اسأل وورط اللي بعدك (خلينا اندردش شوي)

**ديابلوس** · 27-05-2003, 01:21 AM

اكيد القصص باللغة العربية

كم مرة سافرت.؟؟

**Ranma Saotome** · 27-05-2003, 01:27 AM

مممم وااايد لو بتعد..
يعني سفرات الصيف..
وووو ادرس في السعودية وكل اسبوعين او ثلاثة ارجع قطر..
مادري شكثر ?:

وين احلى سفرة سافرتها؟ وليش هذي الاحلى؟

**ديابلوس** · 27-05-2003, 02:01 AM

احلى سفرة سافرتها هي سفرتي لفرنسا

و هي احلى وحدة لأنها الوحيدة حتى الآن

لو كانت حركات ريو في ستريت فايتر حقيقية و كنت تقدر تسويها شو بتسوي؟؟

**Renoa Heartilly** · 27-05-2003, 09:27 AM

ما ادري لاني ما العب ستريت فايتر, بس يمكن هادوكن\كامي هامي ها

حلوه للكسولين

س: لو تقرأ قصص انجليزيه *على fanfiction.net مثلا, اي احسن قصه قريتها للحين؟ بالنسبه لي, كل قصص ashbear*

و للي ما يقرون قصص, تقرون جرايد؟

**Bu Laban** · 27-05-2003, 10:10 AM

"كامي هامي ها" يا رينوا أظن أنها من دراجون بول .. بس مش من ستريت فايتر

..

بالنسبة للقصص أنا أقرأ قصص عالمية بس بالعربية .. و أول محاولة لي لقراءة قصة باللغة الإنجليزية كانت قصة Mr. X

... أما الجرايد فما أحب أقراها كثير .. بس أقرأ بعض الأعمدة اللي أنا أتابعها و أترك الأخبار اللي تضيق الخلق

سؤالي : لو شفت اثنين من أعز ربعك يتخانقون .. و اثنينهم تكن لهم نفس المعزة .. شراح تسوي معهم .. علما بأن السلم ما راح ينفع معهم ؟ << عقد المسألة

**CUTE NURIKO** · 27-05-2003, 10:57 AM

اخخخ...هذا اخس موقف بالنسبه لي ... خصوصا لما يكون دورك تصالحهم...كل وحده تقول ( انا ماغلطت عليها

) ... وتنتظر الثانيه تعتذر ...وانا: ( خلاص ماعليه ماكانت تقصد .. بلا بلا بلا.... :": ) ...وآخر شي اعصب عليهم واتضارب معاهم...و الزمن يتكفل بالباقي

تلاقيهم فجأه تصالحوا ...وانته ماتدري شو السالفه ?:

نفس السؤال

**Bu Laban** · 27-05-2003, 11:11 AM

إعلان على الطاير .. رجعت لونا فروم مون من جديد الى المنتدى

.. نرجوا الترحيب بها ":"

و ما أخرب سؤالي .. نفس السؤال

**Ranma Saotome** · 27-05-2003, 11:17 AM

سؤال حلو..

لو اثنين من ربعوا تخانقوا.. صراحه بشوف من الغلطان وبقول له انت غلطت في ويهه وبشرح له شلون واذا مب راضي بتخانق معاه انا بهالطريقة عادة يحس بغلطه ويتسامح من اللي تخانق معاه..
مرات اقول لهم انجلعوا مالي خص فيكم.. انتوا كل واحد شكبره وتعرفون تتفاهمون مع بعض.. مب يهال كل شوي اراضي بينكم.. عاد بعدين واحد منهم يكبّر عقله وينهي الموضوع..
ومثل ماقالت نوريكو.. في النهاية الزمن يتكفل بالباقي.. in no time الا هم احسن من الشسمه مع الهذا..

نفس السعال

**Rewayah** · 27-05-2003, 11:26 AM

بدخل معاهم في الضرابة وبوقفهم. <== أدري إني ما بقدر إلا على واحد!

خايف أمسكه والثاني يطيح في اللي ماسكنه ضرب... :"

لازم يكون معاية واحد على الأقل عشان يقبض الثاني.

نفس المشكلة... السؤال؟ ;-)

**lord zacx** · 27-05-2003, 08:30 PM

بهدهم يولون (حريجه تاكلهم)

كركركركركركركر

سؤال:
اذا حصلت بوك (محفظه) في الطريج وفيه بيزات وايد شو بتسوي؟

بصراحه:6

**Ranma Saotome** · 28-05-2003, 01:09 AM

مممممم صراحه..

اولا لو شفت بوك (محفظه) على الارض ماراح اخذها.. ليش اوهّق نفسي..

لــــــــكــــن لو كان البوك مفتوح يعني لدرجة ان الفلوس ظاهره بوضوح.. هنيه باخذه بوديه مركز الشرطة ببلغ عليه..

مالي خلق اسأل..

نفس السؤال

**wildkitty** · 28-05-2003, 07:33 AM

:# اجاوب

انا مره كنت رايحه المدرسه لقايت جدام بيتنا طايح بوك اخذته

وديته حق امي

قلت لها في بوك على الارض فتحته عشان تشوف اذا في بطاقه وله شي
لقت بطاقه مدنيه تتوقعون طلع لمن

طلع بوك ابوي

انا السبب انه طاح منه قمت بنص الليل ودوني طبيب الاسنان وطاح منه وهو طالع

تبون سؤال

نفس السؤال

:-) :6

**Sara Sama** · 28-05-2003, 08:07 AM

تبووووون تعرفووووووووون شو بسوي...

"""" أن بعض الضن أثم """"

بشله .. و بجووف لو فيه بطاقه ولا شي...
لو مافيه .. وماشي أمل .. بتبرع بالفلووووس
وبسوي في رااااعيه خير.....

نحن دايما نلقى شنط و أبواااك بنااات في الجامعه ..
ونوديها عند الأداااره وهم يتصرفووون ..

يعني مش شي يديد...

نفس السؤااااال .....

**Bu Laban** · 28-05-2003, 11:41 AM

إذا كان فيها بطاقة شخصية بروح اسلمها

نفس السؤال

**Renoa Heartilly** · 28-05-2003, 11:46 AM

ما اعتقد اني راح اسوي شيء... بعدين يلقون بصماتي عليها و لا يكون انسرق منها شيء يحطونه فيني...

لو كان طفل ضايع كان يمكن افكر اسوي شيء

س: لو كان طفل ضايع شو تسوي؟ *وحده كسوله*

الموضوع: اسأل وورط اللي بعدك (خلينا اندردش شوي)

أدوات الموضوع

!!

ضوابط المشاركة