قهوة WoW .. :P

[Derover]

اممم أتوقع آخر يوم لأن تاريخ الموضوع 21 وباجر 28

بس أعتقد الموضوع كان مغلق جم يوم صح؟

مادري بس اذا على كلامك انه يتهرب من الأسئلة اكيد بيستغل هالفرصة ويقول مالي شغل مرت 7 ايام على الموضوع خلاص انتهى وقتي

فأنت اخذ احتياطك واقعد اليوم كله فكر بأسئلة صعبة تثير الفتنة او تحرشه على اعضاء المهم تسبب مشكلة ههههه

قوله مثلاً اذا اختلفت بالراي مع Fluta على قرار بالقسم .. هل رايك انت الي يمشي ولا راي Fluta ؟

عرفت طريقة الأسئلة هذي .. اسأل مثلها

عشان اذا قال رايي نجي لـ Fluta نقوله تسمع شقول Yoshi؟ يقول يمشي رايه فوق رايك وتصير هوشة

يالله فكر وتوكل على الله

[Karazhan]

وليش ما تقوله انت هالاسأله

تبيهم يحكوني توقيف بعد وسامين و 5 نقاط تقييم مخليني رائع جدا

انت جاسوس

100% انت احد دازك علي عشان تحرضني على النميمه بأسأله تخليهم يصكوني توقيف وتستلم الجو او اللي دازينك يصفالهم الجو هني

جاسوس يا شباب , اضيفوه بالقائمه بعد فوق تفكير البشر وقبل لوعه الفرقا

انا نسيت الترتيب لكن بعد اللي بعد يوشي اوكي

[Derover]

افاا خونت بسرعة فيني طلع مالك صاحب

هذا انت ما راح اتغير تقعد تشك بالكل عبالك كل الي حولك جواسيس

يجيلك يوم وتلقى نفسك بروحك لا صديق ولا رفيق

خلني أضبط العلاقة مع يوشي وربعه أحسن

يا خاين

[Derover]

خل لستتك لك نقعها إلين تخيس واشرب مايها وقولي شلون طعمه

ما بقى أحد معاك صرت وحيد صرت أشبه بمن قطع من غصن شجرة



التصويت الجاي على Karazhan

[Karazhan]

تصير رفيج يوشي ؟ توك قبل 5 دقايق تبي تحرض ضده وانا الضحيه الحين قلبت علي وتبي تصير رفيجه

التصويت الجاي على فوق تفكير البشر , لاتخليني اقلب السالفه واخلي التصويت عليك , افتك

انا معاي الملايين وراح ازحف على القسم بالملايين لتطهير القسم من الجواسيس موضوع موضوع مشاركه مشاركه عضو عضو

الى ان يتطهر القسم من الجواسيس اللي يحرضون ضد الملك

انت ماعرفتني الظاهر , اقدملك نفسي

كارازان الملك ولد بطنها اللي عروقي بالماي

فتى الجبل اسد ازيروث , حامي الديار مبير الاشرار

اشاره مني واخليك تقعد عالكرسي , ولكن بكسر الشر وبمشي على القائمه اللي حطيتها للتلاميذ والمعجبين

وهذا الميدان يا حميدان , انطر التصويت وشوف الناس شلون كلهم يقولون فوق تفكير البشر القادم عالكرسي

افتك من شري لاتخليني اسوي ريبلس واحطك مكانه

[Derover]

يصير خير يوم التصويت

وبنشوف ههههه

قال جاسوس قال .. قال ملايين قال

[Karazhan]

بديت تخوفني

انت يعني واثق من نفسك 100% ؟

يامعود اذا جذي خلاص نصير ربع واصدقاء مقربين يعني , وانا هاهاهاها انا كنت اتغشمر معاك ترى , شكلك صدقت هاهاهاها قاعد اضحك معاك مو كل شي تصدقه

ماعليك مني ومن خرابيطي هاهاهاها ان شاء الله فوق تفكير البشر نخلص منه ونتفق انا معاك على ضحيه جديده هاهاهاها

انا من اول ماشفتك حبيتك بصراحه و زاد حبي اكثر واكثر لما شفت انك كويتي

ارفع راسك انت كويتي طرحك جميل صوتك وصل

هاهاهاها وانا اقول ليش حبيتك اول ما شفتك هاهاهاها

طلعت كويتي هاهاهاها

مو تاخذ المسأله جد ترى قاعد اتغشمر معاك من الصبح , انا بروح انام تبي شي توصي بشي بابعد شبدي ؟ تبي امر شارع المطاعم اشتريلك ريوق ؟ حاضر ماعندي شغل

