1- واي بروتين من التميت نترشن ... اول مكمل لي اخذته بطعم الفراوله لاعت جبدي منه بس علشان بفلوس تحملته لول
استفدت منه كثير لاني جديد على اللعبه .. يعني ساعد بشكل كبير .. كنت اخذ قبل التمرين بساعه سكوب .. وبعده سكوب الى سكوبين مع ..
الحليب
2- امينو 1000 فيول من توين لاب ... خفيف وحلو وحبته صغيره
مدري استفدت ولا لأ .. التركيز قليل جدا .. كنت اخذ 6 قبل التمرين و6 بعده
3- نانو اكس 9 .. اول منتج باور .. حسيت بقوه في التمرين .. زادت اوزاني بشكل ملحووظ وكان يخليني اعرق بشكل كبير
لكن طلعلي حبوب بجسمي وتجيني حكه بكل جسمي .. كنت اخذ 3 قبل التمرين .. واخر ايامي زدتها إلى 4
4- واي بروتين قولد ستاندرد 100% ... جربت علبه وحده بطعم الكاكاو .. ممتاز وماعليه كلام هالبروتين استخدمت العلبه ثلاث مرات
باليوم .. اول ما اصحى مع حليب خالي الدسم ... بعد التمرين مع الماي .. وقبل النوم مع الحليب
واخذتلي علبه ثانيه بالفانيلا وباقي منها ثلثين .. وللحين افضل نكهه الفانيلا
5- امينو الدب الروسي 10000 .. مادري إذا استفدت منه ولا لأ .. عادي .. حبته كبيره تعلق في البلعوم
كسرت الحبه مره .. وبلعتها بغيت اموت لول . .الأطراف صارت حاده وقطعت بلعومي XD
6- النايتركس ... اول اسبوعين حسيت بقوه في التمرين وضخ الدم .. من بعد مارميت الكيس الصغير اللي داخل والحبوب صارت مثل البودر
لما امسكها .. المهم اخر الأيام ماا احس فيه كلش كأني مو ماخذ شي .. الكابتن في النادي نصحني فيه وقالي خذه 4 قبل التمرين 2 بعده
لكن منتج ماراح افكر اخذه مره ثانيه ابد .. غالي على الطل
----
الكورس القادم بإذن الله :
whey protein gold standard 100% - لبعد التمرين
syntha-6 - اول ما اصحى مع الحليب
Creating micro 600g - راح يبقى فتره طويله لول
BCAA 10000 -- متردد للحين اخذه ولا لأ ؟
وبس^_^