشيمني ..

الترتيب اللي أنا تـصورته مختلف وايـد ..

• Luffy
• Zoro
• Robin
• Sanji
• Franky ( في حال انضم لهم )
• Sogeking ( ليس تقليلاً من شأنه .. لكن هذا توقعي.. ^^ )
• Nami ( بانتظار صورة شبيهتها هههه )
• Chopper

و بانتظار رأي باقـي الـشباب



~

[Hinata-sama]

السلام عليكم ^_^


مسألة الباونتي ع كل الطاقم فكرت فيها قبل هذي الأحداث ، خصوصا ً بعد ما شفت ردة فعل سانجي ع الباونتي اللي على زورو

بعد هذي الأحداث ، أتوقع الترتيب بيكون جذي :-

بتزيد قيمة الباونتي بشكل كبيير للثلاثة اللي في الطاقم ، لكن بيحافظون على الترتيب الحالي

يعني ،

Luffy

Robin

Zoro

و أتوقع الترتيب للبقية بيكون جذي :-

Sanji
Sogeking > سالفة العلم ما بتعدي على خير ، و أتمنى اني أشوف صورته على بوستر بدال الجزء اللي طالع من صورته على بوستر لوفي

Franky سواء انضم لهم أو لا ^^

Nami و Chopper > أتوقع بيكون لهم نفس الترتيب

ومثل ما قلت أخوي هوملس حرام ينحط تشوبر الكيوت في بوستر ، بس مب مشكلة عندي اذا حطوا صورته و هو كبير

مشكوور ^____^

[لوفي ,,]

أتوقع غير سالفة البونتي ,,

بعد اينيس لوبي ,, بيدأون سيرهم في قمة القراصنة,, ولا تنسون الي قالته العجوز.
في لوفي ,,

ولا تستعجلون في سوجي كنج يمكن في الحلقة الياية ,, يسوي شي في
الباستركول ,,

[Abdul-Rahman]

شباب طيب سوجي كينج لو حطووا على راسه جائزة
وش بتكون صورته اتوقع بدون قناع يعني بيكون يسوب
>> أكيد المؤلف يبي كذا عشان يشوفه ابوه وعصابته والبنت اللي نسيت اسمها
ولا وش رايكم
وبالنسبة للترتيب اتوقع كذا بيكون
لوفي >> شي أكيد
روبين >> ما تستاهل إنها تكون اعلى من زورو بس مشي حالك ( كله من البونجليف )
زورو >> والله زورو خطيييييير المفروض على اودا إنه يخلي على راسه قيمة مقاربة للوفي
سانجي
والله محتار بين فرانكي وسوجي كينج و تشوبر ونامي
عشان كذا خليها لكم
لاني انا لسه واصل في قتال تشوبر مع اللي يشبه جيرايا
وعلى طاريه ما تلاحظوا إن اودا جاب جيرايا بنفسه وحطه في ون بيس
والله نفس الحركات وكل شي وحتى الصوت تقريبــًا لكن ماهو نسونجي
ويالله سلام
.

[ahmadkb]

السلام عليكم ورحمة الله وبركاته

راح يتم إعادة بث الحلقة 302 في Thursday, 3/29 ..

و كل الوصـلات المتوفرة الحين هي لـحلقات غير كاملـة .. ><

أرجوا من الذين سيتكلمون عن الحلقه 302 يكتبون بالأبيض أو يضعون الكلام في صندوق. حتى تصدر الحلقه الملصق عليها الترجمة.

-----------

بالنسبه للترتيب حسب رأيي الشخصي.

1- لوفي
2- زورو
3- سانجي <== لا أتصوره تحت روبين.
4- روبين
5- فرانكي
6- سوجي كينج <== الصوره ستكون لسوجي كينج وليس يوسب إلا إذا قناع سوجي كينج سقط أو تم معرفة هويته من قبل الحكومه.
7- شوبر <== أعتقد ستكون صورته وهو على هيأت البشر كما كان فوق البوابه قبل حرق العلم.
8- نامي

الترتيب على حسب مع من قاتلوا.

jakom jakما شاء الله وصلت لنا ^_^

وعلى طاريه ما تلاحظوا إن اودا جاب جيرايا بنفسه وحطه في ون بيس
والله نفس الحركات وكل شي وحتى الصوت تقريبــًا لكن ماهو نسونجي

صحيح نفس الشيء.

ولكن الطريقه التي يستخدمها الإثنان معروفه عن اليابانيين باسم كابوكي "Kabuki"

[L.Z.N.Y.S]

و تـكفـون ما نبي سبويلـرات <-- يعرفـون نفسهم ..

