في احد بثالث السنة ذي ؟

[طخيمان]

بايسن

و الله مدري بالضبط وش إعرابها ... بس أعتقد مضاف إليه لإن قال فعل ماضي مبني على الفتح .. العلماء فاعل مرفوع و علامة رفعه الضمه و هو مضاف .. العلماء مضاف إليه.
إذا كتبتها كذا دربك خضر

بليجرو

ذكرتني بخويي طعيسان ( إيه على وزن طخيمان ) يوم يروح مكدنالدز و يقول بليز ون شقن سفري و كثر القطشب ههههههههه

يالله تعوضها يالغالي في الإختبارات الجايه و ما فاتك شي.

Ali , who teach me english , is saudi [ Take Out Who.
ما عرفت احلها عالاطلاق ، عليها نصف درجة

معقوله ؟ يا رجال أسهل سؤال جانا من زود الحقره حليته و أنا أناظر السقف << حبتين يالهياط
لا إسمحلي شكلك زلبت الماده و ما ذاكرت لإن حذف الكلوز أسهل قرامر في الكتاب كله ... بس يا رجال نص درجه دفعة بلا ما تضر إن شاء الله.

أما إضافة الـS سهله ما يبي لها , حنا جاتنا إضافة على كلمة Rise ( << كلمة بنت يهود تلخبط ) بس برضوا من زود الحقره حليتها و أنا أناظر المكيف .


الإختبار بصراحه كان صعب نوعاً ما و طويل ... بس الحمد لله أنا مذاكر و مستواي في الإنجليزي جيد بس توهقت في التعبير جاتنا القطعه الوحيده اللي ما ذاكرتها تبع المسكتشفين في القطب الجنوبي ... بس صرفت نفسي و كتبت إنشاء من عندي و بعد الإختبار كلمت أستاذ الإنجليزي و أجازها لي و قالي فالك بوفيهات طريق تبوك < أحيييه يالكبده

بطوطه : مناهجكم زي اللي عندنا و لا تختلف ؟

و لكم المايك.

[The Shadow]

بالنسبة لنا جائتنا قطعه English Literature ...

معقوله ؟ يا رجال أسهل سؤال جانا من زود الحقره حليته و أنا أناظر السقف << حبتين يالهياط
لا إسمحلي شكلك زلبت الماده و ما ذاكرت لإن حذف الكلوز أسهل قرامر في الكتاب كله ...

انا ما ذاكرت -_- اعتمدت على فهمي السابق والاختبارات القصيرة اللي خلتنا نتذكر بسرعة .

[بايــسُن]

حنا جانا تعبير عن عمر بن الخطاب - رضي الله عنه -
لـيـش!!! والله صعبه ...!!!
بس هو طلب 80 كلمه ورصيت له 200 كلمه خله يدوخ وهو يقرا
الله يعين القابله .. فقه و أدب

[AL ADMIRAL]

^
موفقين أن شاء الله

أنا أذكر أختبار الوزاره جانا : أكتب عن الملك فهد

عاد نص القطعه كتبتها عن الحرم المكي هههه يعني ذكرت أنها من أعماله التوسعه وخدمة حجاج البيت وأيش سوا ...
لأني ماعندي معلومات أصلاً كثير عن الملك

[بطووووطه]

.
.


احنا اصعب شي القطعه ..

و التعبير عن الـ calligraphy .. الحمدلله سهل
أغلبه اصلا كلمات مكرره .. يعني الحمدلله !

عاد أبلتنا مدري وش فيها .. الظاهر من نوع الكسووووول جدا .. !
الفراغات >> حلها بالترتيب
معاني الكلمات >> حلها بالترتيب
المعنى بالامريكي والبريطاني >> حله بالترتيب !
الظاهر مافيها تفكر وهي تصحح خخخخخخخخخخخخخ

أما إضافة الـS سهله ما يبي لها , حنا جاتنا إضافة على كلمة Rise ( << كلمة بنت يهود تلخبط ) بس برضوا من زود الحقره حليتها و أنا أناظر المكيف .