انت تامر واحنا نطامر يا الغالي كم ديراوفر عندي بس

يلا شكلك شبعان , خلاص انا بنام الحين , ولا تنسى يالعشير "فوق تفكير البشر" التالي

[Derover]

ههههههههههههههههههههههههههههههههههه

والله انا الي خفت منك قلت لا يكون يسويها صج ويجي دوري

ويالله تصبح على خير وأحلام سعيدة

[usoppu]

^^^^

خليك معانا أحسلك هو بيجلس بالكرسي بأذن الله بيجلس

ترا نص المنتدى يبغونه

وانا عني نفسي اعرف سالفة الشنب قصته كامله

لذالك بأذن الله بيجلس على الكرسي

[Derover]

اممم يعني اصير معاكم أحسن؟

شوف خل ننطر يوم التصويت وبعدين اقرر اصير مع منو

ترا هذا ينخاف منه معاه جيوش وأتباع بالملايين

توه قالي كلام خلاني حتى ماا أقدر أبلع ريقي من الخوف

قمت اسوي نفسي واثق والحمدلله عدت على خير

الحين انا طرف محايد إلين ما الله يفرجها

أشوة بس ما عندي احتكاك مع أغلب الأعضاء يعني الحمدلله تقريباً نصهم ما يعرفوني ولا يدرون في عضو اسمه ديروفر

يعني انا شبه مطمن

باقي بس أضبط علاقتي مع يوشي أحسه ناويلي وبعدين خلاص أضمن استقراري

[Cry Me A River]

صباح البررررررد


:
:


كيفكم جميعاً

اشوف الناس قامت تشرد من المواضيع والقسم كامل الظاهر قرب يوشي يقوم من الكرسي وجا الدور على واحد ثاني

(:

بس الكل شارد من الكرسي ههههههههههههه


وش العلوم ؟؟

0

[Karazhan]

اممم يعني اصير معاكم أحسن؟

شوف خل ننطر يوم التصويت وبعدين اقرر اصير مع منو

ترا هذا ينخاف منه معاه جيوش وأتباع بالملايين

توه قالي كلام خلاني حتى ماا أقدر أبلع ريقي من الخوف

قمت اسوي نفسي واثق والحمدلله عدت على خير

الحين انا طرف محايد إلين ما الله يفرجها

أشوة بس ما عندي احتكاك مع أغلب الأعضاء يعني الحمدلله تقريباً نصهم ما يعرفوني ولا يدرون في عضو اسمه ديروفر

يعني انا شبه مطمن

باقي بس أضبط علاقتي مع يوشي أحسه ناويلي وبعدين خلاص أضمن استقراري

راح تشوف الجيوش الحين على الضحيه وتعرف ان انا معي الملايين

خلك معاي احسن , واثبت ولائك و عط صوتك اللي انا معطيه وتصير بالسليم

يلا ورني تصويتك

[Karazhan]

ياجماعه ترى مو شرط انا تعطوني صوت , يعني لاتفكرون انا اللي نازل انتخابات وابي اصواتكم عشان انجح


تقدرون تعطون صوتكم اي شخص بالقسم مو شرط انا يعني

شفيكم الله يهداكم ولا صوت معاي حق فوق تفكير البشر

وين الملايين ابي واحد بس معاي

[Karazhan]

يااخوان اهو مو تصويت عشان اللي يحصل على الاصوات يصير مراقب

التصويت عشان يقعد عالكرسي وانا ك ملك مااقعد على كرسي الاعتراف هذا

يعني مو لما تقول صوتي لكرزان او ولد بطنها معناها انك قاعد تفيدني او بالنهايه راح امسك منصب , انا مابي اصواتكم , اصواتكم شوفوا انا منو معطي صوتي و انتوا عطوه اصواتكم فهمتوا

فوق تفكير البشر <------------ هذا عطوه اصواتكم الله يهداكم بس

كراي عطه صوتك يامعود شناطر , دوديت عطيه صوتج , كاجور , روج , والشباب كلكم عطوه اصواتكم مو انا تعطوني وورشيف لوعه الفرقا فلوتا تذكر يوم اسهر معاك كل يوم لغايه ماصرت مشرف ودقيت علي الثقل

عطوا فوق تفكير البشر اصواتكم مو انا , هذا تصويت عشان منو يقعد عالكرسي مو تصويت ترشيح مراقب

[Karazhan]

افا يافلوتا

كراي وينك رد علي عطه صوتك