كأنه الحجي زايد علينا السالفة صار لها قرن وانتهت

لوفي

سانجي

سوجي كينج

فرانكي

تشوبر

زورو

ترتيب حلو ولو انه سانجي ما يستحق الثاني من ناحية البونتي والسبب انه قاتل خصم اضعف من خصم زورو وتشوبر وسوجي وفرانكي ازيد من زورو هذي قوية شوي

نامي (على فكرة.. عندنا بالصف وحدة تشبه نامي الخالق الناطق.. اقسم بالله الشبه بينهم فظييييع!! بحاول احط صورة انشالله

تشيمني

بالأنتظار ... انا شفت صورة لل قوسبل في امريكا او شي في واحدة كانت تشبه نامي بشكل خيالي وحتى اللبس لأنه قوسبل طبعاُ

[Rave Master]

السلام عليكم ورحمة الله وبركاته

أووووووووووووووه تصدقون من زمااااااااااان عنكم ... شوفوا الإثبات خخخخخخ

السلام عليكم ورحمة الله وبركاته , Rave Master .
آخر زيارة لك كانت: 21-02-2007 الساعة 06:35 PM

كملت شهر أبوووووووك يالدراسة كللللللله من الدراسة ... الله ياخذ هالرياضيات العله
<< الحين يقولون دحيحة

شخباركم ؟!؟! شعلومكم ؟!؟! و الله من زمااااااااان عنكم ... و مالت و لا أحد يسأل ماتت حية مرضت و لا ماتت مرة ثانية ... و عرست(تزوجت) خخخخخ أتخيل أعرس و أسحب ون بيس وراي XD
<<< أنتي يالمضيعة ... ترا داخلة موضوع ون بيس مو موضوع سوالف و جات و خربطان

هههههههههههههه خلوني أهذرب زيييييين ... من زمااااااان ما دخلت المنتدى ><"
السموحة منكم مقاطعتنكم <<< انزين مو دنماركيين تراهم >>> مشكلة الرزة XD
صارت لي ظروف و قطعناكم بالمرة خخخخخخخ بس أحلى شي صار في هالشهر أنه من يومين صرت عمة و لأول مرة من 16 سنة و أنا ينادوني خالوووه ... الحين صرت عمة T___T
محد يعرف رقم موسوعة قينيس بسجل إسمي لو يصير

==0====0====0====0====0==

أقول مو كأني هذربت وايد ....
شفت ون بيس من حلقة 296 - 299 ... (300 ما اشتغلت عندي يااااااااللقهر)
حماااااااااااس حمااااااااااااس حمااااااااااااااااس ... أقول شكله أخوي لوفي كبر ... و لا ليش اني مو شايفة ون بيس من زمان أحسه كبر !!

نامي كسرت خليفة تكسيييييييير ... نامي أنتي جي <<< الحين بيي جينوسكي بيصفعني طراق خخخخخ
أخيييييرا أوسوب و زورو خلصوا من سالفتهم و كل واحد فحاله....و ما شاء الله سانجي ما قصر لعب كورة لين ما قال بس و إحترقت ريلة و سوا لنا فلفل و ما فلفل لوووول يعرفني أحب الفلفل هههههههههههههههه
و زورو ><" .... آآآآآآآآآآآه لازم أنطر لين ما يتعدل لابتوبي الغبييييي ... قهههههههر
و لوفي و لوتشيي للحين مو ناوين يخلصون ｘD ... بس و صراحه حماااااس فظيييييييع

ربيعتي تقول لي أحسج معاهم مندمجة من الخاطر ... قلت لها ون بيييييييييس هذا ون بيييييس ...XD

><" ... عزيزي كمبيوتري متى يرجع علشان انزل الحلقات الباقية ... لنا عودة لكم يا عيالي الأعزاء ... و الله كان ودي أعور لكم راسكم بس ليش أني تعبانة ناشة من الساعة 5 و نص و واصلة البيت 7 و الحين أذن العشا بروح أصلي و بنام نياهاهاهاهاااااااي نشوفكم مرة ثانية إن شاء الله
وراكم وراكم و الزمن طوييييييييييل

أوه صح نسيت أقول ... مبروك عليكم الموضوع الجديد ... ما شاء الله مرتب جدا و راااائع ما شاء الله يعطيكم العافية ... بس فيه شي واحد ناقص ><" ... ما حطيتوا صورتي أستهبل لا تسوون لنا قصة الحين <<< انتي ما قصرتي في الهذربان و القصص يعني محد له خلق قصص بعد هذربانج خخخخ

و انا نسيت أقترح عليكم من قبل أني ابغي قسم خاص فيني في الموضوع هذا علشان رسماتي الون بيسية <<< أقول قلبي ويهج لا تتصفعين الحين
لووول أمزح خخخخخخخ ... نشوفكم على خير إن شاء الله ^^
و يعطيكم العافية ^^

[Snake-87]

نزلت الراو بيوم كامل
بس 19 دقيقة xD
بسبب الزلزال ..
والنسخة الكاملة تنزل 29 -4