ههههههههههههههههههههههه .. تناظر المكيف هذي شي عجيب !
تنصحني اذا نسيت اناظر المكيف يعني و بعدها افتكر الاجابه .. ؟

بطوطه : مناهجكم زي اللي عندنا و لا تختلف ؟

ايوااااااا .. المنهج الوحيد بس و احنا الدفعه الوحيده .. لأننا اول دفعه بالمدرسه !
اللي بعدنا .. انجلييييييزيتهم تصَح صِح الواحد .. ! مناهج تخرجك تفهم انجليزي .. مو زينا

انا بروح اذاكر الحاسب .. باوربوينت و برمجة فيجوال بيسك !! الله يعين !
بالتوووفيق يارب !

دمتم بود ..

.
.

[بليجرو]

ذكرتني بخويي طعيسان ( إيه على وزن طخيمان ) يوم يروح مكدنالدز و يقول بليز ون شقن سفري و كثر القطشب ههههههههه

لول,حلوة..ذكرتني بسالفة لـ.....,ولااقولك بلاشها..الستر زين..

شادو وبطوطة...3صفحات؟4صفحات؟...حنا5صفحات مع المنهج كامل وبدون حذف اي مقطع..

بالنسبة لاختبارات الامس..

الفقه امس دعست فيه دعسه من زمان مادعست مثلها..من اول سؤال الى اخر سؤال..وإن شاء الله30..

الادب كان سهل تقريباً...المشكلة فقط في الابيات..جايبها من النوع الثقيل..

فيه بيت تخربطت فيه الي هو..:

واسمع الورق تبكيني فاطلبها***كفي النواح بصوت واهن وان..

كتبته صح الى واهن...حاولت اتذكر الكلمة اللي وراها (وان)...ماقدرت..انا متذكر انها تنتهي بالف ونون..لكن وشهي؟..هنا بيت القصيد..

قعدت افحط يمين,يسار,فوق,تحت..جربت ران..خان..يان..مانفع..يوم جا وقت تسليم الاوراق..

حطيت عان...ولاتسألوني ليش اخترت عان....

الاحياء..

اممم..تقريباً كان سهل...المشكلة فقط في ان المنهج طــويــل...وخاصةً فصل البهايم..

اختباااااااارات التوجيهي .. غير !

ايه من قدكم...قلبي يتفطر الماً كلما اتذكر طريق اختباراتكم..وحنا ماغطينها على مدار اسبوعين...,

[بطووووطه]

.
.



( بيلجرو )

شادو وبطوطة...3صفحات؟4صفحات؟...حنا5صفحات مع المنهج كامل وبدون حذف اي مقطع..

لالا الرياضيات 6 صفحات ! و بدون اي حذف ! يصدددددددددع الراس ! أهم شي انه انتهى و خلاص !

بالنسبة لاختبارات الامس..

الفقه امس دعست فيه دعسه من زمان مادعست مثلها..من اول سؤال الى اخر سؤال..وإن شاء الله30..

الادب كان سهل تقريباً...المشكلة فقط في الابيات..جايبها من النوع الثقيل..

فيه بيت تخربطت فيه الي هو..:

واسمع الورق تبكيني فاطلبها***كفي النواح بصوت واهن وان..

كتبته صح الى واهن...حاولت اتذكر الكلمة اللي وراها (وان)...ماقدرت..انا متذكر انها تنتهي بالف ونون..لكن وشهي؟..هنا بيت القصيد..

قعدت افحط يمين,يسار,فوق,تحت..جربت ران..خان..يان..مانفع..يوم جا وقت تسليم الاوراق..

حطيت عان...ولاتسألوني ليش اخترت عان....

على إني بأتخرج من الثانويه .. لكن والله ما أعرف الفرق العميق بين البلاغة و النقد .. !
لأنه عمري مادرستهم.. وفووق هذا و ذاك .. !
ولا مره وحده .. حفظنا ابياات .. ولا مره وحده !

فيه قسم نصوص أتفه من التافه .. تاخذ درجتك وانت مروووق ! قسم يعني جزء من كتاب !
<=== شوفوا لدرجة انه الادب أقول عنه نصوص.. اتذكره ايام المتوسط !

الاحياء..

اممم..تقريباً كان سهل...المشكلة فقط في ان المنهج طــويــل...وخاصةً فصل البهايم..

صحباتي يدرسوه .. نفس التعليق ( سهل و طويل ) و يحتاج حفظ كثير ..

