►||◄ اخبار PES2010 - WE2010 أول بأول ►||◄

[dely10]

انا بمسك نفسي وماني شاريها وماراح اطب الرحاب اول يوم
صدقوني سيناريو السنة اللي طافت بتكرر ابتنزل ب35دك للموحاجز و25دك للحاجز مثل ماقالو الشباب
بعد يومين اغلب المحلات بنزلون الشريط
وجيم استيشن ابيكسر السوق وببيعها ب15دك
بهالحركة راح يربح بالحالتين
1-اول محل ببيع اللعبه
2-وثاني يوم بنزل السعر علشان يسحب الناس عن باقي المحلات
والهدف(التخريب على باقي المحلات واي محل مايتعامل معاه راح يخسر)

[كازنوفا]

ياهلا فيك اخي كازنوفا



ما اعتقد انه نزل
واتوقع ينزل في تاريخ 15 الى 20 في دول الخليج
وان شاءالله ينزل بالاسواق في اسرع وقت لانه ملينا الانتظار

متحمسين للعبه ^_^

يعطيك العافيه

من جد والله ..

بـأنتظأرها ..

[كازنوفا]

يا عيال يقولون اول ماتنزل عندنا بالسعوديه ,


يقولون يبي يصير السعر مابين 300 الى 250


كثير كثير بس لعيون كونامي نشتري هههههههههههههه

[mohd1000]

ياجماعه تدرون باروبا نزلت انا اعرف واحد بالنرويج قالي 1-10 تنزل وقتها كانو حاطين اعلانات عنها

وكلمته اليوم قالي نازله وقلت له يطرشلي وحده وعطيته رقم الصندوق عشان يطرشها اذا شراها راح يرد علي

وبالكثير خامس يوم او رابع يوم هي عندي يعني بالكثير قبل 10 -10 هي عندي ان شاءالله وقتها بس توصل اذا طرشها لي بصور اللعبه واحطها لكم هني....

[dely10]

ياجماعه الاشاعات اكثرت وايد معروفه قبل نزول اللعبه الاشاعات تكثر يمين ويسار انا ما اكذب احد
بس هذا اللي حاصل الحين اللي عنده اللعبه يصورها ويحط الصوره

تعليق:اعتقد اللعبه الاسبوع الجاي راح تكون موجوده على الكلام الموجود

[mohd1000]

ابشر انا ماقلت عندي الحين واجذب عليك ابشر بس توصليني خلال خمس ايام بصورها من عيوني الاثنتين

اذا قلت لك هي عندي الحين انا اجذب عليك بس توصل بصورها لكم خلاص خمس ايام ان شاءالله

[dely10]

محشوم يالحبيب لا تلومنا لان الاشاعات ذبحتنا
انا ما اجذبك والله بس المصدر مالك يقولك بعد خمس ايام واذا يه الوقت يقول بعد يوم ويماطل
والسموحه
بس الوضع جذي صاير وسمعنا وايد كلام
واغلب المواقع حتى الاجنبيه مافي خبر انه نزلت

[mohd1000]

اقولك اللعبه نازله باوربا بالضبط بالنرويج على كلام واحد رجال عود كبيرمو صغير عايش هناك

وراح حق محلات عوده كبيره مو مثل المحلات اللي هني وبكلمه باجر وبشوف شرى اللعبه والا لا

راح يبين كل شيء بس من كلامه اكيد الرجال اعرفه ومو مال هالسوالف المهم راح يبين كل شيء

[dely10]

^^^
ننطر ابشارتك

[fencing]

اتوقع صاحبك بالنرويج مضيع وشاري فيفا عباله pes

[eob717]

شباب متاكدين ان رسميا بتنزل 23 من هالشهر ؟
اللي أعرفه في أول نوفمبر 5 تحديداً ..

[صقـــر Q8]

السلام عليكم
شلونكم شباب حدي ولهان عليكم أكيد فقدتوني
أول شيء حاب اعتذر للجميع وعلنا عمابدر مني
وحبيت أسلم عليكم وأشكركم على جهدكم الكبير في الموضوع
وأوجه شكر خاص للبوس سنايبر الكبير
وراح أكون متابع معاكم بالموضوع ... وننطر اللعبه باحر من الجمر

[dely10]

^^^
اي نعم متأكدين

[joker_zambrotta]

والله شباب بصراحه نصيحه .. كلكم تتكلمون عن السعر وعن موعد الاصدار ,,

اعتقد خلال 10 ايام بتكون موجوده .. واعتقد انه يشتري اللعبه بالسعر اللي قاله جيم ستيشن 35 دينار او حتى 25 فاهوه خيالي .. اصبرلك يومين ووفر 10 ( اعزم فيهم ربعك على مشويات احسن ) :P

[dely10]

شلونكم شباب حدي ولهان عليكم أكيد فقدتوني

بخير الله يسلمك انت شلونك؟؟؟ فقدناك صج وفقدنه نجرتك هههههه
لاتقاطعنا لانك صج عضو ممتاز بالمنتدى

اعتقد خلال 10 ايام بتكون موجوده .. واعتقد انه يشتري اللعبه بالسعر اللي قاله جيم ستيشن 35 دينار او حتى 25 فاهوه خيالي .. اصبرلك يومين ووفر 10 ( اعزم فيهم ربعك على مشويات احسن ) :P

لازم ننصح ربعنا ونوعيهم على نصب المحلات وانا واحد بنطر وبوفر ال10دك
وبعزم فيهم الربع على تب كنتاكي looooool