قصص طرزون

**orange road** · 29-01-2002, 10:53 PM

واو..
من زمااااان ما نزلت شي في هالموضوع.. تعبت وانا ادور عليه

اوكي..
مؤخرا شرينا لعبة سايلنت هيل 2 ، وانتوا اكيد تعرفون شقد اللعبة تخرع..

وهذي حال طرزون وهي تلعب اللعبة..

**Ranma Saotome** · 29-01-2002, 11:22 PM

ههههههههه
أخيرا رسمه جديده في الموضوع
هاهاهاهاهاا أقدر أتخيل منظركم شلون... يضحك
أراهن أن انتي خايفه أكثر منها أصلا... لا تقصين علينا

**orange road** · 31-01-2002, 12:00 AM

والله يا رانما ترى ثنتينا خايفين من هاللعبة..
وصلنا حق المستشفى واعصابنا انهارت خلاص

**Ranma Saotome** · 31-01-2002, 12:18 AM

لا تذكريني
والله صادني موقف خلاني أتخرع والله نقزت من الكرسي والجهاز طاح على السوني بغى ينكسر
حتى صرت لما يطلبون منا أن نكتب موضوع إنشاء أقنع الناس فيه عن شي معين أقعد أكتب عن العاب الرعب والمفروض اليهال مايلعبون بها وطبعا أستعين بخبراتي والمواقف اللي صادتني

**orange road** · 02-02-2002, 04:54 AM

اهئ اهئ اهئ..

طلعنا من المستشفى الحين .. طرزون غصبتني العب آخر جزء من المستشفى.. اعصابي خلاص ما عادت تستحمل..

اذا في حد هني لعب اللعبة يقول لي بليزز... هل صج والا لا ان فيها بعد عالم موازي؟؟

لاني في المستشفى اعتقد ان البطل انتقل للعالم الموازي.. بس رفيجتي تقول ان ما فيها عالم موازي..

خلاص.. اذا اختفيت من المنتدى لمدة ثلاث ايام متصلة عرفوا اني دخلت مستشفى الميانين من هاللعبة..

**fatoom** · 02-02-2002, 08:47 PM

خلاص عيل بأستعين فيج ...لين أخوي يلعبها ...
أنا بس مشاهده ما راح أمسك الجهاز...لو شنو ...
بس ألعب فاينل فانتسي ...

انا رجعت ...انا رجعت....يوبييييييييييييييييييييي

**fatoom** · 02-02-2002, 08:52 PM

خلاص عيل بأستعين فيج ...لين أخوي يلعبها ...
أنا بس مشاهده ما راح أمسك الجهاز...لو شنو ...
بس ألعب فاينل فانتسي ...

انا رجعت ...انا رجعت....يوبييييييييييييييييييييي

**orange road** · 03-02-2002, 07:06 PM

اوكي..

هاي ايدد قصة رسمتها على طرزون..

الحين نلعب silent hill 2.. وهذي بعض اللي يصير لنا...

المشكلة ان عقدتي المستشفى.. وما اقدر اتخلص من هالعقدة...

**orange road** · 03-02-2002, 07:11 PM

**حسين-911** · 03-02-2002, 07:18 PM

كااااااااك

طرزوووووون المسيطره دائما وبكلمه حرب بارده كنت اتغشمر فيها ترى

**fatoom** · 03-02-2002, 08:14 PM

ايوا يا طرزون تعجبيني هههههههههههههه

**shaheen** · 03-02-2002, 08:31 PM

بصراحة اللعبة تخوف.... انا شريتهه أمس وتوني في السكة بس بصراحة خوفوني اللي يحبون كم مره.. لكني ما استعمل الحل الكامل احب العبها عمياني عشان اخاف اكثر

وفي نص الليل

**shaheen** · 03-02-2002, 08:38 PM

مسكينة خلود.. ماتت من الخوف.. ههههههه حالتهه حالة
الله يعيني انا اللي بالعبها

رسمات عجيبة يا خلود.. لا تنسين ترسمين نفسج مع الوحوش اللي في اللعبة ولاتسوينهم كيوت!

بس ليش طرزون ماتخاف؟؟؟ غير الناس!! اويمكن من الحل الكامل..
ههههه ماشاء الله عليكم كأنكم تسوقون سيارة سباق رالي.. واحد يسوق وواحد يشوف الخارطة !!:واو:

**orange road** · 04-02-2002, 12:21 PM

عاد جفتوا شلون..

ترى طرزون بعد تخاف معاي.. لكن حبيت ارسمها معصبة في القصة..

لانها صج ارغمتني اني العب.. ومع ان احنا ماخذين اول مستوى لكن اعصابنا منهارة على الاخير.. شلون لو كنا ماخذين المستوى العادي؟؟؟ اكيد كنا بنروح على العصفورية طوالي...

شاهين.. لا تطفي الليتات ولا تلعب في الليل.. والا خلاص.. مراسلاتك كلها بتكون من مستشفى الميانين.. واحنا بهالحل الكامل بعد متصرقعين.. ترى الحل ما فيه كل شي.. هو بس يدليك الطريج.. والباقي عليك.. والله والحل.. بس احسن من لا شي.. انا الجزء الاول لعبته بالحل الكامل المفصل وخلاص.. للحين اتحلم فيه..

بس تعرفون .. في رايي ان قصة الجزء الاول اخرع من الجزء الثاني.. بس الجزء الثاني الجرافيك فيه على مستوى.. يعني لو عادوا الجزء الاول بجرافيك محسن.. والله بتطلع اكثر الالعاب ارعابا في التاريخ.. :واو:

بس للحين.. سالفتنا مع سالينت هيل ما خلصت.. اختي مريم انضمت لنا في اللعب.. وفي البداية كانت تقول لنا ان اللعبة ما تخوف.. ولما بدت تلعب تخرعت.. والحين تبيني انا ارجع العب.. no way dude.. ما استخفيت.. اهي اللي باخليها تكمل.. وانشاءالله بارسم قصه عليها.. وبارويها

**fatoom** · 04-02-2002, 02:45 PM

حرام عليج خلودوه لا تخلينها تلعب ....
أنت ناويه على مريوم.....

الموضوع: قصص طرزون

أدوات الموضوع

ضوابط المشاركة