ايه من قدكم...قلبي يتفطر الماً كلما اتذكر طريق اختباراتكم..وحنا ماغطينها على مدار اسبوعين...,

( بيلجرو .. طخيمان .. بايــسُن .. The Shadow .. وكل طلاب التوجيهي لـ عام 1429 هـ )
هههههههههههههههههههههههههههااااااااي .. وش قلت !
تعرف متى تبدأ تبدأ إجازتي .. السبت هذا بعد بكره !


يااااااااااااهوووو ياعاااااااااالم يااااااااااااناااااااااس ..
باقي لي 3 ايام على انتهاء الثانويه !!

اللهم لا حسد ..
اللهم لا حسد ..
اللهم لا حسد ..
أعوذ بكلمات الله التامات من كل شيطان وهامة .. و كل عين لامة .. !

لا تحسدوا مره .. فيه فرق بيننا .. أنا المعدل التراكمي حقي من أولى !
وقبل هذي الاختبارات حاسبه نسبتي و مخلصة .. ! وانا عارفه وش راح أجيب ..
يمكن تكونوا أشطر مني ! و يكون هالاسبوع الزايد عليكم خيره لكم !


السبت عندي اخر اختبار .. اختبار فيزيا .. ؟
وش عليكم انتوا ؟
اللي يبغى بعد ما أنتهي من الثانويه أي شرح و مساعدات اوكي .. !
يالله بالتوفيق لكم كلكم ..
دمتم بود ..


.
.

[طخيمان]

إختبار الأحياء كان سهل و الحمد لله , خاصه إن الأستاذ الله يزوجه ما قصر معنا حدد الرسمات و الأشياء المهمه.
ما خرب الإختبار إلا إنقطاع الكهرباء , جلسنا بدون أنوار و بدون مكيفات و أنا مشكلتي ما أعرف أحل إلا و أنا أناظر المكيف .

السبت فيزياء ما أدري وش أقول عنها ... أنا أعشق الفيزياء بس منهج ثالث الفصل الثاني أشوفه ممل و ما يشبع حب الإطلاع العلمي عندي ( وش أقول أنا ؟ ) ... بس تبقى الفيزياء أصعب إختبار من بعد الرياضيات و التفسير .

ههههههههههههههههههههههه .. تناظر المكيف هذي شي عجيب !
تنصحني اذا نسيت اناظر المكيف يعني و بعدها افتكر الاجابه .. ؟

لا سلمك الله ما فهمتي المقصود .. ناظري المكيف و أنتي تكتبين الإجابه. << صعبه أدري بس القمه ما تتسع للجميع

يالله ألف مبروك التخرج مقدماً و أتمنى منك مراعاة مشاعرنا المرهفه و الحسحاسه و عدم طرح ردود تظهرين فيها التلذذ و السعاده بالعطله إلا بعد إنتهاء الجميع من الإختبارات و لا ترا بصكك عين ما تفوقين منها إلا و أنتي راجعه طالبه بخامس إبتدائي و الشريطه فوشي هههههه .


بليجرو إختباركم الأدب جبار صراحه ... حنا بالطقاق خلينا الأستاذ يحذف الأبيات بصفحة 61/62 و الحمد لله كان الإختبار سهل و خالي من الكلمات الوعره .

طخيمان مر من هنا < إستريح بس

[The Shadow]

ايوا اذكرها ذي الابيات يا بليجرو ، حقت الشاعر عبدالله الفيصل ، بس ياخي ماهي مطلوبة كيف جابها لكم @@
بالنسبة ليوم السبت ، فيزياء ، مو فاهم شي ابد ! المادة اكرهها كرهي لليهود ! الى اللحين ولا فتحت شي ، اصلا شكلي لو ذاكرت باذاكر شي ثاني ( توحيد - حاسب - اي شي ! )

[SkaveN]

الفيزياء = اوه ماي قود
يا الله صعب صعب صعب صعب قوانين كثيرة
موب اوادم هالليحاطينه !!!!
الله يعين بكرة ان شاء الله يكون مراقبينا سبايك .

[طخيمان]

الفيزياء دمار شامل.

حسبي الله على اللي حط الأسئله .. قسسم بالله يوم شفت الورقه قدامي إنغبنت غبنه ما بعدها .. مذاكر كل شي تقريباً و آخرتها الأسئله من بين السطور علاقة طرديه و عكسيه و مسائل تحلها بأكثر من قانونين !

بكره جيلوجيا .. ماده ثقيلة طينة أكبر مثال على حشو المعلومات في مناهجنا ... المتكونات لحالها 15 متكون مع خصائصها غير التعاريف و الرسومات , يالله يبيلها براد شاهي و قعده أربع ساعات و يا أنا يا هي .

~.

على فكره .. إذا أحد يعرف كيفية حساب النسبة الموزونه ( تحصيلي - قدرات - ثانوية عامه ) يا ليت يعلمنا الطريقه.

طخيمان ذهب ليذاكر

[بطووووطه]

.
.


حتى انا الفيزيا اليوم ..

مش ولا بد !
مع انه مني مو من أبلتنا !

طخيمان .. هذا ردي أمس لـ موضوع أسئلة القياس يمكن يفيدك :

( Saku Ra )
لا أبشرك .. غيروه .. تعبك ماراح ببلاش !
50 % ثانوي - 25% قدرات - 25% تحصيلي ..
هذا من كلام موقع جامتنا عزوز .. !

و جربي هنا .. بس لا تخافي من النتايج :
http://www.kau.edu.sa/admission/main...et/mauzoon.htm

انا جربت .. عاد انا حاسبه نسبتي من الحين .. <== ماتحب المفاجآت !
و اتخيل للـ قدرات و التحصيلي !

و انت افتح اللنك .. اتوماتيك راح يحسبوه لك .. !
ولو على الطريقه انا قد سويتها !
بس أتأكد لك من الطريقه وأرجع !


انتوا عارفين .. لما تجي الاجازه .. الواحد يطفش !
بالتوووووووووووووووووووووووووووووووفيق .. ذاكروا تمام ..
لا تحسدوني ورايا قدرات و تحصيلي !
دمتم بود ..


.
.

[بليجرو]

( بيلجرو )

حتى انت يابطوطة *يمسك موضع الطعنة ويطيح على الارض*..

لالا الرياضيات 6 صفحات ! و بدون اي حذف ! يصدددددددددع الراس ! أهم شي انه انتهى و خلاص !

اي مين انجلش ماي سيستر..اي مين انجلش..

يااااااااااااهوووو ياعاااااااااالم يااااااااااااناااااااااس ..
باقي لي 3 ايام على انتهاء الثانويه !!

اللهم لا حسد ..
اللهم لا حسد ..
اللهم لا حسد ..
أعوذ بكلمات الله التامات من كل شيطان وهامة .. و كل عين لامة .. !

يعني تتحدين يابنت هاه؟

لاتخليني انادي السدحان يوم يقول "اهب,شمسهم في بيتهم"..يصككم بعين ياطلاب التوجيهي..يكب فيها عفشكم كب..

وبعدين مين قال اني حسود؟..بالعكس بسم الله علي قلبي ابيض مثل بياض الحمار..

يالله تتهنين بالاجازة.....ماهمتنا<<<نصاب..

ايوا اذكرها ذي الابيات يا بليجرو ، حقت الشاعر عبدالله الفيصل ، بس ياخي ماهي مطلوبة كيف جابها لكم @@

والله مادري..قالوا لي ترى الابيات ذي حفظ....قلت حفظ حفظ...وش ورانا..


---------------------------------

بالنسبة لليوم..

الادارة ذلتنا في الساحة لمدة ثلث ساعة...وكل ذا عشاني تاخرت خمس دقايق..

تبي تبين انها تقدر تضبط الطلاب قدام مشرف الوزارة......خرط يارجال..

جا بعدها المشرف وعطانا محاضرة عن المذاكرة الجيدة قبل الاختبار وشرب الحليب قبل النوم واهمية الاستيقاظ مبكراً..

ويوم خلص..عطانا التهديد الابدي بانه يحرمنا الاختبار اذا تاخرنا المرة الجاية...ثم دخلنا..

اما عن اختبار الفيزياء..

اختبار غير معقول......جداً جداً سهل....طبعاً هذا مو معناه اني باجيب الدرجة الكاملة..

شوية مذاكرة كانت بتخليني اصك الـ30 بالراحة..

فليجزي الله الاستاذ عبده خيراً...

بكرة علم ارض...المادة الوحيدة اللي جبت فيها ثلاثين الفصل الاول..

الله يوفقنا وياكم...,

[الهيلم]

والله جانا إختبار جيولوجيا أصعب من الرياضيات ...

[بليجرو]

يعجبك المدرس اللي يقول ذاكروا الشي الفلاني ثم يجيبلك الشي العلاني....,